TPDC Tanzania

TPDC 2026 || Mnazi bay

TPDC kwa kushirikiana na M&P wameanza rasmi uchorongaji wa visima vitatu vipya vya uzalishaji gesi asilia katika Kitalu cha Mnazi Bay, mradi unaotarajiwa kuongeza uzalishaji wa gesi kwa futi za ujazo milioni 45 na kugharimu takribani TZS bilioni 234.

Akizungumza wakati wa uzinduzi wa mradi huo, Waziri wa Nishati Mhe. Deogratius Ndejembi ameipongeza TPDC kwa hatua hiyo na kusisitiza umuhimu wa kuendelea na maandalizi ya uchorongaji wa visima zaidi, akibainisha kuwa mahitaji ya gesi asilia yanaongezeka kwa kasi katika sekta mbalimbali ikiwemo viwanda, uzalishaji wa umeme, usafiri, taasisi na matumizi ya majumbani.

Aidha, alieleza kuwa mradi huu ni sehemu ya juhudi za makusudi za Serikali ya Awamu ya Sita chini ya uongozi wa Mhe. Dkt. Samia Suluhu Hassan katika kuimarisha upatikanaji wa nishati nchini. Kwa upande wake, Katibu Mkuu Wizara ya Nishati (Mafuta na Gesi), Dkt. James Mataragio, amesema Wizara kupitia TPDC imewekeza takribani TZS trilioni 1 katika miradi ya kuongeza upatikanaji wa gesi asilia.

TPDC 2026 || Gesi ya Ntorya

Waziri wa Nishati, Deogratius John Ndejembi, ameitaka Shirika la Maendeleo ya Petroli Tanzania (TPDC) kuhakikisha Mradi wa Ntorya unakamilika kwa wakati ili ifikapo Septemba 2026 visima hivyo vianze rasmi kuzalisha gesi.

Waziri Ndejembi ametoa msisitizo huo leo, Februari 27, 2026, akiwa mkoani Mtwara katika ziara ya kikazi ya siku moja, ambapo aliweka jiwe la msingi la mradi wa ujenzi wa bomba la gesi kutoka visima vya Ntorya kwenda Madimba, Halmashauri ya Wilaya ya Mtwara.

Amesema Watanzania wanatarajia kuona matokeo ya uwekezaji mkubwa unaofanywa katika sekta ya gesi, hivyo ifikapo mwezi wa tisa mwaka 2026 kusiwepo visingizio vya kuchelewesha uzalishaji.

“Watanzania wanahitaji matokeo. Mradi huu lazima ukamilike kwa wakati k**a tulivyojipangia,” amesisitiza Waziri Ndejembi.

Aidha, amehimiza ushirikiano wa karibu kati ya watekelezaji wa mradi na viongozi wa maeneo husika — wakiwemo wenyeviti wa vijiji, madiwani, wabunge na halmashauri — ili miradi ya Uwajibikaji wa Kampuni kwa Jamii (CSR) itekelezwe kwa ufanisi, uwazi na kwa kuzingatia thamani halisi ya fedha.

Katika mkakati wa kuimarisha sekta ya nishati, Waziri Ndejembi amesema Tanzania inalenga kufikia uzalishaji wa megawati 8,000 za umeme ifikapo mwaka 2030, ikiwa ni karibu mara mbili ya kiwango cha sasa, hatua itakayochochea ukuaji wa uchumi na maendeleo ya viwanda.

TPDC 2026 || Upandaji wa miti

Shirika la Maendeleo ya Petroli Tanzania (TPDC) kwa kushirikiana na wabia wa mradi wa LNG, kampuni za Shell na Equinor, wametekeleza agizo la Mhe. Dkt. Mwigulu Lameck Nchemba, Waziri Mkuu wa Jamhuri ya Muungano wa Tanzania, la kupanda miti ya matunda na vivuli katika Shule ya Msingi Likong’o Mkoani Lindi. Shule hiyo ni mradi mpya wa kimkakati unaojengwa kwa udhamini wa mashirika hayo ili kuboresha miundombinu ya elimu katika eneo la mradi wa kusindika gesi asilia (LNG). Hafla hiyo imehudhuriwa na Mkuu wa Wilaya ya Lindi, Mhe. Victoria Mwanziva, ambaye ameshuhudia hatua hiyo muhimu ya utunzaji wa mazingira na maendeleo ya jamii.

Aidha, zoezi hilo limefanikiwa kwa kiasi kikubwa kupitia ushirikiano na Wakala wa Misitu Tanzania (TFS), ambao wamewezesha upatikanaji wa miche 2,000 itakayopandwa katika viwanja vya shule hiyo. Upandaji wa miti hii haulengi tu kurejesha uasilia wa mazingira, bali pia kutengeneza mazingira rafiki ya kujifunzia kwa wanafunzi kupitia vivuli na lishe ya matunda. Hatua hii inadhihirisha dhamira ya TPDC na wabia wake katika kuhakikisha kuwa utekelezaji wa mradi wa LNG unaenda sambamba na uhifadhi wa mazingira kwa manufaa ya kizazi cha sasa na cha baadaye.

TPDC 2026 || Upandaji wa miti

Shirika la Maendeleo ya Petroli Tanzania (TPDC) kwa kushirikiana na wabia wa mradi wa LNG, kampuni za Shell na Equinor, wametekeleza agizo la Mhe. Dkt. Mwigulu Lameck Nchemba, Waziri Mkuu wa Jamhuri ya Muungano wa Tanzania, la kupanda miti ya matunda na vivuli katika Shule ya Msingi Likong’o Mkoani Lindi. Shule hiyo ni mradi mpya wa kimkakati unaojengwa kwa udhamini wa mashirika hayo ili kuboresha miundombinu ya elimu katika eneo la mradi wa kusindika gesi asilia (LNG). Hafla hiyo imehudhuriwa na Mkuu wa Wilaya ya Lindi, Mhe. Victoria Mwanziva, ambaye ameshuhudia hatua hiyo muhimu ya utunzaji wa mazingira na maendeleo ya jamii.

Aidha, zoezi hilo limefanikiwa kwa kiasi kikubwa kupitia ushirikiano na Wakala wa Misitu Tanzania (TFS), ambao wamewezesha upatikanaji wa miche 2,000 itakayopandwa katika viwanja vya shule hiyo. Upandaji wa miti hii haulengi tu kurejesha uasilia wa mazingira, bali pia kutengeneza mazingira rafiki ya kujifunzia kwa wanafunzi kupitia vivuli na lishe ya matunda. Hatua hii inadhihirisha dhamira ya TPDC na wabia wake katika kuhakikisha kuwa utekelezaji wa mradi wa LNG unaenda sambamba na uhifadhi wa mazingira kwa manufaa ya kizazi cha sasa na cha baadaye.

TPDC 2026 || Pongezi kwa TPDC

Katika kuhitimisha kikao kazi na mafunzo kwa Menejimenti ya TPDC, Mhe. Salome Makamba, Naibu Waziri wa Nishati, ameipongeza Menejimenti ya Shirika kwa kuandaa mafunzo hayo pamoja na kikao cha tathmini ya utendaji, akibainisha kuwa hatua hiyo itaongeza tija na ufanisi katika utekelezaji wa majukumu ya Taasisi.

Aidha, ameitaka TPDC kuendelea kufanyia kazi maelekezo ya viongozi wakuu wa nchi, hususan yale yaliyotolewa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, wakati wa uzinduzi wa Bunge mwezi Novemba 2025, ambapo Wizara ya Nishati na taasisi zake zilielekezwa kuhakikisha kuwa ifikapo mwaka 2034 angalau asilimia 80 ya Watanzania wawe wanatumia nishati safi ya kupikia.

Vilevile, amepongeza jitihada za TPDC katika kusambaza gesi asilia kwa matumizi ya majumbani, pamoja na ujenzi wa vituo vya kujaza gesi asilia na utoaji wa vibali kwa sekta binafsi kujenga vituo hivyo, hatua inayochangia kupunguza msongamano wa magari katika vituo vilivyopo na kuimarisha upatikanaji wa huduma.

TPDC 2026 || Ramadhani Mubarak

Shirika la Maendeleo ya Petroli Tanzania (TPDC) linawatakia mfungo mwema wa mwezi mtukufu wa Ramadhani jamii yote ya Waislamu Tanzania.

TPDC 2026 || Mafunzo ya Uongozi

Leo tarehe 18/02/2026 Menejimenti ya TPDC imejikita katika mafunzo ya “Leadership and Leadership Roles”—hatua muhimu ya kukuza uongozi wenye dira, maadili, na uwajibikaji thabiti ndani ya Shirika. Mafunzo haya yamelenga kuimarisha uwezo wa viongozi wakuu wa Shirika katika kufanya maamuzi sahihi, kusimamia rasilimali kwa ufanisi, na kuongoza timu kuelekea malengo ya kimkakati ya TPDC.

Katika ulimwengu unaobadilika kwa kasi, uongozi si cheo bali ni wajibu unaohitaji hekima, uthubutu, na maono mapana. Kupitia mafunzo haya, TPDC imelenga kuimarisha uwezo wa viongozi wake ili kuwa na viongozi wanaoongoza kwa mfano, wanaochochea ubunifu, na wanaojenga mshik**ano unaoleta matokeo chanya kwa Shirika na Taifa kwa ujumla.

“TPDC tunaendelea kujenga msingi imara wa uongozi bora—kwa sababu kesho ya nishati yetu inaanzia kwenye uongozi wa leo”.