Partiya Demoqrat a Kurdî ya Sûrî اا الحزب الديمقراطي الكردي السوري

Ronahi TV
PYD’ê komxebatek li ser entegrasyona demokratîk li dar xist
December 18, 2025
A A
PYD’ê komxebatek li ser entegrasyona demokratîk li dar xist
PYD`ê komxebatek têkildarî têgeha entegrasyona demokratîk û rola jinan li dar xist.
Partiya Yekitiya Demokratîk (PYD) îro komxebatek li ser entegrasyona demokratîk li Kobanê li dar xist. Komxebat bi amadebûna bi dehan siyasetmendarên ji partiyên cuda, malbatên şehîdan, Hêzên Ewlekariya Hundirîn û Saziya Rêveberiya Xweser û saziyên civaka demokratîk li hola PYD’ê ya li bajarê Kobanê hat li darxistin. Di komxebatê de entegrasyona demokratîk hat şîrovekirin. Komxebat li gorî 3 beşan bi rêve çû.
Di beşa yekemîn a komxebatê de rewşa siyasî ji aliyê hevserokê Meclisa Tevgera Civaka Demokratîk (TEV-DEM) ya kantona Firatê Enwer Muslim ve hat şîrovekirin. Enwer Muslim dîroka Sûriyeyê vegot û entegrasyona demokratîk jî şîrove kir.

Enwer Muslim bal kişand ser pirrengiya çandî, mezhebî û neteweyî ya li Sûriyeyê û teşeyên pergala navendî.

Muslim bi bîr xist ku li Sûriyeyê gelek pêkhate, ol, netewe û mehzeb hene, lew ra ji bo mîsogerkirina yekparbûna welat û beşdariya çalak a tevahî pêkhateyan sîstema nenavendî ji bo vê rewşa welat pêdiviyek e.

Di beşa duyemîn de hevserokê Meclisa PYD’ê ya kantona Firatê Bozan Xelîl têgeha entegrasyonê, dîroka derketina wê heta banga Rêber Apo şîrove kir. Xelîl girîngiya entegrasyonê û pêşxistina rola jin û ciwanan di civakê de û girîngiya cihê wan di nivîsandina destûra nû ya Sûriyeyeyeke nenavnedî de h**e vegot.

Xelîl diyar kir ku entegrasyona demokratîk di çarçoveya siyasî û rêxistinî de li ser esasê rêgeza tevkariya di navbera hêzên siyasî û civakî de, rêzdariya li hemberî hemû çandan, beşdariya hemû pêkhate û beşdaran di rêvebirinê de tê avakirin.

Beşa sêyemîn a dawîn a komxebatê endama PYD’ê Bêrîvan Îsmaîl rola jinan di şoreşa Rojava de, entegrasyona demokratîk û sîstema hevserokatiyê di saziyan de nirxand.

Bêrîvan Îsamîl anî ziman ku beşdariya jinan di saziyên biryardanê de mafekî rewa ye. Her wiha îşaret pê kir ku ezmûna Rojava îsbat kir ku azadiya jinan stûna demokrasî û aramiya civakê ye.

Di bin dirûşma...
"Bira fermana Ermeniyan ... Soza dadmendî û nûjenî" de, Partiya hevgirtina Ermeniyan hat damezrandin û kongreyê xwe yê yekemîn li herêma Hesekê lidarxistin, li ser vexwendina Partiya Hevgirtin, şandeke ji partiya me Partiya Demoqrat a Kurdî ya Sûrî heval Hisên Darê û Yosif Ebdulezîz beşdar bû, her wiha şandeya Partiya me nama rêxistina Hesenê a pîrozbahiyê di çarçoveya têkiliyên Kurd û Ermeniyan û pêkve jiyana hevbeş û dadmendiya civakî de ji wan re name diyarkirin.

Di çarçoveya têkiliyên hevbeş de îro serokê partiya Demokrata pêşverû ya Kurd li Sûriyê birêz Ehmed Bereket tev şandeke ji serkirdeyên Partiya wan, serdana Partiya me Partiya Demoqrat a Kurdî ya Sûrî li Şara Kobanîyê kirin, bi dilgermî ji aliyê serkirdeyên Partiya ne de hatin pêşwazîkirin.
Herdû alî rawestiyan û gotûbêj li ser pêşhateyên dawiyê li ser asta niştiman Sûrî, herêmî û navneteweyî hat nirxandin, her wiha tekezî hat kirin ku Kurd tev tevgera wê ya siyasî di vê qonaxê dijwar û dîrokî de girîngiyê bidin yek nêrîn û yek helwest di derbarî rewşa Sûriyê bi giştî û bi taybetî gerentiya mafê Kurd di siberojê de misoger be.

Şandeyek ji Partiya Demoqrat a Kurdî ya Sûrî, serdana Mala Êzîdiyan li gundê Barzan li parêzgeha Hesekê kir, şande bi serokatiya heval Fethellah Hiso endamê Buroya Siyasî ya Partiya me bû, ji aliyê heval Îsmaîl Delf serokê Mala Êzîdiyan û digel çend endam û rêvebiran wan ve hatin pêşwazîkirin, her wiha gotûbêj li ser têkiliya taybetî ya di navbera partiya me û hevalên me yên Mala Êzîdiyan de destnîşan kir. Heval Îsmaîl Delf, serokê Mala Êzîdiyan, tekezî li ser rol û bandora Êzîdiyan di dîroka herêmê de û qurbaniyên ku wan dane kir. Her du aliyan li ser gelek mijarên siyasî û civakî yên ku raya giştî ya Sûriyê bi giştî û Rojava bi taybetî eleqedar dikin, nêrînên xwe parve kirin. Nêrînên herdu aliyan bi piranî wek hev bûn, û her du aliyan jî girîngiya zêdekirina civînên bi vî rengî tekezî ser kirin.

Şandeyek ji rêxistina Hesenê ya Partiya me Partiya Demoqrat a Kurdî ya Sûrî serdana ofîsa Partiya Demokratîk a Asûrî li Hesekê kir. Şand ji hevalê Fethellah Hiso, endamê Buroya Siyasî û Husên Darî Pencewîn Elî û Salim Dirba pêk dihat. Ew ji aliyê hevala Hîba Asya berpirs ofîsa Hesekê, caklîn Al-Hano endama Meclîsa Gel, Rîma Sada seroka Komîteya ragihandin û Çandê û Madelîn Mûşê seroka Komîteya Ciwanan a Partiya Demokratîk a Asûrî ve hatin pêşwazîkirin.
Di destpêka civînê de, Fethellah Hîso bal kişand ser rola Partiya me di qonaxên borî ta vê qonaxê. Her wiha gotûbêj li ser têkiliyên dostane yên di navbera herdu partiyan de hat nirxandin, bi ferehî rewşa ku Sûriyê têre derbas dibe hatin gotûbêj kirin. Her du aliyan di nêrînên xwe de, tekezî li ser pêwîstiya gelên Sûriye bi sîstemeke demokratîk, piralî û nenavendî heye, da ku mafên hemî pêkhateyên gelê Sûriyeyê misoger be.

Şandeke ji rêxistina Hesekê ya Partiya me Partiya Demoqrat a Kurdî ya Sûrî serdana ofîsa Partiya Demoqrat a Pêşverû ya Kurd li Sûriyê kir. şande ji heval Fethallah Heso endamê Buroya Siyasî û Husên Darî, Pencewîn Elî û Yûsif Abdulezîz pêk dihat. Ew ji hêla endamên Komîteya Navendî Ebdulhemîd Simo û Ebdulrezaq Mihemed û digel çen endam komîteya herêmî ya Partiya Demoqrat a Pêşverû ve hatin pêşwazîkirin.

Her du aliyan li ser pêşketinên heyî yên li Sûriyeyê rawestiyan, di nav de krîza siyasî ya ku hîna berdewam e, divê ku ev alozî bi dawî bibe û ber bi çareseriyek giştî û berfireh ve biçe hat gotûbêj kirin. Her du aliyan tekezî li ser pêwîstiya xurtkirina yek helwesta Kurdan û hevrêzî û hemahengî li ser bingehê ku entegrasyona garantîya mafê Kurd be, hewildanên di navbera hêz û partiyên Kurdî de misogeriya pêkanîna armanca tevahî gelê Sûrî ye .

Îro li ser vexwendina meclîsa jin ya Partiya Yekîtiya demokratîk şandeya Partiya me Partiya Demoqrat a Kurdî ya Sûrî, beşdarî Forûma li ser rola jinan di pêşeroja Sûriyeyê de bûn.

Di bin slogana "Di bin desthilatdariya Yekîneyên Parastina Jinan de, jinên Sûriyeyê ji bo azadî, edalet û wekheviyê dibin yek," Encûmena Jinan a Partiya Yekîtiya Demokratîk (PYD) forûm li dar xistin, ku li ser rola jinan di pêşeroja Sûriyeyê de gotûbêj kirin û piştgiriya xwe nîşan dan Yekîneyên Parastina Jinan, ku di şerê li dijî terorê û parastina ewlehî û aramiya herêmê de roleke girîng lîstine.

Îro li navenda Partiyê me Partiya Demoqrat a Kurdî ya Sûrî,
Ciwanên Partiya Sûriya Pêşerojê panelek lidarxistin, û bi beşdariya ciwanên Partiya me, di panelê de gotûbêj li ser rola ciwanan di qadên berxwedanê de li ser tevahiya astan rawestiyan.

Şandeke ji rêxistina Kobanê ya Partiya me Partiya Demoqrat a Kurdî ya Sûrî, serdana navenda Tevgera Azadî ya Kurdistanî kir, ji aliyê serkirdeyên Partiya Azadî de hatin pêşwazîkirin.
Serdan di çarçoveya têkiliyên giştî di nava aliyê siyasî li ser asta herêmî hat, rewşa heyî hat nirxandin, amaje bi xebata hevpar di nava aliyan siyasî di herêmê de hat kirin .

Encamnameya civîna sihûyekemîna (31) Komîteya Dîplomasîya Hevbeş ya Partî û Rêxistinên Siyasî yên Kurdistanî


Bi amadebûna nûnerên partî û rêxistinên siyasî yên Kurdistanî, Komîteya Diplomasîya Hevbeş, roja 04.10.2025an, civîna xwe ya sihûyekemîn li gel komek kesayetên serbixwe yên Kurdistanî, li navenda KNK ê, li Brukselê pêkanî. Piştî nîqaşên berfireh plansazîyek hevbeş hate çêkirin.
Gorî rojevê, di destpêkê de rewşa siyasî ya Kurdistanê, teybetî rewşa dawî yal nîqaşên li ser çareserîya pirsa Kurd li bakura Kurdistanê, di vê pêvajoyê de rewş û rola Birêz Abdullah Ocalan, rewşa rojavaya Kurdistanê û peywendîyên bi deshilata Şamê re, li başûra Kurdistanê kêşe û qeyrana siysî, îdarî û aborî, hilbijartinên Parlamentoya Êraqê, rewşa rojhilata Kurdistanê û êrîş û tehdîtên dewleta Îranê, guhertin û buyerên dawî yên li Kurdistanê û Rojhilatanavîn, şerê Îsraîl û Hemas – Hizbullah - Îranê, herweha helwest û bandora hêzên Cihanî li herêmê, yekrêzîya nav mala Kurd û xebatên yekîtîya neteweyî, bi berfirehî hatin nîqaşkirin.

Gorî van nîqaşan, civîn van xalên jêrîn pêşkêş d**e:
1- Eve saleke li Turkîyê û bakura Kurdistanê nîqaşên çareserîya pirsa Kurd tênekirin. Nîqaş ji teref hukumetê ve hatin destpêkirin û berdewamin. Di nava vê salê da, di pêşkêşîya Birêz Ocalan da, ji teref alê Kurd ve gelek gavên giring hatin avêhtin. Lê dewleta Tirk weke tê xwestin gav neavêhtine. Erê hevdîtin berdewamin, lê haca jî li ser Birêz Ocalan tecrîd berdewame. Civîn, nîqaş û gavavêhtinên li ser çareserîya pirsa Kurd giring dinirxîne û hêvî d**e ku ev nîqaş û gav avêhtin zêdetir bibin û ev pêvajo bigihê çareserîyek mayîne. Civîn, bang li hkumeta Turkîyê d**e ku rojekî zûtir Birêz Ocalan serbest berde û di çareserîya pirsa Kurdî da gavên bingehîn biavêje.
2- Li Surîya yê rejîma Baes têkçûye û niha hêzên selefî li Şamê deshilatin. Paşeroja Surîyê ne diyare. Li hember pêkhateyên Elewî, Durzî û Mesîhîyan komkujî pêktên. Rojavaya Kurdistanê jî di demeke hesas da derbaz dibe. Herçend 10ê Adarê bi rêveberîya Şamê re peymanek jî hatibe îmzekirin, lê heta niha gavavêhtinek pozîtîf nîne û rewşeke ne diyar li pêş me ye. Divê deskevtên rojavaya Kurdistanê bêne parastin û divê hemî hevdîtinên dîplomatîk de, Surîyeke ne navendî bête xwestin û statuteyek destûrî ji rojavaya Kurdistanê re bête misogerkirin.
Dema encamnameya civînê dihate nivîsandin, li bajarê Helebê li taxên Şêxmeqsud û Eşrefîyê, niştecihên Kurd hatin dûrpêçkirin û ji teref hêzên girêdayî rêveberîya Şamê ve êrîşê gelê me hate kirin. Şer û pevçûn derketin. Paşê jî bi rêveberîya Şamê re hevdîtin pêkhatin û şer hate rawestan. Ev bûyer jî dide nîşan rewş çiqas hesas û nazike. Di rojên pêş me de jî dikre rewşên weke vê û ji vê rewşê girantir jî bêne jiyankirin. Jiber vê yekê divê em weke gel û rêxistin herdem hişyarbin û tedbîrên xwe bigrin û gel û deskevtên Rojava biparêzin. Parastina Rojava parastina Kurdistanê ye.
Di vê demê de li rojava yekrêzîya navmala Kurdî gelek giringe. Civîna meha Nisanê li qamîşlo ya di nav hêzên Kurdî de pêkhatî cihê şanazîyê ye. Civîn, bang li hemî hêz û dezgehên rojavaya Kurdistanê d**e ku civînek weke ya Qamîşlo li Ewropa ji bikin û komîteyek dîplomasîyê ya hevbeş derxin.
Hemî Kurd û Kurdistanî li ser meseleya rojavaya Kurdistanê hesasin û serketina Rojava destek dikin û dixwzin hemî deskevt bêne parastin. Bi vê munasbetê civîn, careke dî bang li hemî hêzên Kurdistanî d**e ku xwedî li destekvtên rojavaya Kurdistaê derkevin mil bi mil bi Rojava re hereket bikin.
Herweha civîn, bang li hêzên Cihanî d**e ku di avakirina Surîya nû de, sîstema ne navendî biparêzn û da ku mafê Kurd û hemî pêkhateyan li destûra nu de bêne misogerkirin.
3- Êrîş, tehdît û destwerdanên li ser başûra Kurdistanê berdewamin. Eger em weke Kurd di nav mala xwe de yekrêz nebin, statûya federal û gelek deskeftên me dikarin têkbiçin. Li gelek deveran demografîya herêmê tê guhertin. Divê hemî hêzên Kurdistanî, nakokîyên di nav xwe de bidin alîyekî û jibo parastina deskevtên Kurdistanê bi hevre tevbigerin.
Qeyrana aborî û nedana moçeyan jî, li Herêma Kurdistanê berdewame. Wa lê hatîye ku mehê çend caran weftên herêmê diçin Bexdayê û tinê li ser pirsa moçeyan disekinin. Ev polîtîqayek dagirkerane ku Kurdan bi birçîbûnê ceza dikin û bi vî rengî dixwazin wan bi xwe ve girêbidin.
Li herêmê pirsgirêkên siyasî û îdarî jî berdewamin. Eve saleke hilbijartinên parlamentoya Kurdistanê pêkhatine, mixabin heta niha parlamento ne li ser kare, hukumeta nû pêknehatîye û serokatîya herêmê nehatîye hilbijartin. Niha jî hilbijartinên parlamentoya Êraqê di rojevê de ne û mixabin di van hilbijartinan de jî yekîtîyek navxweyî nîne. Kurdistan û herêma Rojhilatanavîn di demeke aloz û giring de derbazdibi. Civîn, bang li hemî hêz û dezgehên başûra Kurdistanê d**e ku roje zûtir parlamentoyê aktîf bikin, hukumeta nû çêkin û serokatîya herêmê hilbijêrên.
4- Eve ji 40 salan zêdetire Komara Islamî ya Îranê, sêrîde mafên jinan û mafên demokratîk yên hemî gelên Îranê, binpê d**e û kesên muxalîf serkut d**e. Îran sêrîde jibo jinan û jibo hemî gelên Îranê bûye zîndaneke vekirî. Gelên Îranê, ne rehetin, ne razî ne û daweya azadî û welateke demokratîk dikin. Civîn, taleb û xwestinên gel yên azadî û avakirina welatekî demokratîk, heq û meşrû dibîne, piştgirî dide xwenîşanderan û hemî çalakvanan. Herweha civîn, êrîşên rejîma Îranê yên li ser xwenîşanderan û îdamkirina çalakvanan şermezar û mehkum d**e.
Di zîndanên Îranê de rewşa girtîyên siyasî hingî diçi girantir dibi û zext û çewsandin li ser girtîyan zêdetir dibin. Ji ber van zext û çewsandinan, girtîyên siyasî, bertek nîşandidin û dem dem d**evin grevên birçîbûnê. Polîtîkaya îdam û darvekirinê jî berdewame û sêrîde çalakvanên jin gelek girtî li ber darê îdamê ne. Herweha bi vêve girêdayî êrîşên li ser kolberên Kurd jî zêdekirine û rojane kolber têne qetilkirin. Civîn xwestin û çalakîyên girtîyan heq û meşru dibîne û kampanyayên dijê sêdaredanê destek d**e û bang li rayedarên Îranê diki ku ji dev zulm û zordarî û bê huqoqîyê berdin. Eve demeke partîyên sereke yên rojhilata Kurdistanê, di nav xwe de bi navê “Navenda Diyalogê” hevkarîyek dane destpêkirin. Civîn, vê hevkarîyê gaveke erênî dibîne û silav d**e û hêvî d**e ku ev hevkarî bibe yekîtîyek mayînde. Herweha jibo rojhilata Kurdistanê pêwîstî bi dîplomasîyek hevbeş heye, civîn ji van hizban dixwaze ku navendekî diplomasîya hevbeş jî avabikin.
Herweha civîn, bang li hêzên Cihana demokratîk d**e ku gelên Îranê tenê nehêlên û li hember despotan çalakvanan destek bikin.
5- Şerê eve du sale ku li Filistînê berdewame. Ev şer li Filistînê ve sînordar nema û debazê Lubnan, Surîya, Îran û Yemenê jî bû. Ev şer hingî diçi fireh dibi û ber bi şerekî Cihanî ve diçi. Ji xwe gelek hêz vê rewşê weke şerê Cihanê yê sêyem navdikin. Dagirkerên Kurdistanê her yek bi awayekî terefê vî şerî ne. Yanî şer hingî diçi ber bi Kurdistanê ve jî tê. Di vê rewşê de yekrêzîya nav mala Kurd, yekîtîya neteweyî gelek mihime. Di vê demê da xebatên yektîya neteweyî gelek giringin. Civîn, bang li hemî partî, sazî, dezgeh, kesayet û hemî gelê Kurdistanê d**e ku vê demê da jibo yekîtya neteweyî têbokoşin û xebatê di vî warî da têne meşandin destek bikin..
6- Eve saleke bi Birêz Ocalan re hevdîtin têne kirin. Lê heta niha jî tecrîda li ser birêz Ocalan ranebîye. Rakirina tecrîdê tinê têrê naki, divê Birêz Ocalan bête azadkirin. Jiber vê divê çalakî û kampanyayên azadîyê bêne xurtkirin. Civîn, Kampaya “Ji Birêz Abdullah Ocalan re Azadî – Ji Pirsgirêka Kurd re Çareserî” destek d**e û bang li hemî kurdistanîyan û dostên Kurdan dikin ku tevlî vê kampanyayê bibin û vê kampayayê xurttir bikin.
Di çerçeveya vê kampanyê de di roja 08.11.2025an de, li Almanya li bajarê Kolnê, meş û mitîngek mezin pêktê. Civîn bang li hemî Kurd û dostên Kurdan diki ku tevlî vê meş û mitîngê bibin û kampanya azadîyê xurt bikin.
7- Em weke Komîte, bang li hemû partî û rêxistinên siyasî yên Kurdistanî dikin ku tevlî Komîteya Dîplomasîya Hevbeş ya Partî û Rêxistinên Siyasî yên Kurdistanî bibin û em bi hev re karên diplomasîyê bikin.

Piştî nirxandinên rewşa siyasî, li ser xebatên di asta navneteweyî de heta niha pêkhatî, agahdarî hatin dayîn û xebat bi giştî hatin nirxandin. Piştî van nîqaşan, li ser plansazîya dema pêş pêşniyar hatin girtin û plansazîyek ji bo dema pêş hate çêkirin.

Kurdistan yek welate, gelê Kurd xwedî mafê çarenûs e!

Jin – Jiyan – Azadî!

Komîteya Dîplomasîya Hevbeş ya Partî û Rêxistinên Siyasî yên Kurdistanî

08.10.2025, Bruksel

Şandeyek ji Encûmena Ciwanên Demokratîk a Sûriyeyê serdana ofîsa Partiya me Partiya Demoqrat a Kurdî ya Sûrî li herêma Hesekê kir.
Şanda mêvan ji hevserokên Encumenê Nadiya Yûsif û Selman El-Nebhan û ji Nivîsgeha Têkiliyên Encûmenê Asîl pêk dihat. Şanda mêvan ji aliyê endamê Buroya Siyasî mamoste Fethellah Hiso û heval Husên Darî, Felemz Xelîl û Pencwîn Elî de şande hate pêşwazîkirin. Gotûbêj li ser çend mijaran hate kirin, bi taybetî pêşketinên siyasî yên dawî li herêmê û rola ciwanan û girîngiya wan di pêkanîna proseya demokratîk û avakirina Sûriyeyeke demokratîk û nenavendî de.