Maamul Goboleedka Dooy-Shabeelle

MAGACAABIS RASMI AH
Waxaa si rasmi ah loo magacaabay Mudane Abdi Jabaar Hussein Abdisalam inuu noqdo Xoghayaha Howlaha Guud ee Xisbiga Cadaaladda iyo Midnimada (TIIR).

Magacaabistan ayaa muujinaysa kalsoonida lagu qabo kartidiisa, khibraddiisa, iyo doorkiisa ku aaddan horumarinta howlaha iyo himilooyinka xisbiga.

Waxaan u rajaynaynaa guul iyo hawl-karnaan xilka loo igmaday.

Madaxweynaha Dowladda Shabeelle State ayaa maanta ku wajahan magaalada Baydhabo, kadib markii uu martiqaad rasmi ah ka helay Madaxweynaha Kumeelgaarka ah ee Dowladda Koonfur Galbeed Soomaaliya.

Safarkan ayaa la filayaa inuu xoojiyo xiriirka iskaashi iyo wada-shaqeynta u dhexeysa labada dhinac.

Madaxweynaha Dowlad Goboleedka Dooy Shabeelle State Soomaliya ayaa u mahadcelin ballaaran u jeediyey Madaxweynaha Hassan Sheikh Mohamud, isagoo ku ammaanay doorkii uu ka qaatay xalinta xaaladda siyaasadeed iyo isbeddelkii ka dhacay magaalada Baidoa.

Madaxweynuhu wuxuu sheegay in guusha laga gaaray maamulkii uu hoggaaminayey Abdiaziz Hassan Mohamed Laftagareen, oo lagu eedeeyay inuu si kelitalisnimo ah u maamulayey xaaladda magaalada, ay timid kadib dadaallo iyo taageero ka timid heerka dowladda federaalka.

Sidoo kale, wuxuu xusay in tallaabadan ay fursad u tahay xasillooni, wada-hadal iyo dib-u-habeyn siyaasadeed oo ka hanaqaada deegaannada, gaar ahaan magaalada Baydhabo iyo guud ahaan gobolka.

Ugu dambeyn, Madaxweynaha Dooy Shabeelle State Soomaliya ayaa ku baaqay in dhammaan dhinacyadu ay ka shaqeeyaan midnimo, nabad iyo horumar, si shacabka loo gaarsiiyo dowladnimo iyo maamul hufan.

𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐃𝐨𝐰𝐥𝐚𝐝-𝐆𝐨𝐛𝐨𝐥𝐞𝐞𝐝𝐤𝐚 𝐃𝐨𝐨𝐲 𝐒𝐡𝐚𝐛𝐞𝐞𝐥𝐥𝐞, 𝐂𝐚𝐛𝐝𝐢 𝐁𝐚𝐫𝐢 𝐂𝐚𝐛𝐝𝐢𝐬𝐚𝐥𝐚𝐚𝐦, 𝐚𝐲𝐚𝐚 𝐡𝐚𝐚𝐭𝐚𝐧 𝐤𝐮 𝐬𝐮𝐠𝐚𝐧 𝐦𝐚𝐠𝐚𝐚𝐥𝐚𝐝𝐚 𝐍𝐚𝐢𝐫𝐨𝐛𝐢 𝐞𝐞 𝐜𝐚𝐚𝐬𝐢𝐦𝐚𝐝𝐝𝐚 𝐝𝐚𝐥𝐤𝐚 𝐊𝐞𝐧𝐲𝐚, 𝐡𝐚𝐥𝐤𝐚𝐚𝐬 𝐨𝐨 𝐮𝐮 𝐤𝐚 𝐛𝐢𝐥𝐚𝐚𝐛𝐚𝐲 𝐤𝐮𝐥𝐚𝐦𝐨 𝐦𝐮𝐡𝐢𝐢𝐦 𝐚𝐡 𝐨𝐨 𝐮𝐮 𝐥𝐚 𝐲𝐞𝐞𝐥𝐚𝐧𝐚𝐲𝐨 𝐪𝐞𝐲𝐛𝐚𝐡𝐚 𝐤𝐚𝐥𝐚 𝐝𝐮𝐰𝐚𝐧 𝐞𝐞 𝐛𝐮𝐥𝐬𝐡𝐚𝐝𝐚 𝐤𝐚 𝐬𝐨𝐨 𝐣𝐞𝐞𝐝𝐚 𝐃𝐨𝐨𝐲 𝐒𝐡𝐚𝐛𝐞𝐞𝐥𝐥𝐞 𝐞𝐞 𝐤𝐮 𝐧𝐨𝐨𝐥 𝐝𝐚𝐥𝐤𝐚 𝐊𝐞𝐧𝐲𝐚.

Kulamadaasi ayaa diiradda lagu saarayaa xoojinta midnimada bulshada, ka qeyb-qaadashadooda horumarka Dowlad-Goboleedka, iyo ka faa’iideysiga doorka ay qurba-joogtu ku leeyihiin dib-u-dhiska iyo adkeynta hay’adaha maamulka Dooy Shabeelle.

Sidoo kale, Madaxweynaha ayaa qorsheynaya kulamo gaar ah oo uu la yeelanayo hay’adaha Qaramada Midoobay ee xarumaha ku leh Nairobi, kuwaas oo looga wada hadli doono dardargelinta wada-shaqeynta, taageerada mashaariicda horumarineed, iyo xoojinta dadaallada lagu taageerayo nabadda, adeegyada bulshada iyo horumar waara oo laga hirgeliyo deegaanada Dooy Shabeelle.

Safarkan shaqo ee Madaxweynaha ayaa qeyb ka ah dadaallada joogtada ah ee lagu xoojinayo xiriirka caalamiga ah, laguna ballaarinayo fursadaha iskaashi ee u adeegaya danaha shacabka Dooy Shabeelle.

𝐗𝐚𝐟𝐢𝐢𝐬𝐤𝐚 𝐖𝐚𝐫𝐚𝐫𝐤𝐚, 𝐃𝐨𝐨𝐲 𝐒𝐡𝐚𝐛𝐞𝐞𝐥𝐥𝐞 𝐒𝐭𝐚𝐭𝐞

Ujeeddo: Magacaabista iyo Waajibaadka Guddiga Ka Shaqeynaya Xaaladaha Abaaraha ee Dooy Shabeelle Anagoo tixgelinayna xaaladaha abaareed ee saameynta ballaaran ku yeeshay nolosha, caafimaadka, iyo nolol-maalmeedka bulshada, gaar ahaan deegaanada Dooy Shabeelle, waxaa lagama maarmaan noqotay in la dhiso guddi rasmi ah oo u xilsaaran la-tacaalidda, ka hortagga, iyo maareynta saameynta abaarta. Sidaas darteed, waxaa la magacaabay Guddiga Ka Shaqeynaya Xaaladaha Abaarta, kaas oo leh mas'uuli-yadaha, waajibaadka, iyo awoodaha hoos ku xusan:

1. Ujeeddooyinka Guddiga

Qiimeynta heerka abaarta iyo saameynta ay ku yeelatay bulshada.

Isku-dubbaridka dadaallada gurmadka degdegga ah.

Qorsheynta xalal waara oo lagaga hortagayo saameynta abaarta mustaqbalka.

La-shaqeynta hay'adaha dowliga ah, kuwa gaarka loo leeyahay, iyo hay'adaha caalamiga ah.

2. Waajibaadka iyo Mas'uuliyadaha Guddiga

Ururinta iyo falanqeynta xogta la xiriirta xaaladaha abaarta.

Soo jeedinta talooyin iyo qorshayaal wax-ku-ool ah oo wax looga qabanayo abaarta.

Kormeerka iyo dabagalka howlaha gargaarka iyo mashaariicda la xiriira abaarta.

Hubinta in gargaarku si caddaalad ah oo hufan u gaaro dadka u baahan.

Diyaarinta warbixinno joogto ah oo la xiriira horumarka iyo caqabadaha jira.

Guddiga Loo Magacaabay

1.Maxamed Cabdiqadir Abuukar

2.Fartuun Maxamed Abdi

3. Xasan Nuur Hasan

4. Axmed Maxamud Xaji

5. Abdirisaq CumarSheegow

6. Shariif Maxamed Jeylani

7. Ibrahim Adan Abdulle

8. Cabdi Nuur Sheeq Cusman

9. Xaliimo Khaliif Abdi Nuur

𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐃𝐨𝐨𝐲 𝐒𝐡𝐚𝐛𝐞𝐞𝐥𝐥𝐞 𝐒𝐭𝐚𝐭𝐞 𝐒𝐨𝐨𝐦𝐚𝐚𝐥𝐢𝐲𝐚 𝐎𝐨 𝐌𝐚𝐠𝐚𝐜𝐚𝐚𝐛𝐚𝐲 𝐋𝐚𝐭𝐚𝐥𝐢𝐲𝐞𝐲𝐚𝐚𝐥 𝐂𝐮𝐬𝐮𝐛.

Afgooye — 13Janaayo 2026 Madaxweynaha Dowlad-goboleedka Dooy Shabeelle State Soomaaliya, Mudane *Abdulbari Sheikh Abdisalam, ayaa maanta si rasmi ah u magacaabay lataliyeyaal cusub oo ka tirsan Xafiiskiisa, kuwaas oo kaalin mug leh ka qaadan doona fulinta siyaasadda maamulka iyo dardargelinta howlaha dowladeed.

Magacaabistan ayaa timid kadib markii Madaxweynaha uu la tashiyo kala duwan la yeeshay xubno ka tirsan golaha wasiirrada iyo hmaamulka, si loo helo dad aqoon iyo waayo-aragnimo u leh arrimaha muhiimka ah ee horyaalla dowlad-goboleedka.

Warsaxaafadeed

Taariikh: 28 December, 2025
Xafiiska Madaxweynaha Dooy Shabeelle State – Soomaaliya

Madaxweynaha Dowlad-goboleedka Dooy Shabeelle State ee Soomaaliya, Mudane Abdulbari Sheikh Abdisalam ayaa fariin cad oo digniin leh u diray Madaxweynaha Koonfur Galbeed Soomaaliya, Mudane Abdiaziiz Maxamed Xasan, isagoo uga digay in uu joojiyo faragelinta iyo xaaladaha kacsan ee uu ka abuurayo gudaha Gobolka Dooy Shabeelle.

Madaxweyne Abdulbari ayaa sheegay in maamulka Dooy Shabeelle u taagan yahay difaaca danaha shacabka iyo ilaalinta xasilloonida deegaanka, isla markaana aan la aqbali doonin wax tallaabo ah oo lagu wiiqayo maamulka iyo midnimada shacabka deegaankaas.

Wuxuu hoosta ka xariiqay in wadajirka iyo iskaashiga dowlad-goboleedyada uu yahay furaha horumarka dalka, loona baahan yahay in laga fogaado ficillo horseedi kara iska horimaad iyo xasilooni darro.

Madaxweynaha ayaa ugu dambeyn ku baaqay in la ixtiraamo nidaamka federaalka ah ee dalka u yaalla, ayna muhiim tahay in madaxda maamul-goboleedyadu ka shaqeeyaan nabadda, wadajirka iyo danaha guud ee Soomaaliya.

DHAMMAAD
Xafiiska Warfaafinta — Dooy Shabeelle State
Soomaaliya