Kona Ya Mashairi Ya Kiswahili.

CHUKUA HATAMU, KUCHANGIA DAMU.

LEO NASHIKA KALAMU, NINALO JAMBO MUHIMU,
NAJUA UNAYO HAMU, HABARI KUIFAHAMU,
CHANGIA KUTOA DAMU, KUOKOA WANADAMU,
CHUKUA SASA HATAMU, KUCHANGIA YAKO DAMU.

TOA DAMU UKITAKA, KWA MUDA HUU MWAFAKA,
USIJE UKAISAKA, SIKU YAKIJA KUFIKA,
MATATIZO YAKIFIKA, NANI UTAJA MSHIKA,
CHUKUA SASA HATAMU, KUCHANGIA YAKO DAMU.

MAMA ZETU NA VICHANGA, KAZI KWENU NYI WAKUNGA,
WAPENI CHANJO ZA KINGA, DAMU LEO TUNACHANGA,
KWA PAMOJA TU WAHANGA, VIFO VYAO KUVIPINGA,
CHUKUA SASA HATAMU, KUCHANGIA YAKO DAMU.

MKOA WETU WA MARA, SISI NDIO TU VINARA,
KWA TAIFA NI HASARA, VIFO VINGI KILA MARA,
YAPASA TUWE IMARA, TUSIFANYE MASIHARA,
CHUKUA SASA HATAMU, KUCHANGIA YAKO DAMU.

SIO MUME TU JAMANI, HATA NA YULE WA DINI,
VIONGOZI MADIWANI, NINYI NDIO MU JIRANI,
KWA PAMOJA MITAANI, TUWAOKOE JAMANI,
CHUKUA SASA HATAMU, KUCHANGIA YAKO DAMU.

MAISHA YETU YA LEO, TUNATHAMINI VILEO,
GONGO BANGI KILA LEO, VIMEKUWA VICHOCHEO
TUTUMIE MITANDAO, TUIPINGE RUSHWA LEO
CHUKUA SASA HATAMU, KUCHANGIA YAKO DAMU.

NJIA BORA YAKUZAA, IMEKUA NI HADAA
HOFU NYINGI YAZAGAA, VIFO VINGI HUTOKEA
KWA JADI KUJIFUNGUA, NI HABA KUWAOKOA
CHUKUA SASA HATAMU, KUCHANGIA YAKO DAMU.

MIJINI NA VIJIJINI, YAPASA TUWE MAKINI,
WAPELEKWE KITUONI, WASIBAKI MAJUMBANI
KICHANGA CHAKE TUMBONI, AKILINDE KWA MAKINI
CHUKUA SASA HATAMU, KUCHANGIA YAKO DAMU.

WITO KWA WATANZANIA, TAIFA KULIFUFUA
DAMU TUKISHAITOA, TWAWEZA KUWAOKOA
MAMA TWAMTEGEMEA, FAMILIA KUILEA
CHUKUA SASA HATAMU, KUCHANGIA YAKO DAMU.

NA SASA NAHITIMIKA, KALAMU CHINI NAWEKA
UJUMBE UMESHAFIKA, SASA NI KUWAJIBIKA
JANGA HILI LITATOKA, PAMOJA TUKIJISHIKA
CHUKUA SASA HATAMU, KUCHANGIA YAKO DAMU.

SHAIRI LIMETUNGWA NA AFTI M

DAWA YA SHIDA NI NINI?
Nini dawa yake Shida, kutwa kucha naisaka
Ili niweze kukwepa, matatizo kunitoka,
Kila pande Natafuta, mwenzenu kote pirika,
Shida wewe ni adui, mkali k**a bedui,

Shida rafiki ye hana, yeyote amtukana,
Hana anayejichana, pamoja wakikutana
Viumbe wanamkana, wazee hata vijana,
Shida wewe ni adui, mkali k**a bedui,

Jana mama kazimia, mwanawe kimlilia,
Juzi Juma alilia, kisa shida kaingia,
Shangaziye kajifia, mtoto kijifungua,
Shida wewe ni adui, mkali k**a bedui,

Wanaume wateseka, jasho kutwalawatoka,
Majanga yanawafika, ridhiki wakiisaka,
Shida ndo wanaitaka, nyumbani iweze toka,
Shida wewe ni adui, mkali k**a bedui,

Wapi anaishi shida, nimfate nimwambie,
Chochote nimgawie, Nyumbani asiingie,
Kila muda aniliza, mbalamwezi hata kiza,
Shida wewe ni adui, mkali k**a bedui,

Ukimuona Popote, usimwache we umlete,
Tumchome na machete, afariki tumzike,
Kuzimu aende zake, dunia iwe si yake,
Shida wewe ni adui, mkali k**a bedui,

Shida tukisha mzika, dunia tashuwarika,
Amani tutajivika, furaha zitasikika,
Popote tutapopita, vya bure tutajitwika,
Shida wewe ni adui, mkali k**a bedui,

Makahaba wakipato, Majambazi yakidato,
Machungu yasingewepo, kijifungua mtoto,
Magonjwa ya masumbuko, vyote vingekuwa ndoto,
Shida wewe ni adui, mkali k**a bedui,

Soon nitaanza kuwaletea mashairi ya kiswahili