Ciidanka Boliska Gaarka Ah Ee Haramcad

Cutubyo ka tirsan Ciidanka Haramcad ayaa saaka gaaray magaalada Baydhabo si ay u xoojiyaan amniga, una qeyb qaataan xasilinta magaalada Baydhabo ee xarunta Maamulka Koonfur Galbeed Soomaaliya.

Cutubyadan cusub ayaa xoojin doona ciidamo horey ugu sugnaa Baydhabo, iyadoo ujeedka howlgalka uu yahay adkeynta amniga, sugidda nabadda, iyo ka hortagga falalka amni-darro.

Ciidanka gaaray Baydhabo waxaa garoonka diyaaradaha kusoo dhaweeyay Taliyaha Ciidanka Haramcad, Dhamme Abdihakiin Eeldheer,

Taliyaha Ciidanka Haramcad Dhamme Abdihakiin Siciid Eeldheer

Jamaahiirta Ciidanka Haramcad ayaa howlgal adag ka wada deegaano hoos taga Degmada Baraawe ee Gobolka Shabeellaha Hoose.

Taliyaha Ciidanka Booliska Gaarka ah ee Haramcad, Dhamme Abdihakiin Eeldheer, ayaa gaaray magaalada Baydhabo, halkaas oo uu qeyb ka yahay socdaal shaqo oo uu ku marayay deegaanada Maamulka Koonfur Galbeed Soomaaliya. Taliyaha ayaa kormeer ku sameyn doona taliska gaarka ah ee Ciidanka Haramcad ay ku leeyihiin magaalada Baydhabo, si loo dardargeliyo howlaha sugidda amniga.

Ciidanka Haramcad oo dhawaan gaaray Baydhabo ayaa halkaas u jooga xasilinta iyo sugidda amniga, gaar ahaan iyadoo ay soo dhow yihiin maalmaha doorashooyinka. Taliyaha ayaa la filayaa inuu kulamo la yeesho saraakiisha ciidanka, isla markaana uu adkeeyo qorshaha lagu xaqiijinayo nabadgelyada guud ee magaalada iyo deegaannada ku xeeran.

Taliyaha Ururka 1aad ee Guutada Haramcad Dhamme Cumar Yare, waa sargaal ku suntan shaqo iyo howlkar.

Haramcad waa Saaxiibka Bulshada

Haramcad Hiilka Shacabka 🇸🇴

Nabad kasta jiil ayaa dhaliya annagana waxaan nahay jiilka nabadda keeni lahaa Ciidanka Gaarka ah ee Haramcad waa hiilka shacabka, garabka lagu tiirsado, iyo difaaca qaranka.

Waxaan u taaganahay ilaalinta naf iyo maal, ciribtirka cadowga ummadda iyo dhisidda mustaqbal ay carruurteenu ku noolaadaan nabad iyo xasillooni.