28/08/2026
پریس ریلیز
فارسٹ ڈویژن سکھر
تاریخ: 28 اگست 2026ء
محکمہ جنگلات کی ملکیت پر قبضے کے بے بنیاد الزامات کے حوالے سے وضاحت.
سکھر: دفتر ڈویژنل فارسٹ آفیسر (ڈی ایف او) سکھر ڈویژن فیس بک پیج 'آئی لو سندھ' (I LOVE SINDH) پر وائرل ہونے والی خبر کی سختی سے تردید کرتا ہے۔ خبر میں ڈی ایف او سکھر کے دفتر پر قبضے کا دعویٰ بالکل جھوٹا، بے بنیاد اور گمراہ کن ہے۔
• ڈی ایف او سکھر کے دفتر کی عمارت پر کوئی قبضہ نہیں ہوا ہے۔ تاہم، میونسپل کمشنر سکھر کی الاٹمنٹ کا بہانہ بنا کر ایک بااثر شخص نے دفتر کی طرف جانے والے عوامی راستے پر ناجائز قبضہ کرنے کی کوشش کی ہے۔ محکمہ جنگلات نے اس اقدام کے خلاف سندھ ہائی کورٹ سکھر بینچ میں آئینی درخواست نمبر 487/2026 دائر کر رکھی ہے، جو زیرِ سماعت ہے، اور مذکورہ جگہ پر فی الحال کوئی تعمیرات موجود نہیں ہیں۔
• چیک پوسٹ پلاٹ کی صورتحال:
محکمہ جنگلات کے 37.7 مربع گز کے پلاٹ سے متعلق یہ وضاحت کی جاتی ہے کہ یہ زمین بالکل خالی ہے اور اس کا قبضہ محکمہ جنگلات کے پاس ہے۔ اگرچہ ایک بلڈر عبدالقیوم قریشی نے اس پر قبضہ کرنے کی کوشش کی تھی، لیکن محکمہ جنگلات نے سندھ ہائی کورٹ سکھر بینچ سے حکمِ امتناعی (سٹے آرڈر) حاصل کر لیا ہے، جس سے کسی بھی غیر قانونی قبضے کو روک دیا گیا ہے۔
عوام الناس سے گزارش ہے کہ سوشل میڈیا پر اس قسم کی من گھڑت اور فیک نیوز شیئر کرنے سے گریز کریں۔
ڈویژنل فارسٹ آفیسر سکھر، جناب ضیاء اللہ لغاری نے فیس بک پیج 'آئی لو سندھ' کی تحقیقات کے لیے سائبر کرائم ونگ (ایف آئی اے) سکھر سے رجوع کر لیا ہے تاکہ محکمہ جنگلات کو بدنام کرنے میں ملوث افراد کے خلاف قانون کے مطابق کارروائی کی جا سکے۔
