Tanzania Dairy Board

17/10/2026

UREMBO NA LISHE BORA VYAKUTANA KATIKA BANDA LA TDB!

Warembo wa Mashindano ya Urembo Kanda ya Kaskazini watembelea banda la Bodi ya Maziwa Tanzania (TDB) wakati wa Maadhimisho ya Siku ya Chakula Duniani yaliyofanyika kitaifa katika Viwanja vya Shule ya Sekondari Usagara, jijini Tanga, Oktoba 16, 2026.

Ziara hiyo ilikuwa fursa ya kutambua umuhimu wa maziwa salama na yenye ubora katika kuboresha lishe, kuimarisha afya na kujenga jamii yenye ustawi. Kupitia ushiriki wao, warembo hao wanaweza kuwa mabalozi wa kuhamasisha jamii kuhusu umuhimu wa unywaji wa maziwa na faida zake katika maisha ya kila siku.

TDB – Maziwa kwa Lishe Bora, Afya Njema na Maisha Yenye Ustawi!

17/10/2026

TDB YAIPA TASNIA YA MAZIWA HESHIMA SIKU YA CHAKULA DUNIANI

Bodi ya Maziwa Tanzania (TDB) imeibuka mshindi wa kwanza wa jumla katika kundi la Taasisi za Serikali wakati wa Maadhimisho ya Siku ya Chakula Duniani yaliyofanyika kitaifa katika Viwanja vya Shule ya Sekondari Usagara, jijini Tanga, Oktoba 16, 2026, na kutunukiwa tuzo na Mkuu wa Mkoa wa Tanga, Mhe. Balozi Dkt. Batilda Burian.

Ushindi huo umeipa heshima TDB na Tasnia ya Maziwa nchini, ukionesha umuhimu wa kuendelea kuhamasisha jamii kuhusu matumizi ya maziwa salama na yenye ubora k**a sehemu ya lishe bora na afya ya wananchi.

Kupitia banda lake katika maadhimisho hayo, TDB ilitoa elimu kwa wananchi na wanafunzi kuhusu faida za maziwa, umuhimu wa kuzingatia usalama na ubora wa bidhaa za maziwa, pamoja na kuhamasisha unywaji wa maziwa kwa ajili ya kuboresha lishe na afya.

Mafanikio hayo yanaongeza chachu kwa TDB kuendelea kushirikiana na Serikali na wadau wa tasnia ya maziwa katika kuhamasisha uzalishaji, matumizi ya maziwa na upanuzi wa soko, kwa lengo la kukuza Tasnia hiyo na kuongeza mchango wake katika lishe na uchumi wa taifa.

17/10/2026

TANZANIA YAHITAJI LITA BILIONI 13 ZA MAZIWA, TDB YATOA WITO WA UWEKEZAJI

Tanzania inazalisha wastani wa lita bilioni 4.2 za maziwa kwa mwaka dhidi ya mahitaji yanayokadiriwa kufikia lita bilioni 13, hali inayoonesha pengo kubwa linalohitaji kuongezwa kwa uzalishaji na uwekezaji katika tasnia ya maziwa nchini.

Akizungumza wakati wa Maadhimisho ya Siku ya Chakula Duniani yaliyofanyika jijini Tanga Oktoba 16, 2026, Meneja Masoko wa Bodi ya Maziwa Tanzania (TDB), Bw. Joseph Semu, amewataka wafugaji na wawekezaji kuongeza uwekezaji katika ufugaji wa kisasa, ukusanyaji na uchakataji wa maziwa ili kukidhi mahitaji ya soko na kuongeza fursa za ajira.

Amesema maziwa yana virutubishi muhimu vinavyosaidia ukuaji na afya ya mwili, hivyo ni muhimu kuendelea kutoa elimu kwa wananchi kuhusu faida za kuyatumia k**a sehemu ya lishe bora, huku wakizingatia ubora na usalama wake.

Aidha, amesema juhudi za Serikali za kuimarisha uzalishaji wa mifugo na kuboresha mifumo ya ukusanyaji na uchakataji wa maziwa zina nafasi muhimu katika kuongeza tija na kupunguza gharama za uzalishaji.

Bw. Semu amesisitiza kuwa uwekezaji katika viwanda vya kuchakata maziwa, vifungashio na vifaa vya uzalishaji unaweza kuongeza upatikanaji wa maziwa salama, kukuza biashara na kuimarisha uchumi wa wafugaji na wajasiriamali nchini.

16/10/2026

Wanafunzi kutoka shule mbalimbali za Jiji la Tanga wakifurahia kunywa maziwa katika banda la Bodi ya Maziwa Tanzania (TDB) wakati wa Maadhimisho ya Siku ya Chakula Duniani yaliyofanyika kitaifa katika Viwanja vya Shule ya Sekondari Usagara, jijini Tanga, Oktoba 16, 2026. Ushiriki wa wanafunzi katika zoezi hilo unalenga kuwajengea uelewa kuhusu umuhimu wa unywaji wa maziwa salama na yenye ubora katika ukuaji, kuimarisha afya na kupata lishe bora.

16/10/2026

Wakazi mbalimbali wa Jiji la Tanga wakipata Maziwa ikiwa ni sehemu ya uhamasishaji wa Matumizi ya Maziwa yaliyosindikwa wakati wa Maadhimisho ya Siku ya Chakula Duniani yaliyofanyika Kitaifa jijini Tanga Oktoba 16, 2026 katika Viwanja vya Shule ya Sekondari Usagara

16/10/2026

Mkuu wa Mkoa wa Tanga Mhe. Dkt. Batilda Burian akipokea zawadi ya Maziwa kutoka Bodi ya Maziwa Tanzania mara baada ya kutembelea Banda hilo alipofika kufunga Maadhimisho ya Siku ya Chakula Duniani yaliyofanyika Kitaifa jijini Tanga katika Viwanja vya Shule ya Sekondari Usagara Oktoba 16, 2026

16/10/2026

Mkuu wa Mkoa wa Tanga, Mhe. Dkt. Batilda Burian, akipokea maelezo kutoka kwa Meneja Masoko wa Bodi ya Maziwa Tanzania (TDB), Bw. Joseph Semu, kuhusu maendeleo na ukuaji wa Tasnia ya Maziwa nchini, ikiwemo juhudi zinazofanyika kuimarisha uzalishaji, usindikaji na matumizi ya maziwa mara baada ya kutembelea Banda la TDB wakati wa kufunga Maadhimisho ya Siku ya Chakula Duniani yaliyofanyika katika Viwanja vya Shule ya Sekondari Usagara, jijini Tanga, Oktoba 16, 2026.

16/10/2026

TDB YATUNUKIWA TUZO KWA MCHANGO WAKE KATIKA KUENDELEZA TASNIA YA MAZIWA

Bodi ya Maziwa Tanzania (TDB) imetunukiwa tuzo ya Mshindi wa Kwanza kundi la Taasisi za Serikali na Mkuu wa Mkoa wa Tanga, Dkt. Batilda Burian, kwa kutambua mchango wake katika kuendeleza Tasnia ya Maziwa nchini, katika maadhimisho ya Siku ya Chakula Duniani yaliyofanyika jijini Tanga, Oktoba 16, 2026, huku tuzo hiyo ikiweka msisitizo katika umuhimu wa kuimarisha uzalishaji, ubora na matumizi ya maziwa kwa ajili ya lishe bora na afya ya wananchi.

Akizungumza wakati wa maadhimisho hayo, Dkt. Burian amesisitiza umuhimu wa ushirikiano kati ya Serikali na wadau wa sekta ya chakula katika kuhakikisha wananchi wanapata chakula salama na chenye virutubisho vya kutosha.

Amesema maziwa ni miongoni mwa vyakula muhimu vinavyosaidia kuboresha lishe na afya, hivyo ni muhimu kuendeleza juhudi za kuongeza uzalishaji na kuhamasisha matumizi yake.

Kwa upande wake, Meneja Masoko wa Bodi ya Maziwa Tanzania, Bw. Joseph Semu, amesema tuzo hiyo ni chachu kwa Bodi kuendelea kutekeleza majukumu yake ya kuendeleza Tasnia ya Maziwa nchini kwa kuhamasisha uzalishaji, uchakataji na matumizi ya maziwa, pamoja na kuhimiza uzingatiaji wa viwango vya ubora na usalama wa bidhaa za maziwa.

Amesema TDB itaendelea kushirikiana na Serikali, wafugaji, wachakataji, wafanyabiashara na wadau wengine katika kutoa elimu kuhusu faida za maziwa, hususani kwa watoto na vijana, ili kuongeza uelewa wa jamii kuhusu umuhimu wake katika lishe bora na kuchochea ukuaji wa soko la maziwa nchini.

Naye Bw. Abdul Rashid mmoja wa wadau wa Tasnia ya Maziwa kutoka mkoani Tanga amesema ushirikiano kati ya Serikali, TDB na wadau wengine ni muhimu katika kuongeza uzalishaji, kuboresha ubora wa bidhaa na kupanua soko la maziwa.

Ameeleza kuwa utoaji wa elimu kwa wafugaji na wafanyabiashara, pamoja na kuhamasisha wananchi kutumia maziwa, unaweza kusaidia kuimarisha biashara hiyo na kuongeza mchango wake katika uchumi wa jamii.

Maadhimisho ya Siku ya Chakula Duniani yanaendelea kuwa jukwaa la kuwakutanisha wadau wa sekta ya chakula na lishe kujadili namna ya kuboresha upatikanaji wa chakula salama na chenye virutubisho vya kutosha. Kupitia juhud

16/10/2026