Partido Assoçiação Popular Monárquia Timorense Lema:
"Sai konsiénsia ba ohin loron no sai forsa ba loron aban nian".
Prinsípiu Fundamentais:
APMT orienta nia asaun ho prinsípiu polítika demokrátiku, no povu entre partidu polítika sira hotu ba organizasaun polítika ida ne’ebé unitáriu no independente.
20/06/2023
APMT Timor-Leste hakarak hato’o sentidu kondolensia ba familia Dra. Isabel da Costa Ferreira, atual espoza Primeiru Ministru Taur Matan Ruak, no eis primeira dama RDTL ne’ebé hakotu ona nia peregrinasaun iha mundu.
Ami nia orasaun akompaña nafatin matebian no familia matebian iha tempu susar ida ne’e.
20/06/2023
APMT Timor-Leste hakarak hato’o sentidu kondolensia profundu ba familia matebian Sr. Luis Lobato ne’ebé husik ona mundu ida ne’e.
Ba familia enlutada, forsa nafatin!
21/05/2023
21/05/2023
APMT Timor-Leste okupa pozisaun 3 iha Atsabe💪💪💪💪
21/05/2023
Okupa pozisaun 4 ih Centro Votação Suco Balibo💪💪💪💪
21/05/2023
APMT Timor-Leste númeru segundu iha Centro Votasaun Sede Suco Tai-Tudac 💪💪💪💪
21/05/2023
APMT Timor-Leste okupa pozisaun 4 iha Sentru Votasaun Sede Suco Aituha💪💪💪💪
21/05/2023
Vitoria ba APMT Timor-Leste iha Centro Votasaun EBF Taurema💪💪
18/05/2023
Keta haluha vota ba númeru 17 APMT iha Domingu agora.
Ami sei lori Timor-Leste sai nasaun ne’ebé ho ekonomia forte, sustentavel, inkluzivu, reziliente no lori ita nia nasaun ba moris prósperu.
Ami sei atinji mehi ida ne’e liuhusi PRIORITIZA (sei demonstra ho hasae alokasaun orsamentu jeral estadu no atrai investimentu privadu) mak hanesan:
1. Setor agrikultura no peska ne’ebé sensivel ba nutrisaun, reziliente ba alterasaun klimátika, no kontribui ba hamenus inseguransa ai-han iha rai laran no hamenus kihak.
2. Setor turismu ne’ebé reziliente ba alterasaun klimátika no fornese rendimentu sustentavel ba Timor-Leste no kontribui ba hamenus kihak.
3. Integra igualdade jèneru, inkluzaun sosial, inkluzaun ba ema ho defisiensia
no integra konsiderasaun ba alterasaun klimátika iha ami nia dezenvolvimentu iha setor hotu-hotu.
Ikus liu, APMT hakarak afirma katak hanesan forsa polítika alternativa ida no ami komprende katak votantes sira hili ami tanba sira hakarak dezafia situasaun polítika agora ne’ebé la serve sira nia interese (status quo) no abandona setor agrikultura, peska, turismu no abandona direitu no nesesidade feto, ema ho defisiensia, labarik sira, idozu sira no grupu marginalizadus sira (e.g. joven nsst) MAIBE serve fali grupu elite ki’ik sira no konsolida no konsentra poder ekonomia no polítika iha grupu sira ne’e nia liman.
APMT hakarak serve votantes sira nia interese. Hodi hatudu ami nia respeitu ba fiar ne’ebé votantes sira fo mai ami hanesan forsa polítika alternativa ida, ami sei la deklara katak ami sei fo apoiu ba grupu A ou grupu B antes eleisaun.
Deklara apoia fali grupu A ou B ne’e hanesan hatudu falta respeitu ba ita nia votantes sira no obriga fali sira atu apoia status quo ne’ebé orijinalmente sira hakarak atu dezafia.
Keta haluha, vota ba númeru 17 APMT.
10/05/2023
Iha moeda rasik sai ona hanesan polítika ne’ebé APMT sosializa ona iha kampaña ba eleisaun 2017, kampaña ba eleisaun antesipada 2018 no sei sai mos hanesan polítika ida ne’ebé APMT mantein ba kampaña eleisaun 2023.
Bainhira APMT sosializa konaba Timor-Leste tenke iha moeda rasik, sidadaun barak la foti kestaun ne’e hanesan kestaun sériu ida no julga katak APMT bulak.
Agora ohin loron foin partidu boot sira konsiente katak Timor presija iha moeda rasik ne’ebé sei sai hanesan rekerimentu ida atu prense bainhira Timor-Leste hakarak sai membru ba ASEAN.
APMT fiar katak soberania Timor nian tenke sura mos ho iha moeda rasik atu nune ita bele iha PODER RASIK hodi determina polítika monetáriu no polítika fiskal e.g. determina exchange rate husi ita nia moeda ba moeda seluk hodi influensia import, export no mos afeta rendimentu, presu no interest rate. Agora dadaun ho moeda USD, ita laiha kontrola barak. Estadus Unidus Amerika mak determina exchange rate no ita tuir los de’it.
https://stlnews.co/politika/futuru-tl-bele-iha-moeda-rasik/
https://youtu.be/Hyb9V8b4aww