Halmashauri ya Mji Kasulu

31/10/2026

WANANCHI WASHIRIKI KIKAMILI ZOEZI LA USAFI NA UZIBUAJI WA MITARO KUKABILIANA NA ATHARI ZA MVUA

Wananchi wa Halmashauri ya Mji Kasulu wameshiriki kikamilifu katika zoezi la usafi wa mazingira na uzibuaji wa mitaro, ikiwa ni sehemu ya jitihada za kujiandaa kukabiliana na athari zinazoweza kusababishwa na mvua za El Niño, kuimarisha afya ya jamii, kuzuia magonjwa ya mlipuko na kuhakikisha mazingira yanakuwa safi na salama.

Akizungumza kwa niaba ya Mkuu wa Wilaya ya Kasulu, Mgeni Rasmi Ibrahim Samson Mwangarume, amesisitiza kuwa usafi wa mazingira ni msingi muhimu wa afya bora na ustawi wa jamii, akiwataka wananchi kuendeleza utamaduni wa kufanya usafi.

Aidha, ameeleza kuwa uwajibikaji katika suala la usafi wa mazingira haupaswi kutegemea uwepo wa viongozi, bali kila mwananchi anapaswa kutambua wajibu wake na kushiriki kikamilifu katika kutunza mazingira bila kusubiri ziara au ushiriki wa viongozi.

Kwa upande wake, Kaimu Mkurugenzi wa Halmashauri ya Mji Kasulu Nurfus Aziz Ndee. amewashukuru wananchi na Watendaji wa Mitaa kwa kujitokeza na kutenga muda wao kushiriki katika zoezi la usafi wa mazingira.

Zoezi hilo limefanyika katika Kata zote 15 za Halmashauri ya Mji Kasulu, likihusisha ushiriki wa viongozi mbalimbali pamoja na wananchi likilenga kuhakikisha mazingira yanakuwa safi, mitaro inapitisha maji kwa ufanisi na jamii inakuwa salama dhidi ya athari za mvua.

31/10/2026

wamehitimu mafunzo ya awali yaliyowajengea maarifa na ujuzi wa kuimarisha ulinzi na usalama wa jamii.

Wahitimu hao wametakiwa kutumia ipasavyo ujuzi walioupata kwa kuzingatia nidhamu, uzalendo, uadilifu na weledi katika kutekeleza majukumu yao ili kuendelea kulinda amani, mshikamano na usalama.

30/10/2026

WAHITIMU WA JESHI LA AKIBA WILAYA YA KASULU WATAKIWA KUDUMISHA AMANI, USALAMA NA MSHIKAMANO.

Wahitimu wa mafunzo ya awali ya Jeshi la Akiba (Mgambo) wametakiwa kuwa chachu ya kudumisha amani, usalama na mshikamano katika jamii kwa kuzingatia misingi ya nidhamu, uadilifu na weledi huku wakitekeleza majukumu yao kwa kuzingatia sheria na misingi ya haki.

Wito huo umetolewa na Mkuu wa Wilaya ya Uvinza, Mhe. Mtella Allam Mwampamba, aliyekuwa Mgeni Rasmi katika hafla ya kuhitimisha mafunzo hayo kwa niaba ya Mkuu wa Wilaya ya Kasulu, Luteni Kanali Joseph Athanas Murimi.

Akizungumza katika hafla hiyo, Mhe. Mtella amewataka wahitimu kutumia ipasavyo maarifa na ujuzi walioupata kupitia mafunzo ya kinadharia na vitendo, huku akiwasisitiza kuwa mfano wa nidhamu, uzalendo, uaminifu na uadilifu katika kutekeleza majukumu yao.

Mafunzo hayo yamejumuisha mada mbalimbali zikiwemo usalama wa raia, uhamiaji, rushwa, usajili na utambuzi, utimamu wa mwili pamoja na masuala ya zimamoto.

Akisoma risala kwa niaba ya wahitimu, Albert Kayanda amesema mafunzo hayo yamewaongezea maarifa na ujuzi muhimu utakaowawezesha kulitumikia taifa kwa kuisaidia jamii katika masuala mbalimbali ya kiusalama.

Aidha, amewahakikishia viongozi na wananchi kuwa wahitimu watatekeleza majukumu yao kwa uaminifu na uadilifu, sambamba na kushiriki kikamilifu katika kulinda na kudumisha utulivu wa jamii.

Kwa ujumla, wahitimu 65 wa Jeshi la Akiba wamehitimu mafunzo hayo yaliyoanza tarehe 01 Julai 2026 na kuhitimishwa rasmi tarehe 30 Oktoba 2026 ktika uwanja wa mpira uliopo Kata ya Murufiti, Halmshauri ya Mji Kasulu.

30/10/2026

Pumzika kwa Amani Mwl. Emmanuel Justine Mgasa 💔😢

28/10/2026

KASULU MJI YAPOKEA WAKAGUZI WA MBEGU KUTOKA TOSCI, MADUKA YA PEMBEJEO ZA KILIMO KUKAGULIWA

Ofisi ya Mkurugenzi wa Halmashauri ya Mji Kasulu imepokea timu ya wakaguzi wa mbegu kutoka Taasisi ya Kudhibiti ubora wa mbegu Tanzania (TOSCI) kwa ajili ya kukagua ubora wa mbegu zinazouzwa katika maduka ya pembejeo za kilimo ndani ya Halmashauri hiyo.

Ukaguzi huo unalenga kuhakikisha wakulima wanapata mbegu zenye ubora unaokubalika na uwezo wa kuongeza tija katika uzalishaji wa mazao sambamba na kudhibiti uuzaji wa mbegu zisizothibitishwa na TOSCI.

Aidha, Mkurugenzi wa Halmashauri ya Mji Kasulu, Mwl. Vumilia Julius Simbeye, amesisitiza umuhimu wa ushirikiano kati ya Halmashauri na TOSCI katika kusimamia ubora wa pembejeo za kilimo na kuhakikisha wakulima wanapata mbegu zinazokidhi viwango vinavyotakiwa.

Hatua hiyo ni sehemu ya juhudi za kuimarisha usimamizi wa sekta ya kilimo, kulinda maslahi ya wakulima na kuongeza tija ya uzalishaji kupitia matumizi ya mbegu bora zinazochangia maendeleo ya kilimo na uchumi wa wananchi.

28/10/2026

HELPAGE TANZANIA NA EWAKI KUIMARISHA ELIMU YA KINGA DHIDI YA MAGONJWA NA ATHARI ZA EL NIÑO KASULU MJI.

Shirika la HelpAge Tanzania kwa kushirikiana na Shirika la Endeleza Wazee Kigoma (EWAKI) yameahidi kuendelea kushirikiana na Halmashauri ya Mji Kasulu katika kuelimisha jamii kuhusu kinga dhidi ya magonjwa ya mlipuko, ikiwemo Homa ya Ini, pamoja na kujiandaa kukabiliana na athari zinazoweza kusababishwa na mvua za El Niño.

Hayo, yamebainishwa na wawakilishi wa mashirika hayo akiwemo Beatrice Emmanuel wa HelpAge Tanzania na Frank Baseka wa EWAKI baada ya kutembelea Ofisi ya Mkurugenzi wa Halmashauri ya Mji Kasulu na kufanya kikao kifupi cha tathmini ya utekelezaji wa majukumu yao.

Wamesema wataendelea kutoa elimu kwa wazee, watu wenye ulemavu na wajane kuhusu njia sahihi za kujikinga na magonjwa ya mlipuko, huku wakihamasisha makundi hayo kuchukua tahadhari dhidi ya athari za mvua za El Niño.

Kwa upande wake, Mkurugenzi wa Halmashauri ya Mji Kasulu, Mwl. Vumilia Julius Simbeye ameyakaribisha mashirika hayo na kusisitiza umuhimu wa kuimarisha ushirikiano katika kutoa elimu kwa jamii kuhusu kinga dhidi ya magonjwa ya mlipuko na tahadhari dhidi ya athari za mvua za El Niño.

27/10/2026

Wananchi wa Kata ya Msambara, Halmashauri ya Mji Kasulu, Mkoa wa Kigoma wamepokea kwa furaha taarifa ya Serikali kutoa zaidi ya shilingi milioni 838.612 kwa ajili ya ujenzi wa Kituo cha Afya katika kata hiyo, hatua inayolenga kuboresha huduma za afya na kupunguza changamoto za upatikanaji wa matibabu kwa wananchi wa Msambara na maeneo jirani.

Furaha hiyo imejidhihirisha kupitia mwitikio wa wananchi katika mkutano wa hadhara uliofanyika baada ya viongozi kutembelea eneo la mradi, ambapo wananchi wameahidi kushirikiana na Serikali katika hatua zote za ujenzi ili kuhakikisha kituo hicho kinakamilika kwa wakati na kinakuwa na manufaa yaliyokusudiwa kwa jamii.

Akizungumza katika mkutano huo, Mwenyekiti wa Halmashauri ya Mji Kasulu, Ayubu Ngalaba Kilugu, amesisitiza umuhimu wa ushirikiano kati ya wananchi na viongozi katika kusimamia na kutekeleza miradi ya maendeleo huku akiwataka wananchi kuendelea kuunga mkono juhudi za Serikali zinazolenga kuboresha maisha yao.

Kwa upande wake, Mkurugenzi wa Halmashauri ya Mji Kasulu, Mwl. Vumilia Julius Simbeye, amewahimiza wananchi kushiriki kikamilifu katika shughuli za ujenzi na kuwa tayari kujiunga na kamati zitakazoundwa kwa ajili ya kusimamia mradi, kulinda vifaa na kuhakikisha miundombinu inayojengwa inatunzwa wakati wa utekelezaji na baada ya kukamilika.

Naye Mganga Mkuu wa Halmashauri hiyo, Nangi W. Nangi, ametoa wito kwa wananchi kutumia fursa ya Bima ya Afya kwa Wote ili kurahisisha upatikanaji wa huduma za matibabu akiwakumbusha kuzingatia kanuni za afya na usafi wa mazingira ili kujikinga na magonjwa ya mlipuko ikiwemo kipindupindu pamoja na kujenga uelewa kuhusu kinga dhidi ya ugonjwa wa Ini.

Wananchi wameishukuru Serikali kwa kutenga fedha hizo, wakieleza kuwa kukamilika kwa kituo hicho kutakuwa suluhisho muhimu kwa changamoto za huduma za afya, ikiwemo kupunguza umbali wa kufuata matibabu na kuboresha upatikanaji wa huduma kwao na wakazi wa maeneo jirani.

26/10/2026

WANANCHI KATA YA RUHITA WAPOKEA KWA SHANGWE TAARIFA YA UJENZI WA KITUO CHA AFYA, ZAIDI YA SHILINGI MILIONI 838.612 KUTUMIKA.

Wananchi wa Kata ya Ruhita,Halmashauri ya Mji Kasulu, Mkoni Kigoma wamejitokeza kwa wingi katika mkutano wa hadhara kupokea taarifa ya Serikali kutoa zaidi ya shilingi milioni 838.612 kwa ajili ya ujenzi wa Kituo cha Afya hatua inayolenga kuimarisha upatikanaji wa huduma za afya kwa wananchi wa kata hiyo na maeneo jirani.

Akizungumza katika mkutano huo, Mwenyekiti wa Halmashauri ya Mji Kasulu, Ayubu Ngalaba Kilugu, amewataka wananchi kuthamini juhudi za Serikali katika kuwaletea maendeleo na kushirikiana na viongozi kuhakikisha miradi inayotekelezwa inakamilika kwa mafanikio.

Kwa upande wake, Kaimu Mkurugenzi wa Halmashauri hiyo, Nurfus Azizi Ndee, amewahimiza wananchi kushiriki katika maandalizi ya ujenzi ikiwemo usafishaji wa eneo la mradi.

Naye, Mganga Mkuu wa Halmashauri ya Mji Kasulu, Nangi W. Nangi, amewahimiza wananchi kutumia fursa ya Bima ya Afya kwa Wote ili kurahisisha upatikanaji wa huduma za matibabu huku akisisitiza umuhimu wa kuchukua tahadhari dhidi ya magonjwa ya mlipuko yakiwemo kipindupindu pamoja na ugonjwa wa Ini.

Kwa upande wao, wananchi wameishukuru Serikali kwa kutenga fedha hizo, wakieleza kuwa kukamilika kwa kituo hicho kutapunguza changamoto za upatikanaji wa huduma za afya na kuahidi kushirikiana na viongozi katika hatua mbalimbali za utekelezaji wa mradi huo ili kuhakikisha unakamilika kwa wakati.

25/10/2026

25/10/2026

KASULU MJI YAICHAPA KASANDA 2–1 KATIKA MCHEZO WA KIRAFIKI.

Ushindi wa magoli 2–1 umetosha kuwapa tabasamu watendaji wa Halmashauri ya Mji Kasulu, baada ya timu yao ya mpira wa miguu kuibuka na ushindi dhidi ya timu ya watumishi wa umma wa Kata ya Kasanda, Halmashauri ya Wilaya ya Kakonko katika mchezo wa kirafiki uliojaa ushindani mkubwa.

Mchezo huo uliofanyika katika viwanja vya Kibogora ulikuwa na lengo la kuimarisha uhusiano na mshikamano miongoni mwa watumishi hao, pamoja na kukuza fursa za maendeleo kupitia michezo.

Tunawapongeza wapambanaji wote kwa moyo wa kujituma, nidhamu na uzalendo katika kuipambania Halmashauri ya Mji Kasulu.