Hay'adda Dekedaha Jamhuuriyadda Somaliland

ISS oo wakiil u ah Shirkadda Maersk ayaa Beenisay in Arrimo Amni ama Sharciyeed Sabab u Yihiin Hakinta Ku-meel-gaadhka ah ee Adeegyada Booking ee Dekedda Berbera

Cadayn la xidhiidha in sababo farsamo awgeed si ku meelgadh ah loogu hakiyay adeegyada booking badacadah ka imanaya ama u socda dekeda Berbera ee shirkada Mearsk qaban jirtay.
Waxa la caddeynayaa in hakinta ku-meel-gaadhka ah ee adeegyada booking ee xamuulka u socda ama ka imanaya Dekedda Berbera aanay la xidhiidhin wax dhibaato ah oo dhinaca hawlgalka, amniga, ama nidaamka sharciyeed ee dekedda ah. Dekedda Berbera weli waa marin ganacsi oo istaraatiiji ah oo muhiim u ah isku xidhka ganacsiga gobolka.
Hakintan waxay si gaar ah uga dhalatay:
Caqabado ku yimid isku xidhka shabakadda maraakiibta (network) iyo adeegyada feeder-ka
Hakad ku yimid adeegii ugu dambeeyay ee keenayay xamuulka Berbera
Iyo in aan hadda la heli karin xal kale oo feeder ah xaaladaha suuqa ee jira awgood
Sidoo kale:
Waxaa jirta yaraanta awoodda maraakiibta (tonnage)
Iyo korodhka kharashaadka hawlgalka, taas oo keentay go’aan adag oo ah in si ku-meel-gaadh ah loo joojiyo aqbalidda booking-ga
Si kastaba ha ahaatee:
Waxaa la diyaariyey xalal kale oo ku-meel-gaadh ah, sida safarro gaar ah (ad hoc sailings) si loo fududeeyo sii socoshada adeegyada
Xamuulka waxaa lagu qaadi karaa habab kale iyadoo la eegayo suurtagalnimada hawlgal, amniga, iyo helitaanka agabka
Shirkaddu waxay:
Xaqiijinaysaa inay ka go’an tahay Dekedda Berbera
Isla markaana si joogto ah u qiimeyn doonto xaaladda si dib loogu bilaabo adeegyada marka xaaladaha suuqu hagaagaan

Hal-kudhegga Sannadka ee xuska 35 guuradda 18-May waa AQoonsi iyo Adkaysi.

Maareeyaha Hay’adda Dekedaha Somaliland, Mudane Cali Diiriye Axmed, ayaa saaka xafiiskiisa ku qaabilay ganacsatada dhoofinta xoolaha iyo daneeyayaasha kale ee ay wada shaqaynta leeyihiin, kuwaas oo ay ka mid yihiin Wasaaradda Xannaanada Xoolaha, Kastamka, shirkadda DP World iyo hay’adaha amniga.

Kulankan ayaa diiradda lagu saaray dardargelinta iyo habsami u socodka dhoofka xoolaha, gaar ahaan moosimka Xajka, si loo hubiyo in adeegyada dekeddu u shaqeeyaan si hufan oo waxtar leh.

Intii uu socday kulanka, dhinacyadu waxay is-weydaarsadeen aragtiyo iyo talooyin ku saabsan sidii loo xoojin lahaa wada shaqaynta, loona horumarin lahaa tayada adeegyada dhoofka xoolaha.

Ugu dambayn, waxaa la isla qaatay in la dardar-geliyo hawlaha shaqo isla markaana la mideeyo dadaallada lagu horumarinayo adeegyada dhoofka xoolaha, si ay uga jawaabaan baahiyaha ganacsatada iyo dalabka moosimka Xajka, kaas oo bilaabmaya maalinta Sabtida ee usbuuca dambe 02/05/2026.

iyo

Maareeyaha Dekedaha Somaliland oo Soo Dhaweeyey Wasiirka Hawlaha Guud

Maareeyaha Guud ee Hay’adda Dekedaha Somaliland, Mudane Cali Diiriye Axmed, ayaa si diirran u soo dhaweeyey Wasiirka Hawlaha Guud, Mudane Xuseen Axmed Caydiid, oo booqasho shaqo ku tegay Dekedda Berbera.

Booqashadan ayaa lagu xoojinayey iskaashiga iyo kormeerka horumarka ka socda dekedda, iyadoo Maareeyuhu uga mahadceliyey Wasiirka booqashadiisa iyo danayntiisa horumarinta halbowlaha dhaqaalaha dalka.

Sawiro: Maareeyaha Hay’adda Dekedaha Somaliland, Cali Diiriye Axmed, ayaa ka qayb-galay munaasabadda xil-wareejinta Maareeyaha iyo Maareeye Ku-xigeenka Hay’adda Ganacsiga Cashuuraha Ka Caagan, iyo sidoo kale xil-wareejinta Guddiga Agaasinka ee Hay’adda Dekedaha iyo Hay’adda Ganacsiga Cashuuraha Ka Caagan.