Babati Town Council

07/10/2026

07/10/2026

MAAFISA MAENDELEO YA JAMII WAKABIDHIWA PIKIPIKI KUWEZESHA UTOAJI WA HUDUMA KWA WANANCHI.

Mkurugenzi wa Halmashauri ya Mji Babati CPA.Shaaban A.Mpendu Leo Tarehe 7 Oktoba 2026 amekabidhi pikipiki 4 zenye thamani ya shilingi 15,200,000/= (Milioni kumi na Tano na Laki mbili)aina ya Boxer BM 150 X kwa Maafisa Maendeleo ya Jamii pamoja na Mratibu wa Dawati la Uwezeshaji Wananchi ngazi ya Kata kwa Awamu ya Pili.

CPA.Mpendu amewataka Maafisa Maendeleo ya Jamii kutumia vizuri Pikipiki hizo kwa maslahi mapana ya Halmashauri na kuongeza chachu na Weledi mkubwa katika kutekeleza majukumu yao kwa Wananchi kwa wakati.

Aidha amesisitiza kuzifanyia matengenezo kwa wakati ili kuondoa changamoto ya kukosa usafiri wakati wa Utekelezaji wa majukumu yao.

Vilevile amewataka Maafisa Maendeleo ya Jamii kuendelea kutoa Elimu kwa Wananchi kuhusu athari za unyawaji wa pombe uliopitiliza.

Naye Afisa Maendeleo ya Jamii kutoka Kata ya Mutuka Bw.Daniel Sikira kwa niaba ya Maafisa wote amemshukuru sana Mkurugenzi kwa kupata pikipiki hizo ambazo zitawarahishishia utekelezaji wa majukumu na kuwafikia Wananchi kwa wakati.

OFISI YA WAZIRI MKUU TAMISEMI Manyara Rs Shaaban Mpendu Maelezo News Msemaji Mkuu wa Serikali Ikulu Tanzania

07/10/2026

TAARIFA KWA UMMA.

OFISI YA WAZIRI MKUU TAMISEMI Manyara Rs Shaaban Mpendu Msemaji Mkuu wa Serikali Ikulu Tanzania Maelezo News

06/10/2026

KARIBU TUKUHUDUMIE.

OFISI YA WAZIRI MKUU TAMISEMI Manyara Rs Shaaban Mpendu Msemaji Mkuu wa Serikali Maelezo News Ikulu Tanzania

06/10/2026

"Mamlaka za Maji Chukueni Tahadhari mapema"Mhe. Mathew Kundo.

Naibu Waziri wa Maji, Mhandisi Mathew Kundo, amefika Mkoani Manyara kwa ziara ya kikazi ya siku mbili, yenye lengo la kukagua utekelezaji wa shughuli za Wizara pamoja na kutoa maelekezo kuhusu maandalizi ya kukabiliana na athari zinazoweza kujitokeza kutokana na mvua za El Nino zinazotarajiwa kunyesha hivi karibuni.

Akizungumza baada ya kuwasili Mkoani Manyara Mhe. Kundo amesema ziara hiyo ni sehemu ya utekelezaji wa Ilani ya Chama Tawala (CCM), ikiwa ni pamoja na kutekeleza maelekezo ya Rais Mhe.Dkt. Samia Suluhu Hassan na kuhimiza Mamlaka zinazohusika kuchukua tahadhari mapema dhidi ya athari za mvua hizo.

Pia Mhe.Mathew ameongeza kuwa kutokana na utabiri wa uwezekano wa kunyesha kwa mvua hizo Wizara ya Maji haitaanzisha miradi mipya kwa sasa, ili kuepusha hasara za uharibifu wa miundombinu zinazoweza kujitokeza kutokana na mvua.

Aidha Mhe. Kundo amezitaka Mamlaka za maji Nchini kuhakikisha zinaweka akiba ya kutosha ya dawa za kusafisha maji, kwa kuwa wakati wa mvua, vyanzo vya maji vinaweza kuchafuliwa na hivyo kusababisha hatari kwa Wananchi kwa kutumia maji yasiyo salama.

Sambamba na hilo amesisitiza umuhimu wa maandalizi ya mapema ili kuhakikisha huduma ya maji inaendelea kutolewa kwa usalama na ufanisi.
OFISI YA WAZIRI MKUU TAMISEMI Manyara Rs Shaaban Mpendu Msemaji Mkuu wa Serikali Maelezo News Ikulu Tanzania Wizara ya Maji/Ministry of Water - Tanzania

06/10/2026

Mkuu wa Wilaya ya Babati Mhe. Hashim Shaibu amekabidhiwa rasmi Ofisi na aliyekuwa Mkuu wa Wilaya hiyo, Mhe.Emmanuela Mtatifikolo Kaganda Mbunge wa Jimbo la Ismani katika hafla fupi iliyofanyika kwenye Ofisi ya Mkuu wa Wilaya ya Babati.

Akizungumza baada ya kukabidhiwa Ofisi ya Mkuu wa Wilaya ya Babati Mhe.Shaibu amemshukuru Rais wa Jamhuri ya Muungano wa Tanzania Dkt. Samia Suluhu Hassan kwa kumwamini na kumpa nafasi hiyo ya kulitumikia Taifa.

Mhe.Shaibu amesema atahakikisha anaendeleza kazi na majukumu yaliyoachwa na mtangulizi wake, huku akisisitiza ushirikiano na Wananchi pamoja na Viongozi mbalimbali katika kutatua changamoto zinazowakabili Wananchi wa Wilaya ya Babati.

Kwa upande wake, aliyekuwa Mkuu wa Wilaya hiyo Emmanuela Kaganda, amewashukuru Wananchi wa Babati kwa ushirikiano waliompa tangu alipoteuliwa kuongoza Wilaya hiyo, akisema ushirikiano huo ulimsaidia katika kutekeleza majukumu yake na kushughulikia changamoto mbalimbali za Wananchi.

Naye Mhe.Remidius Mwema Mkuu wa Wilaya ya Kiteto ambae alikuwa anakaimu Wilaya hiyo amemtakia kila la kheri Kiongozi huyo katika Majukumu yake mapya na kumuomba kuendeleza alikoishia.

OFISI YA WAZIRI MKUU TAMISEMI Manyara Rs Shaaban Mpendu Maelezo News Msemaji Mkuu wa Serikali Ikulu Tanzania

05/10/2026

KILA LA KHERI DARASA LA NNE KATIKA MTIHANI WA UPIMAJI WA TAIFA.

OFISI YA WAZIRI MKUU TAMISEMI Manyara Rs Shaaban Mpendu Msemaji Mkuu wa Serikali Maelezo News Ikulu Tanzania

05/10/2026

Mkuu wa Mkoa wa Manyara Mhe. Martine Shigela amewataka Viongozi Mkoani Manyara kushirikiana kwa pamoja katika kutekeleza majukumu yao waliyokabidhiwa na Rais wa Jamhuri ya Muungano wa Tanzania.

Mhe.Shigela amesema hayo leo katika hafla fupi ya kuwaapisha Viongozi walioteuliwa hivi karibuni, akiwemo Mkuu wa Wilaya ya Mbulu, Mkuu wa Wilaya ya Hanang' pamoja na Wakurugenzi wa Halmashauri ambapo amewataka Wananchi na Viongozi kutoa ushirikiano kwa Viongozi hao wapya.

Akizungumza kwa niaba ya Wakuu wa Wilaya zote za Mkoa wa Manyara, Mkuu wa Wilaya ya Kiteto Mhe.Remidius Mwema amesema kuwa wataendelea kuwatumikia Wananchi katika sekta mbalimbali kwa kuzingatia majukumu waliyopewa.

Aidha Mhe.Martine amewataka Wananchi kuendelea kuchukua tahadhari dhidi ya mvua za Elnino ambazo zimetabiriwa na Mamlaka ya Hali ya Hewa Tanzania.

OFISI YA WAZIRI MKUU TAMISEMI Manyara Rs Shaaban Mpendu Maelezo News Msemaji Mkuu wa Serikali Ikulu Tanzania

05/10/2026

KARIBU SANA BABATI.

OFISI YA WAZIRI MKUU TAMISEMI Manyara Rs Shaaban Mpendu Msemaji Mkuu wa Serikali Ikulu Tanzania Maelezo News

02/10/2026

KILA LA KHERI DARASA LA NNE KATIKA MTIHANI WA TAIFA UTAKAOFANYIKA TAREHE 5-6/10/2026.

OFISI YA WAZIRI MKUU TAMISEMI Manyara Rs Shaaban Mpendu Msemaji Mkuu wa Serikali Maelezo News Ikulu Tanzania Taasisi Ya Elimu Tanzania