Kahama Municipal Council

06/06/2026

06/06/2026

Mchezaji wa Timu ya Idara ya Utawala ambaye pia ni Mkurugenzi wa Halmashauri ya Manispaa ya Kahama Ndg Masudi Kibetu ametunukiwa tuzo ya Mchezaji mwenye Hamasa na mwenye nidhamu katika mchezo wa miguu "Fair Play" katika Mashindano ya Idara kwa Idara yaliyohitimishwa Jana kqenye uwanja wa Taifa

06/06/2026

Mashindano ya Michezo mbalimbali iliyokutanisha Idara kwa Idara za Manispaa ya Kahama yamehitimishwa Jana huku Washindi katika Makundi mbalimbali wakipatiwa zawadi.

02/06/2026

Mafunzo ya Kukabiliana na Mabadiliko ya tabia nchi katika Mradi wa SCALE kwenye Halmashauri ya Manispaa ya Kahama yanaendelea katika Kata Saba za Manispaa hiyo.

Mafunzo hayo yanayotolewa na Wataalamu wa Kilimo, Maendeleo ya Jamii na Wataalamu wa Mazingira wa Manispaa hiyo yana lengo la kubainisha hatua za kukabiliana na athari za mabadiliko ya tabia nchi kwa kuainisha na kuibua miradi inayoweza kuendana na hali ya hewa.

Makundi ya wanaopatiwa Mafunzo hayo ni Jamii nzima ya maeneo husika wakiwemo Vijana, Wanawake na Watu wenye ulemavu ambapo fursa hizo zinaweza kuwalenga moja kwa moja.

Mradi huu ni wa Miaka mitano na unatarajiwa kutamatika Mwaka 2030.

29/05/2026

Afisa Vijana wa Halmashauri ya Manispaa ya Kahama Bi. Anna Tesha amewataka Vijana kuwa na nidhamu na Uadilifu katika Matumizi ya fedha wanazokopeshwa na Serikali kwani bila kufanya hivyo ni ngumu kufikia Malengo yao.
Ameyasema hayo Mwishoni mwa juma liliopita alipokua akizungumza na Vijana kwenye kikao cha Maelekezo na ujazaji wa Mikataba kwa Wanufaika wa Mkopo wa asilimia kumi ya Mapato ya ndani ya Halmashauri ambapo jumla ya Vikundi vya Vijana 37 vimepatiwa Mkopo wa fedha za Kitanzania Shilingi 1,242,423,500.
Bi. Tesha amesema kuwa kundi la Vijana ndio linaloongoza kwa kutofanya Marejesho kwa wakati hivyo inapelekea uaminifu kupungua dhidi yao.

29/05/2026

Halmashauri ya Manispaa ya Kahama imetoa Fedha za Kitanzania 1,575,123,500 kwa vikundi 55 ikiwa ni Mkopo unaotokana na asilimia kumi ya Mapato ya ndani ya Halmashauri hiyo kwa Vijana, Wanawake na Watu wenye Ulemavu katika robo ya tatu ya Mwaka 2025/2026.

Katika Mkopo huo Wanawake ni Vikundi 15 wamepata Shilingi 299,400,000, Vijana Vikundi 37 Shilingi 1,242,423,500 na Watu wenye Ulemavu Vikundi 3 Shilingi 33,300,000.

Akizungumza wakati wa Semina kwa Wanufaika wa Mkopo huo Mkuu wa Divisheni ya Maendeleo ya Jamii Ndg. Hamis Mnubi amewataka kuzitumia fedha hizo kulingana na Mipango na maandiko yao ili kuweza kutimiza malengo yanayokusudiwa.

27/05/2026

Halmashauri ya Manispaa ya Kahama Mapema leo imesaini Mkataba wa umaliziaji ujenzi wa Barabara za Mjini ikiwa ni Mkataba Mpya baada ya Kuvunjwa kwa Mkataba wa Mkandarasi wa awali M/s Sichuan Road and Bridge (Group) Corporation Ltd) .
Mkataba huu wa sasa ni Baina ya Halmashauri ya Manispaa ya Kahama na Mkandarasi M/s China Civil Engineering Construction Corporation na ni Mkataba Miezi 8 kuanzia tarehe 01/06/2026 hadi tarehe 31/01/2027 na una thamani ya TZS: 25,547,162,432.04 bila Kodi ya ya Ongezeko la thamani.
Akitoa neno baada ya Utiaji Saini Mkataba huo Waziri wa Nchi Ofisi ya Waziri Mkuu - TAMISEMI Mhe. Prof. Riziki Shemdoe amemtaka Mkandarasi huyo kuhakikisha anatekeleza Mradi huo ndani ya Muda uliopo kwenye Mkataba na hakutokuwa na Kuongezewa Muda wa utekelezaji.

25/05/2026