Mogadishu Port Authority

Hambalyo Maalinta Shaqaalaha Adduunka.

Tallaabo kasta waxay leedahay ujeeddo, shaqo kastana waxay u baahan tahay dadaal iyo masuuliyad. Shaqaaluhu waa laf-dhabarta horumarka iyo socodsiinta howlaha maalinlaha ah. Maanta waxaan qadarin u muujineynaa dadaalkooda iyo kaalinta ay bulshada ku leeyihiin.

Sida lagu soo bandhigay AnewZ, Dekedda Muqdisho waxay taagan tahay wadnaha isbeddelka dhaqaale ee Soomaaliya. Muuqaalkani wuxuu iftiiminayaa saameynteeda iyo mustaqbalka ay leedahay.

Maareeyaha Dekedda Muqdisho, Danjire Amb Mohamed Ali Nur, oo ay wehliyaan maareeye ku-xigeennada, ayaa maanta si rasmi ah u soo xiray tababar loo qabtay shaqaale ka tirsan dekedda, kuwaas oo bartay luqadda suul dhabbaale ama (sign language), si loo xoojiyo adeegyada loo fidiyo dadka maqalka naafada ka ah.

Maareeyaha Guud ee Dekedda Muqdisho Amb Mohamed Ali Nur oo ay wehaliyan Maareeye kuxigeenada Dekadda Abdallah kaarshe & Ismail Aw Musse ayaa maanta Kormeer shaqo ku tagay xafiiska cusub ee Maamulka Dekedda Muqdisho, isaga oo u kuurgalay si uu u ogaado heerka uu marayo dhismaha iyo diyaarinta adeegyada.

Wuxuu warbixin ka dhageystay masuuliyiinta mashruuca, isagoo ammaanay dadaalkooda, isla markaana faray in la dedejiyo shaqada hartay si xafiiska cusub loo howlgeliyo waqtigii loogu talagalay.

Maareeye Ku-Xigeenka Dekedda Muqdisho, Mudane Abdallah kaarshe, ayaa maanta xarunta Dekedda Muqdisho ku qaabilay wafdi heer sare ah oo ka socday Dowladda Cumaan, gaar ahaan Shirkadda Caalamiga ah ee Maraakiibta iyo Adeegyada Badda ee Khaliijka (GISMCO).

Maareeyaha Guud ee Dekedda Muqdisho, Mudane Amb Mohamed Ali Nur ( Americo ) ayaa guddoomiyay shir ay isugu yimaadeen agaasimayaasha waaxyaha kala duwan ee Dekedda Muqdisho.

Shirka ayaa diiradda lagu saaray dardargelinta howlaha shaqo, qiimeynta guulaha la gaaray, iyo horumarka laga sameeyay adeegyada dekedda. Sidoo kale, waxaa kulanka ka qeyb galay maareeye ku xigeennada dekedda, iyagoo ka qeyb qaatay falanqeynta iyo talooyinka lagu horumarinayo waxqabadka guud ee dekedda.

Anbabaxa maanta ee markabka Çağrı Bey, oo muddo laba maalmood ah marti ku ahaa Dekedda Muqdisho.