Wasaaradda Duulista Hawada Dawladda Waqooyi Bari Somalia

12 Luulyo 2026 | Laascaanood
Wasiirka Wasaaradda Duulista Hawada ee Dowladda Waqooyi Bari Soomaaliya, Axmed Cabdi Shire ( Ahmed Shire ), ayaa maanta kusoo wajahan caasimadda Dowladda Waqooyi Bari Soomaaliya ee Laascaanood, kaddib safar shaqo oo uu ku maqnaa dibadda.

Wasiirka ayaa maalmihii u dambeeyay safarro shaqo ku tagay dalka Mareykanka iyo caasimadda Jamhuuriyadda Federaalka Soomaaliya ee Muqdisho, halkaas oo uu kulamo iyo hawlo shaqo ku soo qaatay.

Wasaaradda Duulista Hawada Dawladda Waqooyi Bari Somalia

Hambalyada Wasiirka Wasaaradda Duulista Hawada Dowladda Waqooyi Bari Soomaaliya ee Munaasabadda 26-da Juun

Wasiirka Wasaaradda Duulista Hawada Dowladda Waqooyi Bari Soomaaliya, Mudane Axmed Cabdi Shire, wuxuu hambalyo u dirayaa dhammaan shacabka Soomaaliyeed, gaar ahaan shacabka Dowladda Waqooyi Bari Soomaaliya, munaasabadda qiimaha badan ee 26-da Juun, oo ku beegan sannad-guuradii xorriyaddii gobolladii Waqooyi ee Soomaaliya.

Munaasabaddan taariikhiga ahi waa maalin lagu xusuusto halgankii geesiyaashii Soomaaliyeed ee horseeday gobannimada iyo karaamada ummadda Soomaaliyeed.

Wasiirku wuxuu si gaar ah u xusayaa shacabka Dowladda Waqooyi Bari Soomaaliya oo taariikh ahaan caan ku ahaa gumaysi diid iyo difaacidda dhulkooda. Iyadoo gumaystuhu kala kulmay bilowgiiba iska caabin adag iyo difaac geesinimo leh oo ay bulshada deegaannadu muujiyeen markii uu isku dayay inuu kusoo fido dhulkan.

Ugu dambayn, Wasiirku wuxuu Alle uga baryayaa shacabka Soomaaliyeed midnimo, nabad waarta, horumar iyo barwaaqo.

𝐒𝐡𝐢𝐫𝐤𝐢𝐢 𝐓𝐨𝐝𝐨𝐛𝐚𝐚𝐝𝐥𝐚𝐡𝐚 𝐞𝐞 𝐖𝐚𝐬𝐚𝐚𝐫𝐚𝐝𝐝𝐚 𝐃𝐮𝐮𝐥𝐢𝐬𝐭𝐚 𝐇𝐚𝐰𝐚𝐝𝐚 𝐃𝐨𝐰𝐥𝐚𝐝𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢 𝐁𝐚𝐫𝐢, 𝐒𝐨𝐨𝐦𝐚𝐚𝐥𝐢𝐲𝐚
——————

𝐋𝐚𝐚𝐬𝐜𝐚𝐧𝐨𝐨𝐝, 24 June 2026: Waxaa maanta si habsami leh u qabsoomay shirka toddobaadlaha ah ee Wasaaradda Duulista Hawada Dowlad Goboleedka Waqooyi Bari Soomaaliya, kaas oo uu shir guddoominayey Agaasimaha Guud ee Wasaaradda Duulista Hawada, Mudane Sayid Abdullahi Gahnug.

Shirka waxaa sidoo kale ka qaybgalay Xoghayaha Joogtada ah ee Wasaaradda, Agaasimayaasha Waaxyaha kala duwan iyo Madax qaybeedyada Wasaaradda.

Ajandaha shirka ayaa diiradda lagu saaray qodobbadan:

1. Warbixin guud oo ku saabsan waxyaabihii u hirgalay Wasaaradda toddobaadkan.
2. Qorsheynta iyo dardargelinta hawlaha shaqo ee garoomada diyaaradaha.
3. Kor u qaadista amniga garoomada iyo kobcinta aqoonta hawl wadeennada ka hawlgala garoomada.

Intii uu shirku socday, waxaa si qoto dheer loo dhegeystay warbixinno ku saabsan hawlaha shaqo ee Wasaaradda u qabsoomay muddadii toddobaadka ahayd, iyadoo sidoo kale la falanqeeyey qorshayaasha lagu horumarinayo adeegyada iyo hawlaha garoomada diyaaradaha.

Agaasimaha Guud ee Wasaaradda ayaa ku adkeeyey masuuliyiinta iyo shaqaalaha Wasaaradda inay sii laba jibbaaraan dadaallada ay ugu jiraan horumarinta adeegyada duulista hawada, kor u qaadista amniga garoomada, iyo tayeynta aqoonta hawl wadeennada si loo hubiyo adeeg hufan oo waafaqsan heerarka shaqo ee loo dejiyey.

Ugu dambayn, shirka waxaa lagu soo gabagabeeyey is afgarad iyo go'aamo wax ku ool ah oo lagu xoojinayo dardargelinta hawlaha shaqo, horumarinta garoomada diyaaradaha, iyo kor u qaadista tayada adeegyada ay Wasaaraddu u hayso bulshada.

-𝐃𝐇𝐀𝐌𝐌𝐀𝐀𝐃-

---

𝑿𝒂𝒇𝒊𝒊𝒔𝒌𝒂 𝑾𝒂𝒓𝒇𝒂𝒂𝒇𝒊𝒏𝒕𝒂 𝒊𝒚𝒐 𝑿𝒊𝒅𝒉𝒊𝒊𝒅𝒉𝒌𝒂 𝑫𝒂𝒅𝒘𝒆𝒚𝒏𝒂𝒉𝒂
𝑾𝒂𝒔𝒂𝒂𝒓𝒂𝒅𝒅𝒂 𝑫𝒖𝒖𝒍𝒊𝒔𝒕𝒂 𝑯𝒂𝒘𝒂𝒅𝒂
𝑫𝒐𝒘𝒍𝒂𝒅-𝑮𝒐𝒃𝒐𝒍𝒆𝒆𝒅𝒌𝒂 𝑾𝒂𝒒𝒐𝒐𝒚𝒊 𝑩𝒂𝒓𝒊 𝑺𝒐𝒐𝒎𝒂𝒂𝒍𝒊𝒚𝒂.

Agaasimaha guud ee wasaaradda duulista hawada dawladda Waqooyi Bari Soomaaliya Axmed Cabdulahi Gaxnug (Sayid) ayaa ka qaybgalay shirka Guddiga Hay’adaha Dardargelinta Dakhliga ee Dawladda Woqooyi Bari Soomaaliya, oo ka qabsoomay Xarunta Wasaaradda Arimaha Gudaha ee DWS.

Kulankan ayaa diiradda lagu saaray dardargelinta dakhliga, iyo u diyaar-garowga Kulanka Wadatashiga Dawladda iyo Ganacsatada ee ku saabsan kor u qaadista dakhliga.

______________Dhamaad______________
Wasaaradda Duulista Hawada Dawladda Waqooyi Bari Somalia

𝗖𝗜𝗜𝗗 𝗔𝗟-𝗔𝗗𝗫𝗔 𝗠𝗨𝗕𝗔𝗥𝗔𝗞 🌙✨

Wasiirka Wasaaradda Duulista Hawada Dowladda Waqooyi Bari Soomaaliya 𝙈𝙪𝙙𝙖𝙣𝙚 𝙖𝙝𝙢𝙚𝙙 𝘼𝙗𝙙𝙞 𝙎𝙝𝙞𝙧𝙚 (Ahmed Shire) ayaa hambalyo iyo bogaadin u diraya dhammaan shacabka Soomaaliyeed munaasabadda barakeysan ee Ciidul Adxa.

Waxaan Alle uga baryeynaa inuu ciiddan ciideeda nagu gaarsiiyo nabad, barwaaqo iyo horumar, isla markaana uu inaga aqbalo acmaasha wanaagsan.

𝗖𝗶𝗶𝗱 𝘄𝗮𝗻𝗮𝗮𝗴𝘀𝗮𝗻!

________Dhamaad________
Wasaaradda Duulista Hawada Dawladda Waqooyi Bari Somalia

DAAHFURKA AQOON IS-WAYDAARSIGA QORSHAHA IS-BEDELKA QARANKA (NTP)

Laascaanood,waqooyi bari,Soomaaliya -23 may 2026:

Agaasimaha guud ee Wasaaradda Duulista Hawada Dawladda Waqooyi Bari Somalia, mudane Ahmed Abdilahi Gahnug (Sayid) iyo agaasimaha waaxda qorshaynta, mudane, Jaamac gurxan ayaa ka qayb galay aqoon is-waydaarsi ku saabsan qorshaha is-beddelka qaranka (NTP 2025-2029),oo ay magaalada laascaanood ku qabatay wasaaradda qorshaynta Dowladda federaalka Soomaaliya.

Kulankan oo soconaya muddo saddex maalmood ah, ayaa diiradda lagu saarayaa xoojinta wada - shaqaynta qorshaynta,mideynta mudnaanta horumarineed, iyo dardar gelinta, hirgalinta qorshaha is-bedelka Qaranka.

Kulanka waxaa goob-joog ka ahaa agaasimaha guud ee wasaaradda qorsheynta Dowladda federaalka Soomaaliya, mudane Abdifatah hareed,agaasimaha waaxda qorshaynta Dowladda federaalka Soomaaliya, wasiir ku-xigeenka wasaaradda qorshaynta Dowlad gobaleedka waqooyi bari iyo agaasimaha wasaaradda qorshaynta Dowlad gobaleedka waqooyi bari Soomaaliya.

Wasaaradda duulista iyo hawada Dowladda waqooyi bari ayaa xoojisay doorkeeda ku aadan ka qayb qaadashada qorshaynta iyo horumarinta adeegyada muhiimka ah ee dalka .

--------- DHAMAAD---------

XAFIISKA WARFAAFINTA WASAARADDA DUULISTA IYO HAWADA WAQOOYI BARI.

Wasiirka Wasaaradda Duulista Hawada Dawladda Waqooyi Bari Somalia mudane Ahmed Abdii shire oo uu weheli wasiirka maaliya mudane abdiqani xuseen hiirad,oo ku guda jira socdaal shaqo oo ay ku joogaan dalka maraykanka,ayaa soo qabanqaabiyay shirka nabada iyo horumarka maamulka waqooyi bari oo dhacaya 23 may 2026.

Socdaalka wasiirrada ayaa ujeedkiisu yahay dar-dar galinta shaqooyinka maamulka .

Inta uu socdaalku socdo, wasiirradu waxay kulamo kala duwan la qaadan doonaan qurba joogta, qaybaha kala duwan ee bulshada, heer gobol iyo heer degmaba.

Iyadoo kulamadaas diirada lagu saarayo adkaynta midnimada,garab istaaga maamulka iyo ka shaqaynta horumarka deegaanka.

Xafiiska warfaafinta wasaaradda duulista iyo hawada.

----Dhamaad----

𝗟𝗮𝗮𝘀𝗰𝗮𝗮𝗻𝗼𝗼𝗱, 𝟭𝟮 𝗠𝗮𝘆 𝟮𝟬𝟮𝟲

Waxaan maanta lagu soo dhoweyey xarunta Wasaaradda Agaasimaha cusub ee Wasaaradda Duulista Hawada Dawladda Waqooyi Bari Soomaaliyaa Mudane Axmed Cabdulahi Gaxnug (Sayid).

Soo dhoweynta waxaa qayb ka ahaa Xoghayaha joogtada ah ee wasaaradda, Lataliyaha Sare ee Arrimaha Amniga iyo Badbaadada Garoomada, Mareeyaha Garoonka Laascaanood, agaasimayaasha waaxyaha iyo hawlwadeennada Wasaaradda.

Masuuliyiinta iyo shaqaalaha Wasaaraddu waxay Agaasimaha cusub u rajeeyeen shaqo gudasho wanaagsan, iyagoo muujiyey inay si buuxda ula shaqayn doonaan si loo horumariyo adeegyada duulista hawada iyo tayada shaqo ee Wasaaradda.

Dhanka kale, Agaasimaha cusub ayaa usoo bandhigay qorshihiisa shaqo ee lagu hagayo Wasaaradda muddada soo socota. Qorshahaasi wuxuu diiradda saarayaa horumarinta nidaamka shaqo, xoojinta wada shaqaynta gudaha Wasaaradda, kor u qaadista tayada adeegyada duulista hawada, dardargelinta arrimaha badbaadada iyo amniga garoomada, iyo hirgelinta hannaan casri ah oo wax ku ool u ah adeegyada Wasaaradda.

___ DHAMMAAD ___