Wasaaradda Dhallinyarada iyo Isboortiga JFS

Wasaaradda Dhallinyarada iyo Isboortiga XFS iyo Hey'adda Qaramada Midoobay ee Barnaamijyada Horumarka UNDP ayaa si rasmi ah u kala saxiixday heshiis wada-shaqeyn.

Heshiiskaan oo ah mid ay labada dhinac kaga wada-shaqeyn doonaan barnaamijyada dhallinyarada, nabadda iyo amniga, horumarinta xirfadaha dhallinyarada, sare u qaadista doorka dhallinyarada ee la dagaalanka isbeddelka cimilada iyo shaqo abuurka dhallinyarada ayaa waxa uu socon doonaa muddo shan sano ah.

Wasaaradda Dhallinyarada iyo Isboortiga XFS waxaa saxiixa heshiiska ku metelaayay Wasiirka Wasaaradda Md. Maxamed Cabdulqaadir Cali halka dhinaca UNDP uu saxiixa heshiiska ku metelaayay Mr. Lionel Laurens oo ah madaxa UNDP Somalia, ayadoo saxiixa heshiiska uu goobjoog ka ahaa Agaasimaha Guud ee Wasaaradda iyo masuuliyiin labada dhinac kala meteleysay.

Saxiixa kadib, Wasiirka Wasaaradda ayaa sagootin u sameeyay Mr. Lionel Laurens oo dhawaan Soomaaliya ka bedelan doona.

Ugu dambeyn, Wasiirka Wasaaradda ayaa wefdiga UNDP soo tusay qeybaha ay ka koobantahay xarunta cusub ee Wasaaradda.

𝐎𝐆𝐄𝐘𝐒𝐈𝐈𝐒 𝐌𝐔𝐇𝐈𝐈𝐌 𝐀𝐇

𝑊𝑎𝑠𝑎𝑎𝑟𝑎𝑑𝑑𝑎 𝐷ℎ𝑎𝑙𝑙𝑖𝑛𝑦𝑎𝑟𝑎𝑑𝑎 𝑖𝑦𝑜 𝐼𝑠𝑏𝑜𝑜𝑟𝑡𝑖𝑔𝑎 𝐽𝑎𝑚ℎ𝑢𝑢𝑟𝑖𝑦𝑎𝑑𝑑𝑎 𝐹𝑒𝑑𝑒𝑟𝑎𝑎𝑙𝑘𝑎 𝑆𝑜𝑜𝑚𝑎𝑎𝑙𝑖𝑦𝑎 waxay ku wargelinaysaa dhammaan taageerayaasha kubadda cagta iyo in 𝐆𝐚𝐫𝐨𝐨𝐧𝐤𝐚 𝐖𝐢𝐢𝐬𝐡 lagu daawan doono ciyaarta k**a dambaysta ah (Final-ka) ee u dhexeysa 𝐀𝐫𝐬𝐞𝐧𝐚𝐥 𝐢𝐲𝐨 𝐏𝐚𝐫𝐢𝐬 𝐒𝐚𝐢𝐧𝐭-𝐆𝐞𝐫𝐦𝐚𝐢𝐧 (𝐏𝐒𝐆), iyadoo wasaaradda ugu talagashay in dhallinyarada iyo taageerayaasha si bilaash ah ku daawadaan ciyaarta.

𝐆𝐨𝐨𝐛𝐭𝐚: Garoonka Wiish
𝐓𝐚𝐚𝐫𝐢𝐢𝐤𝐡𝐝𝐚: 30.05.2026
𝐖𝐚𝐪𝐭𝐢𝐠𝐚:: 7:00 PM habeen nimo.

𝐖𝐚𝐬𝐚𝐚𝐫𝐚𝐝𝐝𝐚 𝐃𝐡𝐚𝐥𝐥𝐢𝐧𝐲𝐚𝐫𝐚𝐝𝐚 𝐢𝐲𝐨 𝐈𝐬𝐛𝐨𝐨𝐫𝐭𝐢𝐠𝐚 𝐗𝐉𝐅𝐒, waxay hambalyo diirran oo ku aaddan munaasabadda 𝐶𝑖𝑖𝑑𝑢𝑙 𝐴𝑑𝑥𝑎𝑎 la wadaagaysaa dhammaan ummadda Islaamka meel kasta oo ay joogaan..

Waxaan Alle ka baryeynaa inuu naga aqbalo soonkii, salaaddii iyo acmaashii suubanaa ee maalmihii barakeysnaa ee 𝐁𝐢𝐬𝐡𝐚 𝐂𝐚𝐫𝐚𝐟𝐚, noogana dhigo Ciiddaan mid nabad, barwaaqo iyo midnimo ku dheehan.

(𝑪𝒊𝒊𝒅 𝑾𝒂𝒏𝒂𝒂𝒈𝒔𝒂𝒏)

Wasiirka Wasaaradda Dhallinyarada iyo Ciyaaraha Dowladda Federaalka Soomaaliya, 𝑴𝒖𝒅𝒂𝒏𝒆 𝑴𝒂𝒙𝒂𝒎𝒆𝒅 𝑪𝒂𝒃𝒅𝒖𝒍𝒒𝒂𝒂𝒅𝒊𝒓 𝑪𝒂𝒍𝒊, ayaa maanta xarunta cusub ee Wasaaradda ku qaabilay Safiirka Jamhuuriyadda Türkiye u fadhiya Soomaaliya, 𝑴𝒖𝒅𝒂𝒏𝒆 𝑨𝒍𝒑𝒆𝒓 𝑨𝒌𝒕𝒂𝒔̧, oo booqasho maamuus ah (courtesy call) ku yimid Wasaaradda.

Intii uu kulanku socday, Safiirka ayaa bogaadiyay xarunta cusub ee Wasaaradda, isaga oo ammaanay horumarka iyo dardargelinta shaqada ee lagu gaaray mudadii uu Wasiirku hoggaanka Wasaaradda hayay.

Wasiirka ayaa adkeeyay muhiimadda ay leedahay maalgelinta jiilka dhalinyarada, isaga oo xusay in dhallinyaradu yihiin bulshada ugu weyn ee qaranka iyo tiirka ugu muhiimsan ee horumarka Soomaaliya.

Kulanka ayaa sidoo kale diiradda lagu saaray xoojinta iskaashiga 𝑺𝒐𝒐𝒎𝒂𝒂𝒍𝒊𝒚𝒂 𝒊𝒚𝒐 𝑻𝒖̈𝒓𝒌𝒊𝒚𝒆, gaar ahaan dhinacyada 𝒉𝒐𝒓𝒖𝒎𝒂𝒓𝒊𝒏𝒕𝒂 𝒊𝒔𝒃𝒐𝒐𝒓𝒕𝒊𝒈𝒂 𝒊𝒚𝒐 𝒂𝒘𝒐𝒐𝒅𝒔𝒊𝒊𝒏𝒕𝒂 𝒅𝒉𝒂𝒍𝒍𝒊𝒏𝒚𝒂𝒓𝒂𝒅𝒂. Wasiirka ayaa la wadaagay qorshayaasha Wasaaradda ee lagu dhisayo Naadiga Dabaasha Soomaaliya iyo dadaallada lagu kordhinayo ka qaybgalka kooxaha da’doodu ka hooseyso 17 sano tartamada heer gobol iyo heer caalami.

Kulanka ayaa muujiyay sida labada dhinac uga go’an tahay xoojinta iskaashiga ku aaddan horumarinta dhallinyarada, kobcinta ciyaaraha, iyo dhismaha hay’adaha dowladeed.

Qaar ka mid ah dhallinyarada Soomaaliyeed ee nasiibka u yeeshay 𝐝𝐞𝐞𝐪𝐝𝐚 𝐗𝐚𝐣𝐤𝐚 𝐞𝐞 𝐬𝐚𝐧𝐧𝐚𝐝𝐤𝐚𝐧 𝟐𝟎𝟐𝟔 𝐌 / 𝟏𝟒𝟒𝟕 𝐇 ayaa si nabadgalyo ah ku gaaray dhulka barakeysan ee 𝐁𝐨𝐪𝐨𝐫𝐭𝐨𝐨𝐲𝐚𝐝𝐚 𝐒𝐚𝐜𝐮𝐮𝐝𝐢 𝐂𝐚𝐫𝐚𝐛𝐢𝐲𝐚, si ay u gutaan acmaasha suuban ee Xajka.

𝐖𝐚𝐬𝐚𝐚𝐫𝐚𝐝𝐝𝐚 𝐃𝐡𝐚𝐥𝐥𝐢𝐧𝐲𝐚𝐫𝐚𝐝𝐚 𝐢𝐲𝐨 𝐈𝐬𝐛𝐨𝐨𝐫𝐭𝐢𝐠𝐚​ oo fursaddan qaaliga ah u fududeysay dhallinyaradan, waxay u rajeenaysaa inuu Alle ka aqblo acmaasha wanaagsan, kana yeelo Xaj Maqbuul ah iyo Dembi dhaaf, kuna soo celiyo dalkooda hooyo iyagoo nabad iyo caafimaad qaba, una soo duceeyay dalka iyo dadka, inshaa Allah.

Wasiir Maxamed Cabdulqaadir Cali ayaa gudoomiyay shirka guddiga sare ee mashruuca YOU-ACT (YOU-ACT Project Steering Committee Meeting).

Shirkaan oo ahaa kii seddexaad ee mashruucaan ayaa waxaa kasoo qeybgalay Agaasimaha Guud ee Wasaaradda Dhallinyarada iyo Isboortiga, Wasiirka Wasaaradda Dhallinyarada iyo Isboortiga Hirshabeelle, madaxda hey'adaha FAO, IOM , Peacebuilding Fund iyo masuuliyiin ka socotay Wasaaradda Dhallinyarada iyo Isboortiga XFS ayaa looga hadlay dhameystirka mashruuca oo gabogabo ah.

Waxaa lagu soo bandhigay shirka howlaha mashruuca laga qabtay 3dii bilood ee lasoo dhaafay iyo warbixinta kormeerka iyo qiimeynta (Monitoring and Evaluation Report).

Wasiirka Wasaaradda oo shirka khudbad ka jeediyay ayaa tilmaamay muhiimadda ay leedahay in la balaariyo mashruuca oo ay ka faa'ideysteen dhallinyaro badan.
Ugu dambeyn Guddiga sare ee mashruuca YOU-ACT ayaa bogaadiyay waxqabadka mashruuca iyo howlihii baaxadda lahaa ee qabsoomay seddexdii bilood ee lasoo dhaafay.

Wasiirka Wasaaradda Dhallinyarada iyo Isboortiga Mudane Maxamed Cabduqaadir Cali ayaa ka qeyb galay munaasabad lagu xusayay 19-ka May oo ka dhacday Safaaradda Turkiga ee Soomaaliya, taas oo ah Maalinta Dhalinyarada iyo Isboortiga ee Turkiga.

19-kii May 1919 Mustafa Kemal Atatürk ayaa gaaray magaalada Samsun oo ka tirsan dalkaas ,isaga oo halkaas ka bilaabay halgankii xorriyadda Turkiga. Taariikhdan ayaana loo aqoonsan yahay bilowgii aas-aaska Turkiga.

Atatürk wuxuu maalintan u hibeyay dhalinyarada, sidaas darteed waxaa sanad kasta 19-ka May loo dabaaldegaa Maalinta Dhalinyarada iyo Isboortiga.

Wasiir Maxamed Cabduqaadir Cali ayaa munaasabadda uga hambalyeeyay shacabka reer Turki gaar ahaan dhalinyarada dalkaas, isaga oo xusay in maalintani ay Turkiga uga dhigan tahay maalin qaran oo muhiim ah sida 15-ka May oo ah Maalinta Dhallinyarada Soomaaliyeed ee SYL.

Munaasabadda waxaa kasoo qeyb galay dhalinyaro Soomaaliyeed kuwaas oo intooda badan waxbarasho kusoo qaatay dalka Turkiga.

Golaha Wasiirada Xukuumadda Federaalka Soomaaliya ayaa goor dhow ansixiyay Siyaasadda Qaran ee Horumarinta Isboortiga Soomaaliya, taasoo muhiim u ah horumarinta ciyaaraha dalka iyo dib-u-habeynta hay’adaha isboortiga.

Ansixinta Siyaasaddan Qaran waxay door weyn ka qaadan doontaa kobcinta tayada isboortiga, horumarinta maamulka ciyaaraha iyo dhismaha nidaam mideysan oo taageera ciyaartoyda iyo xirfadlayaasha isboortiga Soomaaliyeed.

Wasaaradda Dhallinyarada iyo Isboortiga ayaa juhdi weyn gelisay diyaarinta siyaasaddan, iyadoo muddo dheer waday la-tashiyo ay la yeelanaysay bahda kala duwan ee Isboortiga Soomaaliya.