Wasaaradda Ganacsiga, Warshadaha & Maalgashiga SSC-Khaatumo

Muqdisho - 17 September 2025

Agaasimaha Guud Wasaaradda Ganacsiga oo ay wehelayaan agasimayaasha maamul Goboleedada Wasaaradda Ganacsiga ayaa la kulmay wasiirka Wasaaradda Ganacsiga oo ka wadahadlay in la dardar galiyo mashaariicda World Bank ka taageeraan Wasaaradda.

Kulanka waxaa diiradda lagu saaray:

Dardargelinta iyo isku-duwidda mashaariicda horumarineed ee uu taageerto Bangiga Adduunka (World Bank).

Xoojinta wada shaqeynta u dhexeysa heer federaal iyo maamul goboleed si loo hubiyo in mashaariicdaas ay gaaraan dhammaan shacabka Soomaaliyeed, gaar ahaan ganacsatada yaryar iyo kuwa dhexe (MSMEs).

Ka shaqeynta in la helo hannaan mideysan oo lagu hirgeliyo mashaariicda, lana hubiyo la xisaabtanka, hufnaanta iyo wax-ku-oolnimada taageerada caalamiga ah.

Agaasimaha Guud ayaa muujisay sida ay uga go’an tahay in la hirgeliyo mashaariicda si caddaalad iyo hufnaan leh, ayna sii wadi doonaan wada shaqeynta dhow ee ay la leeyihiin Wasaaradda heer federaal.

Shirka 2-aad ee Kaabayaasha Tayada Qaranka, oo galay maalintiisa labaad, ayaa maanta lagu soo bandhigay dood-cilmiyeedyo iyo aqoon-wadaag ku saabsan arrimaha la xiriira tayada ganacsiga dalka soo gala iyo badeecadaha gudaha lagu soo saaro.

“Agaasimaha Guud ee Wasaaradda Ganacsiga, Warshadaha & Maalgashiga dowladd goboleedka Waqooyi Bari Marwo Hoodo Mohamed Ibrahim ayaa oga mahadcelisay soo agaasinka hay'adda shirka 2aad ee Kaabayaasha Tayada Qaranka ayadoo ku tilmaantay talaabo istiraatiji ah oo waxtar u leh mustaqbalka ganacsiga iyo warshadaha dalka.”

Agaasimaha Guud ee Wasaaradda Ganacsiga Warshadaha & Maalgashiga Waqooyi Bari oo ka qayb gashay Shirka 2aad ee Kaabayaasha Tayada Qaranka

𝐌𝐮𝐪𝐝𝐢𝐬𝐡𝐨_ 𝟏𝟓 𝐒𝐞𝐩𝐭𝐞𝐦𝐛𝐞𝐫 𝟐𝟎𝟐𝟓

Agaasimaha Guud ee Wasaaradda Ganacsiga, Warshadaha & Maalgashiga ee Waqooyi Bari, 𝐇𝐨𝐨𝐝𝐨 𝐦𝐚𝐡𝐚𝐦𝐞𝐝 𝐢𝐛𝐫𝐚𝐚𝐡𝐢𝐦 ayaa ka qayb gashay Shirweynaha 2aad qaranka ee Kaabayaasha Tayada (𝐍𝐚𝐭𝐢𝐨𝐧𝐚𝐥 𝐐𝐮𝐚𝐥𝐢𝐭𝐲 𝐈𝐧𝐟𝐫𝐚𝐬𝐭𝐫𝐮𝐜𝐭𝐮𝐫𝐞 𝐂𝐨𝐧𝐟𝐞𝐫𝐞𝐧𝐜𝐞 ) , oo ay so agaasintay Hay'adda Tayo-dhawrka Qaranka ( Somali bureau of standards) .

Shirkan waxaa daahfurey Wasiirka Wasaaradda Ganacsiga & Warshadaha DFS Xil Maxamuud Axmed Adan Geesood,shirkan oo lagu falanqeeyay muhiimadda tayada kaabayaasha iyo horumarinta nidaamka tayada ee dalka, ayaa waxa uu fursad u siiyay mas’uuliyiinta iyo khubarada ka soo qeyb galay inay iskula xaajoodaan xoojinta iyo horumarinta adeegyada tayada ee muhiimka u ah dalka .

Lascanood ;- 6 /9/2025

UJEEDDO: Shaqo ka joojin Shirkadda Shire Const & Maankaab Const

Wasaaradda Ganacsiga Warshadaha & Maalgashiga DG. Waqooyi Bari iyadoo ilaalinaysa Dastuurka & xeerka Liisamadda Ganacsiga Dawladda Waqooyi Bari waxay shaqo joojin ku sameysay Shirkaddaha Shire Const & Maankaaba Const, kuwaas oo hogaansami waayay awaamirta wasaaradda Ganacsiga .

𝐌𝐮𝐪𝐝𝐢𝐬𝐡𝐨 :- 𝟐𝟕/𝟖/𝟐𝟎𝟐𝟓

Agaasimaha xidhiidhka Arimaha bulshada iyo warbaahinta WGWM 𝐉𝐚𝐚𝐦𝐚𝐜 𝐦𝐨𝐡𝐚𝐦𝐞𝐝 𝐢𝐛𝐫𝐚𝐡𝐢𝐦 ayaa kaqayb galay Kulan wadatashi ah oo seddex maalmood socday kaas oo lagu dhisay Midowga ganacsiyada yar iyo kuwa dhexe ee Soomaaliya ku matali doona Ururka Bulshada Afrika ee EAC.

Kulanka waxaa soo qaban qaabisay wasaaradda Ganacsiga & Warshadaha JFS.

𝗟𝗮𝗮𝘀𝗰𝗮𝗮𝗻𝗼𝗼𝗱 ; 𝟮𝟵/𝟳/𝟮𝟬𝟮𝟱

Agaasimaha guud ee wasaaradda ganacsiga warshadaha iyo Maalgashiga SSC-Khaatumo 𝐇𝐨𝐨𝐝𝐨 𝐦𝐚𝐡𝐚𝐦𝐞𝐝 𝐢𝐛𝐫𝐚𝐚𝐡𝐢𝐦 oo uu weheliyo agaasimaha Waaxda xidhiidhka Arimaha bulshada iyo warbaahinta jaamac mohamed ibrahim ayaa soo xidhay tababar mudo saddex casho ah socday kaas oo ay iska kaashadeen wasaaradda ganacsiga iyo haayada Alight .

Tababarka waxaa diiradda lagu saaray sidii loo xoojin lahaa fursadaha shaqo-abuurka, horumarinta ganacsiyada yaryar, iyo taageerada dadka nugul .

Tababarka ayaa waxaa kafaa iidaystay 50 ganacsato yaryar ah oo haayada Alight Maalgalin usamaynayso .

Wasaaraddu waxay soo dhawaysay dedaallada haayadda Alight ee ku aaddan kobcinta dhaqaalaha bulshada iyadoo loo marayo barnaamijyo waxtar leh oo si toos ah uga jawaabaya baahiyaha dhabta ah .

𝐋𝐚𝐚𝐬𝐜𝐚𝐚𝐧𝐨𝐨𝐝; 𝟕/𝟕/𝟐𝟎𝟐𝟓

Wasiirka Wasaaradda Ganacsiga Warshadaha Iyo Maalgashiga SSC-Khaatumo Mudane 𝐗𝐢𝐥 , 𝐃𝐚𝐚𝐡𝐢𝐫 𝐜𝐚𝐛𝐝𝐢𝐫𝐢𝐬𝐚𝐚𝐪 𝐀𝐱𝐦𝐞𝐝 ayaa daahfurey shirkadda is gaadhsiinta Amtel .

"Shirkaddan cusub waxay caddeyn u tahay in Soomaaliya ay cagta saartay jidkii horumarka iyo casriyeynta adeegyada isgaarsiinta. Waxaan uga mahadcelinayaa ganacsatada SSC-Khaatumo dadaalka ay u galeen in ay hirgeliyaan shirkad tayo sare leh oo adeegyo casri ah soo kordhin doonta.”

-𝐃𝐇𝐀𝐌𝐌𝐀𝐀𝐃-
_________________
❝𝗫𝗮𝗳𝗶𝗶𝘀𝗸𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗶𝘆𝗼 𝗫𝗶𝗱𝗵𝗶𝗶𝗱𝗵𝗸𝗮 𝗗𝗮𝗱𝘄𝗲𝘆𝗻𝗮𝗵𝗮 𝗲𝗲 𝗪𝗮𝘀𝗮𝗮𝗿𝗮𝗱𝗱𝗮 𝗚𝗮𝗻𝗮𝗰𝘀𝗶𝗴𝗮 𝗪𝗮𝗿𝘀𝗵𝗮𝗱𝗮𝗵𝗮 & 𝗠𝗮𝗮𝗹𝗴𝗮𝘀𝗵𝗶𝗴𝗮 𝗦𝗦𝗖-𝗞𝗵𝗮𝗮𝘁𝘂𝗺𝗼 𝗘𝗺𝗮𝗶𝗹:𝗺𝗰𝗶𝗶@𝗸𝗵.𝘀𝗼 📞 754850❞