HAZIR Danish

29/09/2026

سکھر(۔ )محنت کش اسٹاف یونین سی بی اے سکھر میونسپل کارپوریشن نے تنخواہ ،پنشن کی عدم ادائیگی سمیت دیگر مطالبات تسلیم نا ہونے پر مرحلہ وار احتجاج کا اعلان کردیا پہلے مرحلے میں بلدیہ سکھر دفتر میں احتجاج ،دوسرے مرحلے میں کام چھوڑ احتجاج،تیسرے مرحلے میں وزیر بلدیات کی رہائش گاہ کے سامنے اور چوتھے مرحلے میں آل پاکستان لوکل گورنمنٹ ورکرز فیڈریشن سندھ کے زیر اہتمام احتجاج کا دائرہ سندھ بھر میں جاری رکھا جائیگا یہ اعلان گزشتہ روز محنت کش اسٹاف یونین سی بی اے سکھر میونسپل کارپوریشن کے جنرل سیکریٹری علی مردان شیخ نے دیگر رہنمائوں سنئیر نائب صدر دانش قریشی،رابطہ سیکریٹری شاہد حسین جتوئی,اشفاق انصاری،احمد رضا انصاری،رمیش لعل و دیگر کے ہمراہ یونین دفتر میں مشترکہ پریس کانفرنس کے دوران کیا مزکورہ رہنماؤں کا مزید کہنا تھا کہ گزشتہ تین ماہ سے حاضر ملازمین کو تنخواہ اور ریٹائرڈ ملازمین کو پنشن ادا نہیں کی گئی ہے جس کی وجہ ملازمین شدید مشکلات کا شکار ہیں ،انتہائی افسوس کیساتھ کہنا پڑتا ہے کہ سکھر میونسپل کارپوریشن کو ملنے والے او زیڈ ٹی کے 22کروڑ نوے لاکھ روپے سے اگر تنخواہ نو کروڑ سے زائد رقم،پنشن کی مد میں پانچ کروڑ نکالنے کے بعد آٹھ کروڑ نوے لاکھ روپے بچتے ہیں اور بلدیہ کی ماہانہ آمدنی ایک کروڑ روپے سے زائد ہے جس کے مطابق ٹوٹل بچت نو کروڑ نوے لاکھ روپے سے زائد رقم بنتی ہے اسکے باوجود ملازمین کو تنخواہ اور پنشن میں ادائیگی سمجھ سے بالا تر ہے یونین کی جانب سے متعدد بار متعلقہ ادارے کے افسران سے رابطہ کیا گیا لیکن کوئی مناسب جواب نہیں مل سکا ہے ،ملازمین پہلے ہی تنخواہ،پنشن،بقایا جاتا بلز،یونیفارم،میڈیکل الاؤنس سمیت دیگر مراعات نا ملنے کی وجہ سے پریشانی میں مبتلا اپنی ڈیوٹی سر انجام دے رہے ہیں لیکن افسوس مئیر سکھر ،میونسپل کمشنر سمیت دیگر افسران ملازمین کے مسائل حل کرنے میں سنجیدہ نظر نہیں آتے ہیں جس کی وجہ سے ملازمین کے مسائل کم ہونے کے بجائے بڑھتے جارہے ہیں ،رہنماؤں نے الزام عاید کیا کہ میونسپل کارپوریشن کی تینوں ٹاؤنز کے ملازمین کو تنخواہ،پنشن و دیگر مراعات مل چکی ہے لیکن انتہائی دکھ کیساتھ سکھر میونسپل کارپوریشن کے ملازمین کیساتھ جان بوجھ کر سوتیلی ماں جیسا سلوک اختیار کیا جارہا ہے جو کسی صورت برداشت نہیں کرینگے اور اپنے حقوق کیلئے ہر فورم پر آواز بلند کرینگے مزکورہ رہنماؤں نے پی پی چیئرمین بلاول بھٹو زرداری،وزیر اعلی سندھ سید مراد علی شاہ،صوبائی وزیر بلدیات ،سیکریٹری بلدیات ،مئیر سکھر ،کمشنر سکھر ،ڈپٹی کمشنر سکھر، میونسپل کارپوریشن سکھر و دیگر بالا حکام سے پرزور مطالبہ کیا ہے سکھر میونسپل کارپوریشن کے ملازمین کی تنخواہ ،ریٹائرڈ ملازمین کی �

08/08/2026

بسم اللّٰہِ الرَّحمٰنِ الرَّحِیم
ﺍﻟﺴَّـــــــﻼَﻡُ ﻋَﻠَﻴــْــﻜُﻢ
صبح بخیر.

زندگی میں ہر انسان کو کبھی نہ کبھی مشکلات، تنہائی اور ناکامی کا سامنا کرنا پڑتا ہے، مگر یہی لمحات انسان کو مضبوط بناتے ہیں۔ وقت کبھی ایک جیسا نہیں رہتا؛ آج کا غم کل کی خوشی میں بدل سکتا ہے۔ اس لیے حالات جیسے بھی ہوں، امید کا دامن کبھی نہ چھوڑیں۔

انسان کی اصل خوبصورتی اس کے الفاظ، دولت یا ظاہری شکل میں نہیں، بلکہ اس کے کردار، صبر، محبت اور دوسروں کے ساتھ کیے گئے اچھے سلوک میں ہوتی ہے۔ جو شخص دوسروں کے دل میں محبت اور عزت چھوڑ جاتا ہے، وہ حقیقت میں کبھی نہیں مرتا۔

زندگی مختصر ہے، اس لیے محبت بانٹیں، معاف کریں، مسکرائیں اور ہر لمحے کو قدر کی نگاہ سے دیکھیں۔

18/07/2026

سکھر( )آل پاکستان لوکل گورنمنٹ فیڈریشن کے مرکزی رہنما و محنت کش اسٹاف یونین سکھر میونسپل کارپوریشن کے جنرل سیکریٹری علی مردان شیخ نے بلدیہ اعلی سکھر کے مئیرارسلان اسلام شیخ سے پرزور اپیل کرتے ہوئے ملازمین کو درپیش مشکلات سے نجات دلانے کیلئے اپنا بھرپور کردار ادا کر نے کا مطالبہ کیا ہے یہ مطالبہ انہون نے گزشتہ روز یونین دفتر میں مزدور رہنماؤں دانش قریشی ،شاہد جتوئی و دیگر کے ہمراہ مشترکہ پریس کانفرنس کے دوران کیا انہون نے کہا کہ بلدیہ اعلی سکھر کا پہیہ چلانے والے ملازمین اپنے ہی ادارے کی مجرمانہ غفلت اور لاپروائی کی وجہ سے مشکلات سے دوچار ہے انتہائی افسوس کیساتھ کہنا پڑتا ہے کہ دو سالوں سے ملازمین کا میڈیکل الاونس بند ہے اور وہ علاج و معالجہ کیلئے پریشان ہیں افسران کو میڈیکل الاؤنس دئیے جارہے ہیں اور چھوٹے ملازمین کو ٹال مٹول سے کام لیا جاتا ہے ہمارا اول مطالبہ یہ ہے کہ فوری طور پر ملازمین کو علاج کیلئے سکھر کا اچھا اسپتال پینل پر دیا جائے پریس کانفرنس کندہ نے مزید کہا کہ اس وقت ڈھائی سو سے زائد ملازمین اپنے جائز حقوق جن میں میڈیکل الاؤنس،کفن دفن الاؤنس ، پروموشن، یونیفارم،تیل و صابن سمیت دیگر جائز کام حل نا ہونے کی وجہ سے تکلیفوں میں اپنی ڈیوٹیاں سر انجام دے رہے ہیں انہوں نے کہا کہ دیگر سرکاری و نجی تقریبات کیلئے لاکھوں و کروڑوں روپے کے فنڈز خرچ کئے جارہے ہیں لیکن ملازمین کو انکے جائز حقوق دینے میں کوتاہی برتی جارہی ہے جو کسی صورت برداشت نہیں۔ کرینگے پریس کانفرنس کندہ مزدور رہنماؤں نے بالا حکام سمیت بلخصوص چیئرمین پی پی بلاول بھٹو زرداری سے مطالبہ کیا کہ ہم ملازمین سپورٹرز ہیں اور انکے ساتھ ناجائزیاں سمجھ سے بالا تر ہیں ملازمین کیساتھ ہونی والی زیادتی کا فی الفور نوٹس لیکر ملازمین میں پائی جانیوالی بے چینی دور کی جائے بصورت دیگر احتجاج کا دائرہ اختیار کرنے پر مجبور ہوجایینگے۔

06/07/2026

سکھر ریلوے اسٹیشن کے ریزرویشن آفس میں بنیادی سہولیات کا فقدان، شہری شدید پریشان

سکھر: شدید گرمی کے باوجود سکھر ریلوے اسٹیشن کے ریزرویشن آفس میں بنیادی سہولیات نہ ہونے کے باعث شہریوں کو سخت مشکلات کا سامنا ہے۔ شہریوں کا کہنا ہے کہ ریزرویشن آفس میں نصب ایئر کنڈیشنرز عرصہ دراز سے غیر فعال ہیں، جبکہ پینے کے لیے ٹھنڈے پانی کا بھی کوئی مناسب انتظام موجود نہیں۔

شہریوں کے مطابق بکنگ کروانے کے لیے آنے والے افراد شدید حبس اور گرمی میں طویل انتظار کرنے پر مجبور ہیں، جس کے باعث بزرگ، خواتین اور بچوں کو خاص طور پر مشکلات کا سامنا کرنا پڑتا ہے۔ ان کا کہنا ہے کہ اندر کا ماحول اس قدر گرم ہوتا ہے کہ بعض لوگ بکنگ کروائے بغیر ہی واپس چلے جاتے ہیں۔

شہریوں نے مزید بتایا کہ آفس میں دیواروں پر لگے پنکھے موجود ہیں، لیکن ان کی کارکردگی بھی مؤثر نہیں، جبکہ چھت والے پنکھے نصب کیے جائیں تو تمام انتظار گاہ میں بہتر انداز میں ہوا پہنچ سکتی ہے۔

شہریوں نے ریلوے حکام سے مطالبہ کیا ہے کہ ریزرویشن آفس کے غیر فعال اے سی فوری طور پر فعال کیے جائیں، پینے کے لیے ٹھنڈے اور صاف پانی کا انتظام کیا جائے، اور گرمی کے موسم میں مسافروں کو بنیادی سہولیات فراہم کرنے کے لیے ہنگامی اقدامات کیے جائیں۔ ان کا کہنا ہے کہ ایک طرف ریلوے کرایوں میں مسلسل اضافہ کیا جا رہا ہے، تو دوسری جانب مسافروں کو بنیادی سہولیات سے بھی محروم رکھا جا رہا ہے، جس پر فوری توجہ دینا ناگزیر ہے۔


#سکھر

19/06/2026