Northeast State Parliament

Northeast State Parliament Contact information, map and directions, contact form, opening hours, services, ratings, photos, videos and announcements from Northeast State Parliament, Government Official, Laascaanood.

GOLAHA WAKIILLADA OO AKHRINTII 2-AAD KU SAMEEYAY HINDISE SHARCIYEEDKA NOOTAAYOOYINKA DADWEYNAHA.Laascaanood, 25 October ...
25/10/2026

GOLAHA WAKIILLADA OO AKHRINTII 2-AAD KU SAMEEYAY HINDISE SHARCIYEEDKA NOOTAAYOOYINKA DADWEYNAHA.

Laascaanood, 25 October 2026: Guddoomiyaha Golaha Wakiillada mudane Aadan Cabdullaahi Aw-Xasan oo ay wehliso guddoomiye ku xigeenka 1-aad ee Golaha Marwo Amran Axmed Xasan ayaa shir guddoomiyay Kal-fadhiga 3-aad, fadhigiisa 5-aad ee Golaha Wakiillada Dawladda WBS.

Fadhiga maanta waxaa soo xaadiray (44) mudane.

Guddiga Garsoorka, Awqaafta iyo Arrimaha Diinta golaha Wakiillada ayaa golaha uga warbixiyay qodobada ay ku soo dareen iyo kuwa ay wax ka badelka iyo kaabista ku sameeyeen.

Intaa kadib, xubnaha golaha Wakiillada ayaa guda galay doodda sharciga ah ee ku saabsan hindisahan, waxa ayna soo bandhigeen aragtiyaha iyo soojeedinta ay u arkaan in guddigu qiimeeyo kuna soo daro warbixinta akhriska xiga.

Ugu dambeyn, fadhiga maanta waxaa soo xidhay guddoomiyaha golaha Wakiillada, waxa uuna uga mahadceliyay xubnaha soo xaadiray fadhiga maanta sida wanaagsan oo ay u guteen waajibaadkii loo igmaday, waxa uuna xusay in qodobadda doodda xubnaha lagu soo dari doonno warbixinta akhriska xiga.

Xafiiska Warfaafinta & Xidhiidhka Dadweynaha Golaha Wakiillada Dawladda WBS.

20/10/2026

Laascaanood, 20 October 2026: Guddiga Warfaafinta, Wacyigelinta, Dhaqanka, Boostada iyo Isgaadhsiinta Golaha Wakiillada Dawladda WBS ayaa maanta kormeer iyo booqasho ku tagay Wasaaradda Warfaafinta isgaadhsiinta iyo Tiknoolajiyada Dawladda Waqooyi Bari Soomaaliya.

Guddiga oo gudanaya waajibaadkooda shaqo ee ku dhisan isla xisabatanka iyo u adeegidda bulshada, ayaa warbixin ka dhagaystay Wasiirka Wasaaradda Warfaafinta, Isgaadhsiinta iyo Tiknoolajiyadda Mudane Axmed Cabdirisaaq Diiriye, iyagoona guddigu dhanka kale su’aalo ka waydiiyey hawlaha shaqo ee wasaaradda iyo caqabadaha hor taagan ee u baahan in loo helo xal waara.

Xafiiska Warfaafinta & Xidhiidhka Dadweynaha Golaha Wakiillada Dawladda Waqooyi Bari Soomaaliya

19/10/2026

Laascaanood, 19 October 2026: Guddiga Garsoorka, Awqaafta iyo Arrimaha Diinta Golaha Wakiillada Dawladda WBS ayaa kulan ay su’aalo ku waydiinayeen la yeeshay guddoomiyaha Maxkamadda Sare ee Dawladda WBS.

Laascaanood, 19 October 2026: Guddiga Garsoorka, Awqaafta iyo Arrimaha Diinta Golaha Wakiillada Dawladda WBS ayaa kulan ...
19/10/2026

Laascaanood, 19 October 2026: Guddiga Garsoorka, Awqaafta iyo Arrimaha Diinta Golaha Wakiillada Dawladda WBS ayaa kulan ay su’aalo ku waydiinayeen la yeeshay guddoomiyaha Maxkamada sare ee Dawladda WBS.

Kulankan ay guddigu la yeesheen guddoomiyaha Maxkamadda sare Mudane Shiikh Cabdinaasir Xaaji Maxamed ayeey guddigu xooga ku sareen, isla markaana su’aalo ka waydiiyeen arrimaha garsoorka iyo cadaaladda ee Maxkamada sare ee Dawladda WBS iyo shaqooyinka iyo adeegyada ay laamaha caddaaladdu u hayaan bulshada.

Sidoo kale waxay wax ka weydiiyeen caqabadaha u baahan in la xaliyo si adeega caddaaladda iyo maxkamaduhu u noqdo mid sareeya.

Xafiiska warfaafinta & Xidhiidhka Dadweynaha Golaha Wakiillada Dawladda WBS.

‎إنا للَه وإناإليه راجعونTACSI.‎Guddoomiyaha Golaha Wakiillada Dawladda WBS Mudane Dr Aadan Cabdullaahi Aw-Xasan oo ku h...
18/10/2026

‎إنا للَه وإناإليه راجعون

TACSI.
‎
Guddoomiyaha Golaha Wakiillada Dawladda WBS Mudane Dr Aadan Cabdullaahi Aw-Xasan oo ku hadlaya afka Golaha Wakiillada Waxa uu tacsi tiiraanya leh u dirayaa Allaha u naxariistee geerida naxdinta leh ee ku timid hooyo Basra Ducaalle Maxamed, oo ah hooyada Xildhibaan Jibriil Ciise Duullane, waxa uu Allaha uga baryayaa in uu naxariisa janno ku arsaaqo, qabrigana u waasiciyo, ehelka iyo qaraabada uu ugu horreeyo Xildhibaankana samir iyo iimaan ka siiyo.

Aamiin Aamiin Aamiin 🤲.

GOLAHA WAKIILLADA OO AKHRINTII 1-AAD KU SAMEEYAY HINDISE SHARCIYEEDKA KHAYRAADKA BIYAHA.Laascaanood, 18 October 2026: Gu...
18/10/2026

GOLAHA WAKIILLADA OO AKHRINTII 1-AAD KU SAMEEYAY HINDISE SHARCIYEEDKA KHAYRAADKA BIYAHA.

Laascaanood, 18 October 2026: Guddoomiyaha Golaha Wakiillada mudane Aadan Cabdullaahi Aw-Xasan oo ay wehliyaan guddoomiye ku xigeenka 1-aad ee Golaha Marwo Amran Axmed Xasan iyo guddoomiye ku xigeenka 2-aad Cabdirisaaq Jaamac Warsame (Salgan) ayaa shir guddoomiyay Kal-fadhiga 3-aad, fadhigiisa 4-aad ee Golaha Wakiillada Dawladda WBS.

Fadhiga maanta waxaa soo xaadiray (54) mudane.

Ugu horreyn, Wasiirka Wasaaradda Tamarta iyo Khayraadka Biyaha Dawladda WBS mudane Cabdi Xasan Maxamed Xijaar ayaa golaha ka horjeediyay hindise sharciyeedka Khayraadka Biyaha, waxa uuna muujiyay baahida muhiimka ah ee loo qabo hindisahan.

Ugu dambeyn, waxaa fadhiga golaha maanta lagu dhaariyay xubna cusub ee buuxin doonna boosaska xildhibaano horey xasaanad ka qaadis goluhu ugu sameeyay, xubnaha maanta la dhaariyay oo kamid noqdaana xubnaha golaha ayaa kala ahaa:
1. Aadan Jamac Maxamuud.
2. Axmed Siciid Cabdullaahi.
3. Ibraahin Axmed Cali Xashi.
4. Jamac Muuse Ciise
5. Cabdullaahi Xuseen Ciise.

Xafiiska Warfaafinta & Xidhiidhka Dadweynaha Golaha Wakiillada Dawladda WBS.

18/10/2026

Laascaanood, 18 October 2026:- Waxaa maanta dhaarinta sharciga ah la mariyey shan xubnood oo buuxiyay kuraasta xildhibaanimo ee Golaha wakiillada Dawladda Waqooyi Bari Soomaaliya, waxaana dhaarta shariciga ah mariyey guddoomiyaha Maxkamadda Sare ee Dawladda WBS Shiikh Cabdinaasir Xaaji Maxamuud sida uu dhigayo Dastuurka Dawladda WBS qodobkiisa100.

Xubnaha cusub oo la mariyay habraaca sharci ee uu dhigayo Dastuurka Dawladda WBS qodobadiisa 50-aad iyo 50-aad.

Xubha maanta dhaarinta maray ayaa kala ahaa:
1. Aadan Jamac Maxamuud.
2. Axmed Siciid Cabdullaahi.
3. Ibraahin Axmed Cali Xashi.
4. Jamac Muuse Ciise
5. Cabdullaahi Xuseen Ciise.

Xafiiska Warfaafinta & Xidhiidhka Dadweynaha Golaha Wakiillada Dawladda WBS.

Guddoomiyaha Golaha Wakiillada Dawladda WBS Mudane Aadan Cabdullaahi Aw-Xasan oo ay wehliso guddoomiye ku xigeenka 1-aad...
17/10/2026

Guddoomiyaha Golaha Wakiillada Dawladda WBS Mudane Aadan Cabdullaahi Aw-Xasan oo ay wehliso guddoomiye ku xigeenka 1-aad ee golaha Marwo Amran Axmed Xasan ayaa xafiiskiisa ku qaabilay Wasiirka Wasaaradda Caddaaladda, Arrimaha Diinta iyo Dastuurka Dawladda Waqooyi Bari Soomaaliya.

Guddoomiyaha ayaa Wasiirka Wasaaradda Cadaaladda, Arrimaha Diinta iyo Dastuurka Mudane Yuusuf Maxamed Cali oo uu wehliyo Agaasimaha Guud ee Wasaaradda ka guddoomay nuqulo kamid ah Dastuurka cusub ee Dawladda Federaalka ah ee Soomaaliya, isagoona guddoomiyuhu uga mahadceliyey Wasaaradda naquladdan Dastuurka ee ay maanta soo gaadhsiiyeen xarunta Golaha wakiillada Dawladda WBS.

Xafiiska Warfaafinta & Xidhiidhka Dadweynaha Golaha Wakiillada Dawladda WBS.

GOLAHA WAKIILLADA OO AKHRINTII 1-AAD KU SAMEEYAY HINDISE SHARCIYEEDKA NOOTAAYOOYINKA DADWEYNAHA.Laascaanood, 17 October ...
17/10/2026

GOLAHA WAKIILLADA OO AKHRINTII 1-AAD KU SAMEEYAY HINDISE SHARCIYEEDKA NOOTAAYOOYINKA DADWEYNAHA.

Laascaanood, 17 October 2026: Guddoomiyaha Golaha Wakiillada mudane Aadan Cabdullaahi Aw-Xasan oo ay wehliso guddoomiye ku xigeenka 1-aad ee Golaha Marwo Amran Axmed Xasan ayaa shir guddoomiyay Kal-fadhiga 3-aad, fadhigiisa 3-aad ee Golaha Wakiillada Dawladda WBS.

Ajendaha fadhiga maanta waxa uu ahaa Akhrinta 1-aad ee hindise sharciyeedka Nootaayooyinka Dadweynaha Dawladda WBS.

Fadhiga maanta waxaa soo xaadiray (53) mudane.

Ugu horreyn, Wasiirka Wasaaradda Caddaaladda, Arrimaha Diinta iyo Dastuurka Dawladda WBS mudane Yuusuf Maxamed Cali ayaa golaha ka horjeediyay hindisaha Nootaayooyinka Dadweynaha, waxa uuna ka warbixiyay mabaadi'da iyo ujeedooyinka hindisahan, waxa uuna tilmaamay in ujeedada hindisahan yahay in la xaqiijiyo saxnaanta, kalsoonida iyo hufnaanta qoraallada Nootaayada, lana ilaaliyo xuquuqda dhinacyada iyo danta guud.

Intaa kadib, xunnaha golaha ayaa su'aalo kooban ka weydiiyay Wasiirka mabaadi'da iyo ujeedooyinka hindisahan, sida uu dhigayo Xeer-hoosaadka golaha Wakiillada qodobkiisa 80-aad.

Ugu dambeyn, fadhiga golaha waxaa soo xidhay guddoomiyaha Golaha Wakiillada, waxa uuna u mahad celiyay Wasiirka Wasaaradda Caddaaladda sida wanaagsan ee uu u soojeediyay akhrinta hindisahan, waxa uuna xusay in hindisahan loo gudbin doonno guddiga golaha ee ku shaqada leh, si ay u soo dafatiraan ugana gutaan waajibaadka loo igmaday.

Xafiiska Warfaafinta & Xidhiidhka Dadweynaha Golaha Wakiillada Dawladda WBS.

GOLAHA WAKIILLADA OO ANSIXIYAY AJENDAHA RASMIGA AH EE KAL-FADHIGA 3-AAD.Laascaanood, 12 October 2026: Guddoomiyaha Golah...
12/10/2026

GOLAHA WAKIILLADA OO ANSIXIYAY AJENDAHA RASMIGA AH EE KAL-FADHIGA 3-AAD.

Laascaanood, 12 October 2026: Guddoomiyaha Golaha Wakiillada mudane Aadan Cabdullaahi Aw-Xasan oo uu wehliyo guddoomiye ku xigeenka 2-aad ee Golaha mudane Cabdirisaaq Jamaac Warsame (Salgan) ayaa shir guddoomiyay Kal-fadhiga 3-aad, fadhigiisa 2-aad ee Golaha Wakiillada Dawladda WBS.

Ajendaha fadhiga maanta waxa uu ahaa ka doodista iyo ansixinta ajendaha kal-fadhiga 3-aad.

Fadhiga maanta waxaa soo xaadiray (48) mudane.

Xubnaha Golaha Wakiillada Dawladda WBS ayaa qodob qodob uga dooday ajendaha kal-fadhiga 3-aad, sida uu dhigayo Xeer-hoosaadka Golaha Wakiillada qodobka 20-aad, farqadiisa 5-aad, dood qoto dheer kadib xubnaha Golaha Wakiillada ayaa cod gacan taag ah ku ansixiyay Ajenddaha rasmiga ah ee Kal-fadhiga 3-aad, waxaana oggolaaday (45) mudane, waxaa diiday (1) mudane, waxaana ka'aamusay (2) mudane.

Xafiiska Warfaafinta & Xidhiidhka Dadweynaha Golaha Wakiillada Dawladda WBS.

Address

Laascaanood

Website

Alerts

Be the first to know and let us send you an email when Northeast State Parliament posts news and promotions. Your email address will not be used for any other purpose, and you can unsubscribe at any time.

Shortcuts

Share

Category