Ministériu Solidariedade Sosiál no Inkluzaun MSSI IX Governu Konstitusionál

Ministra MSSI Partisipa Reuniaun Konsellu Ministrus

Sua Eselénsia Ministra Solidariedade Sosiál no Inkluzaun, Verónica das Dores, partisipa iha reuniaun Konsellu Ministrus, ne'ebé mak lidera husi Sua Eselénsia Primeiru Ministru Kay Rala Xanana Gusmão, iha Palasiu Governu, Kuarta-feira (03/02/2026).

Infomasaun detallu asesu iha link:
[TT, PT, EN]

Komunikadu Imprensa | SORUMUTU KONSELLU MINISTRUS LORON 3 FULAN-JUÑU TINAN 2026

Aprova ona:

✅ 1 - Estensaun to’o loron 31 fulan-dezembru 2026 ba suspensaun ensinu, aprendizajen no prátika arte marsiál.

✅ 2. Proposta ba Parlamentu Nasionál kona-ba ratifikasaun Protokolu Cebu ne’ebé altera Karta ASEAN.

✅ 3. Fó podér tomak ba estabelesimentu relasaun diplomátika entre Timor-Leste no Estadus Federadus Mikronézia nian.

✅ 4. Definisaun nesesidade anuál hosi pesoál ne’ebé sei rekruta ba PNTL iha 2026.

✅ 5. Aseitasaun realizasaun iha Timor-Leste Reuniaun Komité Koordenasaun ASEAN ba Servisus (CCS) nian ba dala 115

Apoia ona

🤝1. Metodolojia foun ba preparasaun orsamentu.

🤝2. Asinatura ba memorandu entendimentu entre Timor-Leste no Repúblika Sosialista Vietnam iha área edukasaun no ensinu superiór.

Analiza ona

➡️ 1. Semana Nasionál Oseanu 2026.

Link ba komunikadu imprensa kompletu iha Portal Governu: 👇
https://timor-leste.gov.tl/?p=49529&lang=tp

**

[PT]

Comunicado de Imprensa | REUNIÃO DO CONSELHO DE MINISTROS DE 3 DE JUNHO DE 2026

Aprovado

✅ 1 - Prorrogação até 31 de dezembro de 2026 da suspensão do ensino, aprendizagem e prática de artes marciais.

✅ 2 - Proposta ao Parlamento Nacional para ratificação do Protocolo de Cebu que altera a Carta da ASEAN.

✅ 3 - Atribuição de plenos poderes para o estabelecimento de relações diplomáticas entre Timor-Leste e os Estados Federados da Micronésia.

✅ 4 - Definição das necessidades anuais de pessoal a recrutar para a PNTL em 2026.

✅ 5 - Aceitação da realização em Timor-Leste da 115.ª Reunião do Comité de Coordenação da ASEAN para os Serviços (CCS).

Endossado

🤝 1 - Nova metodologia de preparação orçamental.

🤝 2 - Assinatura de memorandos de entendimento entre Timor-Leste e a República Socialista do Vietname nas áreas da educação e do ensino superior.

Analisado

➡️ 1 - Semana Nacional do Oceano 2026.
.
Link para o comunicado de imprensa completo no Portal do Governo: 👇
https://timor-leste.gov.tl/?p=49529&lang=pt

**

[EN]

Press Release | MEETING OF THE COUNCIL OF MINISTERS ON JUNE 3rd, 2026

Approved

✅ 1 - Extension until December 31, 2026, of the suspension of the teaching, learning, and practice of martial arts.

✅ 2 - Proposal to the National Parliament for the ratification of the Cebu Protocol amending the ASEAN Charter.

✅ 3 - Granting of full powers to establish diplomatic relations between Timor-Leste and the Federated States of Micronesia.

✅ 4 - Determination of the annual staffing requirements for the PNTL in 2026.

✅ 5 - Acceptance of Timor-Leste hosting the 115th Meeting of the ASEAN Coordinating Committee on Services (CCS).

Supported
🤝 1 - New budget preparation methodology.

🤝 2 - Signing of memoranda of understanding between Timor-Leste and the Socialist Republic of Vietnam in the areas of education and higher education.

Analysed

➡️ 1 - National Ocean Week 2026.

Link to the press release in the Government Website: 👇
https://timor-leste.gov.tl/?p=49529&lang=pt
Agio Pereira, Ministro da Presidência do Conselho de Ministros

MSSI Dezemina Knaar ba Komunidade Suku Afaloicai no Macadique-Uaitame

Ministériu Solidariedade Sosiál no Inkluzaun (MSSI), liuhusi Unidade Sentru Solidariedade Sosiál no Inkluzaun Postu Administrativu Uatucarbau, hala’o dezeminasaun informasaun kona-ba knaar no responsabilidade ba komunidade iha Sede Suku Afaloicai, Postu Administrativu Uatucarbau, Munisípiu Viqueque.

Tempu hanesan, MSSI liuhusi Unidade Sentru Solidariedade Sosiál no Inkluzaun Postu Administrativu Uatulari, hala’o dezeminasaun informasaun kona-ba knaar no responsabilidade ba komunidade iha Sede Suku Macadique-Uaitame, Postu Administrativu Uatulari, Munisípiu Viqueque, Kuarta-feira (03/06/2026).

Objetivu prinsipál husi dezeminasaun ne’e, atu komunidade bele hatene kona-ba servisu sosiál MSSI, nune’e komunidade bele intende no akompaña hodi hafasil liután servisu sosiál iha Munisípiu Viqueque.

Mídia MSSI-SSSIMV

Ministra MSSI Observa Utilizasaun Armazein SSSIM Manatuto

Sua Eselénsia Ministra Solidariedade Sosiál no Inkluzaun, Verónica das Dores, hala’o vizita ba Sentru Solidariedade Sosiál no Inkluzaun Munisípiu (SSSIM) Manatuto, hodi observa utilizasaun armazein sentru refere, nune’e material sira-hanesan food items ho non-food items ne’ebé Ministériu Solidariedade Sosiál no Inkluzaun (MSSI) deskarega iha armazein ne’e, hetan jestaun armazenamentu ne’ebé di’ak no ijiene, atu nune’e bele distribui ba Maluk Vulnerável sira ho dignu. Atividade vizita ida-ne’e realiza iha Tersa-feira (02/06/2026).

Mídia MSSI

MSSI Dezemina Knaar ba Komunidade Suku Liaruca

Ministériu Solidariedade Sosiál no Inkluzaun (MSSI), liuhusi Unidade Sentru Solidariedade Sosiál no Inkluzaun Postu Administrativu Ossu, hala’o dezeminasaun informasaun kona-ba knaar no responsabilidade ba komunidade iha Sede Suku Liaruca, Postu Administrativu Ossu Munisípiu Viqueque, Tersa-feira (02/06/2026).

Objetivu prinsipál husi dezeminasaun ne’e, atu komunidade bele hatene kona-ba servisu sosiál MSSI nian, nune’e komunidade bele intende no akompaña hodi hafasil liután servisu sosiál iha Munisípiu Viqueque.

Mídia MSSI-SSSIMV

Ministra ho Vise-Ministra MSSI Partisipa Debate Orsamentu Retifikativu Iha Faze Finál Globál Iha Parlamentu Nasionál

Sua Eselénsia Ministra Solidariedade Sosiál no Inkluzaun, Verónica das Dores ho Sua Eselénsia Vise-Ministra Solidariedade Sosiál no Inkluzaun, Céu Brites, partisipa iha Debate Orsamentu Retifikativu tinan 2026 iha faze finál globál iha Parlamentu Nasionál, Tersa-feira (02/06/2026).

Iha debate finál globál ne'e, Orsamentu Retifikativu tinan 2026 ho totál $192 millaun pasa ho vota Afavor 42, Kontra 0 no Abstensaun 23.

Mídia MSSI

Ministra no Vise-Ministra MSSI Despedida Ikus ho Country Director ADB

Sua Eselénsia Ministra Solidariedade Sosiál no Inkluzaun, Verónica das Dores, hamutuk ho Sua Eselénsia Vise-Ministra Solidariedade Sosiál no Inkluzaun, Céu Brites, enkontru despedida ikus ho Country Director Asian Development Bank (ADB) iha Timor-Leste, Stafania Dina, ne'ebé remata ona nia misaun servisu iha país. Atividade despedida ne'e realiza iha Salaun MSSI, Segunda-feira, (1/06/ 2026).

Iha oportunidade ne'e, Ministra no Vise-Ministra hato'o parabéns no agradese ba Stefania Dina tanba nia lideransa no kontribuisaun durante nia mandatu iha Timor-Leste, liuliu ba apoiu no kooperasaun ne'ebé ADB fornese ba programa no prioridade estratéjika Governu nian liuhusi MSSI.

Sua Eselénsia Ministra Verónica das Dores hato'o nia apresiasaun kle'an ba ADB tanba durante tinan hirak liubá fó apoiu importante ba dezenvolvimentu setór protesaun sosiál no inkluzaun iha Timor-Leste. Ministra subliña katak programa sira ne'ebé hetan apoiu husi ADB, liuliu Programa Bolsa da Mãe Sanutrio, kontribui signifikativamente ba hadi'ak nutrisaun inan no labarik sira, hamenus vulnerabilidade família sira no hasa'e bem-estar komunidade sira iha teritóriu nasional.

ADB durante ne'e la'o hamutuk ho Governu Timor-Leste atu fortalese sistema protesaun sosiál, mellora asesu ba servisu báziku no promove dezenvolvimentu umanu inkluzivu. Liuhusi apoiu tékniku no finansieru, ADB ajuda MSSI hodi implementa programa sira ne'ebé fó benefísiu direta ba família vulnerável sira, feto sira, labarik sira no grupu vulnerável seluk.

Vise-Ministra Céu Brites mos hato'o nia agradese ba ADB tanba kooperasaun ne'ebé forte no produtivu durante tinan hirak ikus ne'e. Tuir nia hateten, apoiu ADB ajuda tebes MSSI atu atinji nia objetivu estratéjiku sira, liuliu iha implementasaun Programa Bolsa da Mãe Sanutrio no inisiativa importante seluk ne'ebé foka ba reduzaun pobreza, seguransa alimentar no promosaun inkluzaun sosiál.

Iha remata enkontru ne'e, lideransa MSSI reitera nia vontade atu kontinua hametin relasaun kooperasaun ho ADB iha futuru, atu hamutuk suporta implementasaun programa no polítika sira ne'ebé promove bem-estar povu no dezenvolvimentu sustentável iha Timor-Leste.

Mídia MSSI