Xafiiska Arimaha Bulshada Degmada Luuq

Xafiiska Arimaha Bulshada Degmada Luuq Hormarinta Bulshada Degmada Luuq

TACSIGuddoomiyaha Arrimaha Bulshada Degmada Luuq, Mudane Hon Abdiaziz Sugow Salad , ayaa tacsi tiiraanyo leh u diraya qo...
20/07/2026

TACSI

Guddoomiyaha Arrimaha Bulshada Degmada Luuq, Mudane Hon Abdiaziz Sugow Salad , ayaa tacsi tiiraanyo leh u diraya qoyska, ehelka, qaraabada, bahda Waxbarashada Dowladda Jubbaland iyo guud ahaan shacabka Soomaaliyeed geerida naxdinta leh ee ku timid Wasiir Ku-xigeenkii Wasaaradda Waxbarashada Hidaha & Tacliinta Sare ee Jubbaland Marxuum Mukhtaar Kaamil Kuuley.

Marxuumku wuxuu ahaa masuul qaran oo lagu xasuusan doono daacadnimo, karti iyo waddaniyad, isagoo door muuqda ka qaatay horumarinta waxbarashada iyo u adeegidda bulshada reer Jubbaland.

Guddoomiyuhu wuxuu Alle SWT uga baryayaa inuu Marxuum Mukhtaar Kaamil u naxariisto, dambigiisana dhaafo, hoygiisana ka yeelo Jannatul Firdowsa. Sidoo kale wuxuu Alle uga baryayaa inuu samir iyo iimaan ka siiyo qoyskiisa, ehelkiisa, bahda Waxbarashada Dowladda Jubbaland iyo guud ahaan ummadda Soomaaliyeed.

Innaa Lillaahi Wa Innaa Ileyhi Raajicuun.

WAR SAXAAFADEEDLuuq, Gedo, SoomaaliyaGuddoomiyaha Arrimaha Bulshada Degmada Luuq oo loogu soo dhaweeyay degmada, kadib  ...
12/07/2026

WAR SAXAAFADEED

Luuq, Gedo, Soomaaliya

Guddoomiyaha Arrimaha Bulshada Degmada Luuq oo loogu soo dhaweeyay degmada, kadib booqasho ku tagay Buundada Degmada Luuq

Guddoomiyaha Arrimaha Bulshada Degmada Luuq, Mudane Hon Abdiaziz Sugow Salad , ayaa si diirran loogu soo dhaweeyay Degmada Luuq kaddib safarro shaqo oo uu ku tegay magaalooyinka Kismaayo iyo Muqdisho.

Soo dhoweynta Guddoomiyaha waxaa ka qeyb qaatay qaar ka mid ah masuuliyiinta Maamulka Degmada Luuq, kuwaas oo ku bogaadiyay dadaallada uu ku bixinayo horumarinta adeegyada bulshada iyo matalaadda degmada ee shirarka iyo kulammada heer gobol iyo heer qaran.

Soo dhoweynta kaddib, Guddoomiyaha Arrimaha Bulshada, oo ay weheliyaan qaar ka mid ah masuuliyiinta Maamulka Degmada Luuq, ayaa booqasho ku tegay Buundada Degmada Luuq, oo muddooyinkii u dambeeyay ay ka socdeen howlaha dib-u-dhiska iyo casriyeynta.

Masuuliyiintu waxay kormeer ku sameeyeen halka ay marayaan shaqooyinka dib-u-dhiska, iyagoo warbixin ka dhageystay masuuliyiinta iyo farsamayaqaannada gacanta ku haya mashruuca. Guddoomiyuhu wuxuu bogaadiyay dadaalka lagu horumarinayo buundada, isagoo xusay in ay door muhiim ah ka qaadato isku socodka dadka iyo gaadiidka, kobcinta ganacsiga, iyo horumarka guud ee Degmada Luuq.

Ugu dambeyn, Guddoomiyuhu wuxuu ugu baaqay dhammaan bulshada inay ilaaliyaan kaabeyaasha dhaqaalaha iyo hantida guud, si ay uga faa'iideystaan jiilasha maanta iyo kuwa mustaqbalka.

— DHAMMAAD —

WAR SAXAAFADEEDLuuq, Gedo, SoomaaliyaGuddoomiyaha Arrimaha Bulshada Degmada Luuq oo dib ugu soo laabtay degmada kaddib s...
09/07/2026

WAR SAXAAFADEED

Luuq, Gedo, Soomaaliya

Guddoomiyaha Arrimaha Bulshada Degmada Luuq oo dib ugu soo laabtay degmada kaddib safarro shaqo oo uu ku tegay Kismaayo iyo Muqdisho

Guddoomiyaha Arrimaha Bulshada Degmada Luuq, Mudane Hon Abdiaziz Sugow Salad , ayaa maanta dib ugu soo laabtay Degmada Luuq, kaddib safarro shaqo oo uu ku tegay magaalooyinka Kismaayo iyo Muqdisho.

Intii uu ku sugnaa magaalada Kismaayo, Guddoomiyuhu wuxuu ka qeyb galay munaasabadda daahfurka Mashruuca Bulsho, isagoo sidoo kale ka qeyb galay kulammo iyo munaasabado kala duwan oo lagu xoojinayay iskaashiga iyo horumarinta adeegyada bulshada ee dowladaha hoose.

Sidoo kale, intii uu joogay Muqdisho, Guddoomiyuhu ayaa kaga qeyb galay shirar iyo kulammo muhiim ah oo ay ka mid ahaayeen shir ku saabsanaa isbeddelka cimilada, horumarinta adeegyada bulshada, iyo kulammo kale oo looga hadlay xoojinta wada-shaqeynta hay'adaha dowladda iyo horumarinta bulshada.

Markii uu dib ugu soo laabtay Degmada Luuq, Guddoomiyuhu wuxuu warbixin faahfaahsan ka siiyay masuuliyiinta Degmada Luuq iyo Madaxweyne Ku-xigeenka Dowladda Jubbaland, Mudane Maxamuud Sayid Aadan, isagoo uga xog warramay natiijooyinka safarradii shaqo, shirarkii iyo kulamadii uu ka qeyb galay, iyo fursadaha iskaashi ee kor u qaadi kara horumarinta adeegyada bulshada ee degmada.

— DHAMMAAD —

Luuq, Gedo, Soomaaliya | 1 Luulyo 2026Guddoomiyaha Arrimaha Bulshada Degmada Luuq oo hambalyo u diray shacabka Soomaaliy...
30/06/2026

Luuq, Gedo, Soomaaliya | 1 Luulyo 2026

Guddoomiyaha Arrimaha Bulshada Degmada Luuq oo hambalyo u diray shacabka Soomaaliyeed munaasabadda 1-da Luulyo

Guddoomiyaha Arrimaha Bulshada Degmada Luuq, Mudane Hon Abdiaziz Sugow Salad, ayaa hambalyo iyo bogaadin u diray dhammaan shacabka Soomaaliyeed meel kasta oo ay joogaan, munaasabadda 1-da Luulyo, oo ku beegan sannad-guurada 66-aad ee Xornimada iyo Midnimada Jamhuuriyadda Federaalka Soomaaliya.

Guddoomiyuhu wuxuu sheegay in 1-da Luulyo ay tahay maalin taariikhi ah oo xusuusinaysa halgankii ay halyeeyadii Soomaaliyeed u soo galeen gobannimada iyo mideynta dalka, isla markaana ay tahay maalin dhiirrigelinaysa ilaalinta midnimada, wadajirka iyo dowladnimada Soomaaliyeed.

Mudane Cabdicaasiis Sugow Salaad@ ayaa ugu baaqay shacabka Soomaaliyeed inay sii xoojiyaan nabadda, is-ixtiraamka, wadajirka iyo ka shaqeynta horumarka dalka, si loo dhiso mustaqbal wanaagsan oo ay ka wada faa'iideystaan dhammaan bulshada Soomaaliyeed.

Ugu dambeyn, Guddoomiyuhu wuxuu Alle uga baryay in Soomaaliya uu ku gallado nabad waarta, barwaaqo iyo horumar, isagoo mar kale hambalyo u diray dhammaan ummadda Soomaaliyeed munaasabadda qiimaha badan ee 1-da Luulyo.

Hambalyo 1-da Luulyo – Maalinta Xornimada iyo Midnimada Soomaaliyeed.

— DHAMMAAD —

WAR SAXAAFADEEDKismaayo | 29 Juun 2026Guddoomiyaha Arrimaha Bulshada Degmada Luuq oo booqasho ku tegay Wasaaradda Shaqad...
29/06/2026

WAR SAXAAFADEED

Kismaayo | 29 Juun 2026

Guddoomiyaha Arrimaha Bulshada Degmada Luuq oo booqasho ku tegay Wasaaradda Shaqada iyo Arimaha Bulshada Dowladda Jubaland Dowladda Jubbaland

Guddoomiyaha Arrimaha Bulshada Degmada Luuq, Mudane Hon Abdiaziz Sugow Salad ayaa booqasho shaqo ku tegay xarunta Wasaaradda Shaqada iyo Arrimaha Bulshada Dowladda Jubbaland ee magaalada Kismaayo.

Guddoomiyaha ayaa waxaa si diirran ugu soo dhoweeyay Wasiir Ku-xigeenka Wasaaradda Shaqada iyo Arrimaha Bulshada Dowladda Jubbaland, Mudane Ibraahim Qooshow, iyadoo ay yeesheen kulan looga hadlay xoojinta wada-shaqeynta Wasaaradda iyo maamulka Degmada Luuq, horumarinta adeegyada bulshada, daryeelka dadka nugul, iyo tayeynta adeegyada bulshada.

Kulanka ayaa lagu adkeeyay muhiimadda iskaashiga joogtada ah ee u dhexeeya Wasaaradda iyo maamulka degmada, si loo horumariyo adeegyada bulshada loona xoojiyo barnaamijyada lagu taageerayo bulshada.

Guddoomiyaha Arrimaha Bulshada Degmada Luuq, Mudane Cabdicaasiis Sugow Salaad, ayaa uga mahadceliyay Mudane Ibraahim Qooshow soo dhoweynta diirran iyo sida ay Wasaaraddu uga go'an tahay la shaqeynta maamullada degmooyinka.

— DHAMMAAD —

Kismaayo | 27 Juun 2026Guddoomiyaha Arrimaha Bulshada Degmada Luuq oo ka qeyb galay hadimo-sharaf lagu soo dhaweeyay ka ...
29/06/2026

Kismaayo | 27 Juun 2026

Guddoomiyaha Arrimaha Bulshada Degmada Luuq oo ka qeyb galay hadimo-sharaf lagu soo dhaweeyay ka qeybgalayaashii Mashruuca Bulsho ee Jubbaland

Guddoomiyaha Arrimaha Bulshada Degmada Luuq, Mudane Hon Abdiaziz Sugow Salad, ayaa ka qeyb galay hadimo-sharaf soo dhaweyn ah oo ay magaalada Kismaayo ku qabatay Wasiirka Wasaaradda Haweenka, Arrimaha Qoyska iyo Xuquuqul Insaanka Dowladda Jubbaland, Marwo Cadar Ismaaciil Cabdullaahi, taas oo lagu maamuusay qaar ka mid ah wafdigii ka qeyb galay daahfurka Mashruuca Bulsho ee Jubbaland.

Munaasabadda ayaa waxaa goob joog ka ahaa Wasiirka Wasaaradda Arrimaha Gudaha Dowladda Jubbaland, Mudane Maxamed Ibraahim Ogle, xildhibaanno, Guddoomiyaha Ururrada Haweenka Gobolka Hoose, Marwo Faadumo Aadan Kateela, iyo marti sharaf kale.

Hadimo-sharaftan ayaa ahayd mid lagu xoojinayay xiriirka iyo wada-shaqeynta u dhaxeysa madaxda Dowladda Jubbaland iyo maamulka degmooyinka, iyadoo lagu bogaadiyay muhiimadda Mashruuca Bulsho ee lagu horumarinayo awoodda dowladaha hoose, adeegyada bulshada iyo ka qeybgalka bulshada ee geeddi-socodka horumarinta.

Guddoomiyaha Arrimaha Bulshada Degmada Luuq, Mudane Cabdicaasiis Sugow Salaad, ayaa uga mahadceliyay Dowladda Jubbaland soo dhaweynta iyo martigelinta loo sameeyay ka qeybgalayaasha, isagoo tilmaamay in Mashruuca Bulsho uu yahay fursad muhiim ah oo lagu dardargelinayo horumarka iyo adeegyada bulshada ee degmooyinka Jubbaland.

— DHAMMAAD —

Kismaayo | 28 Juun 2026Guddoomiyaha Arrimaha Bulshada Degmada Luuq oo ka qeyb galay casho-sharaf loo sameeyay Guddoomiye...
28/06/2026

Kismaayo | 28 Juun 2026

Guddoomiyaha Arrimaha Bulshada Degmada Luuq oo ka qeyb galay casho-sharaf loo sameeyay Guddoomiyeyaasha Degmooyinka Jubbaland

Guddoomiyaha Arrimaha Bulshada Degmada Luuq, Mudane Hon Abdiaziz Sugow Salad, ayaa ka qeyb galay casho-sharaf uu magaalada Kismaayo ku maamuusay Guddoomiyaha Degmada Kismaayo ahna Duqa Magaalada, Mudane Cumar Cabdullaahi Maxamed, taas oo loo sameeyay qaar ka mid ah Guddoomiyeyaasha Degmooyinka Jubbaland ee ka soo qeyb galay munaasabadda daahfurka Mashruuca Bulsho.

Casho-sharafta ayaa waxaa sidoo kale goob joog ka ahaa Guddoomiye Ku-xigeenka Degmada Kismaayo ahna Xoghayaha Dowladda Hoose, Mudane Daahir Xuseen Cabdi, iyo Guddoomiye Ku-xigeenka Arrimaha Bulshada, Mudane Najiib Bare Salaad, kuwaas oo soo dhaweeyay masuuliyiinta ka kala timid degmooyinka Jubbaland.

Munaasabadda ayaa ahayd fursad lagu adkeeyay xiriirka iyo wada-shaqeynta u dhaxeysa Dowladaha Hoose ee Jubbaland, iyadoo diiradda la saaray sidii loo mideyn lahaa dadaallada lagu horumarinayo adeegyada bulshada iyo maamulka degmooyinka.

Mashruuca Bulsho, oo ah hindise horumarineed, ayaa ujeeddadiisu tahay xoojinta awoodda Dowladaha Hoose, kor u qaadista adeegyada bulshada, horumarinta maamulka deegaanka, iyo kobcinta iskaashiga iyo isku xirnaanta degmooyinka Jubbaland.

— DHAMMAAD —

27 Juun 2026 | Kismaayo, JubbalandGuddoomiyaha Arrimaha Bulshada Degmada Luuq oo Ka Qayb Galay Wajiga Labaad ee Aqoon-is...
27/06/2026

27 Juun 2026 | Kismaayo, Jubbaland

Guddoomiyaha Arrimaha Bulshada Degmada Luuq oo Ka Qayb Galay Wajiga Labaad ee Aqoon-isweydaarsiga Mashruuca Bulsho ee Jubbaland

Guddoomiyaha Arrimaha Bulshada Degmada Luuq, Mudane Hon Abdiaziz Sugow Salad , ayaa maanta ka qayb galay wajiga labaad ee aqoon-isweydaarsiga Mashruuca Bulsho ee Jubbaland oo lagu qabtay magaalada Kismaayo.

Aqoon-isweydaarsigan oo uu furay Wasiirka Wasaaradda Arrimaha Gudaha Dowladda Jubbaland, Mudane H.E. Mohamed Ogle , ayaa waxaa ka soo qayb galay masuuliyiin ka tirsan Dowladda Jubbaland, maamulka Gobolka Gedo, guddoomiyeyaasha degmooyinka, iyo bahwadaagta Mashruuca Bulsho.

Kulanka oo uu soo jeediyay Maareeyaha Mashruuca Bulsho ee Jubbaland, Mudane Cabdiwaaxid xaaji ayaa diiradda lagu saaray habraacyada hirgelinta mashruuca, xoojinta wada-shaqeynta hay'adaha kala duwan, iyo dardargelinta adeegyada bulshada si ay u gaaraan shacabka Jubbaland.

Guddoomiyaha Arrimaha Bulshada Degmada Luuq, Mudane Cabdicaasiis Sugow Salaad, ayaa sheegay in ka qaybgalka aqoon-isweydaarsigan uu muhiim u yahay horumarinta adeegyada bulshada iyo kor u qaadidda iskaashiga u dhexeeya dowladda, maamulka degmada iyo bulshada. Wuxuu sidoo kale xaqiijiyay in Degmada Luuq ay ka go'an tahay hirgelinta mashaariicda bulshada ee wax ka taraya baahiyaha shacabka.

Ugu dambayn, ka qaybgalayaashu waxay isla garteen in la sii xoojiyo wada-shaqeynta iyo isku-duwidda dadaallada lagu hirgelinayo Mashruuca Bulsho, si loo xaqiijiyo horumar waara oo shacabka Jubbaland ay ka wada faa'iideystaan.

— DHAMMAAD —

Guddoomiyaha Arrimaha Bulshada Degmada Luuq Oo Ka Qayb-galay Aqoon-isweydaarsiga Mashruuca Bulsho ee JubbalandKismaayo, ...
26/06/2026

Guddoomiyaha Arrimaha Bulshada Degmada Luuq Oo Ka Qayb-galay Aqoon-isweydaarsiga Mashruuca Bulsho ee Jubbaland

Kismaayo, 26 Juun 2026: Guddoomiyaha Arrimaha Bulshada Degmada Luuq, Mudane Hon Abdiaziz Sugow Salad , ayaa ka qayb galay aqoon-isweydaarsi ku saabsan Mashruuca Bulsho ee Dowladda Jubbaland, kaas oo uu magaalada Kismaayo ka furay Wasiirka Arrimaha Gudaha Dowladda Jubbaland, Mudane Maxamed Ibraahim Ogle.

Aqoon-isweydaarsigan ayaa ujeeddadiisu ahayd in si qoto dheer looga doodo hababka ugu habboon ee loo fulin karo Mashruuca Bulsho, iyadoo xoogga la saarayo xoojinta wada-shaqeynta dowladda, maamulka degmooyinka iyo bulshada si loo gaaro horumar waara oo bulshada anfaca.

Munaasabadda ayaa waxaa ka soo qayb galay masuuliyiin ka tirsan Dowladda Jubbaland, maamulka degmooyinka, hay’adaha dowliga ah iyo qaybaha kala duwan ee bulshada. Intii uu socday aqoon-isweydaarsigu, waxaa la isla gorfeeyay qorshayaasha lagu hirgelinayo mashruuca, caqabadaha jira iyo fursadaha lagu xoojin karo ka-qaybgalka bulshada ee arrimaha horumarinta.

Guddoomiye Cabdicasiis Sugow Salaad ayaa sheegay in Mashruuca Bulsho uu yahay mashruuc muhiim u ah kobcinta adeegyada bulshada iyo xoojinta xiriirka u dhexeeya shacabka iyo maamulka deegaanka. Wuxuu xusay in degmada Luuq ay ka go’an tahay inay si buuxda uga qayb qaadato hirgelinta mashruuca si loo xaqiijiyo adeegyo wax ku ool ah oo gaara bulshada.

Sidoo kale, wuxuu tilmaamay in aqoon-isweydaarsiyadan ay muhiim u yihiin isdhaafsiga fikradaha, khibradaha iyo qorsheyaasha lagu horumarinayo adeegyada bulshada, isla markaana ay horseedayaan iskaashi iyo wadajir lagu gaaro yoolalka horumarineed ee Jubbaland.

Ugu dambayn, Guddoomiyuhu wuxuu uga mahadceliyay Wasaaradda Arrimaha Gudaha Dowladda Jubbaland iyo dhammaan dhinacyada ka shaqeynaya Mashruuca Bulsho dadaallada ay ku bixinayaan horumarinta bulshada iyo xoojinta dowladaha hoose.

Xafiiska Arrimaha Bulshada Degmada Luuq
26 Juun 2026
Kismaayo – Jubbaland

WAR-SAXAAFADEEDGuddoomiyaha Arrimaha Bulshada Degmada Luuq Oo Ka Qayb-galay Daahfurka Mashruuca BulshoKismaayo, 25 Juun ...
25/06/2026

WAR-SAXAAFADEED

Guddoomiyaha Arrimaha Bulshada Degmada Luuq Oo Ka Qayb-galay Daahfurka Mashruuca Bulsho

Kismaayo, 25 Juun 2026: Guddoomiyaha Arrimaha Bulshada Degmada Luuq, Mudane Hon Abdiaziz Sugow Salad , ayaa maanta ka qayb galay munaasabadda daahfurka Mashruuca Bulsho, oo uu si rasmi ah u furay Madaxweynaha Dowladda Jubaland, Mudane H.E Ahmed Mohamed Islaam .

Munaasabadda daahfurka mashruucan ayaa waxaa kasoo qayb galay xubno ka tirsan Golaha Wasiirrada Dowladda Jubaland, masuuliyiin heer gobol iyo degmo, madaxda hay’adaha dowladda, wakiillo ka socday hay’adaha caalamiga ah iyo bahwadaagta horumarinta, kuwaas oo dhammaantood bogaadiyay muhiimadda mashruucan u leeyahay horumarinta bulshada iyo xoojinta dowladaha hoose.

Mashruuca Bulsho waa hindise horumarineed oo loogu talagalay xoojinta awoodda dowladaha hoose, kor u qaadista ka-qaybgalka bulshada, iyo dhisidda iskaashi waara oo u dhexeeya dowladda iyo shacabka. Mashruucan ayaa sidoo kale diiradda saaraya horumarinta adeegyada aasaasiga ah, kobcinta wadajirka bulshada, iyo taageeridda dadaallada lagu gaarayo horumar waara.

Guddoomiye Cabdicasiis Sugow Salaad ayaa sheegay in mashruucani uu yahay tallaabo muhiim ah oo wax weyn ka tari doonta horumarka degmooyinka Jubaland, gaar ahaan degmada Luuq. Wuxuu xusay in ka-qaybgalka bulshada iyo wada-shaqeynta hay’adaha dowladda ay laf-dhabar u yihiin guusha mashaariicda horumarineed iyo adeegyada bulshada.

Sidoo kale, masuuliyiintii munaasabadda ka hadashay ayaa adkeeyay muhiimadda ay leedahay in bulshada lagu dhiirrigeliyo ka-qaybgalka arrimaha horumarinta, si loo helo bulsho awood leh, isku duuban, kana qayb qaadata go’aan-qaadashada iyo hirgelinta mashaariicda wax ku oolka ah.

Guddoomiyaha Arrimaha Bulshada Degmada Luuq ayaa uga mahadceliyay Dowladda Jubaland, wasaaradaha ay khusayso, iyo dhammaan bahwadaagta taageeray hirgelinta Mashruuca Bulsho, isagoo tilmaamay in mashruucani uu fure u noqon doono horumar waara, xoojinta dowladnimada iyo kor u qaadista adeegyada bulshada.

— DHAMMAAD —

Xafiiska Arrimaha Bulshada Degmada Luuq
Jubaland – Soomaaliya

Address

Luuq

Website

Alerts

Be the first to know and let us send you an email when Xafiiska Arimaha Bulshada Degmada Luuq posts news and promotions. Your email address will not be used for any other purpose, and you can unsubscribe at any time.

Shortcuts

Share

Category