Dalil Madani _ دليل مدني

قلب ❤️ المحنه

مدني يا أجمل خبر

إنتي من وين يابنيه ناويه علي وين السفر
قلتي لي مدني الجميله مدني يا أجمل خبر
فيها قضيت الطفوله فيها شاب عمري وكبر
اذكر ايامنا الجميله مجلس النيل في العصر
قبة السني وفريقنا عامره حلقات الذكر
تلهم الكاشف يغني ويكتب المساح شعر
السلام شيليه مني ذكرياتي مع الصور
بلغي احبابي وصحابي قولي فرقنا القدر
الحنين يامدني ليك بكي في نفسي الوتر
مدني في حدقات عيوني باقيه في جواي اثر
احلي ايام عشت فيها خالده علي طول العمر
إن نأيت لابد راجع حتي لو طال السفر

اللهم_نستودعك اهلنا في الجزيرة يارب ياكريم ياحي يا قيوم ندعوك باسمك الأعظم ان تحفظ نفوسهم وعروضهم

حسبنا الله ونعم الوكيل

عزه قومي

مدني ❤️
انا من فتحت عيوني في الحياة دي في مدني ❤️
حياتي كلها في مدني درست في مدني وكبرت في مدني ❤️
أهلي واصحابي وحبايبي كلهم في مدني❤️طلعاتنا ونزلاتنا انا و اخواتي وصحباتي كلهم في مدني 😭❤️الهدوء حق مدني والمشي في شوارعها ❤️الدباغه وودكنان القلعه والمدنيين القسم الأول والزمالك وشارع النيل السوق واشلاق البوليس ❤️كل حته فيها مربوطين بيها روحياَ❤️
مايو نص مايو جنوب مايو أربعين دردق وحي ناصر وجزيرة الفيل ومابننسى عوضه واركويت المزاد ❤️ دريم و ووندي وتوينز وميكو ومنقه وبس وانو وأشرف طعميه وأدم شيه واخصائي العرديب الاماكن التي احب ❤️ شارع المحطه وشارع الدكاتره اتجاه واحد لفه الصينيه المثلث وتقاطع ابو جبل وكبري حنتوب وكبري البوليس ❤️
انا ما بعرف اصلا حتة غير مدني ولا مولفة على حتة غير مدني ولا بتحمل اقعد في حتة ثانية اصلا غير مدني❤️ !
في كل ركن عندي ذكرى فيها وفي كل زاوية عندنا اهل وأصحاب وجيران ❤️
شدة وتزول يا مدني شدة وتزول يا الحبيبة 🥺❤️.

وغدا نعود ..

انشرو الطمأنينة بين الناس ومن يحدثكم عن زمنٍ مخيف حدثوه عن ربٍ لطيف ، الأرض أرضه والأمر أمره ، واللطف والرحمة منه لا من سواه .

اللهم احفظ اهلنا في كافة ربوع الوطن 🇸🇩 ❤🤍