Nyang'hwaledc Online

22/10/2026

WATUMISHI WAPEWA MAFUNZO YA USIMAMIZI WA UTENDAJI KAZI.

Mkurugenzi msaidizi Ndg. Priscus Tairo jana Oktoba 21, 2026 ameongoza Tumu ya Wataalamu kutoka Ofisi ya Rais - Menejimenti ya Utumishi wa Umma na Utawala bora kutoa mafunzo ya mfumo wa kieletroniki wa Usimamizi wa utendaji kazi kwa Watumishi.

Aidha, Watumishi wametakiwa kuzingatia mafunzo hayo kwa lengo kuimarisha uwajibikaji na kuongeza ufanisi ili kuboresha utoaji wa huduma kwa Wananchi.

20/10/2026

Mkuu wa Wilaya ya Nyang’hwale Mhe. Dkt. Khamis Mkanachi amewataka Vijana wa Jeshi la Akiba kushirikiana na Wananchi katika kutambua na kutoa taarifa kuhusu viashiria vya uvunjifu wa amani, pamoja na kushiriki kikamilifu katika kulinda usalama wa Jamii.

Ameyasema hayo leo Oktoba 20, 2026 akiwa katika uzinduzi wa mafunzo ya Jeshi la Akiba kikosi cha 10, 2026 uliyofanyika katika Ofisi ya Mkuu wa Wilaya.

Aidha, amewataka washiriki wa mafunzo hayo kuwa wazalendo kwa kuweka mbele maslahi ya Taifa, kuheshimu sheria na taratibu za nchi, pamoja na kutekeleza majukumu yao kwa nidhamu, uadilifu na uwajibikaji.

Vilevile, Katibu Tawala Wilaya Ndg. Jane Malongo ametoa rai kwa Vijana wanaopata mafunzo ya Jeshi la Akiba kutumia fursa ya Mikopo ya asilimia 10 kujikwamua kiuchumi.

Pamoja na mambo mengine, mafunzo ya Jeshi la Akiba yanalenga kufundisha Wananchi kuwa Wazalendo, kulinda usalama katika Jamii na kudumisha amani na utulivu.

19/10/2026

SUNDAY DEOGRATIAS AKABIDHI OFISI YA MKURUGENZI MTENDAJI WA HALMASHAURI YA WILAYA YA LUDEWA.

Mkurugenzi Mtendaji wa Halmashauri ya Wilaya ya Nyang'hwale ambaye aliyekuwa Mkurugenzi Mtendaji wa Halmashauri ya Wilaya ya Ludewa, Ndg. Sunday Deogratias leo Oktoba 19, 2026 amekabidhi rasmi ofisi kwa Mkurugenzi Mtendaji mpya wa Halmashauri hiyo, Ndg. Khalid Khalif katika hafla ya makabidhiano.

Makabidhiano hayo yamefanyika mbele ya Mwenyekiti wa Halmashauri ya Wilaya ya Ludewa, Mhe. Wise Mgina, na kushuhudiwa na Katibu Tawala wa Wilaya ya Ludewa, Ndg. Omary Mkangama pamoja na Viongozi na Watumishi wengine wa Halmashauri.

Aidha, Makabidhiano hayo yanaashiria kukamilika kwa hatua ya uhamisho wa majukumu ya Uongozi na kufungua ukurasa mpya wa utendaji kwa lengo la kuendeleza shughuli za maendeleo na kuboresha utoaji wa huduma kwa Wananchi.

18/10/2026

Mtihani mwema Kidato cha Nne.

15/10/2026

Mkuu wa Wilaya ya Nyang'hwale Mhe. Dkt. Khamis Mkanachi amewataka Watumishi kutumia taaluma, ujuzi na uzoefu wao katika kutatua changamoto zinazowakabili Wananchi ili kuhakikisha wanapata huduma bora, zenye ufanisi na zinazokidhi mahitaji yao.

Ameyasema hayo leo Oktoba 15, 2026 katika kikao na Watumishi wa Makao Makuu ya Halmashauri, kilichofanyika katika ukumbi wa Halmashauri.

Aidha, Watumishi wamejengewa uwezo na kupewa elimu ya namna ya kukabiliana na matatizo ya Afya ya akili ili kuweza kufanya kazi kwa weledi.

Vilevile, Afisa Utumishi Wilaya Bi. Sarah Mwasangama amewakumbusha Watumishi kuendelea kufanya kazi kwa kuzingatia Kanuni, taratibu na Sheria za Utumishi wa Umma.

14/10/2026

12/10/2026

Halmashauri kupitia Kampuni Tanzu inawakaribisha Wakulima wenye namba ya Mkulima kununua Mbolea aina ya NPS kwa ajili ya kupandia na kukuzia kwa bei ya Ruzuku.

12/10/2026

Kaimu Mkurugenzi wa Halmashauri ya Wilaya ya Nyang'hwale Ndg. Ezekiel Ntiriyo leo Oktoba 12, 2026 amefungua mafunzo ya Mfumo wa Fursa na Vikwazo kwa Maendeleo (O&OD) ulioboreshwa kwa Wataalamu wa Tarafa ya Msalala, yenye lengo la kuwaongezea uelewa na uwezo katika kupanga na kutekeleza mipango ya maendeleo inayozingatia mahitaji na vipaumbele vya Wananchi.

Mafunzo hayo yanalenga kuwawezesha wataalamu kutumia mfumo huo katika kubaini fursa zilizopo katika maeneo yao, kutambua vikwazo vinavyokwamisha maendeleo na kuweka mikakati madhubuti ya kukabiliana na changamoto hizo kwa kushirikisha Wananchi.

Aidha, kupitia mfumo wa O&OD ulioboreshwa, Wataalamu wanatarajiwa kuimarisha ushiriki wa Wananchi katika hatua mbalimbali za mchakato wa maendeleo, ikiwemo kutambua mahitaji, kupanga vipaumbele na kusimamia utekelezaji wa shughuli za maendeleo katika maeneo yao.

Mafunzo hayo ni sehemu ya juhudi za kuimarisha utendaji wa Wataalamu katika ngazi ya Jamii na kuhakikisha mipango ya maendeleo inazingatia uhalisia wa mahitaji ya Wananchi, rasilimali zilizopo na fursa zinazoweza kutumika kuleta maendeleo endelevu.

08/10/2026

Mkuu wa Wilaya ya Nyang’hwale Mhe. Dkt. Khamis Mkanachi amekabidhiwa rasmi Ofisi ya Mkuu wa Wilaya kufuatia mabadiliko ya kiutumishi yaliyofanywa na Serikali.

Makabidhiano hayo yamefanyika leo Oktoba 08, 2026 katika Ofisi ya Mkuu wa Wilaya, ambapo viongozi pamoja na Watumishi wamelishiriki katika hafla hiyo na kumpokea Mkuu wa Wilaya kwa kumtakia utendaji mwema katika kutekeleza majukumu yake.

Aidha, baada ya kukabidhiwa Ofisi, Mhe. Dkt. Mkanachi amewashukuru Watumishi kwa mapokezi mazuri, ambapo pia ameeleza dhamira yake ya kushirikiana na Watumishi na Wadau mbalimbali katika kusimamia utekelezaji wa shughuli za Serikali na kuimarisha utoaji wa huduma kwa Wananchi.

Vilevile, Mkuu wa Wilaya Mhe. Grace Kingalame amemewashukuru Viongozi, Watumishi na Wananchi kwa ushirikiano alioupata katika kipindi cha uongozi wake.

08/10/2026

Mkurugenzi Mtendaji wa Halmashauri ya Wilaya ya Nyang’hwale Ndg. Sunday Deogratias leo Oktoba 08, 2026 amekabidhiwa rasmi Ofisi ya Mkurugenzi Mtendaji ya Nyang'hwale, ambapo amewashukuru Watumishi kwa mapokezi mazuri.

Makabidhiano hayo yamefanyika kwa lengo la kuhakikisha mwendelezo wa utoaji wa huduma bora kwa Wananchi wa Nyang’hwale.

Aidha, Mkurugenzi Mtendaji amewataka Watumishi kuendelea kusimamia na kuongeza kasi ya ukusanyaji wa mapato ya Halmashauri kwa kuzingatia sheria, taratibu na miongozo ya Serikali.

Vilevile, Mkurugenzi Mtendaji Bi. Husna Toni amewashukuru Watumishi na Wananchi wa Nyang’hwale kwa ushirikiano alioupata katika kipindi cha uongozi wake.

Makabidhiano hayo yanaashiria mwendelezo wa utumishi wa umma na utekelezaji wa shughuli za maendeleo katika Halmashauri ya Wilaya ya Nyang’hwale.