មើលថែវត្ថុស័ក្តសិទ្ធ

រឿងក្តីរបស់ Vina និង Eki នៅ Ciberon ដែលត្រូវគេយកមកផលិតជាភាពយន្ត

នៅថ្ងៃសៅរ៍ ទី២៧ ខែសីហា ឆ្នាំ២០១៦ ប្រហែលក្នុងម៉ោង៧ Vina អាយុ១៦ឆ្នាំ បានសុំបងស្រីនាងឈ្មោះ Marliana ទៅដើរលេងខាងក្រៅជាមួយនឹងសង្សាររបស់នាងឈ្មោះ Eki ដែលមានអាយុដំណាលគ្នាជាមួយនាង។ Marliana បានអនុញ្ញាតឲ្យនាងទៅ ប៉ុន្តែក៏បានផ្តាំឲ្យនាងមើលថែខ្លួនផងដែរ។ យប់នោះ Vina បានទៅជិះម៉ូតូដើរលេងជាមួយ Eki ហើយក៏បាត់ដំណឹងរហូតចូលដល់ថ្ងៃអាទិត្យ ម៉ោង១ទៀបភ្លឺ ទើបមានក្មេងជំទង់ម្នាក់បានរត់មកប្រាប់បងស្រី Vina ក្នុងសភាពភ័យខ្លាច ថា Vina បានជួបគ្រោះថ្នាក់ចរាចរណ៍ហើយកំពុងត្រូវសង្រ្គោះបន្ទាន់នៅមន្ទីរពេទ្យ។បន្ទាប់ពីដឹងបែបនេះហើយទាំងបងស្រី ឪពុកនិងជីតារបស់ Vina បាននាំគ្នាជិះសំដៅទៅកាន់មន្ទីរពេទ្យយ៉ាងលឿន។
នៅពេលដែលពួកគេទៅដល់មន្ទីរពេទ្យ ពួកគេបានឃើញថា Vina ស្ថិតក្នុងស្ថានភាពធ្ងន់ធ្ងរ ដោយខ្លួនប្រាណនាងមានរបួសជាច្រើនកន្លែង ដៃនិងជើងបាក់បែកខ្ទេច ហើយនាងក៏ពិបាកក្នុងការដកដង្ហើមទៀតផង។ ជាអកុសល Vina ក៏បានស្លាប់បន្ទាប់ពីគ្រួសាររបស់នាងទៅដល់មន្ទីរពេទ្យបានបន្តិច។ ចំពោះស្ថានភាព Eki វិញក៏ធ្ងន់ធ្ងរមិនចាញ់ Vina ប៉ុន្មានដែរ។នៅលើដងខ្លួនគេសុទ្ធស្នាមកោសនិងឆ្កូតពាសពេញហើយក៏មានស្នាមជាំជាច្រើនកន្លែងទៀត។ នៅពេលដែលពិនិត្យទៀតសោតគេក៏រកឃើញថាក្បាលរបស់ Eki មានរបួសដែលវាបង្កឡើងដោយការប៉ះទង្គិចនឹងរបស់រឹងអ្វីម្យ៉ាងពេលមានគ្រោះថ្នាក់។ ដូចជា Vina ដែរ Eki បានផុតដង្ហើមនៅយប់នោះដូចគ្នា។
ទោះជាមានការលើកហេតុផលថាជាគ្រោះថ្នាក់ចរាចរណ៍ក្តី ប៉ុន្តែគ្រួសារ Vina រកឃើញភាពចម្លែកផ្សេងៗក្នុងគ្រោះថ្នាក់មួយនេះ។ ដោយឃើញស្ថានភាព Vina ធ្ងន់ធ្ងរបែបនេះ ឪពុករបស់នាងក៏បានទៅសួរប៉ូលីសដែលកំពុងតែនៅមន្ទីរពេទ្យនោះជាមួយពួកគេ។គាត់បានសួរពីកន្លែងដែលគ្រោះថ្នាក់បានកើតឡើង ហើយប៉ូលិសក៏បានប្រាប់ថាវាកើតឡើងនៅលើស្ពានអាកាសស្រុក kepongpongan, ក្រុង Cirebon។ ប៉ូលិសក៏និយាយទៀតថាគ្រោះថ្នាក់នេះបង្កដោយម៉ូតូ Eki និង Vina ជិះនោះតែឯងប៉ុណ្ណោះ ពួកគេជិះបុកចិញ្ចើមផ្លូវនិងបង្គោលភ្លើង។ ឮបែបនេះហើយឪពុករបស់ Vina ក៏បានរួសរាន់សំដៅទៅកន្លែងកើតហេតុដើម្បីធ្វើការស៉ើបអង្កេតឲ្យបានល្អិតល្អន់ជាងនេះបន្ថែមទៀត។ ពេលទៅដល់កន្លែងកើតហេតុឪពុក vina លេចឡើងនូវចម្ងល់ជាច្រើន ព្រោះនៅកន្លែងនោះវាមិនសូវមានស្លាកស្នាមឬសញ្ញាគ្រោះថ្នាក់ចរាចរណ៍សោះឡើយ ចិញ្ចើមផ្លូវមិនមានស្នាមកកិត ឆ្កូត ឬខូចខាតអ្វីបន្តិចហើយបង្គោលភ្លើងក៏ដូចគ្នា។ បន្ទាប់ពីចេញពីកន្លែងកើតហេតុហើយគាត់ក៏បន្តទៅកាន់ប៉ុស្តិ៍ប៉ូលិសដើម្បីពិនិត្យម៉ូតូដែលគ្រោះថ្នាក់បន្ថែមទៀត ហើយកាន់គួរឲ្យឆ្ងល់នោះម៉ូតូដែល Eki និង Vina ជិះស្ថិតនៅក្នុងស្ថានភាពល្អដោយគ្រាន់តែមានស្នាមឆ្នូតបន្តិចប៉ុណ្ណោះ មិនបានខូចឬបាក់បែកត្រង់ណាឡើយ។ កន្លែងនេះក៏កើតជាចម្ងល់មួយ ហេតុអ្វីម៉ូតូដែលជួបគ្រោះថ្នាក់ស្ថិតក្នុងស្ថានភាពល្អ តែមនុស្សដែលជិះវានោះជួបគ្រោះថ្នាក់ធ្ងន់ធ្ងររហូតដល់ស្លាប់? នេះក៏ធ្វើឲ្យមានការសង្ស័យទៅលើអ្វីដែលប៉ូលិសរៀបរាប់ពីគ្រោះថ្នាក់ចរាចរណ៍នេះ។ ឪពុក Vina ក៏បានពិនិត្យរបស់ផ្សេងៗដូចជាទូរស័ព្ទរបស់ Vina ហើយឃើញថាវាមិនមានខូចខាតអ្វីបន្តិចសោះ មិនមានស្នាមឆ្កូតឬប្រេះអ្វីឡើយ បើតាមគ្រោះថ្នាក់ដ៏ខ្លាំងបែបនេះគួរណាតែទូរស័ព្ទអាចនឹងឆ្កូតឬបែកតាមកម្លាំងគ្រោះថ្នាក់ទៅហើយ។ ទោះបីឪពុក Vina មានការសង្ស័យថាវាមិនមែនជាគ្រោះថ្នាក់ចរាចរណ៍តែអាចជាក្តីឃាតកម្មក៏ដោយ ប៉ុន្តែគាត់ក៏មិនមានភស្តុតាងគ្រប់គ្រាន់ដើម្បីគាំទ្រគំនិតរបស់គាត់។ គាត់បានត្រឹមកប់កូនស្រីរបស់គាត់និងធ្វើជាជំហររឹងមាំសម្រាប់គ្រួសារ ហើយរឿងក្តីនេះជិតនឹងបញ្ចប់ក្រោមឈ្មោះជាករណីគ្រោះថ្នាក់ចរាចរណ៍ទៅហើយ ប៉ុន្តែរឿងក៏ចាប់ផ្តើមមានភាពចម្លែកកើតឡើងមក។ ក្រោយ vina ស្លាប់បាន៣ថ្ងៃ marliana ទទួលបានការខលពី Linda ដែលជាមិត្តភក្តិរបស់ប្អូនស្រីខ្លួន។ Linda និយាយថានាងត្រូវបានព្រលឹងរបស់ vina ចូលសណ្ឋិត ហើយបានយំស្រែកទាមទារជួបម្តាយរបស់នាង។ ដោយបារម្ភនិងងឿងឆ្ងល់ផងគ្រួសារ vina ក៏បានទៅកាន់ផ្ទះ linda ។ នៅពេលពួកគេចូលទៅដល់ពួកគេបានឮសំឡេងយំដែលវាដូចសំឡេងជា vina បេះដាក់។ Linda ដែលកំពុងតែយំទួញសោកនោះក៏ស្ទុះមកអោបម្តាយ vina (នេះជាសម្លេងដែលត្រូវបានថតទុកនិងបញ្ជូលទៅក្នុងភាពយន្ត) ។ នៅក្នុងសំឡេងដែលបានថតទុកនេះ Linda ដែល vina ចូលសណ្ឋិតបាននិយាយថា នៅយប់ដែលនាងកំពុងតែជិះម៉ូតូជាមួយ Eki នោះ ស្រាប់តែមាននរណាម្នាក់មកវាយក្បាល Eki ពីក្រោយធ្វើឲ្យពួកគេទាំងពីរនាក់ដួលម៉ូតូ។ vina ត្រូវបានក្រុមម៉ូតូជាក្មេងពាលមួយក្រុមវាយឲ្យសន្លប់ហើយយកនាងទៅកន្លែងស្ងាត់ហើយធ្វើការរំលោភបំពាននាង។ ដៃនាងត្រូវបានពួកនោះយកដុំឥដ្ឋមកវាយយ៉ាងខ្លាំង ជើងនាងត្រូវពួកក្មេងពាលនោះជិះម៉ូតូកិន ឯក្បាលនាងវិញត្រូវពួកវាវាយបោកទៅនឹងថ្នល់។ Eki ព្យាយាមរត់មកជួយនាងប៉ុន្តែត្រូវពួកវាវាយឲ្យស្លាប់នៅនឹងកន្លែង។ Linda ដែលកំពុងត្រូវព្រលឹងសណ្ឋិតនិយាយទៀតថាក្នុងចំណោមជនបង្កទាំងអស់ មានជនបង្កម្នាក់ឈ្មោះ Pegi ដែលគេម្នាក់នេះស្ថិតនៅរង្វង់មិត្តភក្តិជាមួយ vina និង eki ដែរ។ pegi មានអារម្មណ៍ស្នេហាទៅលើ vina ប៉ុន្តែ vina មិនបានមានអារម្មណ៍បែបទៅលើ pegi វិញទេ។ ទោះដឹងថា vina មិនចាប់អារម្មណ៍នឹងខ្លួនក្តី pegi នៅតែតាម vina ជាប់រហូតហើយព្យាយាមប៉ះពាល់ខ្លួនប្រាណរបស់នាង។ ដោយទង្វើបែបនេះធ្វើឲ្យ vina ខ្ពើមរអើមនឹង pegi ហើយនាងក៏បានស្តោះទឹកមាត់ដាក់ pegi ទៀតផង។ linda និយាយក្នុងនាមជា vina ថា pegi នេះប្រាកដជាចងគំនុំជាមួយនាងដោយសាររឿងនេះ ហើយក៏ជាអ្នកបង្កឲ្យមានរឿងក្តីទាំងនេះដែរ។ នាងក៏និយាយទៀតថា pegi ជាមួយជនបង្ក២នាក់ទៀតហោះទៅ Jakarta ដើម្បីប្តូរអត្តសញ្ញាណខ្លួនហើយលាក់ខ្លួន។
ពាក្យសម្ដីទាំងនេះក៏ត្រូវបាន Marliana បញ្ជាក់ដែរថាប្អូនស្រីខ្លួនធ្លាប់ប្រាប់ខ្លួនថាមានមនុស្សម្នាក់មកតាមស្រលាញ់នាង ប៉ុន្តែនាងមិនមានអារម្មណ៍ស្រលាញ់គេវិញទេ។ ល្ងាចនោះគ្រួសារ vina បានផ្ញើសារសំឡេងដែលបានថតទុកនិងរូបថតនៃភស្តុតាងដែលឪពុករបស់ vina បានរកឃើញទៅកាន់ប៉ូលីស។ ជាមួយភស្តុតាងថ្មី ប៉ូលិសក៏បើកការស៉ើបអង្កេតសារជាថ្មីនិងល្អិតល្អន់ជាងមុនដើម្បីលាតត្រដាងជនបង្កទាំងអស់។ ប៉ូលិសក៏បានទៅស្វែងរកព័ត៌មានពីមនុស្សដែលដឹងពីរឿងកើតហេតុនៅយប់នោះ រាប់បញ្ចូលទាំងមនុស្សដំបូងគេដែលរាយការណ៍ទៅប៉ូលិសពីគ្រោះថ្នាក់នាយប់នោះ។ ហើយមនុស្សទីមួយដែលបានរាយការណ៍ពីគ្រោះថ្នាក់នាយប់នោះទៅកាន់ប៉ូលិសគឺជាមិត្តភក្តិ pegi និង vina ដែលវាមើលទៅគួរឲ្យសង្ស័យ។ បន្ទាប់ពីនោះមកអ្នកលក់សាច់អាំងម្នាក់បាននិយាយថាបានឃើញក្រុមម៉ូតូមួយក្រុមនៅម្តុំកន្លែងកើតហេតុនាយប់ថ្ងៃសៅរ៍ដែលជាពេល vina និង eki កំពុងជិះដើរលេង។ អ្នកលក់សាច់អាំងនេះក៏បានប្រាប់ពីកន្លែងដែលក្រុមម៉ូតូនោះនៅ។ ដោយទទួលបានព័ត៌មាននេះហើយ ប៉ូលិសក៏ចូលឆ្មក់នៅកន្លែងក្រុមម៉ូតូនោះនៅថ្ងៃទី៣១ ខែសីហា ហើយចាប់បានមនុស្សប្រុសចំនួន៨នាក់ដែលកំពុងផឹកស្រវឹងនាពេលនោះហើយត្រូវបានជាប់សង្ស័យថាមានពាក់ព័ន្ធជាមួយករណីរបស់ vina និង eki។ នៅពេលសួរចម្លើយអ្នកទាំង៨នេះគ្មាននរណាសារភាពថាដឹងរឿងអ្វីទាក់ទងនឹង vina និង eki ឡើយ ប៉ុន្តែដោយស្ថិតក្នុងសម្ពាធខ្លាំងពេកមានម្នាក់ចំណោម៨នាក់បានសារភាពថាខ្លួនត្រូវបានគេបញ្ជាឲ្យចូលរួមវាយទៅលើ vina និង eki។ បន្ទាប់ពីនេះការសួរចម្លើយនិងពិនិត្យទៅលើទូរស័ព្ទជនសង្ស័យក៏បានធ្វើឡើងបន្ត ហើយបង្ហាញនូវសារមួយចំនួនដែលនិយាយពីគម្រោងរំលោភបំពានទៅលើ vina នៅក្នុងសារទាំងនោះក៏មានគម្រោងល្អិតល្អន់បន្ថែមទៀតដើម្បីបញ្ឆោតជនរងគ្រោះទៅកាន់កន្លែងកើតហេតុ។ ការរកឃើញសារទាំងនេះបានធ្វើឲ្យអ្នកដែលប៉ូលិសចាប់ខ្លួនទាំង៨នាក់សារភាពនូវទង្វើរបស់ខ្លួន។ ជនទាំង៨ត្រូវបានគេសួរចម្លើយដាច់ពីគ្នារៀងៗខ្លួន ហើយនិយាយដូចគ្នាថានៅសល់ជនបង្ក៣នាក់ទៀតដែលរត់រួចខ្លួនហើយកំពុងលាក់បំពួន។យោងតាមការបកស្រាយរបស់ពួកគេប៉ូលិសក៏អាចផ្គុំព័ត៌មានចូលគ្នានូវអ្វីដែលបានកើតឡើងនៅយប់កើតហេតុ។ យប់នោះពួកជនបង្កបានផឹកស្រាហើយពួកគេក៏ទទួលបានសារពីមិត្តភក្តិគេម្នាក់និយាយពីជម្លោះក្រុមម៉ូតូពួកគេនិងក្រុមម៉ូតូមួយទៀតឈ្មោះ XTC ហើយ Eki ក៏ជាសមាជិកម្នាក់ក្នុងក្រុមម៉ូតូ XTC ផងដែរ។ ហើយពេលនោះមិត្តភក្តិរបស់ពួកជនបង្កបានឲ្យពួកគេទៅរកនិងតទល់ជាមួយក្រុមម៉ូតូ XTC ប៉ុន្តែពេលនោះ eki និង vina ក៏ជិះម៉ូតូកាត់កន្លែងពួកគេស្រាប់ ដូច្នេះហើយពួកគេក៏ជិះដេញតាមអ្នកទាំងពីរ ហើយគប់របស់ផ្សេងៗទៅកាន់ពួកគេ។ នៅពេលដែលពួកគេជិះតាមទាន់ Eki និង vina នៅលើស្ពានអាកាសស្រុក kepongpongan ពួកគេវាយ eki និង vina ជាមួយឈើឬស្សី រហូតដល់អ្នកទាំងពីរដួលម៉ូតូ ក្រោយឃើញថាទាំង eki និង vina គ្មានអ្នកមកជួយនិងគ្មានអ្វីយកមកតតាំងហើយ ពួកជនបង្កក៏បានយកពួកគេនិងម៉ូតូទៅកាន់ធ្លាមួយហើយបន្តប្រើហិង្សាទៅលើពួកគេទាំង២។ពួកគេក៏ឆ្លាស់វេនគ្នាបំពានផ្លូវភេទទៅលើ vina ទៀតផង នៅពេលអ្នកទាំង២កំពុងសន្លប់ ពួកជនបង្កបាននាំពួកគេឡើងទៅលើស្ពានអាកាសវិញហើយរៀបចំគ្រប់យ៉ាងឲ្យមើលទៅវាជាករណីគ្រោះថ្នាក់ចរាចរណ៍។ ការសារភាពពីជនបង្កទាំងនោះបាននាំឲ្យប៉ូលិសធ្វើកោសល្យវិច័យទៅលើសាកសព eki និង vina។ ហើយកោសល្យវិច័យក៏បានបង្ហាញថាជនរងគ្រោះទាំងពីរទទួលរងការវាយដោយកម្លាំងជាច្រើនកន្លែង ហើយក៏រកឃើញភស្តុតាងពីការបៀតបៀនផ្លូវភេទថែមទៀតនៅលើរាងកាយ vina ដោយបានព័ត៌មានទាំងអស់និងកោសល្សវិច័យទៀតផងនោះ ប៉ូលិសបានប្តូរករណីនេះពីគ្រោះថ្នាក់ចរាចរណ៍ទៅជាករណីឃាតកម្មដោយគ្រោងទុកជាមុននិងករណីរំលោភបំពានផ្លូវភេទវិញ។ នៅថ្ងៃទី២៦ ខែឧសភា ឆ្នាំ២០១៧ តុលាការក្រុង ciberon កាត់ទោសមនុស្ស៧នាក់ដែលមានអាយុពី ២០ ដល់ ២៧ឆ្នាំ ក្នុងករណីឃាតកម្មគ្រោងទុកជាមុននិងរំលោភបំពានផ្លូវភេទឲ្យជាប់ទោសអស់មួយជីវិត ឯជនបង្កម្នាក់ទៀតត្រូវជាប់ទោស៨ឆ្នាំដោយសារស្ថិតក្នុងភាពជាអនិតិជនអាយុ១៥ឆ្នាំនៅឡើយ។ ចំពោះជនបង្ក៣នាក់ទៀតនៅកំពុងរត់គេចខ្លួនហើយមិនទាន់ចាប់ខ្លួនបានហើយករណីរបស់ eki និង vina ក៏បានបិទទៅទាំងបែបនេះ (ទាំងមិនទាន់ចាប់ជនបង្ក៣នាក់ផ្សេងទៀត)។ រហូតដល់ខ្សែភាពយន្តបានដាក់បញ្ចាំងនាពេលថ្មីៗនេះ ប៉ូលិសក៏បានបញ្ចេញរបាយការណ៍ពីជនបង្កទាំង៣ដែលរត់គេចខ្លួន ហើយមានសំណូមពរឲ្យសារធារណជនជួយស្វែងរកអ្នកទាំង៣នេះ។
អ្នកជំនាញនិយាយថារឿងក្តីនេះអាចនឹងដោះស្រាយបានយ៉ាងស្រួល បើប៉ូលិសសិក្សាឲ្យលម្អិតថាវាជាករណីឃាតកម្មជាជាងសរុបសេចក្តីថាជាករណីគ្រោះថ្នាក់ចរាចរណ៍តាំងពីដំបូង ហើយមិនទាំងបានធ្វើកោសល្យវិច័យទៅលើជនរងគ្រោះទៅទៀតនៅពេលធ្វើការស៉ើបអង្កេតនាពេលនោះ។ យោងតាមអតីតប្រធានស៊ើបអង្កេតឧក្រិដ្ឋកម្មរបស់ប៉ូលិសឥណ្ឌូនេស៊ី លោក susno duadji បាននិយាយថានៅពេលមនុស្សណាម្នាក់ស្លាប់ក្នុងកាលៈទេសៈបែបនេះ ប៉ូលិសត្រូវសួរខ្លួនឯងនិងគ្នីគ្នាថាតើការស្លាប់នេះមើលទៅធម្មតាក៏អត់ ហើយត្រូវធ្វើការស៊ើបអង្កេតឧក្រិដ្ឋកម្មតាមបែបវិទ្យាសាស្ត្រភ្លាមៗ វាអាចជួយយើងឲ្យកំណត់អត្តសញ្ញាណជនរងគ្រោះនិងពិនិត្យឲ្យដឹងពីអ្វីដែលបន្សល់ទុកនៅកន្លែងកើតហេតុខ្លះ ព្រោះគ្រប់កន្លែងកើតហេតុតែងបន្សល់ទុកនូវដាននិងតម្រុយ។ ក្នុងករណី vina និង eki តម្រុយដែលសំខាន់បន្សល់ទុកលើជនរងគ្រោះនោះគឺទឹកកាម។ តម្រុយនេះគឺអាចចាប់ផ្តើមលាតត្រដាងរឿងហេតុបានទៅហើយ ប៉ុន្តែប្លែកទៅវិញត្រង់ប៉ូលិសមិនបានប្រមូលសំណាកទឹកកាមទាំងនោះពីលើរាងកាយ vina ទៅពិនិត្យផ្ទៀងផ្ទាត់ជាមួយជនបង្កទាំង៨នៅពេលនោះ។ មេធាវីរបស់ចុងចោទដែលព្យាយាមប្រកែកថាករណីនេះវាគ្រាន់តែជាគ្រោះថ្នាក់ធម្មតាប៉ុណ្ណោះ បាននិយាយថាប៉ូលិសមិនបានអើពើនឹងភស្តុតាងដែលបានពីកោសល្យវិច័យឡើយ ហើយក៏បដិសេធមិនព្រមទៅទាញយកភស្តុតាងពីកាមេរ៉ាសុវត្ថិភាពនៅកន្លែងកើតហេតុនាយប់នោះទៀតផង ថែមទាំងធ្វើការបដិសេធចំពោះការធ្វើតេស្ត DNA លើកូនក្តីរបស់គាត់ដើម្បីបញ្ជាក់លើករណីរំលោភបំពានផ្លូវភេទផងដែរ។ ហើយមកដល់ពេលនេះករណីនេះវាបានកើតឡើងយូរទៅហើយដូច្នេះភស្តុតាងក៏បានបាត់ទៅតាមពេលដែរ។ ថ្ងៃទី១៧ ខែឧសភា ឆ្នាំ២០២៤ នាយកស៊ើបអង្កេតឧក្រិដ្ឋកម្មទូទៅនៅប៉ូលីសជ្វាខាងលិច លោកស្នងការ Surawan បង្ហាញថាជនបង្កទាំង៨នាក់ដែលបានចាប់ខ្លួនបានដកសេចក្តីថ្លែងការណ៍របស់ពួកគេព្រមទាំងពាក្យសារភាពពីដំបូងដែលទាក់ទងនឹងជនបង្ក៣នាក់ដែលបានរកគេចឈ្មោះ pegi, Dani និង andi។ ពួកគេនិយាយថាពួកគេធ្វើការសារភាពទាំងបង្ខំដោយសារពួកប៉ូលិសបានធ្វើទណ្ឌកម្មទៅលើពួកគេអំឡុងពេលស៉ើបអង្កេត។ ខ្លះក៏និយាយថាគេមិនទាំងស្គាល់មនុស្ស៣នាក់ទៀតនោះផង ( pegi និងជនបង្ក២នាក់ទៀត)។ ការដកពាក្យឬសេចក្តីថ្លែងការណ៍នេះបង្កជាផលវិបាកទៅលើការស៉ើបអង្កេតទាំងអស់កន្លងមកនហើយការតាមចាប់ខ្លួនជនបង្ក៣នាក់ទៀតក៏នៅមិនទាន់សម្រេចនៅឡើយ។ ក្រោយការដកសេចក្តីថ្លែងការណ៍របស់ជនទាំង៨ មានអ្នកតំណាងក្រុមម៉ូតូជាច្រើនក្រុមដូចជា ក្រុម Moonraker, XTC, GBR និង Konack បានហៅក្រុមសារព័ត៌មានមកធ្វើសន្និសីទតូចមួយនៅថ្ងៃទី៣០ ខែឧសភា។ ពួកគេនិយាយថាមនុស្សទាំង៨នាក់នោះមិនមែនជាសមាជិកក្រុមម៉ូតូពួកគេឡើយ។ ហើយមកដល់ត្រង់នេះ វាបង្កើតបានសំណួរមួយឡើងថា : " តើប៉ូលិសចាប់ខ្លួននរណាទៅវិញ? តើប៉ូលិសបង្កើតកំហុសពេលធ្វើការស៉ើបអង្កេតឬ? " ។ នៅថ្ងៃ២៦ ខែឧសភា ប៉ូលីសតំបន់ជ្វាខាងលិចបានកែអ្វីដែល error ទៅលើករណីរបស់ Vina ហើយនិយាយថាជនបង្កមិនមែនមាន១១នាក់ទេ គឺមាន៩នាក់ មានន័យថាជនសង្ស័យនៅសល់តែម្នាក់ទៀតទេដែលត្រូវចាប់ខ្លួន។ ការកែប្រែនេះកើតឡើងដោយសារភស្តុតាងប្រឆាំងនឹងបុគ្គលពីរនាក់ផ្សេងទៀតគឺមានមិនគ្រប់គ្រាន់ ការថ្លែងការណ៍របស់សាកស្សីមួយចំនួន ថែមទាំងបានលើកឡើងថាឈ្មោះទាំងនោះជាការប្រឌិតឡើងប៉ុណ្ណោះ ហើយជាលទ្ធផលការស្វែងរកជនសង្ស័យចុងក្រោយគឺផ្តោតទៅលើតែបុគ្គលឈ្មោះ pegi ។ ហើយ Pegi នេះសោតក៏បានចាប់ខ្លួននៅថ្ងៃទី២១ ខែឧសភា ប៉ូលិសនិយាយថា pegi នេះជាអ្នករៀបចំគម្រោងធ្វើឃាតទៅលើ eki និង vina ហើយក៏ជាអ្នកនិយាយឲ្យជនបង្កផ្សេងទៀតចូលរួមជាមួយខ្លួន ហើយទោសរបស់គេអាចប្រឈមនឹងការប្រហារជីវិត។ Pegi គ្រវីក្បាលរបស់គេដោយហួសចិត្តក្រោយឮការចោទប្រកាន់របស់ប៉ូលិសនិងព្យាយាមតតាំងនៅពេលដែលប៉ូលិសដឹកគាត់ទៅកាន់កន្លែងឃុំឃាំង។ គាត់និយាយថាគាត់មិនបានសម្លាប់នរណាឡើយ ហើយគាត់ត្រូវបានគេបង្ខាច់បង្ខូចប៉ុណ្ណោះ គាត់បន្ថែមទៀតថាគាត់សុខចិត្តស្លាប់ដើម្បីបញ្ជាក់ភាពស្អាតស្អំរបស់គាត់។ គាត់ក៏និយាយដែរថាគាត់មិនបានស្គាល់ Vina និងមិនបានរំលោភបំពាននាងអ្វីឡើយ ដោយបញ្ជាក់ដដែលថាគាត់គ្មានកំហុសអ្វីឡើយ។ ការចាប់ខ្លួនរបស់ pegi បានធ្វើឲ្យមានភាពច្របូកច្របល់និងចម្រូងចម្រាស់ពីកន្លែងដែលគាត់រស់នៅ នៅពេលដែលរឿងហេតុកើតឡើង។ឪពុកម្តាយ pegi ក៏ព្យាយាមនិយាយដែរថា pegi មិនមែនជាមេខ្លោងក្នុងរឿងក្តីឃាតកម្មនេះទេហើយបានចាកចេញពី ciberon តាំងពី៨ឆ្នាំមុន។ pegi និយាយថាគេបានទៅនៅ bandung ហើយធ្វើការងារជាកម្មករសំណង់។ នៅយប់ថ្ងៃទី២៧ ខែសីហា ឆ្នាំ២០១៦ នោះគាត់ត្រូវបានគេឃើញញុាំសាច់អាំងជាមួយនឹងជីដូនមួយរបស់គាត់ ដែលប្រការនេះវាមិនអាចទៅរួចទេដែលថាគាត់ធ្វើដំណើរត្រឡប់ទៅ ciberon ដែលមានចម្ងាយ 140.5km ពីកន្លែងគាត់រស់នៅ។ បងប្អូនជីដូនមួយ pegi ក៏បញ្ជាក់ដែរថាយប់នោះបន្ទាប់ពីញុាំអីហើយ pegi ក៏ត្រឡប់ទៅដេកនៅការដ្ឋានវិញ។ hotman paris hutapea ជាមេធាវីល្បីនៅឥណ្ឌូនេស៊ីក៏បានសួរពីការជាប់ពាក់ព័ន្ធរបស់ pegi នៅក្នុងរឿងក្តីនេះដែរ ទោះបីគាត់មេធាវីគ្រួសាររបស់ vina ក៏ដោយ។ គាត់លើកឡើងនូវភស្តុតាងដូចជាប័ណ្ណបើកបរ ដែលភស្តុតាងនេះក៏មិនអាចបញ្ជាក់ pegi ជាឃាតករបានដែរ។ ណាមួយម៉ូតូរបស់ pegi ត្រូវបានឪពុកម្តាយរបស់គាត់ដកហូតតាំងពីឆ្នាំ២០១៦មកម្ល៉េះ។ បន្ទាប់ពីចាប់ខ្លួន pegi ពេលនេះមានមេធាវីចំនួន៦៥នាក់ត្រៀមខ្លួនក្នុងការការពារក្តីឲ្យគាត់ដោយជឿជាក់ថាគាត់មិនមានកំហុសពិតមែន។ ការចាប់ខ្លួន pegi បង្កជាការសង្ស័យមួយទៀតដោយសារមានសាក្សីថ្មីចូលមកនិយាយពីរឿងហេតុហើយវាខុសពីអ្វីដែលធ្លាប់មាន។ មិត្តរួមការងារម្នាក់របស់ Pegi កំពុងត្រូវបានពិនិត្យដោយប៉ូលីសជ្វាខាងលិច។ គេឈ្មោះថា melmel ហើយបានចេញមុខមកអះអាងថាបានឃើញរឿងកើតហេតុនៅយប់នោះ។ melmel បានលេចឡើងដំបូងនៅការលើផ្សាយបន្តផ្ទាល់របស់ទូរទស្សន៍ គាត់បានបកស្រាយថាគាត់បានលួចជិះតាមពួកជនបង្កនាយប់នោះ ហើយក៏ស្គាល់ជនបង្កខ្លះផងដែររួមទាំងជនបង្កដែលកំពុងតែជាប់ទោសនោះទៀតផង។នៅថ្ងៃកើតហេតុនោះ eki បានទាក់ទងទៅ melmel ហើយពួកគេបានរៀបគម្រោងថានឹងទៅជិះម៉ូតូលេងជាមួយគ្នាយប់នោះ។ eki, vina, melmel និង linda ជួបនឹងជនបង្ក៣នាក់ ពេលកំពុងជិះម៉ូតូលេងក្នុងក្រុង ciberon។ ផ្ទុយពី linda ដែលនិយាយថានាងមិនបាននៅជាមួយពួកគេនៅយប់នោះ melmel និយាយថានាងពិតជានៅជាមួយពួកគេ។ melmel បានចែកផ្លូវជាមួយ eki បន្ទាប់ពីគេចូលចាក់សាំង។ ក្រោយមកគេបានឃើញ eki ត្រូវជនបង្កចាប់យកទៅនិងវាយដំយ៉ាងខ្លាំង។ គេនិយាយថា eki ត្រូវបានវាយដោយមនុស្សលើសពី១០នាក់ នៅពេល eki ត្រូវពួកជនបង្កវាយទ្រុឌទ្រោមហើយនោះ vina ក៏ត្រូវពួកជនបង្កធ្វើបាបម្តងដែលចូលជាងមួយម៉ោង។ បន្ទាប់ពីនោះជនបង្កក៏ដឹក eki និង vina យកទៅទម្លាក់ចោលលើស្ពានអាកាស talun ។ ជាមួយពន្លឺភ្លើងលើស្ពានអាកាស melmel អាចមើលឃើញមុខនិងស្គាល់ជនបង្កបានខ្លះ។ មេធាវីរបស់ pegi សង្ឃឹមថាការរាយការណ៍របស់ melmel នឹងត្រូវគេវិនិច្ឆ័យនិងបញ្ជាក់។ ការរាយការណ៍របស់ melmel ផ្តល់សង្ឃឹមលើការស្រាវជ្រាវរឿងក្តីនេះ។
រឿងក្តីនេះនៅមានសំណួរច្រើនណាស់ថា ហេតុអ្វី melmel នេះទើបតែមកបកស្រាយនៅពេលដែលរឿងក្តីបានកើតឡើង៨ឆ្នាំទៅហើយ? តើ linda ពិតជាបាននៅជាមួយពួកគេមែនឬអត់នៅយប់នោះ? ប្រាកដណាស់ច្បាស់ជាមានពាក្យកុហកខ្លះនៅក្នុងការរៀបរាប់របស់ជនទាំងអស់ក្នុងរឿងនេះ? តើព្រលឹង vina ពិតជាចូលសណ្ឋិតមិត្តភក្តិខ្លួនមែនឬ? គ្រប់យ៉ាងវាជាសំណួរនៅឡើយ ដូច្នេះហើយគួរអានដោយការពិចារណា។
#អេដមីនកូនពៅ

តោះជួយឆ្លេីយគ្នាមេីល​ អ្នកឆ្លេីយត្រូវ​ Admin ជូនខ្សែដៃម្ខុបទឹកឃ្មុំជូន១ខ្សែ។

លក្ខខណ្ឌលេងៈ​
ទី1- Follow & Like ផេកនេះ
ទី2-​Share រូបនេះជា​ Public
បងប្អូនមិនធ្វេីតាមលក្ខខណ្ឌនេះ​ ទោះឆ្លេីយត្រូវ​ Admin ក៏មិនផ្តល់ជូនឡេីយ។ ផុតកំណត់ថ្ងៃ០៥ខែ០៧​ ឆ្នាំ២០២៤។

Assignment យើងចាប់ក្រុមត្រូវយើងដូចព្រះនាង តែបើចាប់ក្រុមខុស យើងដូច #ឧបាសិកា 🥴🥴😌😌😌
#សើចបាប

ព្រះអង្គម្ចាស់ យុគន្ធរ រូបកាលពីជាង១០០ឆ្នាំមុន🇰🇭


.....................................................................

#តារាចម្រៀង #សិល្បៈ #កម្សាន្ត #ព័ត៌មានថ្មីៗ #សង្គម #តារាខ្មែរ #តារាភាពយន្ត #លោកតាវិចទ័រ #នេនតូច #សីហា #នីឡា #តេវ #ចែដាណា #ទ្រីដាណា #ព្រះថេរធម្ម #វនវាសី #ចន្ទមុនី #ព្រះអង្គចន្ទមុនី #លោកឪសួង #ព្រះថេរធម្មវនវាសីចន្ទមុនី

ពេលនៅកន្លែងធ្វើការ ត្រូវតាំងចិត្តអោយស្ងប់ដូចព្រះ 😆🌹❤️ Single
❤️
❤️
❤️
🌺♥️

មកទល់ពេលនេះអ្នកភូមិនៅតែមិនទាន់ដឹងថាសត្វអីខាំសត្វឆ្កែក្នុងភូមិស្លាប់ជាបន្តបន្ទាប់។

#ព្រះថេរធម្ម #ព្រះអង្គចន្ទមុនី #ព្រះថេរធម្មវនវាសីចន្ទមុនី #វនវាសី #ចែដាណា

ខាងសៀមផ្ទុះការភ្ញាក់ផ្អើ..លយ៉ាងខ្លាំ.ងដោយសារតែសៀវភៅមួយក្បាលសរសេរជាភាសាបារាំងមានចំណងជើងថា,(LE CAMBODGR)សរសេរនៅឆ្នាំ1872ដោយលោក(LE FAUCHEURជនជាតិបារាំង)សៀវភៅនេះមានចំនួន 80 ទំព័រ។ដោយនៅក្នុងសៀវភៅនេះមានរូបស្ត្រីម្នាក់ដែលគាត់សរសេរបញ្ជាក់ថាស្ត្រីក្នុងរូបនេះគឺជាជនជាតិខ្មែរនាងឈ្មោះសុខ។ក៏ប៉ុន្តែខាងភាគីសៀមបានយករូបនេះទៅបង្ហោះក្នុងវេបសាយរបស់ខ្លួនហើយបានសរសេរប្រាប់កូនចៅជំនាន់ក្រោយរបស់ខ្លួនថារូបស្ត្រីម្នាក់នេះគឺជាជនជាតិសៀមទេទាំងម៉ូតសក់ទាំងសម្លៀកបំពាក់បូរាណគឺជារបស់សៀមទាំងអស់។
គិតៗទៅពួកដូនតាសៀមគិតថាខ្មែរយើងគ្មានអរិយធម៌ឬវប្បធម៌អ្វីទេឬយ៉ាងណាបានជានិយាយថាខ្មែរយើងលួ..ចច.ម្ល.ងពីសៀមទាំងអស់សូម្បីតែរូបស្ត្រីកាលពីបុរាណជាស្ត្រីខ្មែរសោះក៏សៀមថាជារបស់ខ្លួនដែរ។

#តារាចម្រៀង #សិល្បៈ #កម្សាន្ត #ព័ត៌មានថ្មីៗ #សង្គម #តារាខ្មែរ #តារាភាពយន្ត #លោកតាវិចទ័រ #នេនតូច #សីហា #នីឡា #តេវ #ចែដាណា #ទ្រីដាណា #ព្រះថេរធម្ម #វនវាសី #ចន្ទមុនី #ព្រះអង្គចន្ទមុនី #លោកឪសួង #ព្រះថេរធម្មវនវាសីចន្ទមុនី

ប្រជាជន​ខ្មែរ​រស់នៅក្នុង​ខេត្ត​ នានា​នៃព្រះរាជាណាចក្រកម្ពុជា​ រួមមាន​ខេត្តបន្ទាយមានជ័យ បាត់ដំបង ពោធិ៍សាត់ ក៏​ដូចគ្នា​នឹង​ប្រជាជន​ខ្មែរ​ដែល​រស់នៅក្នុង​ខេត្ត​សុ​រិ​ន្ទ្រ ស៊ីសាកេត និង​បុរីរម្យ ​ក្នុងប្រទេស​ថៃនាពេល​បច្ចុប្បន្ន​នេះដែរ ពួកគេ​នៅតែ​មានជំនឿថា ខ្នាយ តាន់​របស់​ជ្រូកព្រៃ គឺជា​វត្ថុ​ស័ក្តិសិទ្ធិ​ដែល​នាំមក​នូវសិរី​មង្គល និង​សេចក្តីសុខចម្រុងចម្រើន ។

ជំនឿ​លើ​ខ្នាយតាន់​ជ្រូកព្រៃ​ក៏​កើតមាន​ទៅដល់​ប្រជាជន​ខ្មែរ​ភាគតិច​ដែល​រស់ ​នៅតាម​ច្រករបៀង​នៃ​ព្រំដែន​ខ្មែរ-លាវ​ផងដែរ ។ ជនជាតិ​ខ្មែរលើ​ទាំងនេះមានដូចជា​ពួក​ទំ​ពូន ព្នង និង​ស្ទៀង​ជាដើម ដែល​ភាគច្រើន​នៃ​ពួកនេះ​ពាក់​ខ្នាយតាន់​ជ្រូកព្រៃ​ជាប្រចាំ​ថ្ងៃ​ទៀតផង ។

ការ​មាន​ជំនឿ​លើ​ខ្នាយតាន់​ជ្រូកព្រៃ​របស់​ប្រជាជន​ខ្មែរស្ទើរ​តែមាន​ លក្ខណ:ជាទូទៅ​ក្នុងសង្គម​ខ្មែរ ជាពិសេស​នៅ​តំបន់​ជួរ​ភ្នំ​ដងរែក និង​នៅ​តំបន់​ព្រៃភ្នំ​ដែល​គេ​យល់ឃើញថា ជា​តំបន់​អាថ៌កំបាំង​ប្រកបដោយ​បារមី និង​វត្ថុ​ស័ក្តិសិទ្ធិ ឬក៏​ជា​កន្លែង​រស់នៅ​ដ៏​សុខសាន្ត​របស់​សត្វ​ជ្រូកព្រៃ​ដោយ​វត្តមាន​នៃ​ មើមដំឡូង​ព្រៃ​យ៉ាង​សម្បូរ ។

ការស្រាវជ្រាវ​របស់​យើង​បានឱ្យដឹងថា ជ្រូកព្រៃ​មាន​ទម្លាប់​រស់នៅ​ជា​ហ្វូង​របស់​វា ហើយ​នៅក្នុង​ហ្វូង​ជ្រូកនីមួយៗ គេ​ឃើញ​មាន​មេហ្វូង​មួយ​ជា​ជ្រូក​ឈ្មោល​ដែល​ មិន​ត្រឹម​តែមាន​មាឌធំ ហើយ​ខ្លាំងជាងគេ​ទេ វា​ថែមទាំង​កាច​សាហាវ​ទៀតផង ។ នៅក្នុង​ខណៈ ពេល​ដែលមាន​កូនជ្រូក​ព្រៃ​ទើបនឹងកើតមក មេហ្វូង​ជ្រូកព្រៃ​ដ៏​កាច​សាហាវ​ខ្លាំង​នេះសម្លាប់​នូវ​កូនជ្រូក​ព្រៃ​ឈ្មោល ​ណា ដែល​វា​ទទួល ស្គាល់ថា​មាន​មហិទ្ធិឫទ្ធិ​ដូច​វា ។

អ្នកស្រុក​រស់នៅ​តំបន់​ជួរ​ភ្នំ​ដងរែកបានឱ្យដឹងថា ការបំផ្លាញ​កូន​ខ្លួនឯង​ដូច្នេះ បណ្តាលមកពី​មេហ្វូង​ខ្លាចក្រែង​កូនឈ្មោល​នៅ ក្នុង​ហ្វូង​នោះនឹង​ដណ្តើម​អំណាច​ធ្វើជា​មេហ្វូង​ទៅ​ថ្ងៃក្រោយ ។

ទម្លាប់​របស់​ជ្រូកព្រៃ​នេះ ពុំមែន​ជា​រឿង​ចៃដន្យ​នៅក្នុង​សង្គមសត្វ​ដែល​ធ្វើឱ្យ​មានការ​រន្ធត់ចិត្ត​ នោះទេ តែ​នេះ​ជា​ច្បាប់ធម្មជាតិ ។

ពេល​មេហ្វូង​ជិត​ស្លាប់ ទើប​វា​ទុក​កូនឈ្មោល​ណាដែល​ប្រកប​លក្ខណៈសម្បត្តិ​រឹងមាំ​មាន​ដុះ​ខ្នាយ​វែង​ ជាងគេ​បន្តិចដើម្បី​ទុក​ដឹកនាំ​ហ្វូង​ជ្រូកព្រៃ​បន្ត​ពី​វា​ទៀត ។ ចំពោះ​មេហ្វូង​ជ្រូកព្រៃ​ដល់ពេល​ដែល​វា​ចាស់ជរា​ខ្លាំង​ទៅ វា​ដើរ​ទៅរក​កន្លែង​ណា​ស្ងាត់ និង​មាន​ដើម ឈើ​ផង ដើម្បី​យក​ខ្នាយតាន់​របស់​វា​ទាំងពីរ​ទៅ​កាច់​បំបាក់​ទុក​បង្កប់​ចោល​នៅ​នឹង ​ដើមឈើ​នោះ ។

មហិទ្ធិឫទ្ធិ​របស់​ខ្នាយតាន់​នៅត្រង់ថា បារមី ឬ​វត្ថុ​ស័ក្តិសិទ្ធិ​ជា​ពន្លឺ​នៅលើ​ថ្ងាស​ជ្រូកព្រៃ​ដែល​តាម​ថែរក្សា​ គាំពារ​ជានិច្ចកាល ។ បារមី​នេះឯង​ដែល​ពិបាកនឹងមាន​នរណាម្នាក់​អាច​សម្លាប់​វា​ដោយ​ងាយ​បានឡើយ ។

ហេតុ​ដូច្នេះហើយ ​ប្រជាជន​ខ្មែរ​នៅតាម​តំបន់​ព្រៃភ្នំ​ដងរែក និង​តំបន់​ខ្ពង់រាប​ដទៃទៀត មានជំនឿថា អ្នក​ដែល​រើស​បាន​ខ្នាយ តាន់​ជ្រូកព្រៃ​យកមក​ពាក់ គឺ​គេ​នឹងមាន​សេចក្តីសុខ​សិរី​សួស្តី​ជាពុំខាន ។ បារមី​នៃ​ខ្នាយតាន់​នេះ​នឹង​នៅ​រក្សា​ការពារ​មិនឱ្យ​សត្រូវ​ជិត​ឆ្ងាយ​ណា​មក ​បៀតបៀន ឬ​យក​ឈ្នេះ​លើ​ខ្លួនគេ​បានឡើយ ។

អ្នកមាន​ខ្នាយតាន់​ជ្រូកព្រៃ​តែងតែ​កាន់​ត្រណម​មួយចំនួន​យ៉ាង​ ខ្ជាប់ខ្ជួនហើយ​គួបផ្សំ​នឹង​មន្តអាគម​បន្ថែម​ផងនោះ​ធ្វើឱ្យ​ខ្នាយតាន់​ ជ្រូកព្រៃ​ដែលមាន​បារមី​កាន់​ស្រាប់ ​កាន់តែ​ខ្លាំងក្លា​មួយកំរិត​ថែមទៀត ។

ចំពោះ​បងប្អូន​ជនជាតិ​ខ្មែរលើ ក៏មាន​ជំនឿ​ដូចគ្នានេះដែរ ។ គេ​បានចាត់ទុក​ជំនឿ​នេះ​ជា​ទំនៀមទម្លាប់​ប្រពៃណី​ប្រចាំ​ជនជាតិ​ទៀតផង ។ គេ​យល់ថា បារមី​ខ្នាយតាន់​ជ្រូកព្រៃ​សម្រាប់​ជួយ​ការពារ​នឹង​សត្វព្រៃ​ដ៏​កាច​ សាហាវផ្សេងៗ ឬ​អាវុធ​ដូចជា​ព្រួញ ស្នជាដើម ដោយហេតុថានៅ​តំបន់​ព្រៃភ្នំ​ពុំមាន​គ្រាប់កាំភ្លើង ឬ​ជាតិ​ផ្ទុះ​ឡើយ ។

សរុបសេចក្តី​មក ជំនឿ​លើ​ខ្នាយតាន់​ជ្រូកព្រៃ​នៃ​ជនជាតិខ្មែរ​​ អាច​ឆ្លុះបញ្ចាំង​ឱ្យឃើញថា ទស្សនៈ​របស់​មនុស្ស ជាពិសេស​នៅពេលដែល​ប្រឈមមុខ​នឹង​គ្រោះ​កំណាច​អ្វីមួយ​មកពី​ខាងក្រៅ រមែងតែ​ប្រាថ្នា​សេចក្តីសុខ​សប្បាយ និង​សុវត្ថិភាព​តែប៉ុណ្ណោះ ហើយ​ជំនឿ​នេះ​ក៏​ជា​មែកធាង​នៃ​ខឿនវប្បធម៌​អរូបី​របស់​ជាតិ​យើង​ផងដែរ ។

គប្បី​ជម្រាប​ផងដែរ​ថា ចំពោះ​ខ្មែរ​សុ​រិ​ន្ទ្រ បុរីរម្យ​សព្វថ្ងៃ ឆ្អឹងថ្គាម ខ្នាយ និង​ឈាម​សត្វព្រៃ​មួយចំនួន​មាន​តួនាទី​យ៉ាងសំខាន់​ក្នុងការ​រក្សា​រោគ ឬ​ជំងឺ ។ ឧទាហរណ៍​គេ​យក​ថ្គាមដំរី​ទៅ​ដុស​នឹង​ថ្ម ហើយ​ស្រង់ទឹក​យកទៅបរិភោគ​ដើម្បី​ការពារ​ពុល​ថ្នាំ និង​ធ្វើឱ្យ​ត្រជាក់​ខ្លួនប្រាណ ។ ភ្លុក​ដំរី និងខ្នាយតាន់​ជ្រូកព្រៃ​វិញ ​គេ​ប្រើ​សម្រាប់កែ​ក្តៅខ្លួន​ដែរ ។ ឆ្អឹង​ត្មាត និង​ឆ្អឹង​អកសម្រាប់​កែរោគ​គ្រុនញាក់​រវើរវាយ និងកែរោគ​ស្ត្រី​ដែល​សម្រាលកូន​មិន​ចេញ​ដូច​ប្រក្រតី ។ ជូន​កាល​គេ​ក៏​យក​ឈាម​រមាស​កែ​ក្រំ និង​ជាំ​ខ្ទុះ ពេលដែល​ធ្លាក់​ពី​ខ្នង​ដំរី ឬ​ដើមឈើ​ជាដើម ។ ចំពោះ​ចង្កូមខ្លា គេ​យកមក​ដាក់​ពាក់​ជា​បន្តោង​នៅ​ក​ដើម្បី​ការពារ​សត្វព្រៃ ហើយ​បើ​ចង្កូមខ្លា​នោះ​មាន​ប្រហោង​ វា​កាន់តែមាន​ប្រសិទ្ធភាព​ទៅទៀត ព្រោះ​ព្រាយ​បី​សាច​ភ័យខ្លាច​ខ្លាំងណាស់ ។

តើ​មនុស្ស​នៅ​ភូមិ​ស្នាយ​នា​សម័យ​បុរេប្រវត្តិសាស្ត្រ​មាន​ជំនឿ​ដូចខាងលើ​ នេះដែរ​ឬទេ ? ចំពោះ​ចម្លើយ​នឹង​សំណួរ​នេះ បើតាម​ការស្រាវជ្រាវ​សិក្សា​ប្រៀបធៀប​របស់​យើង​បានឱ្យដឹងថា អ្វីៗដែល​ពោល​មិន​ខុសប្លែក​ពី​ជំនឿ​របស់​សហគមន៍​ខ្មែរ​នៅ​ភូមិ​ស្នាយ​ ប៉ុន្មាន​ឡើយ ដោយហេតុថាសំណង់​វប្បធម៌​វត្ថុ​បុរាណ​ជាច្រើន ដូចជា​ឆ្អឹង​ចង្កូម​សត្វ​ដែល​គេ​កប់​ជាមួយ​សព ​ពុំមែន​ជាការ​ចៃដន្យ​ទេ ក៏ប៉ុន្តែ​វត្ថុ​ទាំងអស់​នោះបាន​ឆ្លើយតប​តាម​ជំនឿ​ប្រពៃណី​របស់​មនុស្ស​ ខ្មែរ​នា​សម័យ​ដើមយ៉ាងពិតៗ