Ministério Planeamento e Investimento Estratégico

Dili, Loron 21 fullan Abril Tinan 2026.

Ministru Planiamentu no Investimentu Estratéziku (MPIE), S.E. Gastão Francisco de Sousa, partisipa iha inagurasaun edifísiu ajénsia ADB iha Faról.

Partisipasaun MPIE nian hanesan Ministériu ne’ebé tutela ba investimentu estratéziku atu kontinua hametin relasaun amizade no konfiansa entre ADB no estadu Timor-Leste hodi ajuda ba hasa’e kresimentu ekonomia liu husi programa ne’ebé ADB finansia.
Asian Development Bank (ADB) nia ezisténsia iha Timor-Leste hatudu duni nia komitmentu hodi ajuda guvernu ba progressu dezenvolvimentu tuir polítika mundiál hanaran ‘’Objetivos de Desenvolvimento Sustentável (ODS) ka Sustainable Development Goals (SDGs) 2030.

OEKUSI, Loron 20 Fullan Abríl Tinan 2026

MPIE-KAFI APROVA PROJETO 30 RESIN IHA OEKUSI.

Ministru Planeamentu Investimentu Estratéjiku (MPIE), Atual Prezidente Konsellu Administrasaun Fundu Infraestrutura (KAFI), S.E. Gastão Francisco de Sousa, Iha segunda ne'e, realiza reuniaun daruak ho membru KAFI sira iha Rejiaun Administrativa Espesiál Oekusi Ambeno (RAEOA), no konsege aprova projetu emerjénsia 30-resin inklui monumentu Lifau no Jardin Oébau. "Reuniaun KAFI ne'e, atu aprova autorizasaun despeza ba projetu saúde sira-nian, Ministériu Ensinu Superiór, MOP no projetu balun ne'ebé durante ne'e Primeiru-Ministru la'o ba podér lokal haree eskola no postu saúde presiza urjente tebes, ne'e mak ami aprova iha reuniaun ne'e," nia hateten ba jornalista sira iha salaun Konvensaun Palaban Oekusi, ohin.
Governante ne'e, informa mós katak, iha reuniaun daruak ne'e, aprova mós rezultadu projetu sira-ne'ebé halo ona konkursu pübliku, ne'e dehan katak, aprova tiha ona, nune'e entidade judikál sira bele asina kontratu no hala'o obra sira ba oin, "Mak ida ne'e de'it, ohin laiha desizaun ba projetu foun ruma," nia afirma.

Nia esplika, projetu ne'ebé aprovadu iha reuniaun ne'e, mak hanesan Institutu Politéknika Betanu (IPB) atu hahú ona konstrusaun tenke asina ona kontratu ho Governu, estrada husi Oéleu ba Lolotoe iha munisípiu Bobonaru tempu-badak sei asina ona kontratu inklui sira seluk, balun ba postu saúde no projetu balu presiza re-dezeñu no mós irigasaun Karau-Ulun.

"Ne'ebé, ohin aprova projetu ba saúde nian 24 ne'e mós autorizasaun despeza, re-dezeñu tolu, ne'ebé ohin ami konsege aprova projetu 30-resin balu iha Oekusi hanesan Monumentu Lifau, Jardím Oébau ho tan morru protesaun ba ponte Noefefan, ne'ebé Lifau posibilidade tenke reabilita," nia hateten.

Ministru Transporte no Komunikasaun (MTK), Miguel Manetelo, nu'udar membru KAFI konsidera aprovasaun ba projetu 30-resin.
Entretantu, membru KAFI ne'ebé partisipa iha reuniaun ne'e, mai husi Ministru Ensinu Superiór Siénsia no Kultura (MESSK), Ministra Saúde, Ministériu Obra Públika, Ajénsia Dezenvolvimentu
Nasionál (ADN,I.P),
Autoridade Nasionál Komunikasaun (ANC) no seluktan.

Manatuto Loron 30 Fullan Marsu Tinan 2026.

S.E.Ministru Planiamento no Investimentu Estratéjiku.Eng. Gastão Francisco de Sousa, Partsipa Seremonia Lansamentu Fatuk Dahuluk Parke Industria iha Manatutu.

Ministru MPIE Gastão Sousa, Apresia ho inisiativa husi empreza nasionál ETO (Esperansa Timor-Oan), lidera husi Nilton Telmo Gusmão, tamba inisia investimentu parke industriál iha Manatutu ne'ebé, ohin, loron 30 fulan Marsu 2026, halo lansamentu.

Ministru MPIE konsidera katak investimentu refere nu'udár investimentu estratéjiku ida atu hahu loke dalan ba empreza ka investór sira seluk atu iha konfiansa ba Timor-Leste katak investimentu iha Timor-Leste seguru ba se de'it atu investe.

Nune'e mos, guvernu atuál lidera husi Primeiru-Ministru, Kay Rala Xanana Gusmão, kontinua iha komprimisu atu aselera prosesu investimentu sira hotu, nune'e bele hasa'e kreximentu ekonomia rai-laran.

(REMATA)

Vikeke Loron 28 Fullan Marsu Tinan 2026.

Ministru Planiamentu no Investimentu Estratéjiku, S.E. Sr. Eng. Gastão Franscisco de Sousa, Partisipa iha konsultasaun Podér Lokál Munisípiu Viqueque, iha Sábadu ne'e ho tema " Hare Besik Rezultadu Avaliasaun Kondisaun Mínima".

Durante aprezentasaun, autoriedade lokál sira husu atu guvernu sentrál intensiva investimentu iha area estratéjika sira hanesan hadia estrada, agrikultura, be moós, saúde no rekursu umanu hodi prepara diak liu tan kondisaun munisipál ba 2027 hodi simu podér lokál iha munisípiu Viqueque.

Nune'e mós, Primeiru-Ministru Kay Rala Xanana Gusmão kontinua husu atu Viqueque-oan sira fortifika unidade, respeita malu, fó hanoin malu ba dezenvolvimentu Viqueque nune'e bele liu avaliasaun ba kondisaun mínima atu simu podér lokál iha 2027.

(Remata)

K'solok Loron Moris Nian S.E. Ministru MPIE Eng. Gastão Francisco de Sousa.

Baucau, Loron 17 Fullan Marsu Tinan 2026.

S.E. Ministru Planeamentu no Investimentu Estratejìkù Eng. Gastão Francisco de Sousa, Akompaña S.E. Primeiru Ministru hala'o Vizita Offisial iha Autoridade Munisipiu Baucau.

"Hare Besik Servisu Munisipal Husi Rezultadu Avaliasaun Kondisaun Minima"

Ministru Planiamentu no Investimentu Estratéjiku, S.E. Sr. Eng. Gastão Franscisco de Sousa, afirma katak Munisípiu Baucau, iha ona planu ordenamentu territoriál ne'ebé guvernu liu husi konsellu Ministru aprova no dekreta ho lei númeru 4/2025, 02 Abríl 2025.

Ministru MPIE reforsa tan katak Guvernu lansa ona "Uso de Solu" iha Baucau hodi reforsa polítika planu urbanizasaun munisipál Baucau nian nune'e Ministru husu atu ema hotu bele kontribui no partisipa másimu liu-liu bainhira simu desentralizasaun podér lokál.

S.E. Ministru MPIE, Gastão Francisco de Sousa, hato'o deklarasaun ne'e wainhira hatan ba prekupasaun komunidade nian iha âmbitu konsultasaun desentralizasaun podér lokál ne'ebé dirije husi Primeiru-Ministru Kay Rala Xanana Gusmão, iha Salaun Enkontru (Eis-Merkadu antigu), Munisípiu Baucau.

Objetivu husi lansamentu "Uso de Solu" atu sai instrumentu bainhira tama ba implementasaun podér lokál hanesan planu ordenamentu teritoriál munisípiu hodi difini area estratéjiku sira inklui implementa planu ordenamentu tuir Baucau-oan sira nia hakarak, dehan Ministru Gastão.

Tamba ne'e, atu implementa ho diak, S.E. Ministru MPIE alerta ba Baucau-oan sira atu labele halo diferensa iha kultura no diáletu. Hotu-hotu hamutuk hahu husi polítiku Baucau-oan, autoridade no ema hotu atu kontinua fó nia hanoin no partisipasaun durante prosesu la'o hodi kontinua hametin "Sentido de Pertense" ba Dezenvolvimentu Baucau nian atu hases interese partikulár iha servisu munisípal.

Lospalos, Loron 16 Fullan Marsu Tinan 2026.

S.E. Ministru Planeamentu no Investimentu Estratejìkù Eng. Gastão Francisco de Sousa, Akompaña S.E. Primeiru Ministru hala'o Vizita Offisial iha Autoridade Munisipiu Lospalos .

"Hare Besik Servisu Munisipal Husi Rezultadu Avaliasaun Kondisaun Minima"

Bobonaro, 12 Marsu 2026.

Ministru Planiamentu no Investimentu Estratéjiku (MPIE), S.E. Eng. Gastão Francisco de Sousa akompaña Primeiru-Ministru, Kay Rala Xanana Gusmão hala'o vizita traballu ba Munisípiu Bobonaro, kona-bá sosializasaun podér Lokál.

Durante diálogu, autoriedade lokál munisípiu Bobonaro, hato'o preokupasaun kona-bá infrastrutura bázika sira liu-liu estrada ligasaun entre kapitál munisípiu ba Postu-Administrativu Kailaku, estrada ligasaun husi kruzamentu Oeleu ba Postu-Administrativu Lolotoe, no husi Postu-administrativu Atsabe (Ermera) mai Hauba (Bobonaro)
Nune'e Ministru MPIE ne'ebé tutela servisu kona-bá Investimentu Estratéjiku, hatan katak " Estrada husi Maliana ba Kailaku, iha ona faze elaborasaun tenderizasaun inklui Estrada OeLeo ba Lolotoe, tempu badak sei finaliza nia prossesu tenderizasaun no taka sai kompañia vensedór ba konstrusaun obra nian", Dehan S.E. Ministru Gastão Sousa.

S.E. Ministru Gastão Sousa haklean liutan, estrada husi kruzamentu Oeleu ba Postu Lolotoe no husi Letefoho no Atsabe (Ermera) mai Lourba (Bobonaro) iha ona faze finál no tempu badak sei anunsia kompañia manan nain hodi hahu halo ona konstrusaun.
Kona-bá estrada husi Maliana-Vila ba Postu Administrativu Bobonaro inklui Lourba ba Lepo, Ministru MPIE konfirma katak sei iha faze levantamentu tékniku no bainhira levantamentu ne'e remata, sei haruka ba Konsellu Administrasaun Fundu Infrastrutura (KAFI) hodi análiza no aprova.

Além ida ne'e, S.E. Ministru MPIE klarifika kona-bá sistema bee mós iha Maliana-vila ne'ebé oras ne'e servisu obras públika liu-liu hamutuk ho ADN, IP hala'o hela levantamentu dadus, nune'e membru guvernu ne'e, husu atu ema hotu pasénsia hodi hein projetu sira ne'ebé planeadu ona, tamba la'ós de'it munisípiu Bobonaro maibé guvernu nia atensaun ba territóriu nasionál hodi halo ekilíbriu ba dezenvolvimentu infrastrutura báziku.

Atu Remata, Ministru MPIE, S.E. Eng. Gastão Sousa reafirma katak Guvernu atuál komprometidu ba dezenvolvimentu infrastrutura durante mandatu tamba ne'e, Nia realsa katak "Esperansa Sei La Bosok", tuir mensájem xave ne'ebé Xefe Guvernu atuál, Kay Raka Xanana Gusmão nian ba populasaun sira hodi hein ho pasénsia ba dezenvolvimentu nasionál.

Covalima, Loron 11 Fullan Marsu Tinan 2026.

S.E. Ministru Planeamentu no Investimentu Estratejìkù Eng. Gastão Francisco de Sousa, Akompaña S.E. Primeiru Ministru hala'o Vizita Offisial iha Autoridade Munisipiu Covalima.

"Hare Besik Servisu Munisipal Husi Rezultadu Avaliasaun Kondisaun Minima"

Ainaru, Loron 10 Fullan Marsu Tinan 2026.

S.E. Ministru Planeamentu no Investimentu Estratejìkù Eng. Gastão Francisco de Sousa, Akompaña S.E. Primeiru Ministru hala'o Vizita Offisial iha Autoridade Munisipiu Ainaru.

"Hare Besik Servisu Munisipal Husi Rezultadu Avaliasaun Kondisaun Minima"