Dowlada Hoose ee Degmada Xuddun

Dowlada Hoose ee Degmada Xuddun Contact information, map and directions, contact form, opening hours, services, ratings, photos, videos and announcements from Dowlada Hoose ee Degmada Xuddun, Government Organization, Hudun, Xudun.

Bogga rasmiga ah ee dowlada hoose ee degmada Xuddun, ee Dowlada Waqooyi-barri Soomaaliya

The Official Page of Huddun Local Municipality in Sool Region; North eastern State of Somalia.

WAR-SAXAAFEDEED: ANSIXINTA MIISAANIYADDA IYO QORSHAHA HORUMARINEED EE DEGMA-XUDDUNXuddun, 18 October, 2026 – Maamulka Da...
18/10/2026

WAR-SAXAAFEDEED: ANSIXINTA MIISAANIYADDA IYO QORSHAHA HORUMARINEED EE DEGMA-XUDDUN

Xuddun, 18 October, 2026 – Maamulka Dawladda Hoose ee Degmada Xuddun ayaa si rasmi ah u soo gaba-gabeeyey kalfadhigii Golaha Deegaanka, kaas oo lagu ansixiyey qodobbo masiiri ah oo khuseeya horumarka, maamulka, iyo maaliyadda degmada.

Kalfadhigan muhiimka ah waxaa shir-guddoominayey Duqa Degmada ahna Guddoomiyaha Golaha Deegaanka, Mudane Maxamed Jaamac Xirsi.

Ka dib markii uu Xoghayaha Fulinta ee dowladda hoose mudanayaasha horteeda ka akhriyey ajendayaasha, goluhu wuxuu yeeshay doodo qotodheer iyo falanqeyn, iyadoo saaka oo ay taariikhdu tahay 18-ka October si rasmi ah cod aqlabiyad ah loogu meelmariyey qodobbada soo socda:

• Xisaab-xidhka Miisaaniyadda: Waxaa la ansixiyey xisaab-xidhka maaliyadeed ee sannadka sii dhammaanaya ee 2026.

• Odoraska Miisaaniyadda 2027: Waxaa cod buuxa lagu meelmariyey odoraska miisaaniyadda cusub ee sannadka 2027, si loo hubiyo sii wadista adeegyada bulshada.

• Qorshe-Hawleedka Cusub: Waxaa la isku raacay qorshaha horumarineed ee degmada ee sannadka dambe, iyadoo la tixgelinayo waxqabadkii qabsoomay sannadkan 2026.

Maamulka Dawladda Hoose ee Degmada Xuddun wuxuu caddeeyey in go'aamadan ay yihiin kuwo taariikhi ah, isla markaana gogol-xaar u ah dardargelinta adeegyada bulshada iyo xaqiijinta hufnaanta maamul iyo maaliyadeed ee degmada.

– DHAMAAD –
Xafiiska Warfaafinta iyo Xiriirka Bulshada
Dawladda Hoose ee Degmada Xuddun

17/10/2026

Muuqaal: Golaha deegaanka oo u codeeyey inaan laga aqbalin iscasilaadii uu soo jeediyey maayi-kuxigeenku.

Qaybtii labaad: Furitaanka kal-fadhiga golaha deegaanka waxa kasoo qayb galay Gudoomiyayaasha xafiisyada Waxbarashada, C...
17/10/2026

Qaybtii labaad:

Furitaanka kal-fadhiga golaha deegaanka waxa kasoo qayb galay Gudoomiyayaasha xafiisyada Waxbarashada, Caafimaadka, Ganacsiga, Beeraha iyo Kastamka.

iyagoo ka warbixiyey waxyaabihii u qabsoomay, caqabada iyo sidii laysaga kaashan lahaa horumarinta arimaha bulshada.

17 October, 2026 XUDDUN – Waxaa magaalada Xuddun si rasmi ah uga furmay kalfadhiga Golaha Deegaanka ee Degmada Xuddun, k...
17/10/2026

17 October, 2026

XUDDUN – Waxaa magaalada Xuddun si rasmi ah uga furmay kalfadhiga Golaha Deegaanka ee Degmada Xuddun, kaas oo lagu lafaguray arrimo muhiim u ah horumarka, maamulka iyo maaliyadda degmada. Kalfadhigan waxaa shir-guddoominayey Duqa Degmada ahna Guddoomiyaha Golaha Deegaanka, Mudane Maxamed Jaamac Xirsi.

Ajendayaasha kalfadhiga waxa mudanayaasha ka hor akhriyey Xoghayaha Fulinta ee dowlada hoose. iyada oo muddada uu kalfadhigu socdo, goluhu uu si qotodheer uga doodi doono, isla markaana uu cod ku meelmarin doonaa ajendayaasha soo socda:

1. Xisaab-xidhka Miisaaniyadda ee sannadka sii dhammaanaya ee 2026.
2. Doodista iyo ansixinta Odoraska Miisaaniyadda cusub ee sannadka 2027.
3. Soo bandhigista waxqabadkii qabsoomay sannadkan 2026 iyo dejinta qorshe-hawleedka sannadka 2027.

Dhanka kale, Golaha Deegaanka ee Degmada Xuddun ayaa kalfadhigan si adag ugu lafaguray arrinta la xiriirta is-casilaaddii uu soo gudbiyey Maayar Ku-xigeenka degmada. Kadib dood iyo falanqeyn dheer, golaha ayaa cod u qaaday arrintan, waxaana lagu diiday aqlabiyad go'aankii is-casilaadda, iyadoo la tilmaamay muhiimadda ay leedahay wadajirka iyo sii wadista waajibaadka shaqo ee loo hayo bulshada deegaanka.

Maamulka Dawladda Hoose ee Degmada Xuddun wuxuu caddeeyey in kalfadhigan uu yahay mid muhiim u ah dardargelinta adeegyada bulshada iyo xaqiijinta hufnaanta maamul iyo maaliyadeed ee degmada.

– DHAMAAD –
Xafiiska Warfaafinta iyo Xiriirka Bulshada
Dawladda Hoose ee Degmada Xuddun

Wasaaradda Arrimaha Gudaha, Federaalka iyo Dib-u-heshiisiinta Dowladda Waqooyi Bari Soomaaliya ayaa soo gabagabaysay ta...
25/09/2026

Wasaaradda Arrimaha Gudaha, Federaalka iyo Dib-u-heshiisiinta Dowladda Waqooyi Bari Soomaaliya ayaa soo gabagabaysay tababar socday muddo shan maalmood ah, kaas oo loo qabtay Xubnaha Golayaasha Deegaanka iyo Golayaasha Fulinta ee Degmooyinka Buuhoodle, Taleex iyo Xudun.

Wasiirka Wasaaradda Arrimaha Gudaha, Federaalka iyo Dib-u-heshiisiinta, 𝐌𝐮𝐝𝐚𝐧𝐞 𝐀𝐱𝐦𝐞𝐝 𝐂𝐚𝐥𝐢 𝐘𝐚𝐤𝐡𝐥𝐞, ayaa si rasmi ah u soo xiray tababarka, isagoo xubnaha Golayaasha Deegaanka kula dardaarmay inay aqoonta, xirfadaha iyo waayo-aragnimada ay ka faa’iidaysteen tababarka dib ugu laabtaan degmooyinkooda, isla markaana ka hirgeliyaan isbeddel muuqda oo ku yimaadda habka maamulka iyo adeegyada bulshada.

Wasiirku waxa uu sidoo kale xusay in Golayaasha Deegaanka lagula xisaabtami doono gudashada waajibaadkooda, hufnaanta maamulka iyo waxqabadka ay ka sameeyaan degmooyinkooda.

Tababarkan ayaa qayb ka ah dadaallada Wasaaradda Arrimaha Gudaha ee lagu xoojinayo aqoonta, awoodda, hufnaanta iyo maamul-wanaagga dowladaha hoose, si loo horumariyo adeegyada bulshada iyo maamulka degmooyinka.

𝐌𝐀𝐀𝐋𝐈𝐍𝐓𝐈𝐈 𝐋𝐀𝐁𝐀𝐀𝐃 𝐄𝐄 𝐓𝐀𝐁𝐀𝐁𝐀𝐑𝐊𝐀 𝐆𝐎𝐋𝐀𝐇𝐀 𝐃𝐄𝐄𝐆𝐀𝐀𝐍𝐊𝐀 𝐄𝐄 𝐗𝐔𝐃𝐔𝐍, 𝐓𝐀𝐋𝐄𝐄𝐗 𝐈𝐘𝐎 𝐁𝐔𝐔𝐇𝐎𝐎𝐃𝐋𝐄.Xubnaha Golayaasha Deegaanka, Maayarrada D...
21/09/2026

𝐌𝐀𝐀𝐋𝐈𝐍𝐓𝐈𝐈 𝐋𝐀𝐁𝐀𝐀𝐃 𝐄𝐄 𝐓𝐀𝐁𝐀𝐁𝐀𝐑𝐊𝐀 𝐆𝐎𝐋𝐀𝐇𝐀 𝐃𝐄𝐄𝐆𝐀𝐀𝐍𝐊𝐀 𝐄𝐄 𝐗𝐔𝐃𝐔𝐍, 𝐓𝐀𝐋𝐄𝐄𝐗 𝐈𝐘𝐎 𝐁𝐔𝐔𝐇𝐎𝐎𝐃𝐋𝐄.

Xubnaha Golayaasha Deegaanka, Maayarrada Degmooyinka iyo Xoghayayaasha Fulinta ayaa ka dooday odoroska Miisaaniyadda Degmooyinka ee sannadka 2027 iyo qorshayaasha horumarineed.

Waxay koox-koox u falanqeeyeen qorshaha miisaaniyadeed ee degmo kasta, iyagoo diiradda saaray hababka lagu gaadhi karo odoroska miisaaniyadda, xoojinta dakhliga gudaha iyo horumarinta adeegyada bulshada ee degmooyinka.

Ugu dambayntii, kooxuhu waxay soo bandhigeen aragtiyahooda, talooyinkooda iyo qorshayaasha ay u arkaan in lagu horumarin karo maamulka iyo adeegyada degmooyinka.

-𝐃𝐇𝐀𝐌𝐌𝐀𝐀𝐃-
━━━━━━━━━━━━━━
𝐗𝐀𝐅𝐈𝐈𝐒𝐊𝐀 𝐖𝐀𝐑𝐅𝐀𝐀𝐅𝐈𝐍𝐓𝐀
Dowlada Hoose ee Degmada Xuddun

Maanta oo ay taariikhdu tahay 20-ka Sebteembar 2026, Maayirka Dowladda Hoose ee Degmada Xuddun ayaa magaalada Laascaanoo...
20/09/2026

Maanta oo ay taariikhdu tahay 20-ka Sebteembar 2026, Maayirka Dowladda Hoose ee Degmada Xuddun ayaa magaalada Laascaanood kaga qeyb galay furitaanka tababar ballaaran oo loo furay Golayaasha Deegaanka ee degmooyinka Xuddun, Buuhoodle, iyo Taleex.

Tababarkan oo ay soo qabanqaabisay Wasaaradda Arrimaha Gudaha, Federaalka iyo Dib-u-heshiisiinta ee Dowladda Waqooyi Bari, ayaa ujeeddadiisu tahay:
-In kor loo qaado aqoonta iyo xirfadaha maamul ee xildhibaanada iyo mas'uuliyiinta dowlada hoose.
-In la xoojiyo nidaamka gaarsiinta adeegyada bulshada ee heer degmo.

Sidoo kale tababarka waxa ka qeyb galay Xoghayaha Dowlada Hoose iyo dhamaan xubnaha golaha deegaanka.

-----------
Xafiiska Warfaafinta
Dowlada Hoose ee Degmada Xuddun

Mashruuca Dhismaha Dhaamka Biyaha (Haffir Dam) ee Degmada Xuddun oo si Rasmi ah loo Bilaabay.Maayirka Degmada Xuddun, Mu...
03/07/2026

Mashruuca Dhismaha Dhaamka Biyaha (Haffir Dam) ee Degmada Xuddun oo si Rasmi ah loo Bilaabay.

Maayirka Degmada Xuddun, Mudane Maxamed Jaamac Xirsi, iyo Agaasimaha Guud ee Wasaaradda Tamarta iyo Khayraadka Biyaha, Mudane Maxamuud Maxamed Siciid, ayaa si wadajir ah u dhagax dhigey bilowga mashruuca dhismaha Dhaamka Weyn ee Biyaha (Haffir Dam) ee deegaanka Xuddun.

Mashruucan oo ay fulineyso haayada ALIGHT. Waxa munaasabadda dhagax-dhigga kasoo qayb-galay Guddoomiyaha hay'adda ALIGHT ee Maamulka Waqooyi-Bari, Mudane Maxamed Cabdulaahi Cilmi, iyo madaxda shirkadda qandaraaska rasmiga ah u haysata dhismaha iyo qodista ee Shire Construction.

DAHA-FURKA IMTIXAANKA SHAHADIGA AH EE FASALADA 8AAD EE DEGMADA XUDDUN Waxaa maanta si rasmi ah uga furmay Degmada Xuddun...
28/06/2026

DAHA-FURKA IMTIXAANKA SHAHADIGA AH EE FASALADA 8AAD EE DEGMADA XUDDUN

Waxaa maanta si rasmi ah uga furmay Degmada Xuddun ee Gobolka Waqooyi-Barri imtixaanka shahaadiga ah ee fasallada 8-aad, sannad-dugsiyeedka 2025/2026.
Daah-furka imtixaanka waxaa si wadajir ah u hoggaaminayey: Mudane Maxamed Jaamac Xirsi (Maayirka Degmada Xuddun) Marwo Hodan Cabdiqaadir Sugulle (Gudoomiyaha Waxbarashada Degmada)

Maamulka Waqooyi-Barri, isaga oo ka duulaya hiigsiga fog ee tayeynta iyo horumarinta aqoonta, wuxuu sannadkan muujiyey dedaal weyn. Waxaa si adag loo xoojiyey nidaamka kormeerka iyo sugidda hufnaanta goobaha imtixaanka. Qorshahan ayaa looga gol-leeyahay in laga hortago wax kasta oo keeni kara qish, si loo dammaanad-qaado cadaaladda iyo tacabka dhabta ah ee ardayda.

Maamulka degmada iyo kan waxbarashadu waxay u rajaynayaan dhammaan ardayda u fariisatay imtixaanka guul iyo mustaqbal ifaya. Waxayna ku bogaadiyeen macallimiinta iyo waalidiinta kaalintii ay ka qaateen diyaarinta ubadka.

18/06/2026

Maayarka degmada Xudun, Maxamed Jaamac Xirsi, oo safar shaqo kaga soo laabtay magaalada Mogadishu, ayaa faahfaahin ka bixiyey mashaariicda horumarineed ee uu sheegay inuu u soo dhiciyey degmada intii uu ku sugnaa caasimadda.

Maayarku wuxuu sheegay in safarkiisu la xiriiray dardargelinta qorshayaasha horumarinta degmada, isagoo xusay inuu kulamo la yeeshay masuuliyiin iyo haayado kala duwan si taageero loogu helo adeegyada aasaasiga ah ee bulshada.

Xafiiska Warfaafinta
Dowlada Hoose ee Degmada Xuddun

Address

Hudun
Xudun
1AARGADA

Website

Alerts

Be the first to know and let us send you an email when Dowlada Hoose ee Degmada Xuddun posts news and promotions. Your email address will not be used for any other purpose, and you can unsubscribe at any time.

Shortcuts

Share

Category