Hay'adda Hawlgabka iyo Xaqsiinta Shaqaalaha Dawladda

𝐃𝐇𝐀𝐌𝐁𝐀𝐀𝐋 𝐇𝐀𝐌𝐁𝐀𝐋𝐘𝐎

Agaasimaha Guud ee Hay’adda Hawl-gabka iyo Xaqsiinta Shaqaalaha Dawladda Somaliland mudane Suleiman M. Obsiiye Waxa uu dhambaal hambalyo oo ku aaddan munaasibadda farxadda ee Ciidul-Fidriga u dirayaa shacabka Jamhuuriyadda Soomaalilaan gudo iyo dibedba meel kaste oo ay joogaan iyo dhammaan umadda Islaam kaba.
Agaasimuhu waxa uu hambalyo gaar ah u dirayaa shaqaalaha Hay’adda Hawl-gabka iyo Xaqsiinta Shaqaalaha Dawladda Somaliland

CIID WANAGSAN

Nairobi, 29 January 2026

Agaasimaha Guud ee Hay’adda Hawl-gabka iyo Xaqsiinta Shaqaalaha Dawladda JSL, *Md. Suleiman Maygag Obsiiye*, iyo masuuliyiin sar sare oo ka mid Dawladda Somaliland ayaa Nairobi kaga qayb-galay shir saddex maalmood soconaya oo ku saabsan dib-u-qaabayn iyo dib u eegis lagu samaynaayo, Mashruuca SERP ee uu maalgeliyo Bangiga Adduunku.

Mashruucan oo xoojinayaa, isla-xisaabtanka, daah-furnaanta, kobcinta iyo dib u habaynta Hay’addaha kala duwan ee bahda Maamul wanaagga, Maaliyadda, Shaqaalaha Dawladda, Hanti-dhawr-ka Guud, Qandaraasyadda iyo Golaha Wakiillada JSL.

Shirkan waxaa lagu lafo gurayaa waxqabadkii sanadkii h**e, sidoo kale, waxa laga dooddi doonaa suurto galnimada in wax-ka-beddel lagu sameeyo qaybaha kala duwan ee Mashruucu ka kooban yahay.

Agaasimaha Guud waxaa shirka ku wehelinaya;
1. Guddoomiyaha Guddida Dabagalka iyo Ilaalinta Hantida Qaranka ee Golaha Wakiillada
2. ⁠Guddoomiyaha Hay’adda Shaqaalaha Dawladda,
3. Guddoomiyaha Komishanka Maamul-Wanaagga
4. ⁠Agaasimaha Guud ee Wasaaradda Maaliyadda iyo Horumarinta Dhaqaalaha
5. ⁠Agaasimaha Guud ee Guddida Qandaraasyada Qaranka
6. ⁠Xidhiidhiyaha Mashruuca SERP ee Somaliland
7. ⁠iyo saraakiil kala duwan oo ka kala socday Xafiiska Hantidhawrka Guud ee Qaranka, Xafiiska Xisaabiyaha Guud ee Qaranka, Wasaaradda Maaliyadda iyo Horumarinta Dhaqaalaha,
8. ⁠Iyo kooxda fulinta mashruuca SERP oo fadhigoodu yahay Magalada Nairobi ee Dalka Kenya.

Tababar ku saabsan Maamulka iyo Maareynta Shaqada.

Maanta oo ay taariikhdu tahay 19/01/2026, Agaasimaha Guud ee Hay’adda Hawlgabka iyo Xaqsiinta Shaqaalaha Dawladda, Mudane, Suleiman Maygag Obsiiye ayaa tababar ku saabsan Maamulka iyo Maareynta u qabtay Agaasime Waaxeedyada Hay'adda. Agaasimaha oo ku dheeraaday muhiimadda ay hoggaaminta hufan iyo maamul wanaaggu u leeyihiin tayaynta adeegyada hay’adda iyo kor u qaadidda kalsoonida shaqaalaha.
Tababarkan waxaa bixiyay *Aqoonyahan, Cabdiraxmaan Cali Xirsi *, kaas oo si qoto dheer uga hadlay doorka hoggaamiyaha wanaagsani ku leeyahay, maaraynta shaqada iyo shaqaalaha, go’aan-qaadashada, iyo horumarinta wax-qabadka hay’adaha dawliga ah.

Tababarkan ayaa laga filayaa inuu wax weyn ka beddelo xirfadaha hoggaamineed iyo kartida maamulka ee agaasime-waaxeedyada, isla markaana uu gacan ka geysto horumarinta shaqada hay’adda guud ahaan.

Xafiiska Isgaadhsiinta
& Xidhiidhka Dadweynaha

Magacaabis Xilal Arbaca 14, 01-026

Agaasimaha Guud ee Hay'adda Hawl-gabka iyo Xaqsiinta Shaqaalaha Dawladda Mudane,
Suleiman Maygag Obsiiye oo maanta magacaabay Agasimayaasha Hay'adda Hawl-gabka iyo Xaqsiinta SHD

Munaasibadda curashada sannadka cusub ee 2026 awgeed, waxaan hambalyo iyo duco u dirayaa dhammaan shacabka Jamhuuriyadda Somaliland, gaar ahaan shaqaalaha Hay'adda Hawl-gabka iyo Xaqsiinta SHD.

Waxaan Alle SWT ka rajaynayaa in sannadkan cusub uu inooga dhigo sanadkii ictitaafka , horumarka, barwaaqada iyo badhaadhaha.

Aamiin yaa Allah

𝐀gaasimaha Guud ee Hay'adda Hawl-gabka iyo Xaqsiinta SHD