Hospitali ya Taifa Muhimbili

Website

Hospitali ya Taifa Muhimbili National and tertiary specialized hospital proving specialized and super specialized service

21/08/2026

Hospitali ya Taifa Muhimbili (MNH) leo Agosti 21, 2026 imemruhusu mtoto aliyefanyiwa upasuaji wa kwanza wa kutenganishwa na pacha aliyeungana aina ya parasitic conjoined twins, baada ya kuendelea vizuri kwa siku 10 tangu kufanyika kwa upasuaji huo wa kihistoria.

Hospitali ya Taifa Muhimbili (MNH) leo Agosti 21, 2026 imemruhusu mtoto aliyefanyiwa upasuaji wa kwanza wa kutenganishwa...
21/08/2026

Hospitali ya Taifa Muhimbili (MNH) leo Agosti 21, 2026 imemruhusu mtoto aliyefanyiwa upasuaji wa kwanza wa kutenganishwa na pacha aliyeungana aina ya parasitic conjoined twins, baada ya kuendelea vizuri kwa siku 10 tangu kufanyika kwa upasuaji huo wa kihistoria.

Akizungumza baada ya kuruhusiwa kutoka Hospitalini hapo, Bi. Glory Nyambeke, mama wa mtoto huyo, ameishukuru timu ya madaktari bingwa kwa kuokoa maisha ya mwanaye, akisema mafanikio ya matibabu hayo yameirejeshea familia yake matumaini na furaha baada ya kipindi kigumu cha hofu na mashaka.

Kwa upande wake Bingwa wa Upasuaji wa Watoto wa MNH, Dkt. Victor Ngotta, amesema kuruhusiwa kwa mtoto ni jambo linalowapa furaha kubwa wataalam walioshiriki upasuaji huo, kwani ni matokeo ya kazi ya pamoja, maandalizi ya kina na ufuatiliaji wa karibu uliofanyika tangu siku ya upasuaji.

Amesema mafanikio hayo yanaonyesha uwezo wa madaktari wazawa kufanya upasuaji tata na wa aina ya kipekee nchini, huku yakiendelea kuimarisha nafasi ya Muhimbili k**a kituo kinachoongoza katika huduma za ubingwa na ubingwa bobezi.

20/08/2026

Fahamu Sababu Zinazochangia Mtoto Kulia na Namna ya Kusaidia.

Ungana na Dkt. Emmanuel Baida, Bingwa Bobezi wa Watoto kutoka Hospitali ya Taifa Muhimbili, akifafanua kwa kina sababu mbalimbali zinazoweza kumfanya mtoto kulia na hatua sahihi ambazo mzazi au mlezi anaweza kuchukua kumsaidia.

14/08/2026

Watoto 115 wamefanyiwa upandikizaji wa vifaa vya kusaidia kusikia katika Hospitali ya Taifa Muhimbili, hatua kubwa kwa Tanzania kwani awali watoto wenye uhitaji wa huduma hii walilazimika kupelekwa nje ya nchi. Sasa huduma hii inapatikana hapa nchini, ikitoa matumaini mapya kwa watoto na familia zao na kuimarisha huduma za usikivu nchini. Katika video hii, tunakueleza zaidi kuhusu huduma hiyo na namna inavyobadilisha maisha ya watoto hawa.

Wauguzi 17 kutoka hospitali mbalimbali za mikoa ya Dar es Salaam na Pwani leo wamehitimu mafunzo ya vitendo ya Uuguzi wa...
14/08/2026

Wauguzi 17 kutoka hospitali mbalimbali za mikoa ya Dar es Salaam na Pwani leo wamehitimu mafunzo ya vitendo ya Uuguzi wa Msingi katika Huduma za Wagonjwa wanaohitaji uangalizi maalum (Hands-on Critical Care Nursing), yaliyolenga kuimarisha ujuzi wao katika kutoa huduma salama na bora kwa wagonjwa mahututi.

Akizungumza kwa niaba ya Mkurugenzi wa Huduma za Ukunga na Uuguzi wakati wa kufunga mafunzo hayo, Mkuu wa Idara ya Upasuaji na Utesaji, Bi. Aneth Kaduma, amesema mafunzo hayo yamewajengea wauguzi uwezo wa kutumia kanuni za huduma kwa wagonjwa mahututi, pamoja na kutambua na kudhibiti mapema hali zinazohatarisha maisha ili kuboresha matokeo ya matibabu.

Baadhi ya wahitimu wamesema watatumia ujuzi walioupata kuboresha huduma za uuguzi katika vituo vyao na kuhakikisha wagonjwa wanapata huduma bora, salama na kwa wakati.

Mkurugenzi Mtendaji wa Hospitali ya Taifa ya Muhimbili (MNH), Dkt. Delilah Kimambo, leo Agosti 11, 2026, amepokea ujumbe...
13/08/2026

Mkurugenzi Mtendaji wa Hospitali ya Taifa ya Muhimbili (MNH), Dkt. Delilah Kimambo, leo Agosti 11, 2026, amepokea ujumbe kutoka Shirika la Dawa la Denmark (DKMA), ulioongozwa na Ubalozi wa Kifalme wa Denmark nchini Tanzania, kwa ajili ya kujadili na kubadilishana uzoefu kuhusu namna ya kuimarisha udhibiti wa dawa na vifaa tiba.

Katika mazungumzo hayo, Idara ya Famasi ya MNH imewasilisha uzoefu wake katika usimamizi na matumizi salama ya dawa na vifaa tiba, ikieleza mifumo inayotumika katika hospitali inayotoa huduma za kibingwa na ubingwa bobezi.

Majadiliano hayo yamejikita pia katika kuimarisha usimamizi wa mnyororo wa ugavi wa dawa na vifaa tiba, ikiwemo utabiri wa mahitaji, ununuzi, uhifadhi, usambazaji na matumizi sahihi kwa wagonjwa, huku ziara hiyo ikilenga kuweka msingi wa kubadilishana maarifa na uzoefu utakaosaidia kuimarisha mifumo ya udhibiti na matumizi salama ya dawa na vifaa tiba.

Hospitali ya Taifa Muhimbili (MNH) inaendelea kuimarisha na kuhakikisha usalama wa huduma za matibabu ya dharura ya kibi...
13/08/2026

Hospitali ya Taifa Muhimbili (MNH) inaendelea kuimarisha na kuhakikisha usalama wa huduma za matibabu ya dharura ya kibingwa katika Tamasha la Kizimkazi 2026 linaloendelea kizimkazi visiwani Zanzibar inayolenga kulinda afya za maelfu ya wananchi, watalii, na viongozi wakuu wa kitaifa wanaohudhuria tamasha hilo lilioanza Agosti 12 hadi Agosti 14, 2026.

Timu hiyo maalum ya madaktari bingwa, na wauguzi, wa dharura walioweka kambi eneo la tukio wakiwa vifaa tiba vya kisasa vinavyoweza kutoa huduma za haraka kwa wagonjwa wanaohitaji uangalizi maalum kabla na baada ya kufikishwa hospitalinii ili kukabiliana na changamoto zote za kiafya zinazoweza kujitokeza wakati wa mikusanyiko mikubwa hatua inayolenga kuhakikisha usalama wa afya kwa washiriki, viongozi, na wageni wote watakaohudhuria tamasha hilo kubwa la kiutamaduni na kimaendeleo.

Mbali na kutoa huduma za Afya ,Tamasha la Kizimkazi 2026 limekuwa kichocheo kikubwa cha maendeleo kupitia uzinduzi wa miradi mbalimbali ya kijamii na kiuchumi visiwani humo.

13/08/2026

Gerald Jackson, mkazi wa Dar es Salaam, ameshuhudia huduma bora katika Wodi ya VIP ya Maria Nyerere, Hospitali ya Taifa Muhimbili (MNH), baada ya mke wake kujifungua salama.

Katika Wodi ya Maria Nyerere, tunazingatia kutoa huduma yenye ubora, usalama na faraja, katika mazingira tulivu na rafiki kwa mama na mtoto, huku weledi wa wataalamu wetu ukiwa sehemu muhimu ya huduma tunazotoa.

Ambatana naye katika simulizi hii

Timu ya wataalamu kutoka Hospitali ya Taifa Muhimbili inashiriki katika kambi maalum ya upasuaji wa macho wa kibingwa na...
13/08/2026

Timu ya wataalamu kutoka Hospitali ya Taifa Muhimbili inashiriki katika kambi maalum ya upasuaji wa macho wa kibingwa na kibingwa bobezi inayofanyika katika Hospitali ya Kamuzu Central (KCH), jijini Lilongwe, Malawi. Ushiriki huo umefanyika kufuatia mwaliko maalum kutoka kwa Rais wa Vision Care, Dkt. Donghae Kim, ambapo timu ya Muhimbili imepata fursa ya kuungana na wataalamu wa Vision Care katika kutoa huduma za matibabu ya macho kwa wananchi wa Malawi.

Vision Care ni shirika la kimataifa lenye makao makuu nchini Korea Kusini, linalojikita katika kupambana na kupunguza tatizo la upofu duniani kupitia huduma za afya ya macho, matibabu na upasuaji. Kupitia ushiriki huo, wataalamu wa Muhimbili wamekuwa sehemu ya timu ya kimataifa inayoshirikiana katika kutoa huduma za kibingwa na kibingwa bobezi kwa wagonjwa wenye changamoto mbalimbali za macho.

Ushiriki wa Muhimbili katika kambi hiyo unaendelea kuimarisha ushirikiano wa kimataifa katika sekta ya afya, huku ukitoa fursa kwa wataalamu wa Tanzania kushirikiana na wenzao kutoka mataifa mbalimbali katika kuboresha huduma za macho. Pia, kambi hiyo inaonesha nafasi ya Muhimbili katika kushiriki juhudi za kimataifa za kupunguza mzigo wa upofu na kuhakikisha wananchi wanapata huduma bora za macho kwa wakati.

10/08/2026

Hospitali ya Taifa Muhimbili (MNH) imefanikiwa kwa mara ya kwanza kufanya upasuaji wa kutenganisha mapacha walioungana aina ya Parasitic conjoined twins hali ambayo ni nadra kutokea ambapo mmoja wa mapacha hao hakui kikamilifu na humtegemea mwenzake kwa ukuaji na uhai.

Upasuaji huo umefanywa kwa mafanikio na madaktari wazawa wa MNH, na hivyo kuandika historia nyingine muhimu katika sekta ya afya nchini, ambapo baada ya upasuaji huo, mtoto anaendelea vizuri nchini ya uangalizi wa karibu wa madaktari na wataalamu wa afya.

Mafanikio haya yanaendelea kuonyesha uwezo, utaalamu na uzoefu wa wataalamu wa MNH katika kushughulikia changamoto za kiafya zilizo ngumu na nadra, huku yakithibitisha uwezo wa wataalamu wazawa kufanya matibabu yenye kiwango cha juu ndani ya nchi.

Ni hatua nyingine inayodhihirisha dhamira ya Muhimbili katika kuimarisha huduma za kibingwa na kutoa matumaini kwa wagonjwa na familia zao.

Address

Upanga
Dar Es Salaam

Website

Alerts

Be the first to know and let us send you an email when Hospitali ya Taifa Muhimbili posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

Other Government Organizations in Dar es Salaam

Show All