Centro Nacional de Dados Geoespaciais

🙌

Timor-Leste presija Desenvolvimento ne'ebe a'as iha area Topografia🌍

Iha fulan Janeiro loron 20, Centro Nacional de Dadus Geospacais, Diresaun Geral Do Ordenamento Territorio tutela iha Ministerio Planeamento Investimentu Estrategiku, Hala'o enkontru no apresentasaun kona ba "PROJECT ON CAPACITY DEVELOPMENT FOR TOPOGRAPHIC MAPPING FOR PROPER LAND MANAGEMENT" ne'ebe apresenta husi JICA Expert Team Mr.Hatori Tomohiko, partisipa husi Sua.Excelencia Ministro MPIE, DGOT, CNDG, DNPU, DNOE, DGAF, UPI, ADN, SGP, JICA TIMOR-LESTE NO JICA HQ TOKYO.

Apresentasaun ida ne'e foka liu ba sira nia servisu no plano ne'ebe sira sei halo durante tinan 3 servisu hamutuk ho Centro Nacional de Dadus Geospaciais.
Objetivu husi servisu hamutuk ida ne'e atu kria/produs mapa topografia ho escala 1:5000 atu nune'e sai mapa baze hodi supporta ba Instituisaun Estado relevante sira hodi utiliza ba plano Desenvolvimento Nacional ne'ebe integrado no sustentavel.

Chefe representante JICA Timor-Leste Sr.Ito Mimpei hateten ami fiar katak CNDG of MPIE hala'o papel krusial ida iha jestaun no utilizasaun Dados Geospacias sira hodi apoio, foti desizaun no planeamento ne'ebe efetivu ba Desenvolvimento Nasional.

Sua.Excelencia Ministro MPIE Sr.Eng. Gastão Fransisco De Sousa, ho esperansa servisu hamutuk entre parte 2 ne'e bele la'o ho diak no sucessu to'o tinan ne'ebe determina ona.🙌

Iha loron, 13 fulan Janeiro 2025, enkontru interna entre Centro Nacional De Dados Geospaciais no JICA Expert Team sobre assunto "Project Overview" ho topiku "PROJECT ON CAPACITY DEVELOPMENT FOR TOPOGRAPHIC MAPPING FOR PROPER LAND MANAGEMENT"🙌

Liu husi enkontru ida ne'e JICA Expert Team apresenta kona ba scedule ne'ebe sei relata servisu hamutuk ba oin, hahu ho pasu importante ida ne'e espera katak parte rua ne'e bele servisu hamutuk ho diak.👐
Iha dia 20 de Janeiro 2025 sei iha apresentasaun husi JICA Expert Team kona ba sira nia aktividade durante tinan (3)tolu ba oin servisu hamutuk ho Centro Nacional De Dados Geospaciais.🤝

Timor-Leste depende ba ita nia abilidade hodi halo inovasaun no aproveita instrumentu modernu.🌏

Dili, 09 fulan Dezembro 2024 Centro Nacional De Dados Geospaciais Da Diresaun Geral Ordenamentu do Territorio tutela iha Ministerio Planeamentu Investimentu Estrategiku, hala'o ona "ONE DAY WORKSHOP" importante ida ne'e ho tema " BENEFITS AND USES OF GNSS CORS FOR MAPPING, SURVEYING ACTIVITIES AND FUTURE DEVELOPMENT OF TIMOR-LESTE"🇹🇱

One Day Workshop ida ne'e sai hanesan signifikativu ida iha ita nia viagem atu uza teknologia Geospacial modernu GNSS CORS ba Dezenvolvimentu sustentavel iha ita nia Nasaun.🛰

Governo Timor-Leste iha ona prosesu hodi implementa politika mapa ida (One Map Policy) standarijasaun mapa, referencia ida ho objetivu atu uniforma no garantia kualidade utilizasaun dados Geospaciais. Tamba Dados Geospaciais hanesan infraestrutura fundamento ida ne'ebe importante hodi suporta ba plano Dezenvolvimento ne'ebe integrado no sustentavel ba Nasaun.✨

Iha loron, 19 fulan Agustus, Funsionario Centro Nascional De Dadus Geospaciais No Funsionario IT ADN IP hahu halao treinamentu kona ba " SUPPLY, INSTALATION, CONFIGURATION, TESTING AND MAINTANANCE OF GNSS CORS MANAGEMENT SOFTWARE, INCLUDING CAPACITY DEVELOPMENT" Treinamentu refere hahu ho instalasaun Software PIVOT Plataform husi kompanhia "PT GPS LANDS INDOSOLUTION" iha server Centro Nascional de Dadus Geospaciais.

No iha loron tuir mai kontinua hala'o treinamentu iha Novo Turismo Resort kona ba Konfigurasaun Software PIVOT, iha trenamentu ida ne'e kompanhia "PT GPS LANDS INDOSOLUTION" Sr.Mahendra Kamath fo imformasaun klean kona ba oinsa utiliza Software Pivot No fo konhesimentu ba Funsionario hotu ne'ebe mak tuir treinamentu refere, fo mos oportunidade atu tuir pratika no halo mos teste ba Funsionario Sira hotu🙌🏻

Objetivu husi treinamentu Ida ne'e atu hasae konhesimentu Funsionario sira husi CNDG No IT ADN IP kona ba utilizasaun Software Pivot.

Treinamentu ne'e rasik hala'o durante loron sanulu (10) hahu husi loron 19 fulan Agustus no remata iha 29 fulan Agustus No sei kontinua ho workshop iha inisiu fulan Outubro📍

Timor oan presisa aprende barak✨ liu-liu Joven Timor oan sira atu nune'e bele kontribui ba Rai doben Timor-Leste🇹🇱

Sexta-feira, 09 fulan Agustos Funsionario Permanente No Funsionario kontratado Sira tuir formasaun Etapa segundo husi Assesor Sr.Ernesto Do Santos kona ba oinsa layout Mapamentu uza aplikasaun ArcGisPro🙌🏻

Objetivu husi formasaun Ida ne'e atu aumenta kapasidade No abilidade funsionario sira hotu iha area mapamentu👏🏻

Terça-Feira, 06 fulan Agustos 2024, Kick off Meeting entre Centro Nascional De Dadus Geospaciais ne'ebé mak tutela ba iha Diresaun Geral Ordenamentu Território iha Ministério Planeamento Investimentu Estrátegiku (MPIE) ho kompanhia PT GPS LANDS INDOSOLUTIONS hodi koalia kona ba plano implementasaun ba projetu "Supply, Instalation, Configuration, Testing and Maintenance of GNSS CORS Management Software, Including Capacity Development"

Parte 2(rua) ne'e kompremitido atu implementa projetu refere durante fulan 3(tolu) nia laran hahú ohn loron 07 fulan Agustos to loron 07 fulan Novembro 2024🙌🏻

Dili, 08 Fulan Julho Ekipa Tekniku Centro Nascional De Dadus Geospaciais desloka ba Municipio Aileu No Ainaro durante loron 10(sanulu) atu halao servisu kona ba levantamentu dadus fasilidade públiku.
Levantamentu Dadus Fasilidade Públiku ne'ebé ekipa tekniku foti mak hanesan Edifisio Governo, Edukasaun, Saúde, Estasaun Mina, Desporto, Túrismo, Situs Históriku, Telekomunikasaun, fatin Reza No lixo🙌🏻

Levantamentu Dadus Fasilidade Públiku sai hanesan faktor importante iha futuro✨
Liu husi resultado levantamentu dadus fasilidade públiku, Centro Nascional de Dadus Geospaciais ho objetivu elabora No deseñu hodi produs MAPAMENTU TEMATIKU.