XISBIGA NABADDA IYO HORUMARKA (PDP)

ISLA MARKAASNA XAQIIJISA IN DADKA IYO DALKUBA HELAAN AMNI LA ISKU HALLEYN KARO IYO MAAMUL HUFAN OO KA DHOWRSAN MUSUQMAASUQ, CADALAD DARRI IYO KU TAGRIFALKA AWOODA DOWLADNIMADA, GAARSIINAYANA SHACABKA ADEEGYADA BULSHO EE MUHIIMKA AH. MABAADI’DA XISBIGA NABADDA IYO HORUMARKA (PDP):

1) Diinta Islaamka waa SALDHIGGA HABNOLOLEEDKA shacabka soomaaliyeed lamana Xeeri karo qawaaniin ka soo horjeedda.

2) Hirgalinta ISBADDAL SIYAASADEED oo ku dhisan NABAD, horumar iyo caddaalad ku saleysan SARREYNTA SHARCIGA.

3) Ilaalinta MIDNIMADA DALKA IYO DADKA SOOMAALIYEED.

4) Lahaanshaha gaarka ah iyo suuqa xorta ah waa asaaska dhaqaalaha dalka.

5) Xorriyadda qofka, madax bannaanida ra’yiga iyo dhiirrigelinta wadatashiga waxay lafdhabar u yihiin horumarka siyaasadda, dhaqaalaha iyo bulshada waana asaaska bulsho ka madax bannaan cabsi iyo cabburin.

6) Iskaashiga caalamka iyo dariswanaagga waa asaaska siyaasadda dibadda Soomaaliyada cusub.

7) Dowladnimo hufan oo muwaadiniintu la xisaabtami karaan. UJEEDOOYINKA XISBIGA NABADDA IYO HORUMARKA (PDP) WAA IN LA:

1) Dhiso maamul dowladadeed oo ka hana qaada dhamaan Soomaaliya, soona celiya midnimadii qaranka, kala danbeyntii, sharcigii, iskaashigii iyo walaaltinimadii Shacabka soomaaliyeed.

2) Siiyo muhimadda kowaad dib u dhiska nabadda iyo dib u heshiisiinta siyaasadda iyo bulshada guud ahaan.

3) Dhowraa xuquuqda muwaaddinka soomaaliyeed, sida diintiisa, noloshiisa, Sharaftiisa, maalkiisa, iyo caqligiisa si loo helo muwaadin guta waajibaadkiisa qaran.

4) Xoojiyaa lana dhiirigeliyaa baahinta dhaqanka nabadda, wadatashiga, maamul wanaagga, u hoggaansanka sharciga, Madaxbannaanida garsoorka, la dagaallanka musuqmaasuqa, iyo kutagrifalidda awoodaha dowladnimadda.

5) Helo in dastuur joogto ah oo waafaqsan Shareecada Islaamka isla markaasna xaqiijinaya nidaamka Xisbiyada badan si talada dalka loola kala wareego si nabad ah.

6) Dhiirrigeliyo kobcinta dhaqaalaha, lana xaqiijiyo cadaalad ku qeybsiga kheyraadka dalka.

7) Horumariyo waxbarashada, cilmi baarista, hiddaha iyo dhaqanka, daryeelka caafimaadka, iyo ilaalinta deegaanka.

8) Horumariyo Haweenka, Dhallinyarada iyo Dhallaanka, lana daryeelo qoyska, agoonta iyo naafada.

9) Xoojiyo lana horumariyo xiriirka wadamada caalamka, ururrada caalamiga ah iyo Urur goboleedyada si loogu wada noolaado, nabad iyo iskaashi.

10) Dhiirrigeliyo ka qeybgalka qurbajoogta Soomaaliyeed arrimaha horumarinta siyaasadda, diblomaasiyadda iyo dhaqaalaha, lagana taageeraa ilaalinta dhaqanka sida horumarinta barashada afka ee dhallaanka.