Tax Ombudsman Services Tanzania

07/10/2026

Jinsi ya Kuwasilisha Malalamiko

Mlipakodi au mwananchi yeyote anaweza kuwasilisha malalamiko ya kodi au taarifa za kodi kwa Ofisi ya Usuluhishi wa Malalamiko na Taarifa za Kodi (TOST) kupitia njia zifuatazo:

Kutembelea Ofisi za TOST
Tembelea ofisi ya TOST iliyopo jengo dogo la Hazina Mji wa Serikali – Mtumba, Dodoma au Hazina ndogo Dar es Salaam uwasilishe malalamiko yako kwa maandishi au kwa maelezo ya mdomo kwa afisa anayehusika.

Kuwasilisha kwa Njia ya Posta
Tuma malalamiko yako ya kodi pamoja na nyaraka zote za uthibitisho kupitia anuani ifuatayo: Ofisi ya Usuluhishi wa Ma//lalamiko na Taarifa za Kodi (TOST)
S.L.P. 1441, Mji wa Serikali – Mtumba, Dodoma, Tanzania.

Kuwasilisha kwa Barua Pepe
Tuma malalamiko au taarifa zako za kodi kupitia mojawapo ya barua pepe zifuatazo: [email protected], [email protected] au [email protected]

Kupiga simu bila malipo (Kituo cha Huduma kwa Wateja)
Piga simu bila malipo kupitia namba: 0800 111 022, Huduma hii inapatikana siku za kazi, Jumatatu hadi Ijumaa, kuanzia saa 2:30 asubuhi hadi saa 10:00 jioni.

Mfumo wa Kusimamia Malalamiko ya Kodi (TCMS)
Wasilisha malalamiko yako kwa njia ya mtandao kupitia Mfumo wa Kusimamia Malalamiko ya Kodi (TCMS) unaopatikana kupitia tovuti ya TOST: www.tos.go.tz au moja kwa moja kupitia kiungo: https://tcms.tos.go.tz/tos

Programu ya Simu ya Suluhu ya Kodi
Wasilisha malalamiko yako kwa urahisi kupitia Programu ya Suluhu ya Kodi (SuluhuyaKodi App) inayopatikana kwenye simu za Android (Playstore) na iPhone (iOS).

WhatsApp
Wasilisha malalamiko au taarifa za kodi kupitia namba rasmi ya WhatsApp: +255 736 010 022

Kupiga *152*00 #
Kisha utachagua namba 10 “Mbele”,
Kwenye huduma za Serikali chagua namba 6 (Suluhu ya Kodi) kupata huduma zote za TOST, Chagua namba 1 “TOST” kisha chagua huduma yako Chagua namba 1 “Tuma Lalamiko”, Chagua namba 2 “Toa Taarifa”, Chagua namba 3 “Fuatilia Lalamiko/Taarifa”, Chagua namba 4 “Msaada”

05/10/2026

HUJAWEZA KUFIKA TOST? TUMA LALAMIKO LAKO LA KODI KWA POSTA! 📩

Una **lalamiko la kodi**? Usipoteze muda kusafiri hadi ofisini. Unaweza kutuma lalamiko lako pamoja na **nyaraka zote za uthibitisho** kwa njia ya posta kupitia anuani ifuatayo:

**Ofisi ya Usuluhishi wa Malalamiko na Taarifa za Kodi (TOST)**
**S.L.P. 1441, Mji wa Serikali – Mtumba, Dodoma, Tanzania.**

📌 Hakikisha umeambatanisha nyaraka muhimu zinazohusiana na lalamiko lako ili kuwezesha hatua za kushughulikia lalamiko lako.

30/09/2026

📩 UHITAJIKI KUSAFIRI HADI OFISINI!

Una lalamiko la kodi? TOST imekurahisishia huduma. Unaweza kuwasilisha lalamiko lako popote ulipo kwa kutumia barua pepe:

📧 [email protected]
📧 [email protected]
📧 [email protected]

TOST — Huduma karibu nawe, popote ulipo.

28/09/2026

24/09/2026

Ofisi ya Usuluhishi wa Malalamiko na Taarifa za Kodi (TOST) inapokea na kushughulikia aina za malalamiko zifuatazo:

1. Malalamiko ya Huduma
Haya ni malalamiko yanayohusu kutokuzingatiwa kwa viwango vya utoaji huduma vilivyowekwa katika Mkataba wa Huduma kwa Mteja wa Mamlaka ya Mapato Tanzania (TRA). Malalamiko haya yanaweza kujumuisha kushindwa kutoa huduma kwa wakati, kutoshughulikia maswali au malalamiko ya walipakodi ipasavyo, pamoja na ukiukwaji mwingine wa viwango vya huduma.

2. Malalamiko ya Kiutaratibu
Ni malalamiko yanayotokana na kutokufuatwa kwa taratibu za kiutendaji zilizowekwa na Mamlaka ya Mapato Tanzania (TRA), ikiwemo Taratibu za Ubora wa Utoaji Huduma (Quality Service Procedures - QSP) na taratibu nyingine zinazotumika katika usimamizi wa kodi.

3. Malalamiko ya Kiutawala
Haya ni malalamiko yanayohusiana na dosari au kasoro katika utekelezaji wa sheria za kodi au utawala wa kodi, ikiwa ni pamoja na matumizi yasiyo sahihi ya mamlaka, ucheleweshaji usio wa lazima, kutofuata kanuni au taratibu za kiutawala, pamoja na vitendo vingine vinavyoweza kusababisha kutotendewa haki kwa mlipakodi.

22/09/2026

Msuluhishi wa Malalamiko na Taarifa za Kodi, Bw. Erastus Mtui kutoka Ofisi ya Usuluhishi wa Malalamiko na Taarifa za Kodi Tanzania (TOST), anashiriki katika Kongamano la 11 la Mwaka la Mtandao wa Utafiti wa Kodi Afrika (ATRN), lililoanza leo, Jumanne, Septemba 22, na litaendelea hadi Septemba 24, 2026, katika Kituo cha Mikutano cha Kigali, Kigali, Rwanda.

Kongamano hilo, linaloandaliwa na Jukwaa la Usimamizi wa Kodi Afrika (ATAF) kwa kushirikiana na Mamlaka ya Mapato Rwanda (RRA), linafanyika chini ya kaulimbiu “Masuala ya Kisasa ya Kodi Barani Afrika” na linawakutanisha watafiti, wasimamizi wa kodi, watunga sera, wasomi na washirika wa maendeleo. Washiriki wanajadili masuala mbalimbali mapya na muhimu yanayohusu kodi barani Afrika, pamoja na kutafuta suluhisho zinazotokana na tafiti kwa lengo la kuboresha sera za kodi na kuimarisha mageuzi katika usimamizi wa kodi.

=================

Mr. Erastus Mtui, Tax Ombudsman from the Tax Ombudsman Service Tanzania (TOST), is participating in the 11th African Tax Research Network (ATRN) Annual Congress, which began today, Tuesday, September 22, and will run through September 24, 2026, at the Kigali Convention Centre in Kigali, Rwanda.

The Congress, organized by the African Tax Administration Forum (ATAF) in partnership with the Rwanda Revenue Authority (RRA), is being held under the theme “Contemporary Taxation Issues in Africa” and brings together researchers, tax administrators, policymakers, academics and development partners. Participants are discussing emerging and pressing taxation issues across Africa and exploring research-based solutions aimed at improving tax policies and strengthening tax administration reforms.

18/09/2026