Hon Mohamed Baarri Shire

Qofku inta nool yahay ayuu mudan yahay in lagu maamuuso wanaaggiisa, waxqabaskiisa, kartidiisa, dedaalkiisa, qiimihiisa & kaalinta uu ugu jiro bulshadiisa.

" Xaaladaha adag waa la kala miirmaa oo waa xilliyada la kala ogaado waxtarka dadka".

Hon Mohamed Baarri Shire

" Inaan nabad & iskaashi kula noolaanno deriskeenna Dowladda Galmudug waa waajib waxaana uga digay Xasan Shiikh oo ah Madaxweyne waqtigiisu dhammaaday si sharci darro ah-na ku jooga Xafiiska inuu ka wantoobo faragellinta uu ku hayo".

" Anigoo tixraacaya habraacyada Dastuurka Federaalka ee 2012 la ansixiyey waxaan Xasan Shiikh xasuusinayaa in Galmudug iyo Dowladaha kele ee xubnaha ka Federaalka inay Doorashooyinkooda xor u yihiin inay iyagu qabsadaan".

"Anigoo ka walaacsan in dhib soo gaaro nabadda, dowlad dhiska iyo midnimada aan ognahay duruufaha adag ee laga soo maray Madaxweynihii h**e ee Xasan Shiikh waxaan ugu baaqay inuu talada dhulka dhigo kana dheeraado in maamullada kele uu ku sameeyo dhibaatadii uu Baydhabo ka sameeyey".

" Waxaan bulshada reer Puntland ee Gobolka Mudug aan ku bogaadiyey sida wanaagsan ee ay nabadda & walaalnimada ay ugu wada nool yihiin walaaladooda Galmudug".

Hon Mohamed Baarri Shire

Waxaan maanta ka qayb-galay munaasibadda xiritaanka Tababarka Ciidammada Booliiska loogu soo xiray Dugsiga Tababbarka Ciidammada Gen Carays ee Godod Mudug.

" Tababbarkan aan u soo xirnay Ciidamo 500 gaaraya oo horrayna uga mid ahaa Booliiska Puntland ayaan kula dardaarnay in shaqadooda ay ka muuqato tababarka iyo xirafadaha horta leh ee ay soo barteen".

Munaasibaddan ayaa inoogu soo dhammaatay guul iyadoo aniga & masuuliyiinta kele ee munaasibaddan ka hadlay ay Booliiska ku biiriyeen talooyin waxtar leh.

Hon Mohamed Baarri Shire

Hadal Jeedintii maanta aan ka jeediyay tababarkii loo soo xirayay 500 oo Askar Booliiska Puntland oo tababar ugu socday Dugsiga Tababarka Gen. Carays ee Godod.

Hon Mohamed Baarri Shire

Waxaan maanta tababar ugu soo xiray Dugsiga Tababarka Ciidanka Gen:Carays ee Godod Gobolka Mudug 500 oo Askar Booliis ah oo tababar xirfaddooda kor loogu qaadayo soo dhamaystay. Waana dafcadii 10-aad Ciidanka Booliska PL.

" Ciidankan oo horrrey-ba uga mid ahaa Booliiska Puntland ayaan ku boorriyey inay ku shaqeyaan aqoonta & tababarka ku soo kordhay shaqadii wacnayd ee bulshadooda u hayeen".

" Ciidankan ayaan ku bogaadiyey siday uga faa'iidaysteen uguna dhabar adaygeen muddadii uu tababarkani uu u socday".

" Hoggaanka Booliiska PL, & xukuumadda ayaan ku ammaanay dedaallada, juhdiga & dhaqaalaha ay gelisay tababarrada & aqoon kororsiyada Ciidammada Booliiska".

Hon Mohamed Baarri Shire

Bismillaah:- Waa dardaaran iyo baraarujin aan bulshada Reer Bosaaso ku booriyey inay ilashadaan nabadda & midnimada sababtay in magaalladooda lagu soo hirto sidii ay horrayba caanka ay ugu ahayd.

" Waxaan xasuusiyey sida ay sannado ka hor ay ahayd iyo sida ay maanta tahay ee ay horumarka deg-dega u gaartay tasoo uu ugu horreeyo maalgashiyada ay Somali oo dhan ay ka samaysannayso markii amaanka la adkeeyey".

Waxaan sidoo kele hoga-tusaaleeyey sida ay muhiim u tahay inaan mar kele loo soo dhuuman oo ay iska ilaaliyaan cid kasta oo dhib ku ah nabadgelyada, midnnimada, dowladnnimada iyo sarraynta sharciga..
Hon Mohamed Baarri Shire

"Waxaan bogaadinayaa Ganacsata hal-abuuray ee hirgeliyey Ganacsigan waxtarka weyn leh".

"Mashaariic-da noocan oo kele ah waa kuwo hoos u dhigaya shaqo la'aanta, tahriibta waxaana faa'iideeda caddayn u ah dadka tirada badan ee isla markiiba ka shaqo bilaabay".

" Muddooyinkii u danbbeeyey waxaa sii kordhaya Ganacsata Dalka ee maalgashanaya Dalka, waana talaabo guula oo mudan amaan & dhiirigellin".

"Siyaasadda Dowladda Puntland ee dhanka Ganacsigu waa xor sida ku cad xeerrarka & Siyaasadda Ganacsiga tasoo ay bilawgii dowladdii dhiska DPL ay meel-mariyeen Golaha sharci dejinta & Golaha fulinta".

Ugu danbbayn Guul & inay noqoto mid Ganacsata hirgelisay Doog Business Center ay iyaga iyo Dalkuba ku najaxo ayaan u rajaynayaa idanka Rabbi.

Hon Mohamed Baarri Shire