Civil Society Education Partnership-CSEP

Tuir Observasaun Civil Society Education Partnership CSEP hanesan Rede Plataforma edukasaun ida ne’ebé hare ba asuntu edukasaun iha Timor Leste tanba Timor Leste nasaun demokrasia ne’ebé tenke fó mos espasu ba sidadaun hotu-hotu atu hato’o sira nia lian no hanoin ho liberdade. Estudante maka parte importante hosi nasaun nia futuru, iha direitu atu organiza no halo demonstrasaun pasífiku hodi hatete sai sira nia preokupasaun hasoru desizaun públiku sira ne’ebé konsidera iha tendensia ba pratika injustisa iha rai ida ne’e.

Ho nune’e mak estudante sira observa ka hare ba preokupasaun ne’ebé la justu ka asaun injustisa kona-ba asuntu públiku hanesan asuntu ne’ebé liga ba prosesu rekrutamentu ba kadetes foun maka estudante sira halo demostrasaun hasoru ka kontra desisaun estadu ka liu husi Ministero Interior iha asaun demonstrasaun ne’e ejiji atu anula immediata prosesu rekrutamentu kadetes PNTL foun tinan 2025 ne’ebé nakonu ho manipulasaun no pratika familiarismu hodi fo deit previlegiu ba grupu ki’ik balun iha RDTL ne’e ninia familia no oan sira mak hetan oportunidade atu liu iha vaga refere. Tanbá ne’e estudante Universitariu sira hamutuk ho kandidatu sira ne’ebé la admitidu iha prosesu ne’e hato’o sira nia lamentasaun sira liu husi organiza asaun demonstrasaun Pasifika ida hodi kontra Ministeriu Interior, iha ne’ebé, iha asaun demonstrasaun ne’e hetan atuasaun husi polisia ne’ebé uza forsa la nesesáriu ka la proporisionál hasoru estudante sira iha demonstrasaun mak konsege estudante sira hetan baku no kaptura iha 19/03/2026 iha resintu kampus KAMPUS LAMA UNTL husi kapturasaun refere no hetan akujasaun ka kondena termo indentidade Rezidensia TIR husi Tribunal tanbá ne’e Civil Society Education partneship CSEP kondena ba aktus atuasaun ne’ebé la ho proporsional husi Polisia ho pontus sira hanesan tuir mai ne’e:

1. CSEP Kondena ba polisia no husu ba tribunal atu fo’o Liberdade total ba estudante nain tolu refere

2. Preokupasaun boot liu tan mak katak balun estudante refere hetan kastigu ikus hanesan suspensaun, expulsaun, ka limitasaun ba asesu edukasaun—tanba sira nia envolvimentu iha demonstrasaun. Ida ne’e mak injustu no kontra prinsipiu direitus umanus. Edukasaun mak direitu fundamentál, la bele uza hanesan instrumentu kastigu polítiku. Bainhira estudante sira sai vitima ba sistema edukasaun ne’ebé tenke proteje sira, entaun ita bele haree klaru katak iha problema struktural ne’ebé presiza hetan solusaun.

3. Atuasaun represivu bele kria atmosfera tauk iha kampus, ne’ebé halo estudante sira lakon konfiansa atu ko’alia no partisipa. Tauk la bele sai baze ba edukasaun; edukasaun tenke promove liberdade, kreatividade, no responsabilidade sivika. Se ita husu juventude atu sai lider iha futuru, ita mos tenke respeita sira nia direitu iha tempu agora.

COORDENADOR NASIONAL CSEP PARTISIPA REUNIAUN IHA MINISTERIU EDUKASAUN

Civil Society Education Partnership (CSEP) reprezenta husi Coordenador Nasional Sr. Jose de Jesus nu’udar mós membru Steering Committee Partisipa iha reuniaun konsultasaun kona-ba Climate Smart Education System Initiative (CSECI) ne’ebé finansia husi Global Partnership for Education (GPE) implementa husi UNESCO hamutuk ho Ministreiu Edukasaun iha Timor-Leste. Sorumutu ne’e hala’o iha loron Kuarta, 11 Marsu 2026, iha edifisiu Ministeriu Edukasaun, Vilaverde, Dili.

AVIZU TENDERIZASAUN - DEADLINE EXTENDE ONA TOO LORON 4-MARSU-2026

Civil Society Education Partnership (CSEP) loke tenderizasaun ba servisu sira hanesan iha lista anexa. Ba Kompania lokal sira ne’ebé iha lisensa atividade negosiu relevante bele priense informasaun presu kada item ida-idak iha tabela ne’e no anexu ho dokumentu kompania nia sira no aplika mai iha CSEP liu husi Email: [email protected]

CALL FOR THE LOCAL EXTERNAL AUDIT COMPANIES TO CONDUCT THE CSEP's ANNUAL/2025 FINANCIAL REPORT OF THE EDUCATION OUT LOUD - EOL PROJECT

CSEP HALO LANSAMENTU RELATORIU NO ENKONTRU ANNUAL BA TINAN 2025

Civil Society Education Partnership (CSEP) realiza atividade Lansamentu Relatoriu Peskiza, Evaluasaun Programa CSEP 2025 nomós Enkontru Anual Membru CSEP 2025 ne’e apoiu husi Global Partnership for Education (GPE) ne’ebé hala’o iha salaun Esperansa Delta, iha loron 12 Dezembru 2025.

Objetivu husi eventu ne’e mak atu fó sai rezultadu peskiza ne’ebé CSEP implementa iha tinan 2025 ne’ebé kobre munisipiu haat hanesan Lauten, Covalima, Aileu no Dili edukasaun nian nune’e públiku bele hatene kondisaun. Alende ne’e atu evalua mós kona-ba efikasia no efisiensia programa implementasaun atividade CSEP 2025 nian nomós halo enkontru membru CSEP.

Eventu ne’e mós iha aprezentasaun husi Ofisial Peskizador Sr. Feliciano Soares, kona-ba Monitoriamente ba Implementasaun Pólitika Edukasaun Inkluzivu Iha Timor-Leste, Enkuantu Koordenador Nasional Sr. Jose de Jesus ne’ebé halo aprezentasaun ba relatoriu anual 2025 nian.
Atividade ne’e partisipa masimu husi membru reprezentante FONGTIL, media membru CSEP no Staff sira.

MEMBRU CSEP, AHDMTL KOMEMORA LORON INTERNASIONAL EMA HO DIFISIENSIA IHA ATAURO

Membru Civil Society Education Partnership (CSEP) Assosiasaun Halibur Defisiensia Matan Timor Leste (AHDMTL) komemora loron Internasional ba Ema Ho Defisiensia sira ho tema Mundial “Haburas Sociedade Ne’ebé Inkluzivu ba Ema ho defisiensia hodi Avansa Progresu Sosiál no Atinjimentu Planu Estratejia Edukasaun Nasional (PEEN)-2011-2030 No objetivu Dezenvolvimentu Sustentavel Dahaat (ODS4). ne’ebé hala’o iha Salaun, Sede Suku Maquili, Atauro (09 de Dezembru de 2025)

Objetivu prinsipal husi atividade ne’e mak atu partilla informasaun sira kona-ba progresu no dezafisu PEEN no ODS-4 no reflete dezempeñu, kareira no motivasaun, liga ba Edukasaun Inkluzivu sira hodi fo hanoin mos komunidade internasional sira kona-ba importansia kontribuisaun ba Ema Ho defisiensia nian ba sosiedade no nasaun.

Iha eventu komemorasaun ne’e hola parte mos husi Orador sira mak ; Offisial Advokasia & Peskiza . Sr. Feliciano Soares, Offisial Advokasia no Programa promove inklusaun iha Familia no Komunidade. Sr. Carceres Nunes no Sr. Júlio Aço Gomes.
Enkuantu eventu ne’e hetan partisipa másimu husi, Chefe do Suku Maquili, Professores, Inan Aman, Joventude no Ema Ho defisiensia sira.

Civil Society Education Partnership liu husi nia Ofisial Finansas Sra. Zulmira L. A. Rocha partisipa workshop iha Bangkok durante loron tolu ne’ebé organiza husi RMU-AP. Treinamentu ne’e ho objetivu atu kapasita liu tan kuñesementu no abilidade parte finansan nian nune’e bele kontribu ba dezenvolvimentu organizasaun nian. Atividade ne’e hala’o iha Thailand, Bangkok, lorom 25-27 Novembru 2025.

KOORDENADOR NASIONAL CSEP PARTISIPA IHA SIMEIRA MUNDIAL BA DEZENVOLVIMENTU SOSIAL IHA DOHA, QATAR.

Koordenador Nasional Civil Society Education Partnership - CSEP Sr. Jose de Jesus partispa no sai orador iha Simeira mundial ba Dezenvolvimentu Sosial iha Doha, Qatar hahu husi loron 4-6 Novembru 2025.

Iha simeira mundial ne'e koordenador nasional koalia kona-bà assuntu Privatizasaun Edukasaun iha nivel rejional Asia no Pasifiku inklui mundiál atu edukasaun ne'e justu no inklusivu ba ema hotu atu la husik ema ida iha kotuk liu-liu sira ne'ebè marzinalizadu.

Iha tempu hanesan, partisipa reuniaun bilateral ho duadór CSEP nian "Global Partnership for Education -GPE" liu-liu koalia kona-bá projetu Education Out Loud -EOL ne'ebè apoio mai Timor-Leste.

Eventu refere partisipa mos husi reprezentante governu Timor-Leste.

🔔 Join this livestream: Basic education as a pathway to skills and jobs.

This side event will bring together governments, multilaterals, civil society, private sector, foundations, and youth leaders to discuss transforming education systems for the jobs of today and tomorrow.

Key focus areas:

✅ Highlighting basic education as a driver of inclusive and sustainable economic growth
✅ Showcasing best practices and examples from partner countries
✅ Emphasizing the importance of effective partnerships for education system transformation
✅ Mobilizing new partners and stakeholders to support cross-sector collaboration

➡️ Watch the livestream: http://g.pe/vy2150Xl7cl