Wasaaradda Duulista Hawada iyo Horumarinta Madaaradda JSL

Madaxwaynaha Jamhuuriyadda Somaliland Mudane Cabdiraxmaan Maxamed Cabdillaahi oo maanta kormeer ku yimid Wasaaradda Duulista Hawada iyo Horumarinta Madaaradda ayaa daah-furay Mashaariic ay ka hirgalisay Wasaaraddu Madaarka Caasimadda Hargeysa ee Egal International Airport iyo Xarunta Dhexe ee Wasaaradda, mashaariicdaasi oo kala ahaa:

1. Dhismaha Terminal-ka cusub ee soo dagayaasha oo ka kooban Qaybta Rakaabka, Qaybta Marti-sharafta (VIP Lounge) iyo Qaybta Madaxda Dowladda (Executive Lounge).
2. ⁠Xarunta Maamulka Hawada Sare oo lagu xoojiyay qalab cusub oo suurto-galinaya hagida iyo maamulka diyaaradaha isticmaala Airspace-ka Somaliland.
3. ⁠Dib-u-dhis, Qurxin iyo Qalabayn dhammaystiran oo lagu sameeyay Xafiisyada Xarunta Wasaaradda.

Kulankii Agaasimayaasha Waaxyaha Wasaaradda Duulista Hawada iyo Horumarinta Madaaradda JSL ee todobaadlaha ahaa ayaa maanta gelinkii dambe ka qabsoomay xarunta Wasaaradda. kulanka oo uu shir gudoominayay Agaasimaha Guud ee Wasaaraddu ayaa daarnaa mahadcelin iyo is-waraysi la xidhiidha shaqadii maanta sida ay u qabsoontay.

Kulanka ayaa dhacay ka dib booqashadii taariikhiga ahayd ee uu Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ku yimid Wasaaradda iyo Madaarka Cigaal. Intii uu madaxweynuhu joogay, waxa uu si rasmi ah xadhigga uga jaray mashaariicdii horumarineed ee laga hirgeliyey Wasaaradda iyo Madaarka Cigaal ee Hargeysa.

Intii kulanku socday, Agaasimaha Guud ayaa uga mahadceliyey Agaasime Waaxeedyada dedaalkooda iyo sida hagar la’aanta ah ee ay uga qayb qaateen fulinta iyo hirgelinta mashaariicdaas muhiimka ah ee kor u qaaday adeegyada duulista hawada iyo casriyeynta madaarrada dalka.

Xukuumadda Jamhuuriyadda Somaliland ayaa goaamo ka soo saartay Maamulka Hawada iyo eVisa.

Madaxwaynaha Jamhuuriyadda Somaliland Mudane Cabdiraxmaan Maxamed Cabdillaahi oo berri daah-furi doona Mashaariic ay hirgalisay Wasaaradda Duulista Hawada iyo Horumarinta Madaaradda oo la xidhiidha Madaarka Caasimada iyo Xarunta Dhexe ee Wasaaradda.

Wasiirka Duulista Hawada iyo Horumarinta Madaaradda ayaa hor-tagay Guddida Arrimaha Dibadda iyo Iskaashiga Caalamiga ee Golaha Guurtida JSL.

Wasiirka ayaa Warbixin ka siiyay Guddida Arrimaha Wasaaraddu ugu xil-saaran tahay Qaranka ee Duulimaadyada, Hawada, Gaadiidka Cirka, Maamulka iyo Horumarinta Madaaradda. Waxaana Wasiirku uu faah-faahiyay tallaabooyinka ay ilaa imika qaaday Wasaaraddu ee la xidhiidha Arrimaha Hawada.

Ugu dambayn Wasiirku waxa uu ka jawaabay dhammaan suaalihii xubnaha Guddidu ka waydiiyeen Maamulka Hawada, Arrimaha eVisa iyo Shuruucda dal-ku-galka ay ku dhaqmayaan Shirkaddaha Diyaaraddaha ee Somaliland ka haw-gala.

📅 𝗦𝗮𝘁𝘂𝗿𝗱𝗮𝘆, 𝗢𝗰𝘁𝗼𝗯𝗲𝗿 𝟮𝟱, 𝟮𝟬𝟮𝟱

Madaxwaynaha Jamhuuriyadda Somaliland oo Wasiirka Duulista Hawada iyo Horumarinta Madaaradda ku ammaanay tallaabooyinka uu ilaa imika qaaday ee Arrimaha Hawada

Wasaaradda Duulista Hawada iyo Horumarinta Madaaradda oo dayactir ku samaysay Madaarka Ceerigaabo

Wasaaradda Duulista Hawada iyo Horumarinta Madaaradda ayaa dhammaystiryay wajiga koowaad ee Dayactirka Madaarka Ceerigaabo, iyada oo la dayactiray Dhabada Diyaaradaha (Runway), Qaybta Dhigista Diyaaradaha (Abron) iyo Xafiisyada Madaarka.

Waxa kormeer ku tagay Wasiiru-dowlaha Arrimaha Gudaha iyo Amniga Qaranka iyo Maayar-ku-xigeenka Ceerigaabo, waxa goobta ku sugnaa oo Warbixin ka siiyay shaqada socota Agaasimaha Waaxda Madaaradda ee Wasaaradda Duulista Maxamed Xuseen Jaamac, Isu-duwaha Wasaaradda Duulista ee Gobolka Sanaag Aadan Yusuf Musa