Dhalinyarada Gobolka Banaadir

Waxaa maanta lagu qabtay Magaalada Muqdisho tartan Orodo ah oo lagu soo gaba gabeeyay todobaadka Ciyaaraha Olombikada Aduunka, waxaana ka soo qeebgalay Resalwasaaraha XJFS Mudane Xamsa Cabdi Bare, Gudoomiyaha Maamulka Gobolka Banaadir Ahna Duqa Magaalada Caasimada ah ee Muqdisho Mudane Dr. Xasan Maxamad Xuseen Janaraal Muungaab, Wasiirka Wasaarada Dhalinyarada iyo Ciyaaraha XJFS Mudane Maxamad Cabduqaadir Gurey, Wasiirka Tamarta iyo Kheyraadka XJFS Mudan Dahir Shire Maxamad, Wasiirka Beeraha iyo Waraabka XJFS Mudane Maxamad Cabdi Xayir Maareeye iyo Wasiirka Wasaarada Deegaanka iyo Isbadalka Cimilada XJFS Mudane Janaraal Bashiir Maxamad Jaamac (Bashiir Goobe).

Masuuliyiintaan ayaa ka muuqdeen Tartanka Orodka ah ee lagu maamuusayay Todobaadka Olombikada Ciyaaraha Aduunka oo si weyn looga xusay Dalkeena sanadkaan.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========—𝐃𝐇𝐀𝐌𝐌𝐀𝐀𝐃—==============

Guddoomiyaha Dhallinyarada Gobolka Banaadir, Mudane Omar Faruk, ayaa soo xiray tababar socday muddo laba toddobaad ah oo ay ka faa’iideysteen 12 gabdhood oo laga soo kala xulay Degmooyinka Xeebta Kulaalo Ee Gobolka Banaadir, kuwaas oo lagu barayay hababka casriga ah ee looga faa’iideysto kalluumeysiga badda.

Tababarkan ayaa diiradda lagu saaray horumarinta xirfadaha kalluumeysiga iyo kobcinta dhaqaalaha buluugga ah, si loo xoojiyo ka qeybgalka haweenka iyo ka faa’iideysiga kheyraadka badda.

Tababarka waxaa maalgeliyay cutubka Talyaaniga ee taakuleynta shacabka.
Munaasabadda soo xiritaanka tababarka waxaa kasoo qeyb galay masuuliyiin kala duwan, oo ay kamid yihiin Guddoomiyaha Jaamacadda Iskaashiga Dan Kalluumeysi ee Xeebaha Soomaaliya, Nabadoon Kamaal Maki Aways, iyo sidoo kale Agaasimaha Waaxda Kalluumeysiga iyo Dhaqaalaha Buluugga ah ee Gobolka Banaadir, Marwo Basiima Ilyaas Muuse.

Ugu dambeyn, Guddoomiyaha Dhallinyarada Gobolka Banaadir, Mudane Omar Faruk, ayaa u mahadceliyay dhammaan masuuliyiinta iyo hay’adaha ka qeyb qaatay qabsoomidda munaasabaddan, isaga oo xusay in tani aysan ahayn tababarkii ugu horreeyay ee ay door weyn ka qaataan.

Dhankiisa, Guddoomiye Omar Faruk ayaa sheegay inay ka go’an tahay horumarinta dhallinyarada Gobolka Banaadir, isaga oo carrabka ku adkeeyay muhiimadda shaqo-abuurka, kobcinta xirfadaha, iyo tababarro kor u qaada fahamka shaqooyinka.

Sidoo kale, wuxuu dardaaran u jeediyay gabdhaha ka faa’iideystay tababarkan, isaga oo ku booriyay inay sii wadaan dadaalka, kana faa’iideystaan aqoonta iyo xirfadaha ay barteen.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Maamulka Gobolka Banaadir
===========—𝐃𝐇𝐀𝐌𝐌𝐀𝐀𝐃—============

Xubno ka tirsan Dhalinyarada Gobolka Banaadir oo uu hoggaaminayo Guddoomiyaha Dhalinyarada Gobolka Banaadir, Mudane Cumar Cabdiraxmaan Macow (Omar Faruk), ayaa ka qeyb galay daah-furka Madasha Xoojinta Isla-xisaabtanka Bulshada iyo Maamulada Dowladda Hoose, oo uu Maamulka Gobolka Banaadir maanta si rasmi ah u daahfuray.

Madasha waxaa kasoo qeyb galay mas’uuliyiin ka tirsan Maamulka Gobolka Banaadir, oo uu ugu horreeyo Guddoomiyaha Amniga iyo Siyaasadda, Mudane Maxamed Axmed Yabooh, Agaasimaha Qorsheynta, Guddoomiyaha Haweenka iyo Gudoomiyaha Maamulka Degmada Waaberi.

Guddoomiyaha Dhalinyarada Gobolka Banaadir ayaa ka hadlay muhiimadda ay leedahay xoojinta isla-xisaabtanka bulshada, isaga oo dhankiisa ku boorriyey Maamulka Gobolka Banaadir iyo dhammaan hay’adaha Dowlada hoose in la sii xoojiyo dadaallada lagu horumarinayo isla-xisaabtanka iyo daadajinta nidaamka hufan.

Sidoo kale, wuxuu sheegay in Bulshada oo la xisaabtanta Dowladooda iyo cidda u haysa adeegyada ay muujinayso biseyl iyo horumar laga gaaray is-aaminaadda u dhexeysa Maamulka Gobolka Banaadir iyo Bulshada ku dhaqan Caasimada Dalka ee Muqdisho.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========—𝐃𝐇𝐀𝐌𝐌𝐀𝐀𝐃—===========

Guddoomiyaha Dhalinyarada Gobolka Banaadir Mudane Omar Faruk oo baaq u diray Guud ahaan Dhalinyarada Dalka gaar ahaan Dhalinyarada Caasimada ayaa ku booriyey inaan la suurad xumeeynin magaca iyo sumcada dhalinyarada, lana adkeeyo Xasiloonida Magaalada, Midnimada iyo isku duubnida Dhalinyarada wakhtiyada Xasaasiga ah.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========—𝐃𝐇𝐀𝐌𝐌𝐀𝐀𝐃—==============

Xafiiska Gudoomiyaha Dhalinyarada Gobolka Banaadir Md Omar Faruk ayaa soo agaasimay tababar Xirfad Barasho ah oo tiro Gabdho ah uga furmay Magaalada Muqdisho.

Tababarkaan oo ahaa kii ugu horeeyay ee nuuciisa ah oo ay qaataan Gabdhaha qeybta ka ah Ururka Dhalinyarada Gobolka Banaadir ayaa ah mid lagu baraayo Dayactirka iyo Tolista Shabaagadaha Kaluumeysiga, Sare u qaadista fahamka ka ganacsiga Kaluunka iyo ku baraarugida aqoonta Kheyraadka Bada ee uu Dalkeena hodanka ku yahay.

Tababarkaan oo ay iska kaashadeen Maamulka Gobolka Benaadir iyo Cutubka Ciidamada Talyaaniga ee Taakulada Soomaaliya ee CIMIC ayaa Gabdhaha ka faa’ideesteen ka kala yimideen Ururada Dhalinyarada Degmooyinka Xeebaha Dhaca ee Gobolka Banaadir sida Degmooyinka Wadajir, Waaberi, Xamar Jajab, Xamarweyne, Shangaani, Cabdicasiis, Kaaraan iyo Gubadley.

Waxaa goob joog ahaa Agaasimaha Waaxda Kaluumeysiga iyo Dhaqaalaha Buluuga ah ee Maamulka Gobolka Banaadir Marwo Basiimo Hajji Xiifey, Khabiir ka socday Wasaarada Kaluumeysiga iyo Dhaqaalaha Buluuga ah ee XJFS, Xiriiriyaha Mashaariicda Hormarineed ee Dowlada Talyaaniga, Gudoomiyaha Iskaashatooyinka guud ee Kaluumeysatada Soomaaliyeed, Gudoomiyaha Iskaashatada Gobolka Banaadir.

Ugu dambeen waxaana Tababarka daah furay Gudoomiye Ku Xigeenka Arimaha Bulshada iyo Wacyigalinta Maamulka Gobolka Banaadir Mudane Abdiaziz Osman Mohamed oo ku dheeraaday Ahmiyada uu u leeyahay Dalka in lagu baraarugo barashada iyo fahamka ka faa’ideysiga Kheyraadka Dalka.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========—𝐃𝐇𝐀𝐌𝐌𝐀𝐀𝐃—==============

Barnaamish-kii Afurinta ahaa ee uu Gudoomiyaha Maamulka Gobolka Benaadir Ahna Duqa Magaalada Muqdisho Dr. Hassan Mohamed Hussein Muungaab ugu talo galay in lagu gar gaaro Dadka danyarta barakacayaasha, Naafada, Dadka ka dib dhaco guryahooda xiliyada Afurka iyo Askarta ku sugan Baraha hubinta Nabadgalyada ayaa si habsami leh uga socdo Magaalada Muqdisho.

Waxaa habeenkii Sideedaad Afurin laga sameeyay Isgoosyada Mirinaayo iyo Sanco, Sidookale waxaa agabka afurka ah la gaarsiiyay Askarta Baraha Koontarool ee halkaas ku yaalo, Dadka Saa’imiinta musaafurka ah ee Xaafadahooda ka dib dhacay xiliga Afurka iyo Dad danyar ah.

Ololahaan Afurinta Dadka masaakiinta ah ayaa looga jawaabayaa baaqii Madaxweynaha JFS Dr. Hassan Sheikh Mohamud ee ahaa in la gar gaaro Dadka Danyarta ah inta lagu gudaha jiro Bisha Barakeysan ee Ramadan.

Waxaana horkacaayay howsha Afur qeybinta la sameeyay maanta Gudoomiyaha Dhalinyarada Gobolka Banaadir Mudane Omar Faruk Gudoomiye Ku Xigeenka Amniga Degmada Kaaraan, Gudoomiye Ku Xigeenka Siyaasada Degmada Shibis, Gudoomiye Ku Xigeenka Siyaasada Degmada Cabdicasiis iyo Madaxa Xafiiska Arimaha Qooska iyo Xuquuqul Insaanka,

Waxaana door shariif ah muujiyay Xubno ka mid ah Dhalinyarada Gobolka Banaadir oo isugu jireen Naadiga Dhalinyarada Danjirayaasha Nabada Muqdisho iyo Dhalinyarada Degmooyinka.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========—𝐃𝐇𝐀𝐌𝐌𝐀𝐀𝐃—==============

Barnaamish-kii Afurinta ahaa ee uu Gudoomiyaha Maamulka Gobolka Benaadir Ahna Duqa Magaalada Muqdisho Dr. Hassan Mohamed Hussein Muungaab ugu talo galay in lagu gar gaaro Dadka danyarta barakacayaasha, Naafada, Dadka ka dib dhaco guryahooda xiliyada Afurka iyo Askarta ku sugan Baraha hubinta Nabadgalyada ayaa si habsami leh uga socdo Magaalada Muqdisho.

Waxaa habeenkii Lixaad Afurin laga sameeyay Xaafadaha Dadka Danyarta ah Daganyihiin ee Degmada Boondheere gaar ahaan Xaafadaha ku teedsan Warta Biyo Qabadka Boondheere ee Xaafada Buulo Maqaarey.

Ololahaan Afurinta Dadka masaakiinta ah ayaa looga jawaabayaa baaqii Madaxweynaha JFS Dr. Hassan Sheikh Mohamud ee ahaa in la gar gaaro Dadka Danyarta ah inta lagu gudaha jiro Bisha Barakeysan ee Ramadan.

Waxaana horkacaayay howsha Afur qeybinta la sameeyay maanta Gudoomiye Ku Xigeenka Arimaha Bulshada iyo Wacyigalinta Maamulka Gobolka Banaadir Mudane Abdiaziz Osman Mohamed, Agaasimaha Waaxda Shaqada iyo Shaqaalaha Maamulka Gobolka Banaadir, Agaasimaha Waaxda Gaadiidka Maamulka Gobolka Banaadir, Agaasimaha Waaxda Kaluumeysiga iyo Dhaqaalaha Buluuga ee Maamulka Gobolka Banaadir, Gudoomiyaha Dhalinyarada Gobolka Banaadir Omar Faruk, Gudoomiyaha Maamulka Degmada Boondheere iyo Gudoomiye Ku Xigeenka Siyaasada Degmada Cabdicasiis ee Gobolka Banaadir.

Waxaana door shariif ah muujiyay Xubno Dhalinyarada Gobolka Banaadir ah oo isugu jireen Naadiga Dhalinyarada Danjirayaasha Nabada, Dhalinyarada Degmada Boondheere oo uu hor kacayay Gudoomiyaha Dhalinyarada Degmada.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========—𝐃𝐇𝐀𝐌𝐌𝐀𝐀𝐃—==============