Zhob/Sherani District Bar Association

Zhob/Sherani District Bar Association Zhob/Sherani Bar Association

پریس ریلیزژوب بار ایسوسی ایشن کے وفد کی سینئر ایڈووکیٹ ایاز خان مندوخیل اور بلوچستان بار کونسل سے ملاقاتژوب بار ایسوسی ا...
24/10/2026

پریس ریلیز
ژوب بار ایسوسی ایشن کے وفد کی سینئر ایڈووکیٹ ایاز خان مندوخیل اور بلوچستان بار کونسل سے ملاقات

ژوب بار ایسوسی ایشن کے صدر ایڈووکیٹ نصرالدین بابر، وائس پریذیڈنٹ ایڈووکیٹ انور دوست مندوخیل، پریس سیکرٹری ایڈووکیٹ صمد افغان اور فنانس سیکرٹری ایڈووکیٹ حبیب الرحمٰن نے پہلے سینئر ایڈووکیٹ ایاز خان مندوخیل سے ملاقات کی۔

بعد ازاں وفد نے بلوچستان بار کونسل سے ملاقات کرکے ژوب بار ایسوسی ایشن کو درپیش مسائل پر بات چیت کی۔ اس موقع پر بلوچستان بار کونسل کی جانب سے ان مسائل کے حل کی یقین دہانی کروائی گئی۔

ژوب بار ایسوسی ایشن کو امید ہے کہ بلوچستان بار کونسل اپنی یقین دہانی کے مطابق مسائل کے حل کے لیے عملی اقدامات کرے گی۔

پریس سیکرٹری، ژوب بار ایسوسی ایشن

چمن سیشن کورٹ میں اصغر خان اچکزئی کی ضمانت منسوخی اور گرفتاری پر بلوچستان بار کونسل کا مذمتی بیان، کل تمام عدالتوں میں ہ...
21/10/2026

چمن سیشن کورٹ میں اصغر خان اچکزئی کی ضمانت منسوخی اور گرفتاری پر بلوچستان بار کونسل کا مذمتی بیان، کل تمام عدالتوں میں ہڑتال کا اعلان

چمن: عوامی نیشنل پارٹی کے صوبائی صدر اصغر خان اچکزئی کی ضمانت منسوخ کرنے اور گرفتاری کے معاملے پر بلوچستان بار کونسل نے مذمتی بیان جاری کرتے ہوئے کل تمام عدالتوں میں ہڑتال کا اعلان کیا ہے۔

بلوچستان بار کونسل نے ضمانت منسوخی کے عدالتی فیصلے کو ناجائز اور ناروا قرار دیتے ہوئے اس پر اپنے تحفظات کا اظہار کیا ہے۔

ہڑتال کے اعلان کے تحت کل صوبے بھر کی تمام عدالتوں میں عدالتی کارروائی کا بائیکاٹ کیا جائے گا۔

13/10/2026

ژوب شیرانی بار ایسوسی ایشن کا مشترکہ مذمتی بیان

خیبر پختونخوا میں گورنر راج اور ایمرجنسی کے نفاذ پر گہری تشویش

ژوب شیرانی بار ایسوسی ایشن کے صدر ایڈووکیٹ نصرالدین بابر، جنرل سیکرٹری ایڈووکیٹ نعیم مندوخیل، پریس سیکرٹری ایڈووکیٹ صمد افغان، شیرانی بار ایسوسی ایشن کے صدر ایڈووکیٹ جان محمد اور دونوں بار ایسوسی ایشنز کے کابینہ اراکین نے خیبر پختونخوا میں گورنر راج اور ایمرجنسی کے نفاذ کے حوالے سے گہری تشویش کا اظہار کرتے ہوئے کہا ہے کہ ایسے اقدامات کو آئینِ پاکستان، پارلیمانی جمہوریت اور صوبائی خودمختاری کے بنیادی اصولوں کی روشنی میں پرکھنا ناگزیر ہے۔

عہدیداران نے کہا کہ آئینِ پاکستان کی بالادستی، جمہوری اداروں کا استحکام، عدلیہ کی آزادی، بنیادی انسانی حقوق کا تحفظ اور عوام کے منتخب نمائندوں کے مینڈیٹ کا احترام ایک جمہوری ریاست کی بنیادی ذمہ داریاں ہیں۔ کسی بھی صوبے میں گورنر راج یا ایمرجنسی کا نفاذ آئینی و قانونی تقاضوں کے مطابق ہونا چاہیے، اور اس سلسلے میں آئین میں مقرر کردہ شرائط کی مکمل پاسداری ناگزیر ہے۔

بیان میں مزید کہا گیا کہ جمہوریت کی اصل روح عوامی مینڈیٹ کے احترام، آئینی اداروں کے درمیان توازن اور اختلافِ رائے کو جمہوری و قانونی طریقے سے حل کرنے میں مضمر ہے۔ سیاسی اختلافات اور انتظامی مسائل کا حل طاقت کے بجائے باہمی مشاورت، مذاکرات اور آئینی طریقۂ کار کے ذریعے تلاش کیا جانا چاہیے، تاکہ جمہوری تسلسل اور عوام کا اداروں پر اعتماد برقرار رہے۔

ژوب شیرانی بار ایسوسی ایشن کے رہنماؤں نے iاس عزم کا اظہار کیا کہ وکلاء برادری آئین کی بالادستی، قانون کی حکمرانی، عدلیہ کی آزادی، صوبائی خودمختاری اور جمہوری اقدار کے تحفظ کے لیے اپنی آئینی و پیشہ ورانہ ذمہ داریاں ادا کرتی رہے گی۔

: ژوب شیرانی بار ایسوسی ایشن

07/10/2026

ایڈیشنل سیشن جج پنجگور کے لاپتا ہونے پر ژوب بار کا کل ہڑتال کا اعلان۔

ایڈیشنل سیشن جج پنجگور اسد اللہ رئیسانی کے کوئٹہ سے پنجگور جاتے ہوئے لاپتا ہونے کی اطلاعات پر ژوب بار ایسوسی ایشن نے گہری تشویش کا اظہار کرتے ہوئے کل مکمل ہڑتال کا اعلان کیا ہے۔
ژوب بار ایسوسی ایشن صدر ایڈوکیٹ نصرالدین بابڑ اور جنرل سیکرٹری ایڈووکیٹ نعیم مندوخیل نے مطالبہ کیا ہے کہ اسد اللہ رئیسانی کی فوری اور بحفاظت بازیابی کو یقینی بنایا جائے اور ان کے لاپتا ہونے کے واقعے کا فوری نوٹس لیتے ہوئے ذمہ دار عناصر کا تعین کیا جائے۔

عدلیہ کے ایک رکن کا اس طرح لاپتا ہونا انتہائی تشویشناک امر ہے۔ وکلاء برادری اس مشکل وقت میں اسد اللہ رئیسانی کے اہلِ خانہ کے ساتھ کھڑی ہے اور ان کی جلد اور بحفاظت واپسی کی دعاگو ہے۔
اس سلسلے میں بطور احتجاج کل بروز بدھ ژوب کے وکلا عدالتوں میں پیش ش نہیں ہونگے ۔
پریس سیکرٹری صمد افغان ایڈووکیٹ

پشتونخوا ملی عوامی پارٹی (PkMAP) کی جانب سے مرکزی سیکرٹری اطلاعات تلامند خان کی سربراہی میں وفد نے 7 اکتوبر، شہدائے جمہو...
06/10/2026

پشتونخوا ملی عوامی پارٹی (PkMAP) کی جانب سے مرکزی سیکرٹری اطلاعات تلامند خان کی سربراہی میں وفد نے 7 اکتوبر، شہدائے جمہوریت کے جلسۂ عام میں شرکت کے لیے ژوب بار ایسوسی ایشن کو باقاعدہ دعوت دی۔

اس موقع پر بار ایسوسی ایشن ژوب کے صدر ایڈووکیٹ نصرالدین بابر، جنرل سیکرٹری ایڈووکیٹ محمد نعیم مندوخیل سمیت دیگر معزز وکلاء موجود تھے۔

بار ایسوسی ایشن کی جانب سے دعوت کا خیرمقدم کیا گیا۔

پریس ریلیزچیف جسٹس بلوچستان کا رویہ ناقابلِ قبول، منتخب بار نمائندے کی توہین دراصل بلوچستان بار کے مینڈیٹ کی توہین ہے: ڈ...
05/10/2026

پریس ریلیز
چیف جسٹس بلوچستان کا رویہ ناقابلِ قبول، منتخب بار نمائندے کی توہین دراصل بلوچستان بار کے مینڈیٹ کی توہین ہے: ڈسٹرکٹ بار ایسوسی ایشن ژوب و شیرانی
ڈسٹرکٹ بار ایسوسی ایشن ژوب و شیرانی نے بلوچستان ہائی کورٹ میں زیرِ سماعت C.P. No. 1391/2026 کے دوران چیئرمین ایگزیکٹو کمیٹی بلوچستان بار کونسل ایاز خان مندوخیل، ایڈووکیٹ کے ساتھ چیف جسٹس بلوچستان جسٹس کامران خان ملاخیل کے مبینہ طرزِ عمل اور گفتگو پر شدید تشویش، افسوس اور مذمت کا اظہار کیا ہے۔
ڈسٹرکٹ بار ایسوسی ایشن ژوب و شیرانی کے مطابق کسی بھی منتخب بار نمائندے کے ساتھ ایسا لہجہ اور رویہ اختیار کرنا نہ صرف بار اور بینچ کے درمیان قائم باہمی احترام کے اصولوں کے منافی ہے بلکہ یہ بلوچستان بار کونسل کے منتخب نمائندے کے ذریعے وکلاء برادری کے دیے گئے مینڈیٹ کی بھی توہین کے مترادف ہے۔
ہم سمجھتے ہیں کہ ایک منتخب بار نمائندہ صرف اپنی ذات کی نمائندگی نہیں کرتا بلکہ وہ ان ہزاروں وکلاء کے اعتماد اور مینڈیٹ کا امین ہوتا ہے جنہوں نے اسے اپنے حقوق اور ادارہ جاتی مفادات کے تحفظ کے لیے منتخب کیا ہے۔ لہٰذا منتخب نمائندے کو مبینہ طور پر دھمکی آمیز یا تحقیر آمیز انداز میں مخاطب کرنا پوری وکلاء برادری کے مینڈیٹ اور وقار کو مجروح کرنے کے مترادف ہے۔
عدالت کا منصب انتہائی اعلیٰ وقار، تحمل، بردباری، غیر جانب داری اور شائستگی کا تقاضا کرتا ہے۔ چیف جسٹس سے بطور سربراہِ عدلیہ یہ توقع کی جاتی ہے کہ وہ اختلافِ رائے اور سخت قانونی بحث کے باوجود اپنے منصب کے وقار کو برقرار رکھیں گے۔ دھمکی آمیز لہجہ، ذاتی نوعیت کی گفتگو یا کسی فریق کو دباؤ میں لانے کا تاثر عدالتی وقار اور عوامی اعتماد کے لیے انتہائی نقصان دہ ہے۔
ڈسٹرکٹ بار ایسوسی ایشن ژوب و شیرانی واضح کرتی ہے کہ ہم عدلیہ کے ادارے اور اس کے آئینی وقار کا مکمل احترام کرتے ہیں، تاہم عدلیہ کا احترام شخصیات سے بالاتر اور قانون و آئین سے مشروط ہے۔ کسی بھی منصب پر فائز شخص کو قانون، اخلاقیات اور ادارہ جاتی اصولوں کے دائرے میں رہنا چاہیے۔
موجودہ واقعے کے تناظر میں ہمارے نزدیک چیف جسٹس بلوچستان کا مذکورہ طرزِ عمل انتہائی سنجیدہ اخلاقی اور ادارہ جاتی سوالات کو جنم دیتا ہے۔ اگر ایک اعلیٰ عدالتی منصب پر فائز شخصیت کسی منتخب بار نمائندے کے ساتھ ایسے انداز میں پیش آئے جو عدالتی غیر جانب داری، تحمل اور وقار کے تقاضوں سے مطابقت نہ رکھتا ہو، تو اس منصب پر برقرار رہنے کے اخلاقی جواز پر بھی سنجیدہ سوالات پیدا ہوتے ہیں۔
لہٰذا ڈسٹرکٹ بار ایسوسی ایشن ژوب و شیرانی مطالبہ کرتی ہے کہ واقعے کا شفاف اور غیر جانب دارانہ جائزہ لیا جائے، متعلقہ قانونی و آئینی فورمز سے رجوع کیا جائے اور جب تک معاملہ واضح نہ ہو، زیرِ سماعت مقدمات میں فریقین کے عدالتی اعتماد کو یقینی بنانے کے لیے مناسب اقدامات کیے جائیں۔
ہم چیئرمین ایگزیکٹو کمیٹی بلوچستان بار کونسل ایاز خان مندوخیل کے ساتھ مکمل یکجہتی کا اظہار کرتے ہیں اور واضح کرتے ہیں کہ بلوچستان کے وکلاء اپنے منتخب نمائندوں کے مینڈیٹ، عزت اور آئینی و قانونی حقوق کے تحفظ کے لیے متحد ہیں۔
ڈسٹرکٹ بار ایسوسی ایشن ژوب و شیرانی یہ بھی سمجھتی ہے کہ اگر مذکورہ طرزِ عمل ثابت ہوتا ہے تو چیف جسٹس بلوچستان کے لیے اپنے منصب پر برقرار رہنے کے بجائے اخلاقی طور پر اپنے عہدے سے مستعفی ہونے پر غور کرنا ہی عدالتی وقار، ادارہ جاتی اعتماد اور بار و بینچ کے احترام کے تقاضوں سے ہم آہنگ ہوگا۔
ہم عدلیہ کے احترام کے ساتھ، وکلاء کے وقار اور بار کے منتخب مینڈیٹ کے تحفظ کے لیے ہر آئینی، قانونی اور جمہوری فورم پر آواز بلند کرتے رہیں گے۔
ڈسٹرکٹ بار ایسوسی ایشن ژوب و شیرانی

آل بلوچستان کنٹریکٹرز ایسوسی ایشن کی جانب سے ژوب شیرانی بار ایسوسی ایشن کو خصوصی دعوت دی گئی، جسے ژوب شیرانی بار ایسوسی ...
30/09/2026

آل بلوچستان کنٹریکٹرز ایسوسی ایشن کی جانب سے ژوب شیرانی بار ایسوسی ایشن کو خصوصی دعوت دی گئی، جسے ژوب شیرانی بار ایسوسی ایشن کے صدر ایڈووکیٹ نصرالدین بابر نے وصول کیا۔
اس موقع پر بار کے فنانس سیکرٹری ایڈووکیٹ حبیب الرحمٰن اور پریس سیکرٹری ایڈووکیٹ صمد افغان سمیت بار کے سینئر وکلاء بھی موجود تھے۔
ژوب شیرانی بار ایسوسی ایشن کی جانب سے آل بلوچستان کنٹریکٹرز ایسوسی ایشن کی اس محبت، خلوص اور دعوت پر شکریہ ادا کیا گیا اور باہمی روابط و تعاون کو مزید مضبوط بنانے کے عزم کا اظہار کیا گیا۔

ایڈووکیٹ صمد افغان
پریس سیکرٹری، ژوب شیرانی بار ایسوسی ایشن

ڈسٹرکٹ بار ایسوسی ایشن ژوب و شیرانی کا مشترکہ بیانایڈووکیٹ ایاز خان مندوخیل کے خلاف حکمِ امتناع پر تشویش — بار کی خودمخت...
24/09/2026

ڈسٹرکٹ بار ایسوسی ایشن ژوب و شیرانی کا مشترکہ بیان
ایڈووکیٹ ایاز خان مندوخیل کے خلاف حکمِ امتناع پر تشویش — بار کی خودمختاری، انتخابی عمل اور نمائندگی کا احترام کیا جائے
ڈسٹرکٹ بار ایسوسی ایشن ژوب و شیرانی بلوچستان بار کونسل کے جاری کردہ پریس ریلیز کی روشنی میں یہ امر واضح کرنا چاہتی ہے کہ ایڈووکیٹ ایاز خان مندوخیل، چیئرمین ایگزیکٹو کمیٹی بلوچستان بار کونسل، کے خلاف جاری حکمِ امتناع اور اس کے نتیجے میں پیدا ہونے والی صورتحال پر وکلاء برادری میں شدید تشویش پائی جاتی ہے۔
ہم سمجھتے ہیں کہ بار کے منتخب نمائندگان وکلاء کی اجتماعی آواز اور اعتماد کی ترجمانی کرتے ہیں۔ اگر کسی انتخابی عمل یا کامیابی کے نوٹیفکیشن کو باقاعدہ قانونی فورم پر چیلنج کیا گیا اور، جیسا کہ بلوچستان بار کونسل کے پریس ریلیز میں بیان کیا گیا ہے، ہائی کورٹ کے قائم کردہ الیکشن ٹریبونل نے تقریباً دس ماہ قبل متعلقہ درخواست خارج کر دی تھی، تو اس کے بعد پیدا ہونے والی صورتحال کو قانون، عدالتی احکامات اور بار کے جمہوری اصولوں کی روشنی میں ہی حل کیا جانا چاہیے۔
ڈسٹرکٹ بار ایسوسی ایشن ژوب و شیرانی اس امر پر زور دیتی ہے کہ وکلاء کو ان کی حقیقی اور قانونی نمائندگی سے محروم نہیں کیا جانا چاہیےاور بار کے اداروں کا وقار، خودمختاری اور وکلاء کے اعتماد کو برقرار رکھا جا سکے۔
ہم بلوچستان بار کونسل کی آئینی و قانونی خودمختاری، وکلاء کے جمہوری حقِ نمائندگی، انتخابی عمل کے احترام اور عدالتی فیصلوں کی پاسداری کے اصولوں کی مکمل حمایت کرتے ہیں۔
ہم متعلقہ تمام اداروں اور فورمز سے مطالبہ کرتے ہیں کہ موجودہ صورتحال کو مزید پیچیدہ بنانے کے بجائے قانون اور پہلے سے طے شدہ عدالتی و انتخابی عمل کے مطابق حل کیا جائے اور وکلاء کو ان کے حقیقی نمائندے سے محروم نہ کیا جائے۔
ڈسٹرکٹ بار ایسوسی ایشن ژوب و شیرانی
صدر / جنرل سیکرٹری
24 ستمبر 2026

ایڈووکیٹ ایاز مندوخیل چیرمین ایگزیکٹو کمیٹی بلوچستان بار کونسل کے خلاف حکم امتناع کے خلاف 24 ستمبر کو صوبے بھر میں بلوچس...
24/09/2026

ایڈووکیٹ ایاز مندوخیل چیرمین ایگزیکٹو کمیٹی بلوچستان بار کونسل کے خلاف حکم امتناع کے خلاف 24 ستمبر کو صوبے بھر میں بلوچستان بار کونسل کا ہڑتال کا اعلان ۔
جلد ہنگامی پریس کانفرنس کیا جائے گا ۔
یاد رہے ایڈوکیٹ ایاز خان مندوخیل کے کامیابی کا نوٹیفکیشن کے خلاف درخواست دس ماہ قبل ہائی کورٹ کا قائم کردہ الیکشن ٹریبونل خارج کر چکا ہے ۔

پریس بیانژوب شیرانی بار ایسوسی ایشن کی جانب سے معزز عدلیہ کے اعزاز میں پُروقار ٹی پارٹی کا اہتمامژوب شیرانی بار ایسوسی ا...
23/09/2026

پریس بیان

ژوب شیرانی بار ایسوسی ایشن کی جانب سے معزز عدلیہ کے اعزاز میں پُروقار ٹی پارٹی کا اہتمام

ژوب شیرانی بار ایسوسی ایشن کی جانب سے معزز عدلیہ کے اعزاز میں ایک پُروقار ٹی پارٹی کا اہتمام کیا گیا، جس میں معزز سیشن جج صاحب، سینئر سول جج صاحب اور جوڈیشل مجسٹریٹ صاحب نے شرکت فرمائی، جبکہ ژوب شیرانی بار ایسوسی ایشن کے معزز وکلاء کی کثیر تعداد بھی اس موقع پر موجود تھی۔

اس موقع پر ژوب شیرانی بار ایسوسی ایشن کی جانب سے معزز ججز صاحبان کی شرکت پر ان کا تہہ دل سے شکریہ ادا کیا گیا۔ وکلاء اور عدلیہ کے درمیان باہمی احترام، تعاون اور خوشگوار پیشہ ورانہ تعلقات کو مزید مضبوط بنانے کے عزم کا اظہار بھی کیا گیا۔

معزز ججز صاحبان نے بھی بار ایسوسی ایشن کی جانب سے اس خوبصورت اور پُروقار تقریب کے انعقاد پر وکلاء کا شکریہ ادا کیا اور وکلاء کے لیے نیک خواہشات کا اظہار کیا۔

تقریب خوشگوار اور دوستانہ ماحول میں اختتام پذیر ہوئی، جہاں عدلیہ اور وکلاء کے درمیان باہمی احترام، بھائی چارے اور پیشہ ورانہ ہم آہنگی کے جذبے کو اجاگر کیا گیا۔

صمد افغان ایڈووکیٹ
پریس سیکرٹری، ژوب شیرانی بار ایسوسی ایشن

Address

Zhob District Court
Zhob
85200

Website

Alerts

Be the first to know and let us send you an email when Zhob/Sherani District Bar Association posts news and promotions. Your email address will not be used for any other purpose, and you can unsubscribe at any time.

Shortcuts

Share

Category