District Sports Office Swabi

07/10/2026

صوبائی حکومت خیبرپختونخوا کے وژن کے مطابق، ڈائریکٹر جنرل سپورٹس خیبرپختونخوا جناب اشفاق خان اور ڈپٹی کمشنر صوابی جناب طارق اللہ کی خصوصی ہدایات پر ڈسٹرکٹ سپورٹس آفیسر صوابی فہیم حیات کی زیرِ نگرانی صوابی سپورٹس کمپلیکس بام خیل اور مختلف سپورٹس گراؤنڈز میں صفائی ستھرائی اور گراس کٹائی کا کام جاری ہے۔

اس اقدام کا مقصد کھیلوں کے میدانوں اور کمپلیکس کے ماحول کو صاف ستھرا، خوبصورت اور کھلاڑیوں کے لیے سازگار بنانا ہے۔

07/10/2026

صوبائی حکومت خیبرپختونخوا کی گڈ گورننس پالیسی اور کھیلوں کے فروغ کے وژن کے تحت، ڈائریکٹر جنرل سپورٹس خیبرپختونخوا کی خصوصی ہدایات پر ڈسٹرکٹ سپورٹس آفس صوابی کے زیرِ اہتمام انڈر 21 انٹر ریجنل گیمز کے سلسلے میں والی بال کے ٹرائلز کا انعقاد صوابی سپورٹس کمپلیکس بام خیل میں کیا گیا۔

ٹرائلز میں ضلع صوابی و مردان سے تعلق رکھنے والے باصلاحیت کھلاڑیوں نے بھرپور شرکت کی، جہاں میرٹ اور شفافیت کو ملحوظِ خاطر رکھتے ہوئے کھلاڑیوں کی صلاحیتوں کا جائزہ لیا گیا۔ منتخب کھلاڑی انڈر 21 انٹر ریجنل گیمز میں مردان ریجن کی نمائندگی کریں گے۔

06/10/2026

03/10/2026

صوابی: انڈر 15 نیشنل اسکول ہاکی چیمپئن شپ 2026 اختتام پذیر

ڈائریکٹر جنرل سپورٹس خیبر پختونخوا جناب اشفاق خان اور ڈپٹی کمشنر صوابی جناب طارق اللہ کی خصوصی ہدایات پر ڈسٹرکٹ سپورٹس آفس صوابی کے زیرِ اہتمام انڈر 15 نیشنل اسکول ہاکی چیمپئن شپ 2026 صوابی سپورٹس کمپلیکس بام خیل میں کامیابی سے اختتام پذیر ہوگئی۔

چیمپئن شپ کا فائنل میچ گورنمنٹ ہائی سکول سلیم خان اور گورنمنٹ ہائی سکول منصبدار کے مابین کھیلا گیا، جس میں گورنمنٹ ہائی سکول منصبدار نے شاندار کھیل کا مظاہرہ کرتے ہوئے کامیابی حاصل کی اور چیمپئن شپ کا ٹائٹل اپنے نام کرلیا۔

اختتامی تقریب کے موقع پر پراونشل ہاکی ایسوسی ایشن کے رکن حسن باچہ، ڈسٹرکٹ ہاکی ایسوسی ایشن صوابی کے صدر شاہین یوسفزئی، سیکرٹری سید بخت شاہ، ایڈمنسٹریٹر صوابی سپورٹس کمپلیکس فیاض احمد اور اسسٹنٹ سپورٹس آفس اویس شاہ سمیت دیگر متعلقہ شخصیات موجود تھیں۔

تقریب کے اختتام پر مہمانانِ گرامی نے فاتح اور رنر اَپ ٹیموں کے کھلاڑیوں میں ٹرافیاں اور سپورٹس سرٹیفکیٹس تقسیم کیے اور نوجوان کھلاڑیوں کی حوصلہ افزائی کی۔

ڈسٹرکٹ سپورٹس آفس صوابی کی جانب سے فاتح اور رنر اَپ ٹیموں سمیت تمام شریک کھلاڑیوں کو مبارکباد پیش کی گئی۔ اس موقع پر اس امید کا اظہار کیا گیا کہ فاتح ٹیم مردان ریجنل سطح پر صوابی کی نمائندگی کرتے ہوئے بھرپور کھیل کا مظاہرہ کرے گی اور ضلع صوابی کے لیے مزید اعزازات حاصل کرے گی۔

01/10/2026

مردان میں انڈر 21 خواتین گیمز کے ٹرائلز کا آغاز، باصلاحیت کھلاڑیوں کے انتخاب کا عمل جاری

صوبائی حکومت کی گڈ گورننس پالیسی اور کھیلوں کے فروغ کے وژن کے تحت ڈائریکٹر جنرل سپورٹس خیبرپختونخوا کی خصوصی ہدایات پر ریجنل سپورٹس آفس مردان کے زیر اہتمام انڈر 21 خواتین گیمز کے سلسلے میں ایتھلیٹکس، والی بال، تھرو بال، ہینڈ بال، ٹیبل ٹینس اور ہاکی کے ٹرائلز کا آج سے آغاز کر دیا گیا ہے۔

ریجنل سپورٹس افسر مردان ساجد خان آفریدی کی نگرانی میں ٹرائلز کے دوران خواتین کھلاڑیوں کی صلاحیتوں اور کارکردگی کا جائزہ لے کر بہترین اور باصلاحیت کھلاڑیوں کا انتخاب کیا جائے گا۔

اس موقع پر ساجد خان آفریدی نے کہا کہ خواتین کو کھیلوں کے میدان میں آگے بڑھنے کے مواقع فراہم کرنا اور ان کی صلاحیتوں کو اجاگر کرنا محکمہ کھیل کی اہم ترجیحات میں شامل ہے۔

انہوں نے مزید کہا کہ انڈر 21 خواتین گیمز کے سلسلے میں دیگر مختلف کھیلوں کے ٹرائلز بھی جاری کردہ شیڈول کے مطابق منعقد ہوں گے، تاکہ زیادہ سے زیادہ باصلاحیت خواتین کھلاڑیوں کو اپنی صلاحیتوں کے اظہار کا موقع فراہم کیا جا سکے۔

01/10/2026

🏅 خیبر پختونخوا انڈر 21 انٹر ریجنل گیمز 2026 — ٹرائلز شیڈول
خیبر پختونخوا انڈر 21 انٹر ریجنل گیمز 2026 کے سلسلے میں ریجنل سپورٹس آفس مردان ڈویژن، مردان سپورٹس کمپلیکس میں اجلاس منعقد ہوا، جس میں کھلاڑیوں کے انتخاب اور ٹرائلز سے متعلق انتظامات کا جائزہ لیا گیا۔
جاری شیڈول کے مطابق مرد کھلاڑیوں کے ٹرائلز 3 تا 7 اکتوبر 2026 کو مردان ڈویژن کے مقررہ مقامات پر منعقد ہوں گے۔
یکم جولائی 2026 کو 21 سال یا اس سے کم عمر کھلاڑی ٹرائلز میں شرکت کے اہل ہوں گے۔
امیدوار مقررہ وقت اور مقام پر اپنی سپورٹس کِٹ/یونیفارم، متعلقہ کھیل کا سامان، پاسپورٹ سائز تصویر اور اصل CNIC/Form-B لازماً ہمراہ لائیں۔ TA/DA فراہم نہیں کیا جائے گا۔
کھیلوں کے ٹرائلز کی تاریخ، وقت اور مقام کی مکمل تفصیلات منسلک شیڈول میں درج ہیں۔
ضلع صوابی کے تمام نوجوان کھلاڑیوں سے اپیل ہے کہ اس موقع سے بھرپور فائدہ اٹھاتے ہوئے ٹرائلز میں شرکت کریں۔

26/09/2026

صوبائی حکومت خیبرپختونخوا کی گڈ گورننس پالیسی کے تحت صوبے میں کھیلوں کے فروغ اور نوجوانوں کو صحت مند و مثبت سرگرمیوں کے مواقع فراہم کرنے کا سلسلہ جاری ہے۔

اسی سلسلے میں ڈسٹرکٹ سپورٹس آفس صوابی کے زیرِ اہتمام صوابی سپورٹس کمپلیکس بام خیل میں پنج پیر جونیئر کبڈی ٹیم اور بام خیل جونیئر کبڈی ٹیم کے مابین ایک شاندار فائنل مقابلے کا انعقاد کیا گیا۔

فائنل مقابلے میں پنج پیر جونیئر کبڈی ٹیم نے شاندار کارکردگی کا مظاہرہ کرتے ہوئے بام خیل جونیئر کبڈی ٹیم کو 35 کے مقابلے میں 40 پوائنٹس سے شکست دے کر کامیابی حاصل کی۔

میچ کے دوران دونوں ٹیموں کے کھلاڑیوں نے بہترین کھیل، بھرپور جذبے اور مثالی اسپورٹس مین اسپرٹ کا مظاہرہ کیا، جبکہ تماشائیوں نے بھی، کھلاڑیوں کی بھرپور حوصلہ افزائی کی۔

اختتامی تقریب میں فائنل میچ کے مہمانِ خصوصی سپورٹس ڈیپارٹمنٹ کے کوچ جناب وسیم دادا اور کوچ جناب محمد ہارون نے فاتح ٹیم کے کھلاڑیوں میں ٹرافیاں تقسیم کیں اور ان کی بہترین کارکردگی کو سراہا۔

ڈسٹرکٹ سپورٹس آفس صوابی کی جانب سے نوجوانوں کو کھیلوں کے میدان میں مثبت اور صحت مند سرگرمیوں کے مواقع فراہم کرنے کا سلسلہ بدستور جاری ہے۔