Xisbiga Sincad

27 May | Jowhar

Waxaa si rasmi ah shalay magaalada Jowhar, caasimadda Hirshabeelle, looga daahfuray Xisbiga SINCAD, iyadoo munaasabadda uu hoggaaminayay Xoghayaha Guud ee Xisbiga SINCAD, Abdifatah Hassan Afrah.

Daahfurka munaasabadda ayaa waxaa kasoo qeyb galay odayaasha dhaqanka, haweenka, dhalinyarada iyo qeybaha kala duwan ee bulshada, kuwaas oo muujiyay taageeradooda iyo sida ay ugu heelan yihiin ka qeyb qaadashada geeddi-socodka siyaasadeed ee dalka.

Munaasabaddu waxay ahayd mid si weyn loo soo agaasimay, isla markaana muujisay koboca iyo taageerada sii kordheysa ee Xisbiga SINCAD gudaha magaalada Jowhar.

Madaxda sare iyo maamulka xisbigga SINCAD waxay munaasabada ciidul-Carafa la wadaagayaan dhamaan shacabka Soomaaliyeed meelkasta oo ay joogaan, gaar ahaan xubnaha iyo taageerayaasha xisbigga.

كل عام وانت بخير.

25 May 2026 — Caabudwaaq

Howlwadeennada, wakiillada, iyo xubnaha Urur Siyaasadeedka SINCAD ee degmada Caabudwaaq ayaa wada kulamo joogto ah oo ay la leeyihiin qeybaha kala duwan ee bulshada.

Taageerada bulshada ayaa muujinaysa kalsoonida sii xoogeysanaysa ee lagu qabo ururka iyo rajada laga qabo doorashooyinka soo socda.

Jawhar: 24 May 2026

Xoghayaha Guud ee xisbiga SINCAD, Abdifatah Hassan Afrah ayaa xalay bulshada caasimadda Jowhar la qaatay kulan is xog-wareysi ah, isagoo si dhow kulamo ula qaatay qeybaha kala duwan ee bulshada magaalada.

Sidoo kale, Xoghayaha ayaa qaabilay qaar kamid ah dhalinyarada haldoorka ah ee magaalada Jowhar, iyadoo kulankaasi diiradda lagu saaray dardargelinta doorashada, taageeridda Xisbiga SINCAD iyo sidii dhalinyarada ay door muuqda uga qaadan lahaayeen ololaha iyo guusha xisbiga.

Laascaanood, Waqooyi Bari Soomaaliya

Urur-siyaasadeedka SINCAD ayaa magaalada Laascaanood ku yeeshay kulan muhiim ah oo ay isugu yimaadeen hoggaanka heer dowlad-goboleed, kan Gobolka Sool, kan Degmada Laascaanood, iyo hawl-wadeennada ururka.

Kulankan ayaa diiradda lagu saaray xoojinta hawlaha ururka, mideynta awoodda iyo dadaallada ururka, adkaynta wada-shaqeynta, iyo dardargelinta hawlaha hortebinta leh.

Urur-siyaasadeedka SINCAD wuxuu sii xoojinayaa abaabulka bulshada iyo dadaallada siyaasadeed ee ku dhisan caddaalada iyo sinaanta.

Xisbiga SINCAD oo daahfuray barnaamijka diiwaan-gelinta xubnaha xisbiga, sidoo kalena ku dhawaaqay Abaal-marino.

Gudoomiyaha xisbiga SINCAD Eng Maxamuud Khaliif Jabiye, oo uu weheliyo xoghayaha guud ee xisbiga Cabdifataax Xasan Afrax, Xiriiryaha xisbiiga ee gobolada Axmed Saney, Gudoomiyaha degmada Waaberi Muqdisho, Madaxda garabyada iyo qaar ka mid ah xubnaha golayaasha degmooyinka caasimada Muqdisho ayaa xafiiska Xisbiga ee Muqdisho ka daah-furay barnaamijka diiwaangelinta xubnaha xisbiga SINCAD ee guud ahaan Soomaaliya.

Barnaamijkaan ayaa ujeedkiisu yahay in dhamaan xubnaha xisbiga meelkasta oo ay jooggaan ay hellaan xubinimada rasmiga ah ee ururka, sidoo kalena ay la socdaan dhamaan shaqooyinka iyo macluumaadka ku saabsan xisbiga. Barnaamijkaan ayaa ah mid ku dhisan technology-da casrigg ah, waxayna dhamaan xubnaha isku diiwaan-gelinayaan hab Online ah.

Madaxda Xisbigga SINCAD ayaa ku dhawaaqday Abaal marinadaan:

1: Kaalinta 1aad waxaa laga rabaa ugu yaraan 3,000 oo qof inuu diiwaan geliyo uguna cod bato tartamayaasha “Abaal marintiisu waa Gaari”.

2: Kaalinta 2aad waxaa laga rabaa ugu yaraan 2,000 oo qof inuu diiwan galiyo uguna cod bato tartamayaasha “Abaal marintiisu waa Laptop Macbook ah”.

3: Kaalinta 3aad waxaa laga rabaa ugu yaraan 1,000 qof inuu diiwaan galiyo uguna cod bato tartamayaasha. “Abaal marintiisu waa I phone 17 pro max”.

Qofkasta marka uu isdiiwaan-geliyo Linkgiisa ha copy garaysto si dadka aad ugu dirto diiwaan gelintooda adiga laguugu xisaabiyo.

Linkiga diiwaangelinta.

Barnaamijku wuxuu bilaabanaya 20-5-2026 wuxuu dhamaanayaa 30-6-2026.

https://sincadparty.com/register?ref=B02C74C2