Gabinete do Ministro dos Assuntos dos Combatentes da Libertação Nacional

MINISTRU "OAN SORU" SIMU AUDIÉNSIA HOSI VETERANUS REJIAUN IV

MAKLN Partisipa Karavana no Limpeza-Jerál Hamutuk ho Instituisaun Estadu Sira hodi Selebra “Loron Nasionál Tasi nian Ne’ebé Monu Iha 05 Juñu”

Dili, 05 Juñu 2026

Sua-Exelénsia Sekretáriu Estadu Veteranus (SEV), 𝐂𝐞𝐬𝐚𝐫 𝐝𝐨𝐬 𝐒𝐚𝐧𝐭𝐨𝐬 𝐝𝐚 𝐒𝐢𝐥𝐯𝐚 “𝐌𝐞𝐫𝐚𝐤” inklui membru governu sira, akompaña Sua-Exelénsia Primeiru-Ministru (PM), 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨, durante atividade Karavana, ne’ebé hahú hosi tasi-ibun Praia dos Coqueiros to’o iha Largo Lecidere, Dili, Sesta (05/06/2026).

Uainhira la’o ain to’o iha Praça da Proclamação de Independência nia oin, Exelénsia Sekretáriu “Merak”, ho Diretór Jerál bá asuntu Administrasaun no Finansas (DGAF-sigla português), 𝐎𝐬𝐨́𝐫𝐢𝐨 𝐁𝐢𝐚𝐧𝐜𝐨 𝐗𝐢𝐦𝐞𝐧𝐞𝐬 𝐝𝐞 𝐀𝐫𝐚𝐮́𝐣𝐨, Diretór Nasionál Aprovizionamentu nian, 𝐀𝐦𝐚̂𝐧𝐜𝐢𝐨 𝐌𝐚𝐫𝐪𝐮𝐞𝐬, nune’e mós ho kargu-xefia sira seluk, kontinua organiza funsionáriu sira hala’o limpe-jerál hosi tasi-ibun Palásiu Governu nian to’o iha Lecidere.

Realizasaun bá eventu nasionál rua ne’e, hodi selebra “Loron Nasionál Tasi nian” ne’ebé governu desididu no kalendarizadu bá “loron 05 fulan-Juñu”.

Eventu Karavana ne’e organiza hosi Gabinete Fronteiras Terrestres, iha ne’ebé konta ho partisipasaun hosi Sua-Exelénsia Prezidente Repúblika (PR), José Ramos-Horta, Korpu-Diplomátiku sira, funsionáriu sira hosi liña ministériu oiin, Ajénsias nasionais no internasionais, inklui populasaun balu iha Dili.

(𝐌𝐄́𝐃𝐈𝐀 𝐆-𝐌𝐀𝐊𝐋𝐍)

Dadus Kombatente Frente Diplomátika Na’in-118 Hetan Validasaun

Dadus Kombatente Frente Diplomátika Na’in-118 Hetan Validasaun Hatutan.com, (03 Juñu 2026) Díli-Ekipa validasaun dadus kombatente Frente Diplomátika/Externa na’in-118 husi na’in-120 ne’ebé rejista.

𝐓𝐈𝐍𝐀𝐍 𝐍𝐄’𝐄 𝐆𝐎𝐕𝐄𝐑𝐍𝐔 𝐒𝐄𝐈 𝐑𝐄𝐊𝐑𝐔𝐓𝐀 𝐊𝐀𝐃𝐄𝐓𝐄 𝐅𝐎𝐔𝐍 𝐏𝐍𝐓𝐋 𝐇𝐀𝐌𝐔𝐓𝐔𝐊 𝐍𝐀’𝐈𝐍-𝟕𝟓𝟎

Dili, 03 Maiu 2026

Sua-Exelénsia Ministru Asuntu Kombatentes Libertasaun Nasionál (MAKLN), 𝐆𝐢𝐥 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨 “𝐎𝐚𝐧 𝐒𝐨𝐫𝐮”, partisipa reuniaun konsellu ministrus ordináriu ne’ebé mak lidera hosi Sua-Exelénsia Primeiru-Ministru (PM), 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨, iha Palásiu Governu, Dili, Kuarta (03/06/2026).

Hosi desizaun sira ne’ebé ohin Governu deside no aprova durante reuniaun nível membru governu ne’e, inklui desizaun importante ida mak kona-bá rekrutamentu bá kadetes foun Polísia Nasionál Timor-Leste (PNTL) nian hamutuk na’in-750, iha ne’ebé IX Governu Konstitusionál liuhosi Ministériu Interior (MI), planeadu atu halo abertura bá rekrutamentu nian iha duni tinan ida-ne’e.

Konsellu Ministrus aprova projetu ona Rezolusaun Governu, ne’ebé aprezenta hosi Ministru Interiór, Francisco da Costa Guterres, kona-bá 𝐝𝐞𝐟𝐢𝐧𝐢𝐬𝐚𝐮𝐧 𝐧𝐞𝐬𝐞𝐬𝐢𝐝𝐚𝐝𝐞 𝐚𝐧𝐮𝐚́𝐥 𝐡𝐨𝐬𝐢 𝐩𝐞𝐬𝐨𝐚́𝐥 𝐧𝐞’𝐞𝐛𝐞́ 𝐬𝐞𝐢 𝐫𝐞𝐤𝐫𝐮𝐭𝐚 𝐛𝐚 𝐏𝐨𝐥𝐢́𝐬𝐢𝐚 𝐍𝐚𝐬𝐢𝐨𝐧𝐚́𝐥 𝐓𝐢𝐦𝐨𝐫-𝐋𝐞𝐬𝐭𝐞 (𝐏𝐍𝐓𝐋) 𝐢𝐡𝐚 𝐭𝐢𝐧𝐚𝐧 𝟐𝟎𝟐𝟔.

Rezolusaun Governu nian estabelese ba 350 númeru vaga adisionál ne’ebé sei rekruta hosi PNTL iha tinan 2026, ne’ebé aumenta ba vaga 400 ne'ebé antes ne’e aprova ona ba admisaun iha Kursu Formasaun Ajente, hodi aumenta totál vaga 750. Husi vaga sira ne’ebé prevee ona, 400 destina bá polisiamentu jerál ne’ebé asegura hosi Komandu Munisipál sira no 350 bá reforsu Unidade Espesializada no Rezerva PNTL nian, maka hanesan Unidade Polísia Marítima, Unidade Patrullamentu Fronteira no Unidade Espesiál Polísia.

Medida ida-ne’e ho objetivu atu hametin kapasidade operasionál PNTL nian atu hatán bá nesesidade seguransa nasionál, hodi konsidera dezafiu sira ne’ebé relasiona ho prosesu eleitorál sira ne’ebé sei mai, protesaun fronteira no Timor-Leste nia Prezidénsia bá ASEAN iha tinan 2029.

Atu hatene informasaun mais detallu ligadu bá desizaun sira hotu-hotu ohin Konsellu Ministrus deside, bele klik de’it iha link ne’e https://timor-leste.gov.tl/?p=49529&lang=tp

(𝐌𝐄́𝐃𝐈𝐀 𝐆-𝐌𝐀𝐊𝐋𝐍)

𝐏𝐍 𝐀𝐏𝐑𝐎𝐕𝐀 𝐎𝐑𝐒𝐀𝐌𝐄𝐍𝐓𝐔 𝐑𝐄𝐓𝐈𝐅𝐈𝐊𝐀𝐓𝐈𝐕𝐔 𝟐𝟎𝟐𝟔 𝐈𝐇𝐀 𝐅𝐈𝐍𝐀́𝐋 𝐆𝐋𝐎𝐁𝐀́𝐋

Dili, 02 Juñu 2026

Sua-Exelénsia Ministru Asuntu Kombatentes Libertasaun Nasionál (MAKLN), 𝐆𝐢𝐥 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨 “𝐎𝐚𝐧 𝐒𝐨𝐫𝐮” ho Sua-Exelénsia Sekretáriu Estadu Veteranus (SEV), 𝐂𝐞𝐬𝐚𝐫 𝐝𝐨𝐬 𝐒𝐚𝐧𝐭𝐨𝐬 𝐝𝐚 𝐒𝐢𝐥𝐯𝐚 “𝐌𝐞𝐫𝐚𝐤”, kontinua akompaña Sua-Exelénsia Primeiru-Ministru (PM), 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨, hodi defende Orsamentu Retifikativu (OR), durante debate espesiálidade iha plenária Parlamentu Nasionál (PN), Segunda (02/06/2026).

Debate espesiálidade ne’ebé hala’o durante loron rua, no finaliza ona ohin, reprezentante sira Povu nian iha PN konsege halo aprovasaun bá Orsamentu Retifikativu iha Finál Globál, ho Votus A-favór 42, Kontra 0, Abstensaun 23.

(𝐌𝐄́𝐃𝐈𝐀 𝐆-𝐌𝐀𝐊𝐋𝐍)

𝐄𝐤𝐢𝐩𝐚 𝐕𝐚𝐥𝐢𝐝𝐚𝐬𝐚𝐮𝐧 𝐃𝐚𝐝𝐮𝐬 𝐅𝐫𝐞𝐧𝐭𝐞-𝐄𝐱𝐭𝐞𝐫𝐧𝐚 𝐕𝐚𝐥𝐢𝐝𝐚 𝐎𝐧𝐚 𝐃𝐢𝐩𝐥𝐨𝐦𝐚𝐭𝐚 𝐓𝐢𝐦𝐨𝐫𝐨𝐚𝐧 𝐍𝐚’𝐢𝐧-𝟏𝟏𝟖, 𝐇𝐢𝐫𝐚𝐤 𝐍𝐞’𝐞𝐛𝐞́ 𝐒𝐞𝐧𝐭𝐞 𝐋𝐚 𝐒𝐚𝐭𝐢𝐬𝐟𝐚́𝐬 𝐁𝐞𝐥𝐞 𝐑𝐞𝐤𝐥𝐚𝐦𝐚 𝐧𝐨 𝐊𝐨𝐧𝐭𝐞𝐬𝐭𝐚

Dili, 02 Juñu 2026

Sua-Exelénsia Ministru Asuntu Kombatentes Libertasaun Nasionál (MAKLN), 𝐆𝐢𝐥 𝐝𝐚 𝐂𝐨𝐬𝐭𝐚 𝐌𝐨𝐧𝐭𝐞𝐢𝐫𝐨 “𝐎𝐚𝐧 𝐒𝐨𝐫𝐮”, hamutuk Segundu Vise Prezidente Conselho dos Combatentes da Libertação Nacional (CCLN), Mario Nicolau dos Reis, Diretór Nasionál bá Pensaun no Subvensoens (DNPS), Manuel dos Santos Araújo, inklui Asesór Polítiku, Jacinto Vicente Viegas “Roke”, halo akompañamentu bá ekipa sira Frente-Externa nian ne’ebé halo validasaun bá dadus Diplomata Timoroan sira ne’ebé rejistadu atu hetan títilu hanesan Kombatentes Libertasaun Nasionál, tanba sira-nia kontribuisaun durante luta libertasaun nasionál iha Diáspora, tuir terrefas no misaun sira ne’ebé orientadu hosi Comandante em Chefe das FALINTIL hanesan, Saudozu Nicolau dos Reis Lobato ho Kay Rala Xanana Gusmão.

Prosesu validasaun bá dadus Frente-Externa ne’ebé hala’o durante loron rua, hosi 01 to’o 02 Juñu 2026, iha Salão Três de Março Maubai ne’e, konsege valida dadus Diplomata hamutuk na’in-118 mak validadu atu hetan títulu nu’udár Kombatentes no rekoñesimentu hosi Estadu.

Tenke Tuir Lei

Exelénsia Ministru “Oan Soru” dehan, maske ekipa sira Frente-Externa nian halo ona validasaun bá ema na’in-118 nian, maibé, lísta editál ida ohin ne’e seidauk válidu, tanba tuir regras lei nian, MAKLN ho CCLN sei taka fali lísta ne’e bá públiku, atu nune’e, hirak ne’ebé sente karik la satisfas ho desizaun ne’e, bele halo reklamasaun no bele halo mós kontestasaun.

“Tuir regra no lei, assina editál la signifika katak, apartir ohin bá oin nia dadus válidu oan, lae. Maibé, sei iha protestu tuir lei. Tanba ne’e, laiha razaun ita atu deside ohin dehan, ida-ne’e mak definitivu. Ne’ebé, ita la’o tuir nafatin de’it lei. Assina editál ohin, komprova katak, dokumentu assinadu no aprovadu, mais, seidauk justifika katak, konsideradu komu válidu. Okey! Ne’ebé, ha’u hanoin, tuir lei nafatin de’it. Obrigadu!” Ministru “Oan Soru” esplika asuntu ne’e perante ekipa validasaun dadus frente-externa nian iha Salão Três de Março Maubai, Comoro-Dili, Tersa (02/06/2026).

Baze bá Lei Númeru 3/2024, loron 12 fulan-Juñu, Teseira Alterasaun bá Lei Númeru 3/2006, loron 12 fulan-Abríl, kona-bá ESTATUTU KOMBATENTES LIBERTASAUN NASIONÁL, Artigu 18 REKURSU NO REKLAMASAUN HASORU REJÍSTU, katak, ema bele reklama ninia dadus rejístu no kontesta mós ema seluk ninia dadus.

Reklamasaun katak, ema ida reklama ninia dadus atu hasa’e hosi eskalaun 3-7 bá 8-14, ka hosi eskalaun 15-19 hakarak hasa’e bá eskalaun 20-24. Enkuantu, kontestasaun katak, ema ida kontesta hasoru nia maluk Kombatente seluk ne’ebé lo-loos labele hetan eskalaun 20-24, maibé, nia merese hetan de’it eskalaun 15-19 ka tun bá 8-14, ka tun liubá eskalaun 3-7.

“Sé de’it mak iha informasaun, atu halo kontestasaun ka reklamasaun ne’e mak tuir lei. Tanba ne’e mak ita-boot sira haree, ohin dehan atu anunsia ne’e, ha’u dehan labele, ninia prosesu sei tuir mai, taka bá públiku, kuandu iha reklamasaun ruma ka kontestasaun ruma, ida-ne’e protestu laiha ona, mak ita foin dehan lista ne’e definitivu. Mais, kuandu ema sei iha direitu atu halo reklamasaun, ema sei halo reklamasaun tuir lei ein-vigór. Sei fó fali tempu bá sira halo reklamasaun no kontestasaun. Ami tuir lei de’it. Ami la sees hosi lei ida. Tanba hotu-hotu hanesan ne’e”, afirma “Oan Soru”.

“Ita koalia kona-bá eskalaun um (1), eskalaun dois (2), três (3). Agora, um (1) ne’e karik katergória bá 20-24, puré-zemplu. Dois (2) ne’e koalia kona-bá 15-19, agora, sira seluk ne’e bá iha 8-14, balu ke la to’o. Balu ke iha ne’ebá ne’e ohin ita-boot sira akompaña kedas, sira assina hotu, mais iha balu ne’ebé la’ós Kombatente. Tanba, atu rekoñese nu’udár Kombatente ne’e ninia partisipasaun ne’e no mínimo tinan-tolu tuir artigu 4, Estatutu Kombatentes Libertasaun Nasionál. Kuandu la to’o ida-ne’e, automátika, lae. Ne’e partisipasaun ein-jerál, la’ós dedikasaun eskluzivu”, Govenante ne’e esplika.

Eis FALINTIL Rejiaun IV ne’e afirma, lísta ne’ebé ohin assinadu ne’e sei hetan vístu hosi Exelénsia Sekretáriu Estadu Veteranus (SEV), 𝐂𝐞𝐬𝐚𝐫 𝐝𝐨𝐬 𝐒𝐚𝐧𝐭𝐨𝐬 𝐝𝐚 𝐒𝐢𝐥𝐯𝐚 “𝐌𝐞𝐫𝐚𝐤” ho Prezidente CCLN, 𝐕𝐢𝐝𝐚𝐥 𝐝𝐞 𝐉𝐞𝐬𝐮𝐬 “𝐑𝐢𝐚𝐤-𝐋𝐞𝐦𝐚𝐧”. Uainhira vistu (assina) ona, maka sei taka-sai fali lísta editál sira-ne’e bá públiku, la’ós de’it iha Dili no Munisipiu sira, maibé mós iha Australia ho Portugal.

Enkuantu, validasaun verifikasaun rejistu hosi frente externa nian, kompostu hosi komponente rua; Frente Diplomátika no Frente Externa rasik. Lísta Editál e’ebé assinadu ne’e konstitui hosi tipu editál hitu mak hanesan;

(1) Kombatente ho tinan 20 to’o 24 anos iha tempu inteiru, (2) Kombatente ho tinan 15 to’o 19 tempu inteiru ka ninia dedikasaun eskluziva, tama kedas bá pensaun reforma eskalaun 1, ida 20 á 24, ida, 15 á 19, (3) Pensaun Subsisténsia tinan 8 to’o 14, ho ninia tempu exkluzividade nian entre tinan 8 to’o 14, (4) Pensaun Sobrevivénsia, (5) Prestasaun Pekuniária Únika mak tinan 3 to’o 7, (6) Kombatente sira ho menus tinan 3 exkluzividade nian, ida ikus-liu maka (7) la konsidera hanesan Kombatente.

Validasaun durante loron-rua ne’e, no validasaun sira iha periudu sira tinan kotuk ninian, rezulta 118 rejistus validadu, maibé, iha Kombatente 1 mak mortu (mate), no na’in-10 eskluídus.

Hosi totál sira na’in-118 ne’e, iha na’in-14 mak ho tipu pensaun 20 á 24, na’in-11 ho tipu pensaun 15 á 19, Kombatente na’in-15 konsideradu hanesan Pensaun 8 á 14, Kombatente na’in-31 konsideradu hanesan Prestasaun Pekuniária Únika, 4 á 7, ho menus tinan-tolu iha dedikasaun eskluziva, no la konsideradu hanesan Kombatente.

Ekipa sira ne’ebé halo validasaun bá Dadus Frente-Externa nian inklui, Dr. Hermenegildo Agio Pereira (Atuál Ministru Prezidénsia no Konsellu Ministrus iha IX Governu Konstitusionál), Dr. Roque Rodriguês, Dr. Marí Alkatiri, Inês de Almeida (Terseira Vise Prezidente CCLN no atuál Embaixadóra TL bá Australia), Estanislau Aleixo da Silva, ho Antigu Diploma sira seluk tán.

(𝐌𝐄́𝐃𝐈𝐀 𝐆-𝐌𝐀𝐊𝐋𝐍)