28/08/2026
Les nou entrodwi trwa etidyan sorti kot Lenstiti Teknolozi Sesel (SIT) ki pe tanporerman ede e osi aprann ek nou tim! 👷🏽♀️👷🏽♂️✨
Kot PMC, nou fyer pou siport bann zenn profesyonnel anmezir ki zot ganny leksperyans pratik valab e met zot konesans an pratik.
👷🏽♀️ Keesha Adelaide, 19 an, i en etidyan dezyenm lannen Diploma Nasyonal dan Konstriksyon. Aprezan lo son trwazyenm plasman leksperyans, baze lo travay avek PMC, Keesha pe pas set semenn avek nou Departman Proze, e i pe asiste nou avek bann desen pour bann pti proze tel ki renovasyon lo twatir ek travay septic tank, osi byen ki partisip dan bann vizit lo sit. I dir son leksperyans kot PMC in ed li devlop nouvo konpetans ek abilite.
👷🏽♂️ Tyron Kilindo, 18 an, pe pourswiv en Diplonm dan Konstriksyon e i aktyelman atase avek nou Departman Mentenans Propriyete. Atraver son plasman, Tyron pe ganny konesans pratik lo bann mentenans batiman ek propriyete. Son konsey pour son bann kanmarad etidyan, se pour reste konsantre lo zot letid ek rev, elimin distraksyon, e toultan ekoute, aprann e konpran.
👷🏽♀️ Narisha Ernesta, 18 an, pe osi pourswiv en Diplonm dan Konstriksyon. Pandan son latasman avek nou seksyon zesyon propriyete, i pe ganny leksperyans pratik dan travay lekip, travay lo sit, mezir e prosesis konstriksyon. I ankouraz lezot etidyan pou reste konsantre, demann kestyon, travay dir e profit tou loportinite pou aprann e grandi.
Nou kontan pour annan sa bann zenn talan koman parti lekip PMC e swet zot sikse kontinyel anmezir ki zot batir zot konpetans e reform zot lavenir! 💙
