Xafiiska Isuduwaha Wasaaradda Gargaarka iyo Maaraynta Musiibooyinka G.Mudug

Hambalyo iyo Duco Ardayda Puntland 🌹
Maanta oo ay taariikhdu tahay. 30/05/2026, waxaan hambalyo iyo bogaadin u dirayaa dhammaan ardayda reer Puntland meel kasta oo ay joogaan, kuwaas oo u fadhiya imtixaannada shahaadiga ah ee Dowladda putland.
Waxaan Alle SWT ka baryayaa inuu idiin fududeeyo imtixaanka, idinkuna ku guulaysataan dadaalkii iyo wakhtigii aad geliseen waxbarashadiinna. Waxaan idiin rajaynayaa natiijooyin wanaagsan, guul iyo horumar mustaqbalka iftiimiya.
Hambalyo gaar ah ayaan u dirayaa ardayda Gobolka Mudug, kuwaas oo maanta muujinaya dadaal, karti iyo himilo sare. Waxaan idiin rajaynayaa in aad noqotaan jiilka horseeda horumarka, nabadda iyo barwaaqada bulshada Soomaaliyeed.
Guushu waxay raacdaa dadaalka, aqoontuna waa furaha horumarka.
Alle ha idiin fududeeyo imtixaanka, hana idinka dhigo kuwo guulaysta.
📚✍️ Guul iyo Gobannimo ayaan idiin rajaynaynaa dhammaantiin.
Dhamaad..........
Xafiiska Wasaaradda Gargaarka iyo Maaraynta Musiibooyinka G.Mudug

Xafladda qalin jabinta ardayda dhamaysay fasalka 12aad ee dugsiga sare ee kuweyd dufcadii 1aad Ayaa lagu qabtay deegaanka kuweyd ee degmada Bursaalax gobolka Mudug .
waxaana Xafladdani ka soo qayb galay gudoonka waxbarashada degmada, Isuduwaha Wasaaradda Gargaarka Maareynta Musiibooyinka gobolka Mudug,
Masuuliyiin ka socotay jaamacadda pust iyo red sea university, maamulka dugsiga sare ee Cumar Samatar,
Maamulayaasha dugsiyada Waxbarashada Degmada Bursaalax, qaar kamid ah xildhibaanada golaha deegaanka degmada Culimo Awdiin cuqaal, waxgarad iyo sidoo waalidiinta ardayda Dugsigani
Iyada oo xafladdani qayb ka ahaayeen ardayda ka qalin badalatay fasalka 8aad ee dugsiga dhexe dufcadii 6aad .

Ugu Dambayntii Xafladdan ayaa dardaaran iyo duco ka dib ku soo dhamaatay jawi farxadeed.
warfaafinta Wasaaradda Gargaarka iyo Maaraynta Musiibooyinka G.Mudug

𝐖𝐀𝐑-𝐒𝐀𝐗𝐀𝐀𝐅𝐀𝐃𝐄𝐄𝐃

Taariikh: 13-May-2026, Garoowe , Puntland , Somalia

𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐞𝐲𝐧𝐭𝐚 𝐌𝐚𝐬𝐢𝐢𝐛𝐨𝐨𝐲𝐢𝐧𝐤𝐚 iyo 𝐗𝐚𝐫𝐮𝐧𝐭𝐚 𝐌𝐚𝐚𝐫𝐞𝐲𝐧𝐭𝐚 𝐗𝐨𝐠𝐚𝐡𝐚 𝐊𝐡𝐚𝐲𝐫𝐚𝐚𝐝𝐤𝐚 𝐁𝐢𝐲𝐚𝐡𝐚 𝐢𝐲𝐨 𝐃𝐡𝐮𝐥𝐤𝐚 𝐃𝐚𝐰𝐥𝐚𝐝𝐝𝐚 𝐏𝐮𝐧𝐭𝐥𝐚𝐧𝐝 waxay si wadajir ah u beeninayaan warqad digniin ah oo lagu faafiyey baraha bulshada kana soo baxday Hay’adda Maareynta Musiibooyinka ee Soomaaliya (𝐒𝐎𝐃𝐌𝐀) taas oo lagu sheegay in duufaano iyo roobab culus ay ku wajahan yihiin gobollo ka tirsan Puntland iyo qaybo kamid ah deegaanada xeebaha muddada u dhaxaysa 𝟏𝟐-𝟏𝟕 𝐌𝐚𝐲 𝟐𝟎𝟐𝟔.

Kadib markii la sameeyay hubin rasmi ah, waxaan xaqiijinaynaa in xogtaasi aysan ahayn mid rasmi ah laguna go’aan qaadan karo.

Waxaa sidoo kale nasiib daro ah in xog aan tixraac iyo raad lahayn lala wadaago bulshada reer Puntland.

Haddaba bahda-warbaahinta iyo bulsho weynta reer Puntland waxaa lagu wargelinayaa inay ka feejignaadaan faafinta xogo aan la hubin oo keeni kara cabsi iyo jahawareer bulsho.

Wasaaradda Gargaarka iyo Maareynta Masiibooyinka iyo Xarunta Maareynta Xogaha Khayraadka Biyaha iyo Dhulka Dawladda Puntland waxay bulshadooda ku wargelinaysaa in dhammaan digniinaha cimilada iyo xaaladaha Khataraha degdegga ah ay kala socdaan:
• Mareegaha rasmiga ah ee Wasaaradda iyo Xarunta.
• Bogagga rasmiga ah ee baraha bulshada ee Wasaaradda iyo Xarunta.
• Warbaahinta dowladda iyo bahwadaagta la shaqeeya mareegohooda rasmiga ah.

Ugu dambeyn, Wasaaradda iyo Xaruntu waxay si joogta ah ula soconayaan xaaladaha cimilada iyo bixinta xogaha saxda ah waqtiga ku haboon.

— DHAMMAAD —

🌧️ 𝐒𝐀𝐀𝐃𝐀𝐀𝐒𝐇𝐀 𝐑𝐎𝐎𝐁𝐊𝐀 𝐄𝐄 𝐓𝐎𝐃𝐃𝐎𝐁𝐀𝐀𝐃𝐊𝐀 𝟏𝟎-𝟏𝟔 𝐌𝐀𝐘 𝟐𝟎𝟐𝟔:

Sida ay muujinayso khariiradda saadaasha roobka ee toddobaadkan, guud ahaan roobabka laga filayo deegaanada Puntland waxay ahaan doonaan kuwo dhexdhexaad ah.

📍Qaybo kamid ah deegaanada 𝐆𝐚𝐚𝐥𝐤𝐚𝐜𝐲𝐨, 𝐁𝐮𝐫𝐭𝐢𝐧𝐥𝐞, 𝐗𝐚𝐫𝐟𝐨, 𝐉𝐚𝐫𝐢𝐢𝐛𝐚𝐧, 𝐁𝐮𝐫𝐬𝐚𝐚𝐥𝐚𝐱, 𝐆𝐚𝐥𝐝𝐨𝐠𝐨𝐛, 𝐋𝐚𝐚𝐬𝐜𝐚𝐚𝐧𝐨𝐨𝐝, 𝐁𝐮𝐮𝐡𝐨𝐨𝐝𝐥𝐞, 𝐁𝐨𝐨𝐜𝐚𝐦𝐞, 𝐃𝐚𝐧𝐠𝐨𝐫𝐚𝐲𝐨, iyo 𝐑𝐚𝐤𝐨 ayaa la filayaa inay helaan roobab dhexdhexaad ah inta lagu jiro muddadan.

⚠️ Bulshada ku nool meelaha la saadaaliyay roobabka dhexdhexaadka ah waxaa lagula talinayaa inay muujiyaan 𝐟𝐞𝐞𝐣𝐢𝐠𝐧𝐚𝐚𝐧 𝐝𝐡𝐞𝐞𝐫𝐚𝐚𝐝 ah, gaar ahaan inay ka fogaadaan biyo-mareennada, togagga, iyo meelaha dhulka hooseeya, si looga hortago khataraha ka dhalan kara qulqulka biyaha.

Saadaashan roobka waxay isbeddeli kartaa waqti kasta, iyadoo ay saameynayaan duruufaha cimilada ee is rogrogaya. Sidaa darteed, 𝐗𝐚𝐫𝐮𝐧𝐭𝐚 𝐌𝐚𝐜𝐥𝐮𝐮𝐦𝐚𝐚𝐝𝐤𝐚 𝐊𝐡𝐚𝐲𝐫𝐚𝐚𝐝𝐤𝐚 𝐁𝐢𝐲𝐚𝐡𝐚 𝐢𝐲𝐨 𝐃𝐡𝐮𝐥𝐤𝐚 𝐞𝐞 𝐃𝐨𝐰𝐥𝐚𝐝𝐝𝐚 𝐏𝐮𝐧𝐭𝐥𝐚𝐧𝐝 waxay si joogto ah ula socotaa isbeddelada cimilada si loo helo xog sax ah oo waqtigeeda la jaanqaadaysa.

Deganka Godad: 08/05/2026.

Waxaa sharaf wayn noo ahayd in aan ka qayb Galo Xarig jarka Qolalka Hooyada iyo dhalaanka ee lagu siyaadiyey Godad MCH.

Qolalkan oo loogu tala galay in ay ku umulaan hooyooyinka deegaanka ayaa waxaa si toos ah xariga uga jaray Wasiir kuxigeenka Amniga Dow. Puntland Mr. yusuf Dujana , oo mudooyinkan Gobolka ujoogay hawlo shaqo, sidoo kale xaflada waxaa kasoo qayb galay bahda caafimaadka heer Gobol iyo Heer Dagmo, isuduwayaal, maamulka deegaanka Godad , waxgarad, ururka haweenka iyo dhalinyaro.

Mashrucan waxaa hirgaliyey Ururka Talo iyo Tabar Wadaag (TTW). Oo uu hogaamiyo Ahmed Ali Bixi

Ugu dambayn waxan u mahadciln ururka iyo cid kasta oo gacan kagaysatay,

Waxaan rajayn in meternity roomskan lagu daray MCH-ka ay dabooli doonan baahida Hooyada iyo dhalaanka .

.

🌧️ SAADAASHA ROOBKA EE TODDOBAADKA 03–09 MAY 2026

Saadaasha roobka ee maalmaha 03-09 may ayaa ah mid dhexdhexaad ah.

📍Qaybo kamid ah deegaanada hoos taga Ceerigaabo, Burtinle, Godobjiiraan, Galdogob, iyo Carmo ayaa la filayaa inay helaan roobab dhexdhexaad ah oo xaddigoodu gaari karo 50–100 mm.
Sidoo kale, deegaanada Garoowe, Laascaanood, Xarfo, Bursaalax, Laasqoray, Badhan, Dhahar, Rako, Iskushuban, Eyl, Ufayn, Taleex, Buuhoodle, Jariiban, iyo Gaalkacyo ayaa laga filayaa roobab u dhexeeya 10–40 mm.

⚠️ Bulshada ku nool deegaanada la filayo roobabka dhexdhexaadka ah waxaa lagula talinayaa inay muujiyaan feejignaan dheeraad ah, gaar ahaan inay ka fogaadaan biyo-mareennada, togagga, iyo meelaha dhulka hooseeya, si loo yareeyo khataraha ka dhalan kara qulqulka biyaha.

Saadaashan roobka waxay isbeddeli kartaa waqti kasta, iyadoo ay saameynayaan duruufaha cimilada ee is rogrogaya. Sidaa darteed, Xarunta Macluumaadka Khayraadka Biyaha iyo Dhulka ee Dowladda Puntland waxay si joogto ah ula socotaa isbeddelada cimilada si loo helo xog sax ah oo waqtigeeda la jaanqaadaysa.

GAROOWE: 1- MAY 2026:- Wasiirka Wasaaradda Gargaarka iyo Maaraynta Masiibooyinka PuntlandAbdinasir Yusuf Haji-Green ayaa munaasabadda Maalinta Shaqaalaha Adduunka awgeed, hambalyo iyo bogaadin u diraya dhammaan shaqaalaha Puntland, gaar ahaan hawl-wadeennada madaalayaasha ah ee Wasaaradda Gargaarka iyo Maaraynta Masiibooyinka Puntland.

1-da May waa fursad lagu xuso kaalinta muhiimka ah ee shaqaaluhu u leeyihiin bulshada, gaar ahaan dhanka adeegga iyo wax-soo-saarka.

Link Official X/ TWITTER
https://x.com/plhumanitarian?s=21

Link Official TIKTOK:
https://www.tiktok.com/

𝐃𝐇𝐀𝐌𝐌𝐀𝐀𝐃

𝐗𝐀𝐅𝐈𝐈𝐒𝐊𝐀 𝐖𝐀𝐑𝐅𝐀𝐀𝐅𝐈𝐍𝐓𝐀 𝐖𝐀𝐒𝐀𝐀𝐑𝐀𝐃𝐃𝐀 𝐆𝐀𝐑𝐆𝐀𝐀𝐑𝐊𝐀 𝐈𝐘𝐎 𝐌𝐀𝐀𝐑𝐄𝐘𝐍𝐓𝐀 𝐌𝐀𝐒𝐈𝐈𝐁𝐎𝐎𝐘𝐈𝐍𝐊𝐀 𝐏𝐔𝐍𝐓𝐋𝐀𝐍𝐃.

Xil-wareejinta Guddoomiyaha Jaaliyadda Puntland ee Kenya

Jaaliyadda Puntland ee Kenya waxay si rasmi ah u shaacinaysaa qabsoomidda munaasabadda xil-wareejinta guddoomiyaha, taas oo astaan u ah hannaanka hoggaamineed, isbeddelka nidaamsan, iyo xoojinta wadajirka bulshada.

Waxaan si xushmad leh u casumaynaa aqoonyahanka, ganacsatada, dhalinyarada, haweenka, iyo dhammaan qaybaha kala duwan ee bulshada inay ka soo qeyb galaan munaasabaddan qiimaha leh Guddoomiyaha Saed Ya'kub

📍 Diamond Plaza 2, Parklands – Nairobi
🗓 01 May 2026 (Friday) | ⏰ 6:00pm

🤝 Midnimo, Wadajir, iyo Horumar

:- Wasaaradda Ganacsiga, Warshadaha iyo Maalgashiga Puntland ayaa 30-ka April 2026 ku qabatay Gaalkacyo shir dib-u-eegis iyo wada-tashi ah oo ku saabsan xeerka maalgashiga Puntland, diyaarinta xeerka shirkadaha, iyo habraaca PPP iyo siyaasadahooda.

Shirka waxaa ka qayb galay masuuliyiin ka tirsan dowladda, maamulka gobolka Mudug, ganacsato iyo bulshada rayidka ah, iyadoo ujeedku ahaa in la helo talooyin lagu horumarinayo sharciyadaas.

Roobab Wata Fatahaado oo laga Cabsi Qabo inay ka Da’aan Qaybo ka mid ah Deegaannada Puntland- (Nugaal, Mudug & Karkaar) 30 April – 12 May 2026

Saddexda maalmood Ee soo socda, deegaannada Puntland waxaa la filayaa inay ka da’aan roobab mahiigaan ah oo sababi kara fatahaado;

Sida ka cad khariidadda jaantuska (Map)ka -Ee hoose.

Fiiro- Gaara

waxaa lagu wargelinayaa shacabka ku nool deegaannada Puntland inay muujiyaan taxaddar dheeri ah, isla markaana ka fogaadaan meelaha biyo-mareennada ah iyo goobaha u nugul fatahaadaha.