Maamulka Degmada Dayniile

Xarumaha Coddeynta Ee Degnada Dayniile dhamaan bulshada waxaad ka codeyn kartaan Goobaha hoos ku xusan. Fadlan codkaaga ku ciil bax mawaadin

Maamulka degmada Dayniile ayaa soo agaasimay kulan looga hadlay Wacyigelinta Bulshada ee Kaalinta Isdiiwaangelinta Doorashooyinka qof iyo cod oo ay ka qeyb galeen Guddoomiyaha Gobolka Banaadir ahna Duqa Magaalada Muqdisho Dr. Xasan Maxamed Xuseen (Muungaab), wasiirka Cadaaladda iyo arrimaha Dastuurka, mudane Xasan Macallim Maxamuud, xildhibaanno, dadweynaha iyo waxgardka degmada iyo mas’uuliyiin kale.

Guddoomiye Muungaab ayaa shacabka Degmada Dayniile ku bogaadiyay sida ay hormuudka ugu yihiin dadaallada dawlad-dhiska, gaar ahaan isdiiwaangelinta doorashada iyo wada-shaqaynta hey’addaha amniga.

Hordhac: Kulanka Guddoomiyaha Gobolka Banaadir Ahna Duqa Magaalada Muqdisho Mudane Dr. Xasan Maxamed Xuseen (Muungaab) ee Wacyi-gelinta Bulshada Degmada Dayniile iyo Kaalinta Diiwaan-gelinta Doorashooyinka Qof iyo Cod ah

Hordhac: Xafladda Soo dhaweynta Guddoomiyaha Gobolka Banaadir ahna Duqa Magaalada Muqdisho Mudane Dr. Xasan Maxamed Xuseen (Muungaab)

Wasiirka Amniga Gudaha mudane Abdullaahi Sheikh Ismaaciil Fartaag, Agaasimaha Guud ee Hay’adda Socdaalka iyo Jinsiyadda Mudane Mustaf Sheikh Ali Dhuhulow iyo Gudoomiyaha Degmada Dayniile Mudane Sheikh Omar Mahadalle oo ay wehliyaan Mas’uuliyiin kale ayaa xariga ka jaray dhismaha Xarunta 3-aad ee Hay'adda Socdaalka iyo Jinsiyadda Degmada Dayniile ee Gobolka Banaadir.

Guddoomiye Mahadalle oo u Mahadceliyay madaxda Qaranka ee suura-gelisay in xaruntaan la furo ayaa adkeeyay muhiimadda ay leedahay in bulshada loo soo dhaweeyo adeegga baasaboor bixinta oo ay safar dheer u geli jireen, waxaana sidoo kale uu ka hadlay muhiimadda ay xaruntaani u leedahay dadka degmada, degmooyinka iyo deegaannada ku xeeran.

Maamulka degmada waxaa ka go’an in dhamaan adeegyada dowladeed ee lagama maarmaanka u ah nolosha bulshada laga hir-geliyo degmada.

Munaasabadda xarig jarka ayaa waxaa goob joog ka ahaa Xilidhibaano ay ka mid yihiin Xildh. Cadar Cali Maxamed iyo Xildh. Dayax Axmed Cumar, Agaasimihii h**e ee hay’adda socdaalka iyo jinsiyadda Janaraal Abdullaahi Gaafow, Gudoomiyaha degmada howlwadaag Mudane bashiir cabdi maxamed, Gudoomiye ku xigeenada Degmada iyo Odoyaasha deegaanka.

Hordhaca: Sawirada Xafladda Xarig-jarka Xarunta 3-aad ee Hay'adda Socdaalka iyo Jinsiyadda Degmada Dayniile ee Gobolka Banaadir