Ushetudc

Website

Ushetudc UKURASA RASMI WA FACEBOOK WA HALMASHAURI YA WILAYA YA USHETU

WAZIRI WA VIWANDA NA BIASHARA AFUNGUA RASMI MAONYESHO YA TANO YA SIDO.Waziri wa Viwanda na Biashara, Mhe. Judith Kapinga...
24/10/2026

WAZIRI WA VIWANDA NA BIASHARA AFUNGUA RASMI MAONYESHO YA TANO YA SIDO.

Waziri wa Viwanda na Biashara, Mhe. Judith Kapinga, amefungua rasmi Maonyesho ya Tano ya Shirika la Kuhudumia Viwanda Vidogo (SIDO), yaliyofanyika katika Viwanja vya Magufuli, Manispaa ya Kahama, mkoani Shinyanga. Katika hafla hiyo, Mhe. Kapinga alikaribishwa na Mkuu wa Wilaya ya Kahama, Mhe. Francis Mlacha, aliyemwakilisha Mkuu wa Mkoa wa Shinyanga.

Akizungumza wakati wa ufunguzi wa maonyesho hayo, Mhe. Kapinga ameitaka SIDO kuendelea kutekeleza jukumu lake la kuwawezesha wajasiriamali wadogo na wa kati kwa kuhakikisha wanapata mikopo yenye masharti nafuu na inayokidhi mahitaji ya biashara zao. Amesisitiza kuwa upatikanaji wa mitaji ni muhimu katika kuwawezesha wajasiriamali kuongeza uzalishaji, kuboresha ubora wa bidhaa, kupanua shughuli zao za kiuchumi na kuongeza mchango wao katika maendeleo ya taifa.

Aidha, amewahimiza wajasiriamali kutumia kikamilifu fursa zinazotokana na maendeleo ya teknolojia ya kidijitali katika kutangaza na kuuza bidhaa zao. Amesema matumizi ya majukwaa ya kidijitali yanaweza kuwasaidia wajasiriamali kupanua wigo wa masoko, kuwafikia wateja wengi zaidi na kufanya biashara zao kutambulika ndani na nje ya mipaka ya Tanzania. Hivyo, amewataka kuendana na mabadiliko ya teknolojia ili kuongeza ushindani.

Vilevile, Mhe. Kapinga ameipongeza SIDO kwa juhudi zake za kuendeleza sekta ya viwanda vidogo na kuchochea ukuaji wa uchumi kupitia uwezeshaji wa wajasiriamali. Ameeleza kuwa katika kipindi cha miaka mitatu iliyopita, SIDO imefanikiwa kuwezesha kuanzishwa kwa viwanda 1,760 ambavyo vimechangia upatikanaji wa ajira zaidi ya 60,000 nchini. Mafanikio hayo yanaonesha umuhimu wa kuendelea kuimarisha sekta ya viwanda vidogo k**a nyenzo ya kukuza uzalishaji, kuongeza kipato cha wananchi na kupanua fursa za ajira.

Akihitimisha hotuba yake, Mhe. Kapinga amesisitiza kuwa Serikali inaendelea kutambua mchango wa wajasiriamali katika kukuza uchumi wa nchi na itaendelea kuweka mazingira wezeshi yatakayowawezesha kuanzisha, kuendeleza na kupanua biashara zao. Ameeleza kuwa juhudi hizo zinalenga kuongeza uzalishaji wa bidhaa za ndani,kuimarisha sekta ya viwanda na kuongeza ajira.

WAZIRI WA VIWANDA NA BIASHARA ALIVYOWASILI KATIKA VIWANJA VYA MAGUFULI KWA AJILI YA UFUNGUZI WA MAONESHO YA SIDO KITAIFA...
24/10/2026

WAZIRI WA VIWANDA NA BIASHARA ALIVYOWASILI KATIKA VIWANJA VYA MAGUFULI KWA AJILI YA UFUNGUZI WA MAONESHO YA SIDO KITAIFA

Waziri wa Viwanda na Biashara, Mhe. Judith Kapinga, alivyowasili katika Viwanja vya Magufuli, Manispaa ya Kahama, mkoani Shinyanga, kwa ajili ya kushiriki hafla ya ufunguzi rasmi wa Maonesho ya Shirika la Maendeleo ya Viwanda Vidogo (SIDO) Kitaifa.

Mhe. Kapinga, ambaye ndiye mgeni rasmi katika hafla hiyo, aliwasili katika viwanja hivyo ambako maonesho hayo yanawakutanisha wajasiriamali, wafanyabiashara na wadau mbalimbali wa sekta ya viwanda kutoka maeneo mbalimbali nchini.

Maonesho hayo yanalenga kutoa fursa kwa wajasiriamali kutangaza na kuonesha bidhaa zao, kupata masoko, kubadilishana uzoefu na kupata elimu kuhusu fursa za biashara na maendeleo ya viwanda vidogo nchini.

MKURUGENZI MTENDAJI WA HALMASHAURI YA WILAYA YA USHETU NA KATIBU TAWALA WA KAHAMA WATEMBELEA BANDA LA USHETU KATIKA MAON...
24/10/2026

MKURUGENZI MTENDAJI WA HALMASHAURI YA WILAYA YA USHETU NA KATIBU TAWALA WA KAHAMA WATEMBELEA BANDA LA USHETU KATIKA MAONESHO YA SIDO KITAIFA.

Mkurugenzi Mtendaji wa Halmashauri ya Wilaya ya Ushetu, Bi. Hadija Kabojela, akiambatana na Katibu Tawala wa Kahama, Bi. Glory Absalum, wametembelea banda la Halmashauri ya Wilaya ya Ushetu katika Maonesho ya Shirika la Maendeleo ya Viwanda Vidogo (SIDO) Kitaifa yanayofanyika katika Viwanja vya Magufuli, Manispaa ya Kahama.

Viongozi hao wametembelea banda hilo kwa lengo la kujionea bidhaa mbalimbali zinazozalishwa na kuwasilishwa na wajasiriamali wadogo kutoka Halmashauri ya Wilaya ya Ushetu, pamoja na kupata maelezo kuhusu shughuli zao na fursa zilizopo katika sekta ya ujasiriamali.

Miongoni mwa bidhaa zilizooneshwa katika banda hilo ni mbogamboga za majani zilizokaushwa, zikiwemo nsasa, matembele na mlenda, ambazo ni miongoni mwa bidhaa zinazoweza kuhifadhiwa kwa muda mrefu na kuweza kutumika kwa chakula.

Aidha,Halmashauri ya Wilaya ya Ushetu imeleta unga wa virutubisho kwa ajili ya lishe ya watoto, unaolenga kuchangia katika juhudi za kukabiliana na utapiamlo ndani ya Halmashauri ya Wilaya ya Ushetu, pamoja na asali inayozalishwa ndani ya Halmashauri ya Wilaya ya Ushetu.

Ushiriki wa wajasiriamali wa Ushetu katika maonesho hayo ni fursa ya kutangaza bidhaa zao, kutafuta masoko mapya na kuongeza uelewa wa wananchi kuhusu bidhaa na fursa za kiuchumi zinazopatikana katika Halmashauri ya Wilaya ya Ushetu.

MBUNGE WA JIMBO LA USHETU ALIVYOWASILI KATIKA VIWANJA VYA MAGUFULI KWA AJILI YA UFUNGUZI WA MAONESHO YA SIDO KITAIFAMbun...
24/10/2026

MBUNGE WA JIMBO LA USHETU ALIVYOWASILI KATIKA VIWANJA VYA MAGUFULI KWA AJILI YA UFUNGUZI WA MAONESHO YA SIDO KITAIFA

Mbunge wa Jimbo la Ushetu, Mhe. Emmanuel Peter Cherehani, alivyowasili katika Viwanja vya Magufuli vilivyopo Manispaa ya Kahama, kwa ajili ya kushiriki hafla ya ufunguzi wa Maonesho ya Shirika la Maendeleo ya Viwanda Vidogo (SIDO) Kitaifa.

Mhe. Cherehani aliwasili katika viwanja hivyo akiwa pamoja na Katibu Mkuu wa Wizara ya Viwanda na Biashara, Balozi Waziri Salum, katika maandalizi ya hafla hiyo inayowakutanisha wadau mbalimbali wa sekta ya viwanda, wajasiriamali na wafanyabiashara.

Maonesho hayo ni fursa kwa wajasiriamali kuonesha bidhaa zao, kupata elimu kuhusu maendeleo ya viwanda na kujitangaza kwa lengo la kupanua masoko ya bidhaa zao.

Halmashauri ya Wilaya ya Ushetu ni miongoni mwa washiriki wa maonesho hayo, ambapo inatoa elimu kwa wananchi kuhusu fursa mbalimbali za kiuchumi na uwekezaji zinazopatikana ndani ya Halmashauri hiyo.

Shinyanga RS Tanzania
Shirika la Maendeleo ya Viwanda Vidogo (SIDO)
Viwanda Biashara

HABARI PICHA: Wageni mbalimbali wanaotembelea banda la Halmashauri ya Wilaya ya Ushetu katika maonyesho ya SIDO yanayoen...
24/10/2026

HABARI PICHA: Wageni mbalimbali wanaotembelea banda la Halmashauri ya Wilaya ya Ushetu katika maonyesho ya SIDO yanayoendelea katika Viwanja vya Magufuli, Manispaa ya Kahama, wakiendelea kupata elimu kuhusu bidhaa mbalimbali zinazozalishwa na fursa za kiuchumi zinazopatikana katika Halmashauri hiyo.

Karibu katika banda la Halmashauri ya Wilaya ya Ushetu lililopo Viwanja vya Magufuli, Manispaa ya Kahama, katika Maonyes...
23/10/2026

Karibu katika banda la Halmashauri ya Wilaya ya Ushetu lililopo Viwanja vya Magufuli, Manispaa ya Kahama, katika Maonyesho ya Shirika la Maendeleo ya Viwanda Vidogo (SIDO).

Tembelea banda letu upate fursa ya kukutana na wajasiriamali, kujifunza kuhusu shughuli mbalimbali zinazofanyika Ushetu, pamoja na kutambua fursa za kiuchumi na uwekezaji zinazopatikana katika Halmashauri yetu.

Kauli mbiu: Teknolojia na soko:Chachu ya viwanda vidogo nchini

MRADI WA 3SI-CONTROL KULENGA KUDHIBITI MINYOO TEGU YA NGURUWE NA KICHOCHO USHETU.Watafiti kutoka Chuo Kikuu cha Sokoine ...
19/10/2026

MRADI WA 3SI-CONTROL KULENGA KUDHIBITI MINYOO TEGU YA NGURUWE NA KICHOCHO USHETU.

Watafiti kutoka Chuo Kikuu cha Sokoine cha Kilimo (SUA) wamekutana na viongozi pamoja na wataalamu wa Halmashauri ya Wilaya ya Ushetu kwa ajili ya kuwasilisha mradi wa 3SI-Control unaolenga kufanya utafiti na kuimarisha udhibiti wa minyoo tegu ya nguruwe (Taenia solium) na kichocho.

Akizungumza wakati wa semina hiyo, Prof. Helena Ngowi kutoka SUA amesema mradi huo unalenga kufanya utafiti wa kina kuhusu hali ya maambukizi ya magonjwa hayo, pamoja na kutoa elimu kwa wananchi kuhusu njia za kujikinga na kupunguza hatari za maambukizi.

Amesema maambukizi ya Taenia solium yanaweza kusababisha madhara makubwa kwa afya ya binadamu, yakiwemo kifafa, kupooza na upofu pale vimelea vinapoathiri mfumo wa fahamu na maeneo mengine ya mwili. Hivyo, amesisitiza umuhimu wa jamii kuchukua tahadhari na kuzingatia kanuni za afya na usafi ili kujikinga na maambukizi hayo.

Aidha, ameeleza kuwa njia za kujikinga ni pamoja na kujenga na kutumia vyoo bora, kunawa mikono kwa maji safi na sabuni, kunywa maji safi na salama, kuandaa na kupika nyama ya nguruwe vizuri, kuosha matunda na mboga mboga kabla ya kuzitumia, pamoja na kuhakikisha nyama inakaguliwa na wataalamu kabla ya kuruhusiwa kwa matumizi ya binadamu. Pia, amesisitiza umuhimu wa kufuga nguruwe katika mabanda bora na kufuata maelekezo ya wataalamu wa afya kuhusu matumizi ya dawa za minyoo.

Semina hiyo imekuwa hatua ya awali ya kuwasilisha mradi huo kwa Halmashauri ya Wilaya ya Ushetu kabla ya kuanza kwa shughuli za utafiti katika maeneo ya halmashauri hiyo. Kupitia mradi huo, elimu inatarajiwa kutolewa kwa wananchi katika vijiji mbalimbali, pamoja na wanafunzi wa shule za msingi na sekondari, ili kuongeza uelewa kuhusu magonjwa hayo, njia za maambukizi na hatua za kujikinga.

Semina hiyo imehudhuriwa na Mwenyekiti wa Halmashauri ya Wilaya ya Ushetu, Mhe. Gagi Lala Gagi, Mkurugenzi Mtendaji wa Halmashauri ya Wilaya ya Ushetu, Bi. Hadija Kabojela, pamoja na wawakilishi kutoka idara na vitengo mbalimbali vya halmashauri.

Watafiti walioshiriki katika uwasilishaji wa mradi huo ni Pro.Helana Ngowi,Dkt.Herman Oscar na Dk.George Makingi

TUME YA UTUMISHI WA UMMA YATOA ELIMU YA HAKI NA WAJIBU KWA WATUMISHI WA USHETUTimu ya ukaguzi kutoka Tume ya Utumishi wa...
16/10/2026

TUME YA UTUMISHI WA UMMA YATOA ELIMU YA HAKI NA WAJIBU KWA WATUMISHI WA USHETU

Timu ya ukaguzi kutoka Tume ya Utumishi wa Umma imefanya ziara katika Halmashauri ya Wilaya ya Ushetu kwa lengo la kukagua masuala mbalimbali ya kiutumishi kwa mwaka wa fedha 2025/2026.

Katika ziara hiyo, timu hiyo ilifanya vikao na wakuu wa idara na vitengo wa Halmashauri ya Wilaya ya Ushetu kwa ajili ya kujadili masuala mbalimbali yanayohusu usimamizi wa watumishi na utekelezaji wa sheria, kanuni na taratibu za utumishi wa umma.

Aidha, timu hiyo ilitoa mafunzo mafupi kwa watumishi wa makao makuu ya Halmashauri na Hospitali ya Wilaya ya Ushetu, yakilenga kuwaelimisha kuhusu haki na wajibu wao katika utumishi wa umma.

Katika mafunzo hayo, watumishi walihimizwa kuzingatia haki zao za kiutumishi na kuhakikisha wanapata stahiki zao kwa mujibu wa sheria, kanuni na taratibu zilizowekwa. Vilevile, walikumbushwa umuhimu wa kuzingatia maadili ya utumishi wa umma wakati wote wawapo kazini ili kuongeza uwajibikaji na ufanisi katika utoaji wa huduma kwa wananchi.

Sambamba na hilo, watumishi walitakiwa kujiepusha na vitendo vinavyokiuka maadili na nidhamu ya utumishi wa umma, ikiwemo wizi, utoro kazini na ulevi wakati wa kazi, kwani vitendo hivyo vinaweza kuathiri utendaji kazi na ubora wa huduma zinazotolewa kwa wananchi.
Ziara hiyo ni sehemu ya jitihada za kuimarisha usimamizi wa masuala ya kiutumishi, kuongeza uelewa wa watumishi kuhusu haki na wajibu wao, pamoja na kuhakikisha sheria, kanuni na taratibu za utumishi wa umma zinafuatwa katika Halmashauri ya Wilaya ya Ushetu

MAADHIMISHO YA SIKU YA MWANAMKE ANAYEISHI VIJIJINI YAFANYIKA USHETUHalmashauri ya Wilaya ya Ushetu kupitia Idara ya Maen...
15/10/2026

MAADHIMISHO YA SIKU YA MWANAMKE ANAYEISHI VIJIJINI YAFANYIKA USHETU

Halmashauri ya Wilaya ya Ushetu kupitia Idara ya Maendeleo ya Jamii, kwa kushirikiana na wananchi wa Kata ya Ukune, Kijiji cha Kisuke, imeadhimisha Siku ya Mwanamke Anayeishi Vijijini tarehe 15 Oktoba 2026, kwa kutoa elimu kuhusu masuala mbalimbali ya kijamii, kiuchumi na kiafya yanayolenga kuimarisha ustawi na maendeleo ya wanawake.

Katika maadhimisho hayo, wanawake wamepatiwa elimu kuhusu fursa za kiuchumi na namna ya kuzitumia kujiongezea kipato, ikiwemo fursa ya mikopo ya asilimia 10 inayotolewa na Halmashauri kwa wanawake bila riba, kwa lengo la kuwawezesha kujikwamua kiuchumi.

Aidha, elimu kuhusu VVU/UKIMWI imetolewa kwa kuhamasisha wanawake kujikinga na maambukizi, kupima afya zao na kupinga unyanyapaa dhidi ya watu wanaoishi na VVU. Pia, wameelimishwa kuhusu umuhimu wa lishe bora, ulaji wa vyakula vyenye virutubisho mbalimbali na kuzingatia mlo kamili kwa afya bora ya familia.

Katika eneo la afya, wanawake wamepatiwa elimu kuhusu umuhimu wa Bima ya Afya kwa Wote katika kurahisisha upatikanaji wa huduma za matibabu na kupunguza gharama za matibabu kwa familia. Vilevile, wameelimishwa kuhusu haki zao za kisheria na umuhimu wa kutafuta msaada wa kisheria wanapokabiliwa na changamoto zinazohitaji ufumbuzi wa kisheria.

Maadhimisho hayo pia yamejikita katika kuhamasisha wanawake kutambua haki, wajibu na nafasi yao katika uongozi, kufanya maamuzi na kushiriki katika shughuli za maendeleo ya jamii. Sambamba na hilo, wanawake wameelezwa umuhimu wa kujiunga na kushiriki katika majukwaa ya wanawake kwa ajili ya kubadilishana uzoefu, kujadili changamoto na kuweka mikakati ya pamoja ya maendeleo.

Kwa upande wao, wanawake walioshiriki maadhimisho hayo wameishukuru Serikali inayoongozwa na Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania, kwa kuweka mazingira wezeshi yanayosaidia maendeleo ya wanawake kupitia fursa mbalimbali za uwezeshaji kiuchumi na kijamii.

Maadhimisho ya Siku ya Mwanamke Anayeishi Vijijini ni sehemu ya juhudi za kuendelea kuwawezesha wanawake kutambua haki na fursa zao, kuboresha maisha yao na kushiriki kikamilifu katika maendeleo ya familia, jami

BARAZA LA MADIWANI USHETU LAKAMILISHA ZIARA YA MAFUNZO KATIKA CHAMA CHA USHIRIKA LATCU LTD MKOANI KATAVIBaraza la Madiwa...
14/10/2026

BARAZA LA MADIWANI USHETU LAKAMILISHA ZIARA YA MAFUNZO KATIKA CHAMA CHA USHIRIKA LATCU LTD MKOANI KATAVI

Baraza la Madiwani pamoja na wataalamu kutoka Halmashauri ya Wilaya ya Ushetu limekamilisha ziara ya mafunzo katika Mkoa wa Katavi kwa kutembelea Chama Kikuu cha Ushirika cha LATCU LTD, kwa lengo la kujifunza mbinu bora za uendeshaji wa vyama vya ushirika na namna vinavyoweza kuchangia maendeleo ya kiuchumi kwa wananchi.

Katika ziara hiyo, Baraza la Madiwani liliambatana na Mbunge wa Jimbo la Ushetu, Mhe. Emmanuel Peter Cherehani, pamoja na Mkurugenzi Mtendaji wa Halmashauri ya Wilaya ya Ushetu, Bi. Hadija Kabojela, ambapo walitembelea makao makuu ya ofisi za LATCU LTD na kupata fursa ya kujifunza kuhusu shughuli na mifumo ya uendeshaji wa chama hicho.

Wajumbe walijifunza namna ya kusimamia shughuli za vyama vya ushirika, kuimarisha uwajibikaji, kusimamia mapato na matumizi pamoja na umuhimu wa kuwashirikisha wanachama katika maamuzi yanayohusu maendeleo ya chama. Pia walipata uelewa kuhusu namna vyama vya ushirika vinavyoweza kuwaunganisha wakulima na masoko ya mazao yao ili kuongeza tija na manufaa ya kiuchumi.

Aidha, ziara hiyo imewapa wajumbe fursa ya kujifunza mbinu za kuimarisha ushirikiano kati ya wakulima na vyama vya ushirika, kuboresha huduma kwa wanachama na kusimamia rasilimali za vyama kwa ufanisi. Maarifa hayo ni muhimu katika kuboresha usimamizi wa shughuli za ushirika na kuongeza mchango wake katika maendeleo ya wananchi.

Kupitia ziara hiyo, Halmashauri ya Wilaya ya Ushetu inalenga kutumia uzoefu na mafunzo yaliyopatikana kuboresha usimamizi wa shughuli za ushirika, kuimarisha shughuli za kiuchumi na kukuza maendeleo endelevu kwa wananchi wa Wilaya ya Ushetu.

Address

Kahama

Website

Alerts

Be the first to know and let us send you an email when Ushetudc posts news and promotions. Your email address will not be used for any other purpose, and you can unsubscribe at any time.

Shortcuts

Share

Category