Hay’adda Maamul Wanaagga iyo La-dagaalanka Musuqmaasuqa Puntland

SAWIRRO, GAROWEW: Hay’adda Maamul Wanaagga iyo La-dagaalanka Musuqmaasuqa Puntland ayaa maanta si rasmi ah u ansixisay Qorshaha Shanta Sano (2026–2030) ee Xafiiska Maamul-wanaaga iyo La-dagaalanka Musuqmaasuqa Puntland, qorshahan ayaa ah mid laf-dhabar u noqon doona hufnaanta, isla xisaabtanka iyo dib-u-habaynta nidaamka maamulka ee Puntland.

Qorshahan oo muddooyinkii u dambeeyay la diyaarinayey ayaa isku xiraya hannaanka maamul ee casriga ah, kor u qaadidda hufnaanta shaqo, iyo adkaynta la dagaalanka musuqmaasuqa, iyadoo dowladda Puntland ay sheegtay inuu yahay mid ku saleysan baahiyaha dhabta ah ee hay’adaha iyo bulshada.

Kusimaha Agaasimaha Hay'adda Maamul wanaaga Puntland, Yaasiin Jaamac ayaa sheegey in xafiiska Maamul-wanaaga iyo La-dagaalanka Musuqmaasuqa uu ballan qaaday in qorshahan loo badalayo ficil wax ku ool ah, ayna jiri doonaan warbixino joogto ah oo la xiriira halka uu marayo hirgelintiisa hay'ad kasta oo dowladdeedna lagu kor joogtayn doono.

Mas'uuliyiintii kasoo qeyb gashay shir ansixinta Qorshan ayaa waxaa kamid ahaa, Agaasimaha guud ee Dalladda bulshada Rayidka ah ee Puntland PUNSAA, Kusimaha madaha UNDP Puntland Marwo Xaawo Cumar, Sheekh Fu'aad Xaaji oo kamid ah Culimadda'ugu waaweyn Puntland, Agaasimaha Tvga Dowladda Puntland Cali Cabdi, Wakiilo kasocotay bulshada Rayidka ah ee Puntland, Ururadda Haweenka iyo mas'uuliyiinta shirkadaha gaarka loo leeyahay.

GAROWE: Hay'adda Maamul Wanaaga iyo. ladagaalanka Musuqmaasuqa Dowladda Puntland ayaa maanta Garowe ku qabatay Shirweynaha latashiga Hay'adaha dowladda ee qorshaha shanta sano ee soosocota, 2026- 2030.

Shirka ayaa waxaa kasoo qeyb galay Wasiiro katirsano.Xukuumadda Puntland Xildhibaano katirsan Baarlamaanka Puntland, Guddoomiye yaasha hay'adaha maddaxa bannaan, Agaasime yaasha guud ee Wasaaradaha, Culimada, iyo Madaxa UNDP Puntlan, Muuse Ducaale.

Shirkan oo ah shirkii 2aad oo ay Hay'adda Maamul Wanaaga la qaadato madaxda hay'adaha dowladda, waxaana shirkan ka h**eeyay bulshada rayidka oo laga tala galiyay qorshaha shanta sano ee hay'adda, taas oo ay gacan ka siinayso hay'adda UNDP Puntland.

Ugu h**een waxaa daahfuray shirka oo ka hadlay ajandaha maanta Agaasimaha guud ee hay'adda Maamul Wanaaga iyo la dagaalanka Musuqmaasuqa Puntland mudane Cabdifataax Salaad Aadan, waxa uu faahfaahin ka bixiyay qorshaha shanta sano ee soosocda iyo waxyaabaha looga baahan yahay in lafuliyo si bulshada loogu qabto adeeg hufan oo leh islaxisaabtan, daahfurnaan & dabagal joogto ah.

"Hay'addu waxay rabtaa in qorshaha shanta sano kula shaqeyso hay'adaha kale ee dowladdda iyo shacabkaba, kulamaduna waxay noqon doonaan kuwo joogto ah oo leh kormeer iyo qiimeyn, ayuu yiri Agaasime Cabdifataax Salaad Aadan"

Dhamaan mas'uuliyiintii kasoo qeyb gashay shirka ayaa dhankooda balan qaaday inay xoojin doonaan adeegyada ay bulshada u hayaan si looga jawaabo baahiyaha bulshada siiba kuwooda tabaalaysan.

Sawiiro.