25/12/2022
#**@सन्धर्व नयाँ नेपाली राजनीतिको @
अलराउण्ड प्रदर्शनसँगै प्रचण्ड चम्केपछि काँग्रेस नकआउट भएको छ । अन्तिम समयमा प्राप्त फ्रिकिकमा 'बा' ले बिजयी गोल गरेसँगै टिम 'कामरेड' ले जित हात पारेको हो । उनले गोलकिपर माधब नेपाललाई हेरेको हेर्यै बनाउँदै फ्रिकिकमा आकर्षक गोल गरे । 'कामरेड' लाई जित दिलाउन खेलको ६० औँ मिनेटमा डेब्यु गरेका रबि लामिछानेको प्रदर्शन महत्वपूर्ण रह्यो ।
हारपछि पोस्ट म्याचमा बोल्दै शेरबहादुर देउवाले प्रचण्ड अनुशासनहीन खेलाडी भएको आरोप लगाए। उनले प्रचण्ड जुनसुकै बेलामा आफ्नै टोलीविरुद्ध पनि आत्मघाती गोल गर्न पछि नपर्ने भन्दै प्रचण्डको भरोसा गर्नु मुर्खता भएको बताए ।
यता करियरमा पहिलो पटक कुनै उपाधिको नजिक पुगेर पनि अन्तिममा 'राष्ट्रपति ट्रफी' हात पार्न नसकेका रामचन्द्र काका भने आफ्ना कप्तान शेरबहादुरले खराब रणनीति अपनाउँदा टोली पराजित भएको बताउँछन्।
'कामरेड' टोलीमा बा ले ज्यादै दुख दिएको भन्दै अघिल्लो सिजन गठबन्धनमा अनुबन्ध भएका गोलकिपर माधव नेपाल को होस् आइसकेको छैन। उनलाई प्रचण्डको धोका भन्दा पनि अन्तिम मिनेटमा बा ले छिराएको फ्रिकिक गोलले स्तब्ध पार्यो ।
बालकोट मैदानमा भने विशेष माहोल छ । म्यान अफ द म्याच बनेपछि प्रचण्ड हर्षित छन् । बा लाई भने 'म्यान अफ द म्याच' प्रचण्ड बनेकोमा कुनै दुःख छैन किनकि उनलाई लाग्छ आखिर 'प्लेएर अफ द सिरिज' त उनै हुन् ।
