𝗧𝗮𝗹𝗶𝘀𝗸𝗮 𝗤𝗮𝘆𝗯𝘁𝗮 𝗕𝗼𝗼𝗹𝗶𝘀𝗸𝗮 𝗚. 𝗞𝗮𝗿𝗸𝗮𝗮𝗿

Qardho

Booliska Qaybta Gobolka Karkaar ayaa ku guulaystay inay gacanta ku dhigaan koox ciyaal weero ah oo ku hubaysnaa toorayo, kuwaas oo lagu tuhunsan yahay inay ku lug lahaayeen falal amniga khalkhal gelinayay oo ka dhacay magaalada Qardho.

Kooxdan ayaa lagu soo qabtay howlgal qorshaysan oo ay ciidamada boolisku ka fuliyeen gudaha magaalada, waxaana haatan ku socda baaritaanno si waafaqsan sharciga.

Booliska ayaa sheegay in cid kasta oo lagu helo falal lid ku ah amniga bulshada lala tiigsan doono sharciga, isla markaana aan loo dulqaadan doonin kooxaha qalqalgelinaya nabadda.

Dhanka kale, Booliska Qaybta Gobolka Karkaar ayaa ugu baaqay shacabka inay sii xoojiyaan wada shaqaynta ay la leeyihiin laamaha amniga, islamarkaana ay soo gudbiyaan xog kasta oo ka qeyb qaadan karta sugidda nabadda iyo xasilloonida magaalada.

Wixii warar ah ee kasoo kordha arrintan, dib ayaan idiinku soo gudbin doonnaa.

Tacsi
Innā lillāhi wa innā ilayhi rājiʿūn.
Waxaan tacsi tiiraanyo leh u dirayaa ehelkii, qaraabadii, asxaabtii iyo dhammaan ciidamada police ka puntland geerida naxdinta leh ee ku timid Gashaanle Guleed cabdiqaadir Kadleeye, Taliyihii degmada Jariiban ee gobolka Mudug.

Taliyaha Qaybta Booliska Gobolka Karkaar, G/Sare Bashiir Maxamed Maxamuud, ayaa kormeer shaqo ku tagay saldhigga degmada Bandar-Bayla ee gobolka Karkaar, halkaas oo lagu soo kordhiyey ciidamo cusub si loo xoojiyo amniga iyo howlaha booliska.
‎
‎Taliyuhu wuxuu ciidamada ku dhiirrigeliyey inay si hufan u gutaan waajibaadkooda, isla markaana bulshada u adeegaan si daacadnimo iyo masuuliyad leh.
‎

Kormeer iyo Wacyigelin Amni oo Lagu Qabtay Deegaanka Dhuudo

Taliyaha Qaybta Booliska Gobolka Karkaar, G/Sare Bashir Maxamed Maxamuud, ayaa kormeer iyo kulan la yeeshay shacabka ku dhaqan deegaanka Dhuudo ee Degmada Bayla, isagoo ay weheliyeen saraakiil iyo masuuliyiin kale.

Kulanka ayaa diiradda lagu saaray xoojinta amniga, iskaashiga bulshada iyo ciidamada, iyo sidii shacabka ay door muuqda uga qaadan lahaayeen sugidda nabadda. Intii uu socday kormeerku, masuuliyiintu waxay ku boorriyeen bulshada inay si dhow ula shaqeeyaan laamaha amniga, isla markaana ay soo gudbiyaan xog kasta oo wax ka tari karta ilaalinta amniga deegaanka.

Bulshada iyo Ciidanku waa garab iyo gaashaan isku ah.

Howlgal Amni iyo Roondooyin Habeenimo oo Laga Fuliyey Magaalada Qardho
Caawa waxaa Magaalada Qardho laga fuliyey howlgal amni iyo roondooyin isugu jira, kaas oo ujeeddadiisu tahay xaqiijinta amniga, ilaalinta nabadda, iyo adkaynta kala dambeynta bulshada.
Howlgalkan waxaa fuliyey ciidamada Booliska Gobolka Karkaar iyo kuwa amniga ee ku sugan magaalada Qardho, kuwaas oo ka shaqeynaya sugidda amniga shacabka iyo ka hortagga wax kasta oo khalkhal gelin kara nabadgelyada.
Ciidanka Booliska Gobolka Karkaar ayaa sii wadi doona howlaha amni ee lagu xaqiijinayo xasilloonida iyo badbaadada bulshada.
Booliska Gobolka Karkaar – U Taagan Sugidda Amniga iyo Adeegga Bulshada.