Petroleum Upstream Regulatory Authority - PURA

Home
Tanzania
Dar es Salaam
Petroleum Upstream Regulatory Authority - PURA

PURA regulates and monitors petroleum upstream operations and LNG activities in the Mainland Tanzania

13/10/2026

Wizara ya Nishati na Mamlaka ya Udhibiti Mkondo wa Juu wa Petroli (PURA) zimekutana kujadili mikakati ya kuimarisha utoaji wa elimu kwa umma kuhusu miradi ya utafutaji, uendelezaji na uzalishaji wa mafuta na gesi asilia inayotekelezwa nchini.

Majadiliano hayo yaliyofanyika Oktoba 13, 2026 katika Ofisi za PURA Jijini Dar es Salaam yalihudhuriwa na wajumbe mbalimbali akiwemo Mkuu wa Kitengo cha Mawasiliano Serikalini kutoka Wizara ya Nishati, Bi. Nteghenywa Hossea na Mkuu wa Kitengo cha Ushirikishwaji wa Wazawa na Uhusishwaji wa Wadau kutoka PURA, Bw. Charles Nyangi.

Akizungunza katika kikao hicho, Bi. Nteghenywa amesema kuwa Serikali kupitia Wizara ya Nishati imeendelea kutekeleza miradi mbalimbali ikiwemo miradi ya utafutaji, uendelezaji na uzalishaji wa mafuta na gesi asilia lakini bado elimu kwa umma kuhusu miradi hii ni mdogo, hali inayofanya wananchi kutokuwa na uelewa mpana wa miradi inayotekelezwa.

"Kwa sasa tuna miradi inayoendelea kutekelezwa mkondo wa juu wa petroli ukiwemo mradi wa uchukuaji wa data za mitetemo za 3D katika Kitalu cha Lindi - Mtwara, mradi uchukuaji wa data za mitetemo za 2D katika Kitalu cha Eyasi - Wembere na maandalizi ya uchimbaji wa visima vya gesi asilia katika Kitalu cha Ruvuma. Hata hivyo, uelewa umma wa Watanzania kuhusu miradi hii na faida zake bado ni mdogo" alieleza Nteghenywa.

Alisema pia pamoja na kwamba miradi hiyo inahusisha masuala ya kitaalamu, Wizara ya Nishati na Taasisi zake zinajukumu la kuhakikisha kuwa umma wa watanzania wanapata taarifa za utekelezaji wa miradi kwa lugha nyepesi na kwa wakati ili kusaidia kuongeza uelewa wao katika miradi hiyo.

Kwa upande wake, Bw. Nyangi amesema kuwa PURA itaendelea kuongeza nguvu katika utoaji wa habari kwa umma kuhusu miradi inayotekelezwa sambamba na kuwajengea uwezo wanahabari kuhusu masuala ya mkondo wa juu wa petroli.

"Pamoja na kutumia vyombo mbalimbali vya habari katika utoaji wa taarifa, PURA imeendelea kuwezesha mafunzo kwa wanahabari na kutoa fursa kwa wadau hawa muhimu kutembelea maeneo ambayo miradi ya mkondo wa juu wa petroli inatekelezwa nchini" aliongeza Nyangi

28/09/2026

Salamu za pongezi kwa Mhe. Dkt. Juma Homera kwa kuteuliwa kuwa Waziri wa Nishati.

Tunakutakia kila la kheri na mafanikio katika utekelezaji wa majukumu yako mapya.

Wizara Ya Nishati

19/06/2026

Mkurugenzi Mkuu wa Shirika la Ugavi wa Umeme Nchini - (TANESCO) Bw. Lazaro Twange amesema wanaendelea kuhimiza na kuongeza matumizi ya gesi asilia katika miradi ya uzalishaji umeme nchini.

Akizungumza leo June 19 katika viwanja vya Chinangali jijini Dodoma katika maonyesho ya wiki ya Utumishi wa Umma kwenye banda la Mamlaka ya Udhibiti Mkondo wa Juu wa Petroli (PURA) Twange amesema wanatarajia kujenga mitambo ya kuzalisha umeme kwa kutumia gesi asilia wilayani Chalinze Mkoani Pwani.

Ameeleza kukamilika kwa ujenzi huo kutaongeza mahitaji ya gesi asilia kwa ajili ya uzalishaji wa umeme.

Aidha bwana Twange ameishukuru na kuipongeza PURA kwa usimamizi thabiti unaopelekea TANESCO kupata gesi asilia ya uhakika na ya kutosha katika mitambo yake ya uzalishaji umeme kwa kutumia rasilimali hiyo.

Katika maadhimisho ya wiki ya Utumishi wa Umma PURA inaendelea kutoa elimu kuhusu Udhibiti wa shughuli za utafutaji uendelezaji na uzalishaji wa mafuta na gesi asilia nchini.

Wizara Ya Nishati
TANESCO

17/06/2026

Waziri wa Nchi Menejimenti ya Utumishi wa Umma na Utawala Bora Mheshimiwa Ridhiwani Kikwete amerishishwa na uendelezaji wa miradi inayotekelezwa na Mamlaka ya Udhibiti Mkondo wa Juu wa Petroli (PURA)

Akiwa katika banda la PURA katika ufunguzi wa maonyesho ya wiki ya utumishi wa Umma katika viwanja vya Chinangali jijini Dodoma Waziri Ridhiwani amesema anaifuatilia kwa karibu miradi ya PURA inayoendelea nchini kote.

Pamoja na mambo mengine Waziri Ridhiwani amesaini kitabu cha wageni pamoja na kupata zawadi kutoka Mamlaka ya Udhibiti Mkondo wa Juu wa Petroli (PURA).

Madhimisho ya wiki ya Utumishi wa Umma yamebebwa na Kauli mbiu *Kuchochea Uwajibikaji Jumuishi kwa Maendeleo Endelevu*

06/06/2026

MMradi wa uchorongaji wa visima vitatu vya gesi asilia unaoendelea katika Kitalu cha Mnazi Bay kilichopo Mkoani Mtwara umeleta manufaa makubwa kwa wananchi na Taifa kwa ujumla kufuatia utekelezaji wenye mafanikio.

Hayo yameelezwa na Mhandisi Fabian Mwose kutoka Mamlaka ya Udhibiti Mkondo wa Juu wa Petroli (PURA) wakati wa ziara ya ufuatiliji katika Kitalu hicho.

Mhandisi Mwose amesema kuwa mradi huo unaohusisha uchorongaji wa visima viwili vya uzalishaji na kimoja cha utafutaji ulianza kutekelezwa Februari 06, 2026 ambapo hadi kufikia Juni 05, 2026, uchorongaji wa visima viwili vya uzalishaji vilivyopewa majina ya MB5 na MS2 ulikuwa umekamilika na uchorongaji wa kisima cha tatu kilichopewa jina la KASA-1X ulikuwa unaendelea.

"Miongoni mwa manufaa yaliyopatikana kufuatia utekelezaji huo ni pamoja na kuongezeka kwa uzalishaji wa gesi asilia kutoka katika Kitalu cha Mnazi Bay ambapo kisima cha MB5 kimeongeza uzalishaji kwa wastani wa futi za ujazo milioni 40 kwa siku na kisima cha MS2 ambacho bado kinafanyiwa majaribio kinatarajiwa kuongeza ujazo mwingine zaidi wa uzalishaji wa gesi asilia"

"Ongezeko hili la uzalishaji wa gesi asilia umewezesha uwepo wa gesi zaidi kwa matumizi ya uzalishaji umeme, viwandani, kwenye vyombo vya usafiri (magari na bajaji) na majumbani" alisema

Aliongeza kuwa kwa upande wa wananchi, mradi umeleta fursa za ajira na utoaji wa huduma na bidhaa zinazohitajika ambapo zaidi ya watanzania 320 wameajiriwa katika nafasi mbalimbali na kandarasi zanye thamani ya zaidi ya bilioni 20 za kitanzania zimeenda kwa watoa huduma wakitanzania.

Kwa upande wa uwekezaji, Mwose alisema kuwa utekelezaji wa mradi huu pamoja na miradi mingine ya utafutaji wa mafuta na gesi asilia inayoendelea umeongeza imani kwa wawekezaji ndani na nje ya nchi kuhusu uhai wa sekta ndogo ya mafuta na gesi asilia nchini.

Kukamilika kwa mradi huu wa uchorongaji wa visima vitatu kutaifanya Tanzania kuwa na idadi ya visima 99 vilivyochorongwa tangu kuanza kwa shughuli za utafutaji wa mafuta na gesi asilia nchini kutoka visima 96 vilivyokuwepo awali.

Address

TANESCO BUILDING, 5 SAMORA MACHEL Road, P. O BOX 11439, 11474 DAR ES SALAAM
Dar Es Salaam

Telephone

+255222120799

Website

https://www.pura.go.tz/

Alerts

Be the first to know and let us send you an email when Petroleum Upstream Regulatory Authority - PURA posts news and promotions. Your email address will not be used for any other purpose, and you can unsubscribe at any time.