Hay'adda Sharciyeynta Adeegyada Iyo Baaritaanka Beeraha Soomaaliyeed- SARIS

Maareeyaha Hay’adda Sharciyeynta Adeegyada & Baaritaanka Beeraha Soomaaliyeed (SARIS), Mudane Abdi Mohamed Hussien, ayaa hambalyo iyo bogaadin u diray dhammaan shaqaalaha Soomaaliyeed munaasabadda Maalinta Caalamiga ah ee Shaqaalaha Adduunka ee 01-ka May.

Ciid Wanaagsan dhamaan bulshada Soomaaliyeed ! 🌙🇸🇴

𝐃𝐚𝐲 𝟐: 𝐌𝐚𝐚𝐫𝐞𝐞𝐲𝐚𝐡𝐚 𝐆𝐮𝐮𝐝 ee Hay’adda SARIS, Mudan 𝐂𝐚𝐛𝐝𝐢 𝐌𝐚𝐱𝐚𝐦𝐞𝐝 𝐗𝐮𝐬𝐞𝐞𝐧 , ayaa si rasmi ah u soo xirey shirka-wada-tashiga qaran ee socday 𝟖–𝟗 𝐅𝐞𝐛𝐫𝐚𝐚𝐲𝐨 𝟐𝟎𝟐𝟔. Kahor xiritaanka shirka, maalintii labaad ayaa diiradda lagu saaray soo koobidda natiijooyinka doodihii iyo falanqayntii lagu sameeyay aafooyinka ku dhaca 𝐃𝐢𝐠𝐢𝐫𝐭𝐚 𝐒𝐨𝐨𝐲𝐚, 𝐀𝐟𝐚𝐤𝐚𝐚𝐝𝐡𝐚𝐝𝐚, 𝐂𝐚𝐧𝐚𝐧𝐚𝐚𝐬𝐤𝐚 𝐢𝐲𝐨 𝐋𝐚𝐰𝐬𝐤𝐚.
Ka-qaybgalayaashu waxay si wadajir ah u qiimeeyeen suurtagalnimada joogitaanka aafooyinka, kuwa la xaqiijiyay iyo in kuwa joogin laga taxadiro, lana diyaariyo tallaabooyinka lagu xoojinayo nidaamka fayadhowrka dhirta ee dalka oo ay SARIS masuulka katahay.. Gunaanadka shirka ayuu Maareeyuhu adkeeyay muhiimadda iskaashi joogto ah oo u dhexeeya hay’adaha dawladda, hay’adaha tacliinta, ganacsatada iyo beeralayda, si loo ilaaliyo wax-soo-saarka beeraha loona waafajiyo shuruucda Soomaaliyeed heerarka Bulshada Bariga Afrika (EAC).

𝐃𝐚𝐲 𝟏: 𝐌𝐚𝐚𝐫𝐞𝐞𝐲𝐚𝐡𝐚 𝐆𝐮𝐮𝐝 ee 𝐇𝐚𝐲’𝐚𝐝𝐝𝐚 𝐒𝐀𝐑𝐈𝐒, Mudane 𝐂𝐚𝐛𝐝𝐢 𝐌𝐚𝐱𝐚𝐦𝐞𝐝 𝐗𝐮𝐬𝐞𝐞𝐧, ayaa maanta si rasmi ah u furay shir-wada-tashi qaran oo socon doona 𝟖–𝟗 𝐅𝐞𝐛𝐫𝐚𝐚𝐲𝐨 𝟐𝟎𝟐𝟔 kaas oo ku saabsan gorfaynta iyo falanqaynta aafooyinka kuwaas oo ku dhaca dalagyada 𝐃𝐢𝐠𝐢𝐫𝐭𝐚 𝐒𝐨𝐨𝐲𝐚, 𝐀𝐟𝐚𝐤𝐚𝐚𝐝𝐡𝐚𝐝𝐚, 𝐂𝐚𝐧𝐚𝐧𝐚𝐚𝐬𝐤𝐚 𝐢𝐲𝐨 𝐋𝐚𝐰𝐬𝐤𝐚 islamarkaana ay 𝐁𝐮𝐥𝐬𝐡𝐚𝐝𝐚 𝐁𝐚𝐫𝐢𝐠𝐚 𝐀𝐟𝐫𝐢𝐤𝐚 (𝐄𝐀𝐂) u aragto inay suurtagal tahay inay joogan Soomaaliya, iyadoo lagu saleeyay kulan ay waddamada xubnaha ka ah EAC ay yeesheen sannadkii h**e 2025.
Ujeeddada shirkan ayaa ah in dhammaan daneeyayaasha ay qiimeeyaan joogitaanka aafooyinka, suurtagalnimada faafitaankooda, iyo khatartooda, si loogu waafajiyo nidaamka shuruucda fayadhowrka dhirta Soomaaliyeed.
Shirkan wada-tashiga qaran ayaa waxaa ka qayb galay in ka badan 30 ka-qaybgalayaal, kuwaas oo isugu jiray wakiillo ka socday Wasaaradda Beeraha, Hay’adda 𝐒𝐀𝐑𝐈𝐒, 𝐖𝐚𝐬𝐚𝐚𝐫𝐚𝐝𝐝𝐚 𝐀𝐫𝐫𝐢𝐦𝐚𝐡𝐚 𝐃𝐢𝐛𝐚𝐝𝐝𝐚 – 𝐖𝐚𝐚𝐱𝐝𝐚 𝐁𝐮𝐥𝐬𝐡𝐚𝐝𝐚 𝐁𝐚𝐫𝐢𝐠𝐚 𝐀𝐟𝐫𝐢𝐤𝐚, Hay’adda SoBS, Hay’adda FAO, Wasaaradda Maaliyadda – Qaybta Furdooyinka, Maamulka Dekedda Muqdisho, Bahda Wax-barashada, hoggaannada iskaashatooyinka beeraha Soomaaliyeed, shirkadaha ganacsiga, iyo beeralayda Soomaaliyeed.

Maareeyaha Guud ee Hay’adda SARIS, Mudane: Cabdi Maxamed Xuseen, ayaa maanta xarunta dhexe ee hay’adda ku furey tababar socon doona 27-31ka Oktoobar 2025 oo ku saabsan shahaado siinta abuurada kasoo sare loogu qaadaayo aqoonta baarayaasha, shaqaalaha shaybaarka iyo saraakiisha shahaada bixinta abuurka ee Hay’adda SARIS.
Tababarkaan waxaa bixinaya khuburo ka timid Hay’adda Kenya Plant Health Inspectorate (KEPHIS) oo aqoon sare u leh arrimaha abuurka.
Maareeaha Guud ayaa adkeeyey muhuumada uu u leeyahay tababarkaan Waxsoosaarka dalka isla markaana u mahadceliyey Hay’adda SSG oo taabagelisey inuu qobsoomo tababarkaan.

Maareeyaha Guud ee Hay’adda SARIS, Mudane Abdi Mohamed Hussein, ayaa ka qeybgalay Shirweynaha Iskaashiga Dhaqaalaha Bariga Afrika .
Shirka ayaa lagu falanqeeyay sidii loo xoojin lahaa iskaashiga dhaqaale iyo bulsho ee dalalka Bulshada Bariga Afrika (EAC), oo dhamaan dadalkaas ay kasoo qeybgaleen shirwaynahaan.
Maareeye Abdi, ayaa muujiyay ka go’naanshaha Hay’adda SARIS ee ku aaddan kor u qaadista Tayada wax soosaarka dhoofinta iyo horumarinta dhaqaalaha Soomaaliya, isaga oo xusay muhiimadda iskaashi guud oo lagu gaaro isbeddel dhaqaale iyo in bulshada hormarto.

Maareeyaha Guud ee Hay’adda SARIS, Mudane Cabdi Maxamed Xuseen, ayaa maanta furay tababar socon doona intii u dhaxeysay 21 - 25ka September 2025.
Tababarkaan ayaa diirada lagu saari doonaa soo saarista iyo shahaado siinta abuurka dalka, tababarkaan oo ay ka faaiideesan doonaan 30 sarkaal oo ka kala socda Wasaaradda Beeraha, Hay’adda SARIS iyo shirkadaha abuurka ee gudaha dalka.
Maareeyaha Guud ayaa xusay muhiimada tababarkaan uu u leeyahay kor u qaadista wax soosaarka dalka iyo tayeynta abuurka gudaha, isagoo si gaar ah ugu mahadceliyay Hay’adda FAO taageerada ay ku bixisay qabsoomida tababarkaan muhiimka ah.

Hay’adda Sharciyeynta Adeegyada iyo Baaritaanka Beeraha Somaaliyeed ee SARIS, ayaa maanta magaalada Muqdisho ku qabatay shir muhiim ah oo lagu xoojinayo nidaamyada shahaado-siinta abuurka.
Shirkaan oo uu furay Maareeye ku-xigeenka ahna kusimaha Mareeyaha hay'adda SARIS Liibaan Cabdi Xasan ( shaadiro), kaasoo lagu soo bandhigay doorka adeegyada, heerarka, awoodda sharci-dejinta ee nidaamka shahaado siinta abuurka dalka.
Dhanka kale shirkaan oo ay kasoo qaybgaleen masuuliyiin matalaaya shirkadaha ka shaqeeya abuurka kuwaas oo si wadajir ah uga shaqeeya horumarinta nidaamka abuurka ee dalka si loo xaqiijiyo sugnaanta cuntada, tayada abuurka iyo tartanka suuqa gudaha iyo dibada.
Shirkaan wuxuu qayb ka yahay dadaalada dowladda ee lagu xoojinayo nidaamka abuurka Soomaaliya, iyadoo la dhisaayo awood sharciyeed, farsamo iyo mid adeeg oo la jaanqaadeysa heerarka caalamiga ee dunida maanta u shaqeyso.

Maareeyaha Guud ee Hay’adda SARIS, Mudane; Cabdi Maxamed Xuseen ayaa xarunta dhexe ee hay’adda kulan kula qaatay wafdi heer sare ah oo ka socday Hay’adda FAO, wafdigaan oo ay hogaamineysay Marwo; Veronica, ku xigeenka Madaxa Barnaamijyada FAO ahna ku simaha Wakiilka FAO Soomaaliya.
Ugu h**eyntii Maareeyaha Guud ayaa si diiran u soo dhaweeyay wafdiga, isagoo uga mahadceliyay ujeedka booqashadood ee ku aadaneed xoojinta iskaashiga labada hay’adood.
Intii uu socday kulanka, labada dhinac waxay si qoto dheer uga wada hadleen sidii kor loogu qaadi lahaa iskaashiga iyo wada shaqeynta, iyagoo diirada saaray mashaariicda iyo hindise wadajir ah oo taageera horumarinta adeegyada iyo howlaha SARIS.

Wasiirka Wasaaradda Beeraha iyo Waraabka ee Jamhuuriyadda Federaalka Soomaaliya, Xil. Maxamed Cabdi Xayir (Maareeye) ayaa si rasmi ah u daah-furay xarunta cusub ee tijaabooyinka (Sheybaarka) ee Hay’adda SARIS. Xaruntan casriga ah oo ka kooban saddex qaybood muhiim ah — Shaybaarka Sunta Cayayaanka, Shaybaarka Tijaabada Abuurka, iyo Shaybaarka Caafimaadka Dhirta — ayaa lagu sameyn doonaa baaritaanno tayadeed oo kusaabsan sunta beeraleyda isticmaalaan, abuurka la beero, iyo caafimaadka dhirta.
Furitaanka Shaybaarkaan waxay talaabo weyn u tahay horumarinta tayada wax-soosaarka beeraha, ilaalinta deegaanka, iyo sugidda badqabka cuntada, iyadoo si toos ah u taageereysa beeraleyda Soomaaliyeed.