10/09/2025
Gaalkacyo – Taliyaha Ciidamada Isku-dhafka Gobolka Mudug ee Puntland iyo Galmudug, Cabdiqani Yaasiin Maxamuud (Haanfari) iyo ku-xigeenkiisa Cabdifitaax Cali Dabaadi, ayaa maanta kormeer ku tagay xaafaddii xalay ay ka dhacday shaqaaqo hubeysan oo dhex martay laba maleeshiyo beeleed.
Xaaladda ayaa haatan degan, iyadoo ciidanka booliska iyo kuwa kale ee ammaanka labada maamul ay joogaan goobta si ay u xakameeyaan dib-u-soo noqoshada rabshadahan.
Ciidanka isku dhafka booliska gobolka Mudug ayaa had iyo jeer kaalin muuqatq ka qaata nabadaynta iyo xakamaynta shaqaaqooyinka ka dhaca gobolka Mudug.