17/09/2026
Waxaan maanta ka qayb galay kulan ay soo agaasintay Wasaaradda Tamarta iyo Khayraadka Biyaha ee Dowladda Jubaland, kaas oo diiradda lagu saaray diyaar-garowga iyo ka hortagga saameynta ka dhalan karta El Niño, gaar ahaan dhinacyada biyaha, fayadhowrka iyo nadaafadda (WASH).
Kulanka waxaa ka qayb galay Wasaaradda Caafimaadka, MOHADMA, JUGRI, Maamulka Degmada Kismaayo, UNICEF, UNOCHA, WFP, Jubaland WASH Cluster iyo bahwadaag kale oo ka shaqeeya arrimaha bani’aadantinimada, biyaha, fayadhowrka iyo nadaafadda.
Intii uu kulanku socday, waxaa si wadajir ah looga wada hadlay qiimeynta khataraha iyo baahiyaha ka dhalan kara roobabka iyo fatahaadaha, diyaar-garowga xaaladaha degdegga ah, iyo sidii loo xoojin lahaa isku-dubbaridka Dowladda iyo bahwadaagta si loo helo jawaab-celin wax-ku-ool ah.
Kulankan wuxuu ahaa fursad muhiim ah oo lagu xoojinayo wada-shaqeynta iyo diyaar-garowga hay’adaha kala duwan, si bulshada looga ilaaliyo saameynta ka dhalan karta xaaladaha cimilada iyo fatahaadaha.