Migration Service, Timor-Leste

📢 Delegasaun Servisu Migrasaun Timor-Leste Partisipa iha Kursu Border Security Cooperation in Asia-Pacific iha Jeju, Korea do Sul
Jeju, Korea do Sul, 12 Juñu 2026 – Delegasaun husi Timor-Leste partisipa ona iha kursu kona-ba Border Security Cooperation in Asia-Pacific, ne'ebé realiza iha Jeju, Korea do Sul, hahu husi loron 9 to’o 12 Juñu 2026.
Atividade ida-ne’e halibur representante husi nasaun 10 iha rejiaun Asia-Pacific, mak hanesan: Mongolia, Bhutan, Thailand, Timor-Leste, Philippines, Malaysia, Indonesia, Pakistan no Sri Lanka.
Durante programa ne’e, partisipante sira simu formasaun no treinamentu espesializadu husi peritu sira husi Canada, Australia, Thailand no Indonesia, ne'ebé foka ba kooperasaun seguransa fronteira, kontrolu migrasaun, partilla informasaun estratéjika no mekanizmu atu hasoru ameasa transnasionál sira.
Partisipasaun Timor-Leste iha eventu internasionál ida-ne’e hatudu komitmentu Governu Timor-Leste atu haforsa kapasidade rekursu umanu no hadi’a kooperasaun rejionál iha área seguransa fronteira, migrasaun no jestaun movimentu ema entre nasaun sira.
Espera katak koñesimentu no esperiénsia ne’ebé hetan husi kursu ida-ne’e bele kontribui ba fortalecimentu sistema seguransa fronteira no servisu migrasaun iha Timor-Leste.

Iha loron 11 fulan Abril 2026, Delegasaun Servisu Migrasaun ne’ebe kompostu husi ema nain ne’e (6) desloka ba Canberra Australia hodi Participa iha (Programa Aprendizajen entre parte rua) Peer Learning Program. Programa ida ne’e parete ida husi rezultadu susesu hosi Grupu Traballu Kooperasaun Imigrasaun nian/Immigration Cooperation Woeking Group (ICWG), partikularmente iha enkontru Grupu Traballu ba dala 3 iha Austrália iha Agostu 2025.
Programa ne’e nia objetivu mak atu ajuda Austrália no Servisu MIgrasaun Timor-Leste aprende hamutuk hodi hametin sistema fronteira no migrasaun, no hadi’a seguransa liu hosi harii abilidade, fahe esperensia, no serbisu hamutuk hodi kombate krime transfronteirisiu.

Objetivu prinsipál sira iha encontro ne’e maka hanesan:

1. Hametin kapasidade jestaun fronteira nian
• Hadi’a abilidade iha kontrolu fronteira, prosesamentu pasajeiru, no verifikasaun dokumentu.
• Suporta monitorizasaun ne’ebé efetivu liu kona-ba entrada, saída, no estadia ema estranjeiru sira nian.
• Ajuda Timor-Leste atu jere di’ak liután fluxu migrasaun no seguransa fronteira nian.

2. Hasa’e kuinecimentu hodi halo prevensaun ba krime transnasionál hanesan;
Harii kapasidade atu detekta: kontrabandu ema nian, Tráfiku umanu, identifika
dokumentu viajen ne'ebé fraudulentu

3. Promove aprendizajen entre parceiro sira no troka profisionál hodi
Fasilita fahe koñesimentu entre ofisiál Forsa Fronteira Austrália no ofisiál Servisu Migrasaun Timor-este nian, Foka ba aprendizajen prátikasira, Enkoraja adosaun ba prátika internasionál sira ne'ebé di'ak liu iha jestaun migrasaun nian.

4. Dezenvolve rekursu umanu no abilidade téknika hodi frnese formasaun iha:
Prosedimentu sira imigrasaun nian hanesan utiliza teknolojia Sistema fronteira no Hametin profisionalizmu no kapasidade ofisiál migrasaun sira-nian.

5. Hadi’a efisiénsia seguransa ba sistema migrasaun nian iha fronteira
Apoiu dezenvolvimentu Sistema jestaun fronteira modernu, oinsa sistema fahe
dadus no informasaun odi bele kontribui ba seguransa nasionál no rejionál

Delegasaun Servisu Migrasaunn ne’ebe participa iha encontro ne’e lidera husi
Sup. Asst Policia Adelaide Da Rosa, DGAO -SM, DNAF-SM, Xefe GRI-SM, Xefe Dep. IT-SM no Xefe Sec. Investigasaun Kriminal-SM